Yeˬlaˬmiˇ 23:20 - Akha

²⁰ Aˬ yawꞈ nui noeˬ maˬ mˇ li kʼoeˇ keuˆ ni, Sahˬpaˬ Miˬyehˇ nui pehˇ maˬ shuꞈ-iˇ-aˇ.”

Yeˬlaˬmiˇ 23:20 Referans Kwoze

Yeˬlaˬmiˇ 30:24

Sahˬpaˬ Miˬyehˇ-euˬ nui ma pehˇ-eu jeˬ, guˆ dui dui laˇ paˬ-ehˇ gʼeh-awˇ, nui kʼahˇ maˬ mˇ li kʼoeˇ keuˆ ni, nui pehˇ shuꞈ-iˇ-eu maˬ baw-a. Mehˬ hu paw dehꞈ gʼeh-eu aˇ yamˬ laꞈ kʼoeˇ, aˬ yawꞈ-euˬ tsawˇ haˬ deuˬ gaˇ kawˆ heu ya siˬ duˬ tehꞈ-a.

Iˇsaˬyaˇ 55:11

ngaˬ-euˬ kʼaˬ meh-ahˇ pyehˬ doˆ-euˬ dawˬ kʼawꞈ, ngaˬ-euˬ nui kʼahˇ mˇ byah yaꞈ-awˇ, ngaˬ neh kʼaˇ kʼehˇ-euˬ jeˬ maˬ mˇ luiˆ kʼoeˇ keuˆ ni, ngaˇ jawˇ gaˇ yawˬ ngehꞈ-ehˇ maˬ gʼoꞈ laˇ-a.

Zaˬkaˬliˇ 1:6

Miˬyehˇ gʼaˇ duˬ ngehˬ dah-eu ngaˬ-euˬ zaˬ kʼaˆ deuˬ-ahˇ kʼehˇ-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ-euˬ dawˬ biꞈ-eu laꞈ kʼoeˇ, dehꞈ paˇ-eu gʼaˇ duˬ yaw kʼaˆ kʼaˆ-ehˇ mehˬ nehˬ-euˬ kʼawꞈ, aˬ yawꞈ maꞈ maˬ naˇ haˬ geuꞈ-euˬ miˇ neh, yaw kʼaˆ-ehˇ ya shaˬ-euˬ meh. Kʼoeˇ naˇ, aˬ yawꞈ maꞈ iˬ baˇ noeˬ poˆ-awˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ-aˬ, ngaˬ neh noeˬ tsehˆ taˬ-euˬ loꞈ-ehˇ, aˬ yawꞈ maꞈ-ahˇ oꞈ-eu geuˇ-eu kʼehˬ-eu kʼaˆ-eu jeˬ bi keuˆ le-euˬ meh lehˇ, aˬ yawꞈ maꞈ noeˬ siˬ noeˬ mawˇ-euˬ meh.”

Iˇsaˬyaˇ 14:24

Baoˬ huiˬ-eu Sahˬpaˬ Miˬyehˇ ehˇ-eu, “Ngaˬ neh kʼaˇ lehˬ hmˬ taˬ-euˬ jeˬ keuˆ le-awˇ, ngaˇ kʼaˇ noeˬ tsehˆ taˬ-euˬ jeˬ pyeuꞈ laˇ tehꞈ-a.

Dawqdaq 21:30

Tsawˇ haˬ zaˬ-euˬ nui gahˇ, tsawˇ gahˇ hawˇ-eu bym-eu nya-eu jeˬ, Sahˬpaˬ Miˬyehˇ nui ma maˬ tsaˬ naˇ gaˇ dahˇ maˬ tsoeˬ-a.

Aˇ dahˬ 49:1

Aˬ yawꞈ-euˬ aˬ li deuˬ-ahˇ Yaˬkoˆ kuˇ uiˬ jiˇ-awˇ, heu loꞈ-ehˇ ehˇ nehˬ-euˬ meh. Heu gaˇ uiˬ laˇ-awˬ. Aˬ kaˇ naw maꞈ-euˬ mehˬ shi keuˆ le-eu gaˇ kawˆ ngaˇ naw maꞈ-ahˇ ehˇ nehˬ nyaˇ.

2 Sahˬpaˬ 23:26

Ehˇ kʼawꞈ, Sahˬpaˬ Miˬyehˇ nui ma pehˇ ni sahˬ paˬ Maˬnaˇseˬ neh mˇ yaꞈ-eu gaˇ deuˬ baˬ da neh, Yuˇdaˆ miˇ kʼahˬ-ahˇ Sahˬpaˬ Miˬyehˇ nui ma pehˇ-eu maˬ taˬ leˇ-a.

