Yeˬlaˬmiˇ 22:28 - Akha

²⁸ Aˬ cawˬ maˬ haw nahˇ-eu paˆ-iˇ taˬ-euˬ mui deuˇ oeˬ lahˬ, aˬ cawˬ maˬ geuꞈ nahˇ-eu mˇ myawˬ, Yeˬhawˇyaˬciˬ ehˇ-eu heu gʼaˬ meh loˇ. Aˬ jeˬ miˇ neh aˬ yawꞈ-euˬ zaˬ deuˬ-ahˇ, aˬ yawꞈ maˬ siˬ-eu miˇ kʼahˬ-ahˇ biˬ ahˇ nehˬ taˬ.

Yeˬlaˬmiˇ 22:28 Referans Kwoze

Hawˇseˬ 8:8

Iˇsaˬleˬlaˆ-euˬ miˇ kʼahˬ kʼawꞈ, aˬ cawˬ-euˬ miˇ kʼahˬ deuˬ loꞈ-ehˇ, saˇ baoˬ yaw pehꞈ-ahˇ duˇ-eu meh.

Jaceuq 31:12

Shiˇ-euˬdeuˬ-ahˇngehˇ-eu loꞈ-ehˇ, yawˬ gʼaˬna luꞈngaˬ-ahˇngehˇ-awˇ, oeˬlahˬlahˬpyehˬmaˬtawˬmiˇ-a.

Yeˬlaˬmiˇ 48:38

Nymˇ mˬ kʼoeˇ taˆ hawˇ-eu pu kaˬ-ahˇ kʼaˇ jawˇ-eu tsawˇ haˬ dawˬ tawˆ luꞈ, tsawˇ ngoeˇ ngoeˇ-eu jeˬ oꞈ-eu tehꞈ meh. Aˬ jeˬ miˇ neh ehˇ naˇ, tiˬ gʼaˬ-iˬ maˬ geuꞈ mawꞈ-eu miˇ tsaˬ oeˬ lahˬ-ahˇ diˬ paˆ-eu loꞈ-ehˇ, ngaˇ Mawˇbaˆ tsawˇ haˬ-ahˇ laˆ cawˆ jiˇ-euˬ ma.

Hawˇseˬ 13:15

Yaˇ moꞈ mehˇ laˇ luꞈ-eu loꞈ-ehˇ, Iˇsaˬleˬlaˆ mehˇ laˇ luꞈ kʼawꞈ, kʼaˇ shuiꞈ deh ga paw neh oe-euˬ, nahˇ ma doˆ kʼehˬ jaˬ lehˇ yaw lahˇ, aˬ yawꞈ maꞈ-euˬ lawˇ gawˆ hawˇ-eu, lah duˬ deuˬ bi gui-iˇ jiˇ-awˇ, kʼaˇ poeˬ kʼaˇ lawˬ-eu jeˬ dawˬ tawˆ, bi piˬ bi byoˆ-iˇ jiˇ tehꞈ-a.

Yeˬlaˬmiˇ 22:30

“Tsawˇ haˬ heu gʼaˬ zaˬ maˬ jawˇ le nya-ehˇ, maˬ dehꞈ tuˇ laˇ nya-eu tsawˇ haˬ meh lehˇ boꞈ ahˇ taˬ-awˬ. Daˬbiˇ-euˬ dzoeˬ dzaˬ oꞈ-awˇ neh, Yuˇdaˆ miˇ kʼahˬ-ahˇ uˆ lahˇ-eu gʼaˇ duˬ, aˬ yawꞈ zaˬ maˬ jawˇ le-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 17:4

Ngaˬ neh naw maꞈ-ahˇ biꞈ taˬ-euˬ miˇ kʼahˬ naw maꞈ ya byehˇ dzeh-awˇ, maˬ siˬ maˬ suˇ-eu miˇ kʼahˬ laꞈ kʼoeˇ, naw maꞈ-ahˇ muiˇ-eu tsawˇ haˬ deuˬ neh kʼehˇ-euˬ gaˇ-ahˇ naw maꞈ ya mˇ tehꞈ-a. Aˬ jeˬ miˇ neh ehˇ naˇ, ngaˬ-euˬ nui pehˇ miˬ dzaˬ doꞈ gaˇ duˇ-awˇ, tiˬ jawˇ-iˬ maˬ miˆ-iˇ-a.”

