Yeˬlaˬmiˇ 23:19 - Akha

¹⁹ Aˬ yawꞈ nui ma pehˇ-eu jeˬ-aˬ, haiˬ-eu tsawˇ haˬ deuˬ-euˬ uˬ duˬ-ahˇ ciˬ tahˬ-eu, mˬ jeˬ jaˬ lehˇ-ahˇ duˇ-eu meh.

Yeˬlaˬmiˇ 23:19 Referans Kwoze

Yeˬlaˬmiˇ 30:23

Haw yawˬ. Sahˬpaˬ Miˬyehˇ nui ma pehˇ-eu mˬ jeˬ jaˬ lehˇ, miˬ dzaˬ loꞈ-ehˇ luˬ doˆ laˇ-awˇ, haiˬ-eu tsawˇ haˬ deuˬ-euˬ uˬ duˬ uˬ taˆ, jaˬ lehˇ lehˇ zeuˆ loꞈ-ehˇ keuˆ le tehꞈ-a.

Yeˬlaˬmiˇ 25:32

Baoˬ huiˬ-eu Sahˬpaˬ Miˬyehˇ ehˇ gaˇ naˇ haˬ sheˇ. Haw yawˬ. Miˇ kʼahˬ tiˬ kʼahˬ saˇ-iˬ tiˬ kʼahˬ-ahˇ, guˆ-eu gaˆ-eu jeˬ keuˆ le luꞈ-eu meh. Huiˬ dui dui-eu mˬ jeˬ jaˬ lehˇ, mˬ dzeˇ miˇ dzeˇ paw neh laˇ luꞈ-eu meh.

Aˬmoˆ 1:14

Kʼoeˇ miˇ neh, Laˬbah meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ-ahˇ ngaˇ keuˬ dzeh ma. Kʼoeˇ naˇ, guiˇ deuˆ ngeh nah yaw kʼaˆ-ehˇ guˇ-eu teˇ saˇ ya gaˬ-awˇ, jaˬ lehˇ lehˇ ma baw-eu loꞈ-ehˇ guiˇ deuˆ dui dui tehꞈ-a.

Iˇsaˬyaˇ 21:1

Heu-aˬ, Baˬbuˇloˬ meuˬ-ahˇ taꞈ-eu Miˬyehˇ-euˬ dawˬ meh. Kʼaˇ shuiꞈ deh ga nyiˬ tsehˆ-ehˇ baw gʼeh leꞈ-eu, guˆ laˇ paˬ-ehˇ gʼeh-eu jaˬ lehˇ lehˇ zeuˆ loꞈ-ehˇ, guˆ laˇ paˬ-ehˇ gʼeh-eu miˇ kʼahˬ paw neh, guˆ-eu gaˆ-eu jeˬ keuˆ le tehꞈ-a.

Dawqdaq 10:25

Jaˬ lehˇ lehˇ ma oe-awˇ haiˬ-eu deuˬ-ahˇ hehˇ dzaˬ gʼeh kʼawꞈ, yaw tsaˬ yaw dawˇ deuˬ ziꞈ dah ni jawˇ-eu meh.

Zaˬkaˬliˇ 9:14

Aˬ yawꞈ-euˬ tsawˇ haˬ deuˬ kʼoeˇ taˆ, Sahˬpaˬ Miˬyehˇ doˆ le tehꞈ-a. mˬ jeˬ tsawˬ tehˆ tehˆ-eu loꞈ-ehˇ, aˬ yawꞈ kaˆ myaˬ beuˆ leꞈ tehꞈ-a. Dawˬ tawˆ kʼoeˇ taˆ uˆ lahˇ luꞈ-eu, Sahˬpaˬ Miˬyehˇ daˇ heh baw-awˇ, laꞈ oˆ paw neh baw daˆ laꞈ-euˬ, jaˬ lehˇ lehˇ ma dziˬ laꞈ tehꞈ-a.

Yeˬlaˬmiˇ 4:11

Kʼaˇ shuiꞈ deh ga paw neh lahˇ dui dui-eu jaˬ lehˇ baw gʼeh leꞈ luꞈ meh lehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ ya ehˇ nehˬ-eu aˇ yamˬ keuˆ laˇ-euˬ meh. Jaˬ lehˇ kʼoeˇ-aˬ, jaˆ guˆ jaˆ meuꞈ deuˬ-ahˇ baw dzeh-eu jaˬ lehˇ naˆ ni tehꞈ-ehˇ kʼaˆ-eu maˬ ngeuˇ-a.

