Yeˬlaˬmiˇ 23:17 - Akha

¹⁷ Ngaˬ-euˬ ehˇ dawˬ maˬ naˇ haˬ-eu tsawˇ haˬ deuˬ-ahˇ, nui saˇ oꞈ tehꞈ-a lehˇ aˬ yawꞈ maꞈ gʼaˬ biꞈ-awˇ, nui ma gʼahˇ dui dui-eu tsawˇ haˬ yawˬ gʼaˬ na luꞈ-ahˇ, shaˬ zahˬ maˬ puˬ le-aˇ lehˇ aˬ yawꞈ maꞈ gʼaˬ baꞈ baꞈ-eu meh.”

Yeˬlaˬmiˇ 23:17 Referans Kwoze

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Yeˬlaˬmiˇ 13:10

Haiˬ-eu tsawˇ haˬ kʼoeˇ deuˬ ngaˬ-euˬ ehˇ dawˬ-ahˇ maˬ naˇ haˬ geuꞈ-a. Dzeuˇ laˇ ngeh loꞈ-ehˇ aˬ yawꞈ maꞈ nui ma gʼahˇ-awˇ haiˬ-eu laꞈ kʼoeˇ, miˬ yehˇ nui deuˬ-ahˇ uˬ duˬ tahˬ-awˇ miˬ yehˇ kʼoeˇ deuˬ-euˬ nui kʼahˇ mˇ-eu meh. Kʼoeˇ miˇ neh, peuˬ-iˇ-euˬ joꞈ paꞈ kʼoeˇ kahˇ loꞈ-ehˇ aˬ yawꞈ maꞈ ya cawˆ-iˇ tehꞈ-a.

Aˬmoˆ 9:10

‘Maˬ muiˬ-eu jeˬ aˬ dui kʼoeˇ taˆ keuˆ le ni Miˬyehˇ maˬ jahˇ-aˇ’ lehˇ ehˇ luꞈ-eu iˬ baˇ ahˇ-eu ngaˬ-euˬ tsawˇ haˬ deuˬ, guiˇ deuˆ-eu laꞈ kʼoeˇ ya shiˇ tehꞈ-a.”

Miˇkaˬ 3:5

Aˇ poeˬ biꞈ nya-eu tsawˇ haˬ deuˬ-ahˇ “Naw maꞈ-ahˇ Miˬyehˇ guiˬ lahˬ biꞈ-eu laꞈ kʼoeˇ yaw saˇ saˇ-ehˇ ya dehꞈ tehꞈ-a” lehˇ ehˇ nehˬ-awˇ, aˇ poeˬ maˬ biꞈ-eu tsawˇ haˬ deuˬ-ahˇ, “Naw maꞈ-ahˇ Miˬyehˇ laˆ cawˆ tehꞈ-a” lehˇ ehˇ-eu Miˬyehˇ gʼaˇ duˬ ngehˬ dah-eu deuˬ neh, ngaˬ-euˬ tsawˇ haˬ deuˬ gaˇ ma bi sheuˬ bahˬ-euˬ meh. Kʼoeˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Yeˬlaˬmiˇ 9:14

Aˬ yawꞈ maꞈ-euˬ aˬ poeˬ aˬ bawˇ deuˬ neh mehˬ nehˬ yaꞈ-euˬ loꞈ-ehˇ, aˬ yawꞈ maꞈ nui ma gʼahˇ-eu laꞈ kʼoeˇ, Baˬlaˇ miˬ yehˇ-euˬ tahˬ pahˬ aˬ ma mawˇ kawˇ deuˬ-ahˇ, uˬ duˬ tahˬ-euˬ meh.

Yeˬlaˬmiˇ 8:11

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ, aˬ gah heu-euˬ naˆ tehꞈ-ehˇ sawˇ-awˇ, maˬ taˬ leˇ-euˬ gaˇ taˬ leˇ gʼaˬ-euˬ meh lehˇ ehˇ-eu meh.

