Yeˬlaˬmiˇ 23:16 - Akha

¹⁶ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ ehˇ gaˇ taˬ naˇ haˬ. Aˬ yawꞈ maꞈ naw maꞈ-ahˇ, maˬ tsaˬ maˬ dawˇ-eu noeˬ tmˬ duˬ biꞈ byah nehˬ laꞈ-euˬ meh. Ngaˬ neh bi ehˇ-euˬ dawˬ naw maꞈ-ahˇ maˬ ehˇ nehˬ ni, aˬ yawꞈ maꞈ neh kʼaˇ noeˬ doˆ-euˬ jeˬ tehꞈ-ehˇ ehˇ nehˬ-euˬ meh.

Yeˬlaˬmiˇ 23:16 Referans Kwoze

Yeˬlaˬmiˇ 14:14

Ehˇ kʼawꞈ, Sahˬpaˬ Miˬyehˇ ehˇ-eu, “Miˬyehˇ gʼaˇ duˬ ngehˬ dah-eu deuˬ-aˬ, ngaˬ-euˬ tsawˇ myahˇ-ahˇ gʼoe-awˇ jaˬ myawꞈ myawꞈ luꞈ meh. Aˬ yawꞈ maꞈ-ahˇ ngaˬ neh pyehˬ leꞈ-euˬ maˬ ngeuˇ. Ngaˬ-euˬ dah zaˇ dawˬ tiˬ dawˬ-iˬ bi ngehˬ le-euˬ maˬ ngeuˇ. Yaw sahˇ laꞈ kʼoeˇ aˬ yawꞈ maꞈ kʼaˇ ya siˬ kʼaˇ ya mawˇ-euˬ loꞈ-ehˇ ngehˬ-eu tmˇ-eu ma lehˇ aˬ yawꞈ maꞈ ehˇ kʼawꞈ, aˬ yawꞈ maꞈ ngehˬ-eu dawˬ kʼoeˇ deuˬ ngaˬ-euˬ dawˬ maˬ ngeuˇ. Mehˬ hu paw pyeuꞈ laˇ-eu gaˇ kawˆ aˬ yawꞈ maꞈ ehˇ-eu kʼoeˇ-aˬ, aˬ yawꞈ maꞈ neh kʼaˇ noeˬ doˆ-euˬ loꞈ-ehˇ ehˇ-eu jeˬ pyeuꞈ-awˇ, gaˇ dahˇ maˬ tsoeˬ-aˬ.

Yeˬsaˬgeˬlaˇ 13:6

Aˬ yawꞈ maꞈ neh yaw sahˇ laꞈ kʼoeˇ ya siˬ ya mawˇ-euˬ jeˬ maˬ tsaˬ-ehˇ, aˬ yawꞈ maꞈ neh ngehˬ dah-euˬ jeˬ jaˬ myawꞈ myawꞈ-eu tehꞈ meh. Ngaˬ neh kʼehˇ gʼeh leꞈ-euˬ maˬ ngeuˇ gaˇ, ngaˬ-euˬ gʼaˇ duˬ ngehˬ dah-eu ma lehˇ aˬ yawꞈ maꞈ ehˇ-eu meh. Ehˇ kʼawꞈ, aˬ yawꞈ maꞈ neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ aˬ yawꞈ maꞈ noeˬ tmˬ-eu meh.

Maꞈtehˬ 7:15

“Miˬyehˇ gʼaˇ duˬ ngehˬ dah-eu jaˬ myawꞈ deuˬ-ahˇ yahˇ-awˬ. Aˬ yawꞈ maꞈ-aˬ, laꞈ nyiˇ paw haw ngeh yawˇ zaˬ loꞈ-ehˇ nahˬ jawˆ ni gʼeh gaˇ duˇ kʼawꞈ, laꞈ kʼoeˇ paw haiˬ dui dui-eu kʼaˬ yehˇ pyeuꞈ-eu meh.

Yeˬsaˬgeˬlaˇ 13:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Miˬyehˇ gʼaˇ duˬ ngehˬ dah-eu aˬ dzawˬ aˇ gah heu deuˬ shaˬ zahˬ naꞈ dui dui tehꞈ-a. Aˬ yawꞈ maꞈ yawˬ ha neh kʼaˇ noeˬ doˆ-euˬ jeˬ ngehˬ dah-eu meh.

