Yeˬlaˬmiˇ 22:27 - Akha

²⁷ Miˇ kʼahˬ heu kʼahˬ-ahˇ naw nyaꞈ ma zaˬ mawˇ mawꞈ dui dui tehꞈ-a. Ehˇ kʼawꞈ, tiˬ jawˇ-iˬ maˬ paˇ ya gʼoꞈ haw le meh.”

Yeˬlaˬmiˇ 22:27 Referans Kwoze

Yeˬlaˬmiˇ 44:14

Baˬbuˇloˬ miˇ kʼahˬ-ahˇ maˬ bi nyehꞈ daˆ gʼeh ni Yuˇdaˆ miˇ kʼahˬ laꞈ kʼoeˇ dzeˇ yaꞈ-awˇ, Iˇjiˇtuˆ miˇ kʼahˬ-ahˇ kʼaˇ jawˇ-iˇ-euˬ tsawˇ haˬ dawˬ tawˆ luꞈ, tiˬ gʼaˬ-iˬ maˬ bi dzeuˇ-iˇ. Maˬ gʼaˬ maˬ na-ehˇ cehˆ dzeuˇ-euˬ tsawˇ haˬ heu myaˆ gʼaˬ maˬ ngeuˇ naˇ, tsawˇ haˬ tiˬ gʼaˬ-iˬ aˬ yawꞈ maꞈ gʼoꞈ jawˇ laˇ mawꞈ dui dui-eu Yuˇdaˆ miˇ kʼahˬ laꞈ kʼoeˇ maˬ paˇ ya gʼoꞈ jawˇ laˇ-aˇ.”

Yeˬlaˬmiˇ 22:11

Aˬ da gʼaˬ-euˬ dah zaˇ Yuˇdaˆ miˇ kʼahˬ-euˬ sahˬ paˬ geuꞈ-euˬ Yawˇshiˆ-euˬ aˬ li Yoˇaˬhaˆ-euˬ gaˇ kawˆ, Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ duˬ heu tsahˇ-ahˇ neh aˬ yawꞈ iˇ byoˆ gʼeh-awˇ, tiˬ jawˇ-iˬ maˬ paˇ ya gʼoꞈ doˆ laˇ meh.

Jaceuq 86:4

Sahˬpaˬ Miˬyehˇ-oˇ, Ngaˬ-euˬ shaˇ dawˬ nawˇ jawˇ gaˇ le keuˆ-eu miˇ neh, ngaˬ-euˬ nui ma-ahˇ laˬ kʼaˬ bi cehˇ nehˬ laꞈ.

Yeˬlaˬmiˇ 22:26

Nawˬ ma naw nyaꞈ-ahˇ aˬ cawˬ miˇ kʼahˬ-ahˇ bi nyehꞈ byoˆ gʼeh ni ngaˇ jahˇ ma. Naw nyaꞈ ma zaˬ dehꞈ le-euˬ jawˇ duˬ maˬ ngeuˇ-eu miˇ kʼahˬ-ahˇ ya jawˇ leˇ-awˇ, kʼoeˇ gaˇ ya shiˇ tehꞈ-a.

Yeˬlaˬmiˇ 22:28

Aˬ cawˬ maˬ haw nahˇ-eu paˆ-iˇ taˬ-euˬ mui deuˇ oeˬ lahˬ, aˬ cawˬ maˬ geuꞈ nahˇ-eu mˇ myawˬ, Yeˬhawˇyaˬciˬ ehˇ-eu heu gʼaˬ meh loˇ. Aˬ jeˬ miˇ neh aˬ yawꞈ-euˬ zaˬ deuˬ-ahˇ, aˬ yawꞈ maˬ siˬ-eu miˇ kʼahˬ-ahˇ biˬ ahˇ nehˬ taˬ.

Yeˬlaˬmiˇ 28:4

Yeˬhawˇyaˬkmˬ-euˬ aˬ li Yuˇdaˆ sahˬ paˬ Yeˬhawˇyaˬciˬ hawˇ-eu aˬ yawꞈ nehˬ-ehˇ Baˬbuˇloˬ miˇ kʼahˬ-ahˇ bi nyehꞈ daˆ leꞈ-euˬ Yuˇdaˆ miˇ kʼahˬ zaˬ deuˬ dawˬ tawˆ luꞈ-ahˇ kʼawꞈ, ngaˇ sheuˬ kʼoꞈ leꞈ ma. Ngeuˇ ma. Baˬbuˇloˬ sahˬ paˬ-euˬ baoˬ-ahˇ ngaˇ ngawˬ kʼehꞈ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 42:18

“Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Ngaˇ nui ma pehˇ dui dui-eu jeˬ Yeˬluˇsaˬlehˬ meuˬ kʼoeˇ taˆ tahˬ daˆ nehˬ-euˬ loꞈ-ehˇ, naw maꞈ Iˇjiˇtuˆ miˇ kʼahˬ-ahˇ iˇ naˇ, naw maꞈ kʼoeˇ taˆ kʼawꞈ paˇ tahˬ daˆ nehˬ ma. Guˆ dui dui laˇ paˬ-ehˇ gʼeh-eu jeˬ naw maꞈ kʼoeˇ taˆ keuˆ le tehꞈ-a. Aˬ cawˬ naw maꞈ-ahˇ yahˬ caˆ neh juiꞈ-awˇ, naw maꞈ-euˬ tsawˇ myahˇ -ahˇ kuˇ kuˇ-ehˇ yaˬ kʼehˇ yaˬ tehꞈ-a. Jawˇ duˬ heu tsahˇ-ahˇ naw maꞈ maˬ paˇ ya gʼoꞈ mawˇ haw laˇ-aˇ’ lehˇ ehˇ-eu meh.”

Yeˬlaˬmiˇ 22:10

Yuˇdaˆ tsawˇ haˬ deuˬ-oˇ, sahˬ paˬ Yawˇshiˆ gʼaˇ duˬ taˬ ngoeˇ. Aˬ yawꞈ shiˇ-euˬ miˇ neh tsawˇ ngoeˇ taˬ ngoeˇ. Ehˇ kʼawꞈ, aˬ yawꞈ aˬ li Yoˇaˬhaˆ-euˬ gʼaˇ duˬ tsawˇ ngoeˇ ngoeˇ dui dui-awˬ. Aˬ cawˬ aˬ yawꞈ-ahˇ nyehꞈ byoˆ-awˇ, tiˬ jawˇ-iˬ maˬ paˇ ya gʼoꞈ doˆ laˇ-ehˇ, aˬ yawꞈ dehꞈ le-euˬ miˇ kʼahˬ-ahˇ, tiˬ jawˇ-iˬ maˬ paˇ ya mawˇ meh.

Yeˬlaˬmiˇ 22:12

Aˬ cawˬ neh aˬ yawꞈ-ahˇ nyehꞈ gʼeh-euˬ miˇ kʼahˬ laꞈ kʼoeˇ aˬ yawꞈ ziˇ ya dehꞈ jiˇ-awˇ, miˇ kʼahˬ heu kʼahˬ-ahˇ aˬ yawꞈ tiˬ jawˇ-iˬ maˬ paˇ ya mawˇ meh.”