Yeˬlaˬmiˇ 5:12

Sahˬpaˬ Miˬyehˇ-euˬ tsawˇ haˬ deuˬ, Sahˬpaˬ Miˬyehˇ-ahˇ yaw zeu maˬ baw-ehˇ, heu loꞈ-ehˇ ehˇ-eu meh. “Aˬ dui-ahˇ aˬ yawꞈ tiˬ jeˬ-iˬ maˬ jahˇ laˇ-aˇ. Aˬ dui shaˬ zahˬ naꞈ gaˇ maˬ ya keuˆ-aˇ. Mehꞈ-eu shuꞈ-eu hawˇ-eu miˬ siˬ miˬ kaˆ, aˬ dui kʼoeˇ taˆ maˬ keuˆ le-aˇ.

Dawˬmehˬ 29:19

Iˬ nah heu gaˇ yawꞈ luꞈ-eu tsawˇ haˬ deuˬ laꞈ kʼoeˇ, dawˬ ma saˇ jaˇ heu-ahˇ ya gaˬ gʼaˬ-euˬ kʼawꞈ, nui ma gʼahˇ-eu laꞈ kʼoeˇ, yawˬ ha kʼaˇ dehꞈ mawꞈ-eu loꞈ-ehˇ dehꞈ kʼawꞈ yaw muiˬ paˬ-ehˇ ya dehꞈ dzaˬ tehꞈ-a lehˇ tsawˇ haˬ tiˬ gʼaˬ-iˬ maˬ ya noeˬ ni yaw kʼaˆ kʼaˆ-ehˇ yahˇ-awˬ. Kʼoeˇ loꞈ-ehˇ noeˬ-eu jeˬ-aˬ, naw maꞈ dawˬ tawˆ luꞈ-ahˇ yaw muiˬ yaw doeˇ maˬ tseˇ ni, laˆ luˬ laˆ seˇ-eu jeˬ bi keuˆ le tehꞈ-a.

Zaˬkaˬliˇ 10:2

Tahˬ pahˬ, shaˆ ma, nyiˇ paˬ deuˬ-ahˇ, tsawˇ haˬ zaˬ jah-awˇ gʼoe-euˬ kʼawꞈ, kʼaˇ ehˇ kʼaˇ jeˬ yaw lehˬ tehꞈ meh. Yuꞈmaˆ dawˬ tsuiꞈ yuˇ doˆ-eu deuˬ, jaˬ myawꞈ myawꞈ-euˬ loꞈ-ehˇ pyeuꞈ-awˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ miˇ neh miˇ kʼahˬ zaˬ kʼoeˇ deuˬ, byoˆ-iˇ-euˬ yawˇ yawˇ maꞈ loꞈ-ehˇ, sheuˬ gʼeh nehˬ-eu gʼaˬ maˬ jawˇ ni, cah cah-ehˇ shaˬ gaˇ duˇ-eu meh.

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.

Yeˬsaˬgeˬlaˇ 13:10

“Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-aˬ, nui saˇ oꞈ-eu jeˬ maˬ jaˆ gaˇ, nui saˇ oꞈ-eu jeˬ jaˆ meh lehˇ ehˇ-awˇ, ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ nehˬ-euˬ meh. Ngaˬ-euˬ tsawˇ haˬ deuˬ yaw muiˬ paˬ-ehˇ maˬ gawˬ ziꞈ taˬ-euˬ meuˬ lahˇ-ahˇ, Miˬyehˇ gʼaˇ duˬ ngehˬ dah-eu kʼoeˇ deuˬ lu boeˬ lehꞈ pyuˇ-euˬ meh.