1 Yoˇhaˬ 4:1

Ngaˇ gaˬ dui dui-eu cawˬ deuˬ-oˇ, Yaw sahˇ Miˬyehˇ za-euˬ tsawˇ haˬ ma lehˇ kʼaˇ ehˇ laˇ gaˇ naw maꞈ maˬ jah ni, aˬ yawꞈ maꞈ za-euˬ yaw sahˇ kʼoeˇ Miˬyehˇ jawˇ gaˇ neh oe-euˬ nga loˇ lehˇ jeˬ huˬ lawˬ haw-awˬ. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ deuˬ miˇ tsaˬ doe ni iˇ byah taˬ-euˬ meh.

Yeˬlaˬmiˇ 23:21

Sahˬpaˬ Miˬyehˇ ehˇ-eu, “Miˬyehˇ gʼaˇ duˬ ngehˬ dah-eu heu deuˬ-aˬ, ngaˬ neh maˬ kʼehˇ gʼeh kʼawꞈ aˬ yawꞈ maꞈ iˇ-eu meh. Aˬ yawꞈ maꞈ-ahˇ ngaˬ-euˬ dah zaˇ maˬ bi ngehˬ dah-euˬ kʼawꞈ, ngaˬ-euˬ tsawˇ myahˇ pi-awˇ dawˬ ngehˬ-eu meh.

2 Sahˬpaˬ 17:15

Aˬ yawꞈ neh mehˬ nehˬ tsoˆ nehˬ-euˬ jeˬ-ahˇ aˬ yawˬ maꞈ maˬ naˇ haˬ geuꞈ-ehˇ, aˬ yawꞈ neh aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ maˬ caw teh-eu uˬ taꞈ, aˬ yawꞈ neh bi ehˇ nehˬ-euˬ dawˬ deuˬ aˬ yawꞈ maꞈ-euˬ naˬ bawˇ-ahˇ maˬ gaˬ leˇ-a. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ aˬ yawꞈ maꞈ uˬ duˬ tahˬ-awˇ, gaˇ dahˇ maˬ tsoeˬ-eu tsawˇ haˬ pyeuꞈ laˇ-euˬ meh. Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maꞈ maˬ naˇ haˬ-ehˇ, aˬ yawꞈ maꞈ-euˬ tiˬ jawˬ jawˇ-eu tsawˇ jeuˬ deuˬ-euˬ zahˇ sahˇ kʼoꞈ mehˬ nah aˬ yawꞈ maꞈ caw teh-euˬ meh.

Miˇkaˬ 2:11

“Naw maꞈ gʼaˇ duˬ aˬ gaꞈ dzaˇ uiˇ hawˇ-eu jiˇ baˬ yoeˇ le tehꞈ-a lehˇ jaˬ myawꞈ myawꞈ myawꞈ-ehˇ cah-eu Miˬyehˇ gʼaˇ duˬ ngehˬ dah-eu deuˬ-ahˇ tsawˇ haˬ heu deuˬ mawꞈ-eu meh.

Yeˬlaˬmiˇ 23:26

Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ, aˬ yawꞈ maꞈ neh noeˬ doˆ-euˬ jaˬ myawꞈ mehˇ shuiˇ-ahˇ gʼoe-awˇ ngaˬ-euˬ tsawˇ haˬ deuˬ-ahˇ aˬ myah keuˆ ni gaˇ ma sheuˬ bahˬ-eu gʼeh ta.

Yeˬsaˬgeˬlaˇ 22:28

Kaˇ pyawˇ-ahˇ lu boeˬ lehꞈ ba-eu loꞈ-ehˇ, Miˬyehˇ gʼaˇ duˬ ngehˬ dah-eu deuˬ iˬ baˇ kʼoeˇ deuˬ-ahˇ dehˬ kaˬ-eu meh. Aˬ yawꞈ maꞈ neh yaw sahˇ laꞈ kʼoeˇ ya mawˇ-euˬ jeˬ maˬ tsaˬ-ehˇ, yaw lehˬ jeˬ aˬ yawꞈ maꞈ ngehˬ dah-eu meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ gʼaˇ duˬ aˬ yawꞈ maꞈ ngehˬ dah-eu ma lehˇ ehˇ kʼawꞈ, Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ dawˬ ngehˬ cawˬ-euˬ maˬ jaˆ.