Iˇsaˬyaˇ 40:24

Aˬ yawꞈ maꞈ-aˬ ka-euˬ tiˬ dehˬ pyeuꞈ-awˇ, duˬ ciˇ maˬ toeˬ ziꞈ-euˬ sahˬ lahˬ-ahˇ duˇ-eu meh. Sahˬpaˬ Miˬyehˇ jaˬ lehˇ bi baw laꞈ ngeh, aˬ yawꞈ maꞈ koˆ-iˇ-awˇ gʼoˆ yoeˬ loꞈ-ehˇ bi baw byoˆ gʼeh-eu meh.

Dawqdaq 1:27

Shaˬ zahˬ jaˬ lehˇ lehˇ ma oe-awˇ, guˆ-eu gaˆ-eu jaˬ lehˇ lehˇ zeuˆ keuˆ le ngeh, naw maꞈ laˇ baˇ-iˇ tehꞈ-a.

Jaceuq 58:9

Aˬ yawꞈ maꞈ-ahˇ maˬ siˬ leˇ mi naˆ-ehˇ, yaˇ moꞈ loꞈ-ehˇ bi myaˬ dzeh jiˇ tehꞈ-a. Miˬyehˇ nui ma pehˇ-eu laꞈ kʼoeˇ, aˬ yawꞈ maꞈ yaw dehꞈ-ehˇ jawˇ gaˇ myaˬ dzeh nehˬ tehꞈ-a.

Yeˬlaˬmiˇ 51:1

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ miˇ kʼahˬ hawˇ-eu Baˬbuˇloˬ tsawˇ haˬ deuˬ kʼoeˇ taˆ, laˆ cawˆ-eu jaˬ lehˇ tiˬ bahˬ bi oe-eu lehˇ ngaˇ gʼeh-eu ma.

Yeˬsaˬgeˬlaˇ 1:4

Ngaˇ haw daˆ gʼeh ngeh, laꞈ taˆ paw pyawˬ-ahˇ neh jaˬ lehˇ lehˇ ma oe luꞈ-eu mawˇ-euˬ ma. Huiˬ dui dui-eu mˬ dmˇ laꞈ kʼoeˇ mˬ myawꞈ myawꞈ luꞈ-awˇ, kʼoeˇ-euˬ tiˬ jawˬ mˬ bya cehˆ ni jaˆ luꞈ-eu meh. Mˬ myawꞈ myawꞈ-eu laꞈ kʼoeˇ, guiˬ shuiˇ loꞈ-ehˇ guiˇ nyiˬ ni tiˬ jeˬ mawˇ laˇ-eu meh.

Zaˬkaˬliˇ 7:14

Jaˬ lehˇ lehˇ ma baw-eu loꞈ-ehˇ, aˬ yawꞈ maꞈ-ahˇ aˬ cawˬ miˇ kʼahˬ doe ni baw dzeh gʼeh-awˇ bi jawˇ byaˆ jiˇ-awˇ, muiˬ-eu miˇ kʼahˬ heu kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ dzeˇ ni bi pyeuꞈ-iˇ-euˬ ma.”

Yeˬlaˬmiˇ 25:31

Teˇ saˇ kʼoeˇ mˬ dzeˇ miˇ dzeˇ-ahˇ tahˬ-iˇ tehꞈ-a. Aˬ jeˬ miˇ neh ehˇ naˇ, miˇ kʼahˬ tsawˇ jeuˬ deuˬ-ahˇ, Sahˬpaˬ Miˬyehˇ yaˇ kʼaˬ ja le tehꞈ-a. Tsawˇ haˬ dawˬ tawˆ luꞈ-ahˇ aˬ yawꞈ yaˇ kʼaˬ daˇ-awˇ, maˬ tsaˬ maˬ dawˇ-eu deuˬ bi shiˇ ma’ lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 30:24

Sahˬpaˬ Miˬyehˇ-euˬ nui ma pehˇ-eu jeˬ, guˆ dui dui laˇ paˬ-ehˇ gʼeh-awˇ, nui kʼahˇ maˬ mˇ li kʼoeˇ keuˆ ni, nui pehˇ shuꞈ-iˇ-eu maˬ baw-a. Mehˬ hu paw dehꞈ gʼeh-eu aˇ yamˬ laꞈ kʼoeˇ, aˬ yawꞈ-euˬ tsawˇ haˬ deuˬ gaˇ kawˆ heu ya siˬ duˬ tehꞈ-a.

Yeˬsaˬgeˬlaˇ 13:13

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ nui ma pehˇ-eu laꞈ kʼoeˇ, jaˬ lehˇ lehˇ ma bi baw leꞈ-awˇ, uˬ yehˇ yehˇ ma bi yehˇ le-awˇ, uˬ yehˇ aˇ siˬ kʼawꞈ bi ga le-eu laꞈ kʼoeˇ, meuˬ meuˬ lahˇ kʼoeˇ-ahˇ laˆ cawˆ nehˬ ma.