Yeˬlaˬmiˇ 18:18

Aˬ yawꞈ maꞈ ehˇ-eu, “Yeˬlaˬmiˇ-ahˇ tiˬ jeˬ paˬ jahˇ nehˬ kaˇ-euˇ. Aˬ dui-ahˇ mehˬ nehˬ tsoˆ nehˬ laꞈ-eu gʼaˇ duˬ piˇ ma aˬ myah luꞈ jawˇ tehꞈ-a. Aˬ dui-ahˇ ja noeˬ ja duˇ nehˬ-eu gʼaˇ duˬ, zaˬ siˬ tsawˇ gahˇ byah-eu tsawˇ haˬ kʼawꞈ aˬ myah luꞈ jawˇ-awˇ, aˬ dui-ahˇ Miˬyehˇ gʼaˇ duˬ ngehˬ dah nehˬ laꞈ-eu tsawˇ haˬ kʼawꞈ, aˬ myah luꞈ jawˇ tehꞈ-a. Aˬ dui aˬ yawꞈ-ahˇ ceh-awˇ, aˬ yawꞈ ehˇ gaˇ maˬ naˇ haˬ nehˬ ni byehˇ kaˇ-euˇ.”

Yeˬlaˬmiˇ 6:14

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ deuˬ-ahˇ, aˬ gah pyaˆ-eu naˆ ni tehꞈ-ehˇ aˬ yawꞈ maꞈ sawˇ nehˬ-awˇ, maˬ taˬ leˇ gaˇ keuˆ ni taˬ leˇ gʼaˬ mehˬ lehˇ myawꞈ-eu meh.

Yeˬlaˬmiˇ 3:17

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ ‘Sahˬpaˬ Miˬyehˇ -euˬ nuiˇ mahˬ’ lehˇ kuˇ-awˇ, tsawˇ jeuˬ dawˬ tawˆ luꞈ kʼoeˇ gaˇ uiˬ laˇ-awˇ ngaˬ-ahˇ uˬ duˬ tahˬ tehꞈ-a. Aˬ yawꞈ maꞈ-euˬ haiˬ-eu gʼahˇ-eu nui ma neh kʼehˇ-euˬ jeˬ-ahˇ, aˬ yawꞈ maꞈ maˬ mˇ ni byehˇ tehꞈ-a.

Bawˇtsahˬ 11:20

Ba la tiˬ siˬ siˬ lah ni naw maꞈ ya dzaˬ tehꞈ-a. Naw maꞈ-euˬ naˇ mehˇ-ahˇ shaˬ jiˇ doˆ le gaˇ keuˆ-awˇ, shaˬ jiˇ-ahˇ naw maꞈ nui daˆ daˆ laˇ ngeh keuˆ ni ya dzaˬ tehꞈ-a. Naw maꞈ nehˬ-ehˇ jawˇ luꞈ-eu Sahˬpaˬ Miˬyehˇ-ahˇ naw maꞈ byehˇ dzeh-awˇ, Iˇjiˇtuˆ miˇ kʼahˬ laꞈ kʼoeˇ neh maˬ doˆ le law nmˇ-aˬ gʼaˬ law hawˇ miˇ-a lehˇ aˬ yawꞈ mehˬ shi naw maꞈ toˇ-eu miˇ neh, kʼoeˇ loꞈ-ehˇ pyeuꞈ laˇ tehꞈ-a lehˇ aˬ yawꞈ maꞈ-ahˇ ehˇ nehˬ-awˬ.”

1 Teˇsaˬloˇni 4:8

Kʼoeˇ miˇ neh, mehˬ-eu tsoˆ-eu dawˬ heu-ahˇ maˬ naˇ haˬ geuꞈ-eu tsawˇ haˬ-aˬ, tsawˇ haˬ zaˬ-euˬ dawˬ maˬ naˇ haˬ geuꞈ-eu maˬ ngeuˇ-a. Naw maꞈ-ahˇ Muiˬ-eu shawˇ-eu Yaw sahˇ Miˬyehˇ biꞈ nehˬ laꞈ-euˬ gʼaˬ pyeuꞈ-eu Miˬyehˇ-euˬ ehˇ dawˬ maˬ naˇ haˬ geuꞈ-eu jeˬ pyeuꞈ-eu meh.