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yeˬlaˬmiˇ 14:18

Deh ga-ahˇ ngaˇ iˇ doˆ haw ngeh, guiˇ deuˆ sehꞈ-euˬ tsawˇ shiˇ deuˬ ga gaˇ ya mawˇ-awˇ, meuˬ laꞈ kʼoeˇ ngaˇ uˇ leˇ haw ngeh, hawˬ mehꞈ mehꞈ sehꞈ-euˬ tsawˇ shiˇ deuˬ-ahˇ ya mawˇ-euˬ ma. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ-aˬ, yawˬ ha-euˬ gaˇ yawˬ ha mˇ luꞈ-eu meh. Ehˇ kʼawꞈ yawˬ ha aˬ jeˬ mˇ luꞈ-eu yawˬ ha maˬ siˬ nya-a.”

2 Saˬmeuˬlaˆ 5:21

Piˇliˇtiˆ tsawˇ haˬ deuˬ cehˆ byaˆ ngeh, aˬ yawꞈ maꞈ-euˬ tahˬ pahˬ aˬ ma mawˇ kawˇ byehˇ dzeh yaꞈ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ tahˬ pahˬ aˬ ma mawˇ kawˇ kʼoeˇ deuˬ yuˇ kʼoꞈ gʼeh-euˬ meh.

2 Laˬsaˬbaˬ 21:20

Yeˬhawˇlamˬ-aˬ, smˬ tseˇ nyiꞈ kʼoꞈ byah ngeh sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ yehꞈ kʼoꞈ uˆ lahˇ-euˬ meh. Aˬ yawꞈ shiˇ ngeh, tsawˇ haˬ tiˬ gʼaˬ-iˬ maˬ noeˬ shaˬ-a. Daˬbiˇ-euˬ meuˬ laꞈ kʼoeˇ aˬ yawꞈ-ahˇ baꞈ pahˬ nehˬ-euˬ meh. Ehˇ kʼawꞈ, sahˬ paˬ deuˬ-euˬ lmˬ bymˇ-ahˇ maˬ baꞈ pahˬ nehˬ-a.

Yeˬlaˬmiˇ 22:27

Miˇ kʼahˬ heu kʼahˬ-ahˇ naw nyaꞈ ma zaˬ mawˇ mawꞈ dui dui tehꞈ-a. Ehˇ kʼawꞈ, tiˬ jawˇ-iˬ maˬ paˇ ya gʼoꞈ haw le meh.”

Yeˬlaˬmiˇ 37:1

Baˬbuˇloˬ sahˬ paˬ Neˬbuˬkaˬneˬzaˬ neh, Yeˬhawˇyaˬkmˬ-euˬ aˬ li Yeˬhawˇyaˬciˬ-euˬ jawˇ duˬ-ahˇ, Yawˇshiˆ-euˬ aˬ li Zeˬdaˬkiˇ-ahˇ Yuˇdaˆ sahˬ paˬ bi geuꞈ-euˬ meh.

Yeˬlaˬmiˇ 16:12

Ehˇ kʼawꞈ, naw maꞈ-aˬ, naw maꞈ-euˬ aˬ poeˬ aˬ bawˇ kʼoeˇ deuˬ naˆ maˬ tseˇ dehꞈ doeˇ-euˬ meh. Naw maꞈ dawˬ tawˆ luꞈ nui ma gʼahˇ dui dui-awˇ, yaw haiˬ jeˬ mˇ-eu laꞈ kʼoeˇ, ngaˬ-euˬ ehˇ dawˬ maˬ naˇ haˬ geuꞈ-a.

Yeˬlaˬmiˇ 24:1

Uˬ duˬ tahˬ nymˇ nymˇ ma mehˬ shi ciˬ taˬ-euˬ siˬ guˬ aˇ siˬ kʼaˆ puˬ nyiˬ puˬ, Sahˬpaˬ Miˬyehˇ ngaˬ-ahˇ mehˬ nehˬ laꞈ-euˬ meh. (Heu-aˬ, Yeˬhawˇyaˬkmˬ-euˬ aˬ li pyeuꞈ-eu Yuˇdaˆ sahˬ paˬ Yeˬhawˇyaˬciˬ-ahˇ, Yuˇdaˆ miˇ kʼahˬ-ahˇ aˬ yuiꞈ aˬ tsu geuꞈ luꞈ-eu deuˬ hawˇ-eu, ba jiˬ deuˬ, laꞈ saˇ maˇ deuˬ, laꞈ myawˬ laꞈ muˆ nya-eu deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ sahˬ paˬ Neˬbuˬkaˬneˬzaˬ neh bi nyehꞈ daˆ leꞈ gʼaˬ miˇ tsa meh.)