Yeˬsaˬgeˬlaˇ 13:23

Kʼoeˇ miˇ neh, naw maꞈ neh yaw sahˇ laꞈ kʼoeˇ ya mawˇ-euˬ maˬ tsaˬ-eu jeˬ hawˇ-eu, tsawˇ haˬ zaˬ-ahˇ sheuˬ bahˬ-eu mehˬ hu paw pyeuꞈ laˇ-eu gaˇ kawˆ mehˬ-eu jeˬ, nymˬ-mˇ neh dahˬ beh-awˇ, naw maꞈ maˬ paˇ bi mˇ ma. Ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ-ahˇ siˬ duˬ leˇ ni, naw maꞈ-euˬ baoˬ uˬ moˆ ngaˬ-euˬ tsawˇ haˬ deuˬ-ahˇ ngaˇ ka kʼoꞈ ma.”

Yeˬsaˬgeˬlaˇ 13:16

Nui saˇ oꞈ-eu jeˬ maˬ jaˆ gaˇ nui saˇ oꞈ-eu jeˬ jaˆ meh lehˇ ehˇ-eu Miˬyehˇ gʼaˇ duˬ ngehˬ dah-eu kʼoeˇ deuˬ maˬ paˇ jawˇ meh lehˇ, naw maꞈ-ahˇ ngaˇ ehˇ nehˬ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬlaˬmiˇ 29:8

Naw maꞈ nehˬ-ehˇ jawˇ luꞈ-eu Miˬyehˇ gʼaˇ duˬ ngehˬ dah-eu deuˬ hawˇ-eu, mehˬ hu paw pyeuꞈ laˇ-eu gaˇ kawˆ ehˇ duˬ nya ma lehˇ kʼaˇ ehˇ-eu tsawˇ haˬ deuˬ neh, naw maꞈ-ahˇ mehˇ shuiˇ maˬ ya bi shuiˇ tawˆ ni yahˇ-awˬ lehˇ, Iˇsaˬleˬlaˆ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ dawˬ biꞈ-eu ma. Aˬ yawꞈ maꞈ yuꞈ maˆ maˆ mawˇ-euˬ gaˇ kawˆ ja gaˇ, naw maꞈ tiˬ pawꞈ-iˬ taˬ naˇ haˬ.

Yeˬlaˬmiˇ 9:20

Ngaˇ heu loꞈ-ehˇ ehˇ-euˬ ma. “Zaˬ miˬ zaˬ deuˬ Sahˬpaˬ Miˬyehˇ-euˬ dawˬ-ahˇ naˇ haˬ-awˇ, aˬ yawꞈ maꞈ dawˬ ngehˬ gaˇ naˬ bawˇ ciˬ kʼmˇ-awˬ. Zaˬ miˬ deuˬ-ahˇ tsawˇ ngoeˇ dawˬ kawˬ mehˬ-awˇ, aˬ nmˇ deuˬ-ahˇ kuiˇ deuˇ gui-eu mehˬ-awˬ.

Yeˬlaˬmiˇ 2:5

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh paˬ-ehˇ, ngaˬ-euˬ yaw lehˬ aˬ geu jeˬ-ahˇ haw toˆ-euˬ taˬ. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ-ahˇ uˬ duˬ tahˬ-awˇ, aˇ poeˬ maˬ baw ni dehꞈ pyeuꞈ-euˬ meh.

Dawqdaq 19:27

Dawˬ mehˬ dawˬ tsoˆ maˬ naˇ haˬ ni byehˇ-eu aˬ li, za-euˬ tsawˇ gahˇ byoˆ jiˇ tehꞈ-a.

Lormav 1:21

Aˬ yawꞈ maꞈ Miˬyehˇ-ahˇ siˬ nya-eu kʼawꞈ, taˬ huiˬ taˬ mahˇ nehˬ geuˇ-eu loꞈ-ehˇ maˬ taˬ huiˬ maˬ taˬ mahˇ-eu uˬ taꞈ, aˬ yawꞈ-euˬ guiˬ lahˬ-ahˇ maˬ siˬ nya-a. Aˬ yawꞈ maꞈ tiˬ jeˬ-iˬ maˬ noeˬ doˆ nya-ehˇ, nui ma kʼehˬ bahˬ zahˇ tsui ni jaˆ-eu meh.