Luˇkaꞈ 10:16

Kʼoeˇ naˇ, zaˬ lahˇ deuˬ-ahˇ Yeˬsuˇ ehˇ nehˬ-eu, “Naw maꞈ neh mehˬ-euˬ dawˬ-ahˇ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ naˇ haˬ geuꞈ gaˇ duˇ-eu meh. Naw maꞈ neh mehˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-euˬ dawˬ-ahˇ maˬ naˇ haˬ geuꞈ gaˇ duˇ-eu meh. Ngaˬ-euˬ dawˬ-ahˇ maˬ naˇ haˬ geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euˬ gʼa-euˬ dawˬ-ahˇ maˬ naˇ haˬ geuꞈ gaˇ duˇ-eu meh.”

Ngoeˇ dawˬ 2:14

Miˬyehˇ gʼaˇ duˬ ngehˬ dah-eu deuˬ, nawˬ-ahˇ jaˬ myawꞈ myawꞈ nehˬ-euˬ meh. Nawˬ-ahˇ aˬ cawˬ maˬ bi nyehꞈ ni, nawˬ-euˬ yaw lehˬ iˬ baˇ deuˬ-ahˇ, aˬ yawꞈ maꞈ maˬ pah doˆ nehˬ-a. Aˬ yawꞈ maꞈ ngehˬ-euˬ tmˇ-euˬ jeˬ, nawˬ-ahˇ gaˇ ma sheuˬ bahˬ-euˬ meh.

Yeˬlaˬmiˇ 7:24

Ehˇ kʼawꞈ, aˬ yawꞈ maꞈ naˬ bawˇ maˬ gaˬ leˇ-ehˇ, aˬ yawꞈ maꞈ-euˬ gʼahˇ-eu nui ma hawˇ-eu haiˬ-eu nui ma laꞈ kʼoeˇ kʼaˇ noeˬ doˆ laˇ-euˬ jeˬ mˇ-awˇ, muiˬ laˇ jaˬ laˇ-eu jeˬ maˬ jaˆ-eu uˬ taꞈ, tiˬ jawˇ saˇ-i tiˬ jawˇ doeˇ dzehˬ laˇ-euˬ meh.

Yeˬlaˬmiˇ 4:10

Kʼoeˇ ngeh, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ nawˇ tmˬ jawˆ ni jaˬ myawꞈ myawꞈ-euˬ meh. Nui saˇ oꞈ-eu jeˬ bi keuˆ le ma lehˇ nawˇ ehˇ taˬ-euˬ kʼawꞈ, aˬ yawꞈ maꞈ-euˬ kuˬ byahˬ-ahˇ mi cehˇ gʼoˆ mawˬ nehˬ-euˬ meh.”

Iˇsaˬyaˇ 57:21

Iˬ baˇ mˇ-eu tsawˇ haˬ nui saˇ maˬ oꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

2 Saˬmeuˬlaˆ 12:10

Ngaˬ-euˬ ehˇ dawˬ-ahˇ nawˇ maˬ naˇ haˬ-ehˇ, Uˇliˇyaˆ-euˬ miˬ zaˬ-ahˇ sheuˬ geuꞈ-euˬ miˇ neh, mi cehˇ laꞈ-ahˇ ya shiˇ-eu jeˬ, nawˬ-eu nymˇ jiˇ kʼoeˇ taˆ tiˬ ziˇ saˇ-iˬ tiˬ ziˇ maˬ tsehˆ leˇ ni keuˆ le tehꞈ-a.

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.

Maˬlaˬkiˇ 1:6

Piˇ ma deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Zaˬ deuˬ aˬ da-ahˇ yaw zeu baw-eu siˬ nya-awˇ, zaˬ kʼaˆ deuˬ baw leˬ-ahˇ yaw zeu baw-eu siˬ nya meh. Ngaˇ naw maꞈ-euˬ aˬ da ma. Aˬ jeˬ miˇ neh ngaˬ-ahˇ yaw zeu maˬ baw te. Naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu uˬ taꞈ, ‘Nga maꞈ nawˬ-ahˇ aˬ joˆ-ehˇ jahˇ-awˇ yehˬ bawˬ sehˇ lu-ehˇ gʼeh taˬ-euˬ jaˆ ta’ lehˇ, naw maꞈ paˇ ehˇ-eu meh.