1 Sahˬpaˬ 8:47

nawˬ-euˬ tsawˇ haˬ kʼoeˇ deuˬ-euˬ guiˬ lahˬ shaˇ dawˬ-ahˇ nawˇ naˇ haˬ nehˬ-awˬ. Miˇ kʼahˬ kʼoeˇ kʼahˬ laꞈ kʼoeˇ aˬ yawꞈ maꞈ iˬ baˇ noeˬ poˆ-awˇ, aˬ yawꞈ maꞈ maˬ tsaˬ maˬ dawˇ-eu laꞈ kʼoeˇ dehꞈ-euˬ miˇ neh, yawˬ ha iˬ baˇ huiˬ dui dui-eu gaˇ kawˆ ja doˆ-awˇ nawˬ-ahˇ guiˬ lahˬ shaˇ naˇ, Sahˬpaˬ Miˬyehˇ-oˇ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-awˬ.

Dawˬmehˬ 4:30

Shaˬ-eu zahˬ-eu jeˬ-ahˇ naw maꞈ ya tahˬ puˬ-awˇ, kʼoeˇ deuˬ dawˬ tawˆ luꞈ naw maꞈ kʼoeˇ taˆ keuˆ le naˇ, aˇ saˬ saˬ laˇ ngeh Sahˬpaˬ Miˬyehˇ jawˇ gaˇ naw maꞈ paˇ gʼoꞈ kʼoꞈ laˇ-awˇ, aˬ yawꞈ-euˬ ehˇ dawˬ naˇ haˬ tehꞈ-a.

2 Sahˬpaˬ 23:27

“Iˇsaˬleˬlaˆ miˇ kʼahˬ-ahˇ ngaˬ neh jahˇ nehˬ-euˬ loꞈ-ehˇ, Yuˇdaˆ miˇ kʼahˬ-ahˇ kʼawꞈ jahˇ nehˬ ma. Yuˇdaˆ miˇ kʼahˬ zaˬ deuˬ-ahˇ, ngaˇ maˬ mawˇ gaˇ bi iˇ byoˆ jiˇ-awˇ, ngaˬ neh tseˇ doˆ-euˬ Yeˬluˇsaˬlehˬ meuˬ hawˇ-eu, ngaˬ-ahˇ uˬ duˬ ya tahˬ-eu jawˇ duˬ meh lehˇ ngaˬ neh ehˇ taˬ-euˬ Uˬ duˬ tahˬ nymˇ nymˇ ma-ahˇ kʼawꞈ, ngaˇ byehˇ dzeh nehˬ ma” lehˇ, Sahˬpaˬ Miˬyehˇ ehˇ-eu meh.

Yeˬlaˬmiˇ 4:28

Miˇ tsaˬ tahˬ kʼawˇ tsawˇ ngoeˇ ngoeˇ-awˇ, mˬ naˆ-iˇ tehꞈ-a. Sahˬpaˬ Miˬyehˇ ehˇ tsehˆ-euˬ jeˬ, laˆ poˆ laˆ paˇ maˬ mˇ nya-a. Aˬ yawꞈ neh ya noeˬ tsehˆ-euˬ jeˬ, maˬ paˇ sheu pyawˆ nya meh.

Yeˬlaˬmiˇ 51:12

Baˬbuˇloˬ meuˬ lahˇ-ahˇ deuˆ-eu gʼaˇ duˬ paˇ loˬ paˇ lehˇ baꞈ tuˇ nehˬ-awˬ. Guiˇ daˬ daˬ-eu deuˬ hawˇ-eu guiˇ loꞈ loꞈ-eu deuˬ bi iˇ lahˬ-awˬ. Tsawˇ haˬ pyehˬ gʼeh-awˇ, guiˇ deuˆ kʼoeˬ bi kʼoeˬ-awˬ.” Baˬbuˇloˬ miˇ kʼahˬ-ahˇ jahˇ nehˬ ma lehˇ ehˇ taˬ-euˬ loꞈ-ehˇ Sahˬpaˬ Miˬyehˇ jahˇ-euˬ meh.

Yeˬsaˬgeˬlaˇ 21:5

Sahˬpaˬ Miˬyehˇ pyeuꞈ-eu ngaˇ mi cehˇ gʼawˇ doˆ-awˇ, tawˆ kʼawˆ laꞈ kʼoeˇ maˬ paˇ soeˬ ahˇ kʼoꞈ ngaˇ lehˇ, yawˬ gʼaˬ na luꞈ ya siˬ duˬ tehꞈ-a.

Yeˬsaˬgeˬlaˇ 21:10

Naˇ guiˇ guiˇ ni siˬ taˆ taˬ-euˬ, tsawˇ haˬ zaˬ-ahˇ sehꞈ-eu mi cehˇ, Mehˬ paˇ tsoˆ paˇ-euˬ dawˬ hawˇ-eu, diˬ paˇ dzaw paˇ nehˬ-euˬ jeˬ-ahˇ, ngaˬ-euˬ tsawˇ haˬ maˬ naˇ haˬ-ehˇ, nui ma saˇ-eu maˬ paˇ oꞈ meh.