Yeˬlaˬmiˇ 9:12

Ngaˇ heu loꞈ-ehˇ naˇ haˬ-euˬ ma. “Sahˬpaˬ Miˬyehˇ-oˇ, aˬ jeˬ miˇ neh miˇ kʼahˬ heu kʼahˬ kʼaˇ shuiꞈ deh ga loꞈ-ehˇ gui coˇ ni pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ cah tsehˆ ni pyeuꞈ-iˇ taˬ ta. Gaˇ kawˆ heu deuˬ-ahˇ siˬ nya-awˇ gʼoˆ shaw nya paˬ-ehˇ zaˬ siˬ tsawˇ gahˇ byah-eu aˬ suˇ gʼaˬ jawˇ ta. Gaˇ kawˆ heu deuˬ aˬ cawˬ-ahˇ dzawˇ mehˬ nehˬ nya paˬ-ehˇ, aˬ suˇ gʼaˬ-ahˇ nawˇ mehˬ duˬ nehˬ-euˬ te.”

Ngoeˇ dawˬ 2:9

Lahˇ kʼehˬ laˇ gʼoˆ miˇ tsa pahˬ-awˇ, gʼoˆ bahˬ dawˬ tawˆ kʼehꞈ jiˇ-euˬ meh. Sahˬ paˬ sahˬ ma deuˬ dawˬ tawˆ luꞈ, aˬ cawˬ neh nyehꞈ byoˆ jiˇ-euˬ meh. Zahˇ dawˬ kʼoꞈ dawˬ maˬ paˇ baw-ehˇ, Miˬyehˇ dawˬ ngehˬ dah-eu deuˬ kʼawꞈ, Sahˬpaˬ Miˬyehˇ maˬ pah mehˬ-ehˇ, Miˬyehˇ-euˬ dawˬ maˬ ngehˬ nya-a.

1 Sahˬpaˬ 22:11

Aˬ yawꞈ maꞈ laꞈ kʼoeˇ, Sheˬnaˬnahˬ-euˬ aˬ li Zeˬdaˬkiˇ gʼaˬ shmˇ uˬ coeˇ tehˆ-awˇ, “Heu loꞈ-ehˇ gʼeh-eu uˬ coeˇ neh Suˇliˆ tsawˇ haˬ deuˬ-ahˇ naw maꞈ guiˇ deuˆ-awˇ, naw maꞈ deuˆ gʼaˬ tehꞈ-a lehˇ Sahˬpaˬ Miˬyehˇ ehˇ-eu meh” lehˇ ngehˬ dah-euˬ meh.

2 Laˬsaˬbaˬ 18:5

Kʼoeˇ naˇ, Miˬyehˇ gʼaˇ duˬ ngehˬ dah-eu oeˬ yaˇ gʼaˬ-ahˇ Aˬhaˆ kuˇ uiˬ-awˇ “Giˇlaˆ miˇ kʼahˬ Laˬmoˆ meuˬ-ahˇ ngaˇ guiˇ deuˆ leˇ-eu tsaˬ nga loˇ, maˬ tsaˬ nga loˇ lehˇ ehˇ nehˬ laꞈ sheˇ” lehˇ naˇ haˬ-euˬ meh. “Deuˆ leˇ-awˬ. Miˬyehˇ nawˬ-ahˇ bi gʼaˬ leˇ nehˬ laꞈ tehꞈ-a” lehˇ, aˬ yawꞈ maꞈ ehˇ-eu meh.

Yeˬlaˬmiˇ 29:23

Aˬ yawꞈ maꞈ aˬ cawˬ-euˬ miˬ zaˬ-ahˇ bahˬ-awˇ, Sahˬpaˬ Miˬyehˇ-euˬ tsawˇ myahˇ uˬ moˆ jaˬ myawꞈ myawꞈ-euˬ miˇ neh, aˬ yawꞈ nyaꞈ-euˬ guiˬ lahˬ kʼoeˇ naˆ ni doeˇ tehꞈ-a. Kʼoeˇ loꞈ-ehˇ mˇ gaˇ Sahˬpaˬ Miˬyehˇ nui ma maˬ tsaˬ-ehˇ, aˬ yawꞈ nyaꞈ neh kʼaˇ mˇ-euˬ jeˬ-ahˇ, Sahˬpaˬ Miˬyehˇ siˬ jiˇ mawˇ jiˇ-eu meh lehˇ, Sahˬpaˬ Miˬyehˇ ehˇ-eu meh.”