Zeˬpaˬniˇ 1:12

“Kʼoeˇ ngeh jawˇ ngaˇ tsiˇ kʼmˬ keuˬ-awˇ, Yeˬluˇsaˬlehˬ meuˬ poˆ doe ma. Yawˬ haˇ yawˬ ha nui kʼaˬ tsmˬ-awˇ, yaw muiˬ maˬ ehˇ, yaw doeˇ maˬ ehˇ, Sahˬpaˬ Miˬyehˇ maˬ mˇ-aˇ lehˇ, yawˬ haˇ yawˬ ha ehˇ-eu tsawˇ haˬ, ngaˇ kʼehˬ nehˬ gaˇ ya daˬ tehꞈ-a.

Iˇsaˬyaˇ 30:10

Miˬyehˇ gʼaˇ duˬ ngehˬ dah luꞈ-eu deuˬ-ahˇ, aˬ yawꞈ maꞈ kʼaˬ meh paꞈ tsoeˬ tsoeˬ nehˬ-awˇ, “Yaw tsaˬ yaw dawˇ jeˬ gaˇ kawˆ maˬ mehˬ ni, nga maꞈ naˇ haˬ mawꞈ-eu dawˬ deuˬ hawˇ-eu, gaˇ jaw jaw-eu dawˬ mehˬ le-awˬ” lehˇ ehˇ-eu meh.

Yeˬlaˬmiˇ 18:12

Ehˇ kʼawꞈ, aˬ yawꞈ maꞈ heu loꞈ-ehˇ ehˇ tehꞈ-a. ‘Aˬ jeˬ miˇ neh nga maꞈ dehꞈ jeˬ dehꞈ kawˆ paˇ-eu loˬ ta. Nga maꞈ nui ma kʼaˇ gʼahˇ mawꞈ-eu gʼahˇ-awˇ, yaw haiˬ jeˬ mˇ mˇ-ehˇ dehꞈ ma’ lehˇ ehˇ tehꞈ-a.”

Yeˬsaˬgeˬlaˇ 13:19

Lawˬ loeˇ hawˇ-eu kaˬ muˇ ui cuiˆ za laˇ gaˇ haw-awˇ, ngaˬ-euˬ tsawˇ haˬ deuˬ-euˬ mehˬ shi, naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu meh. Maˬ bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ laˆ sehꞈ-awˇ, bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ bi dehꞈ-euˬ meh. Ngaˬ-euˬ tsawˇ haˬ deuˬ naw maꞈ-ahˇ jah laˇ ni, naw maꞈ mehˇ shuiˇ shuiˇ-euˬ meh.”

Miˇkaˬ 2:11

“Naw maꞈ gʼaˇ duˬ aˬ gaꞈ dzaˇ uiˇ hawˇ-eu jiˇ baˬ yoeˇ le tehꞈ-a lehˇ jaˬ myawꞈ myawꞈ myawꞈ-ehˇ cah-eu Miˬyehˇ gʼaˇ duˬ ngehˬ dah-eu deuˬ-ahˇ tsawˇ haˬ heu deuˬ mawꞈ-eu meh.

Dawˬmehˬ 29:18

Iˬ nah heu gaˇ yawꞈ luꞈ-eu kʼaˬ dzeˇ zaˬ hawˇ-eu zaˬ miˬ zaˬ aˬ geu gʼaˬ maˬ kaˬ, nymˇ jiˇ aˬ geu jiˇ maˬ kaˬ, tsawˇ jeuˬ aˬ geu jeuˬ maˬ kaˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, aˬ cawˬ tsawˇ jeuˬ-euˬ miˬyehˇ deuˬ-ahˇ uˬ duˬ maˬ ya tahˬ ni, yaw kʼaˆ kʼaˆ-ehˇ yahˇ-awˬ. Kʼoeˇ loꞈ-ehˇ mˇ-eu jeˬ-aˬ, kʼaˬ jehꞈ ni gʼeh-awˇ doꞈ kʼaˆ dui dui-eu aˇ bawˇ bi bawˇ laˇ-eu duˬ ciˇ-ahˇ duˇ-eu meh.