Yeˬlaˬmiˇ 22:24 - Akha

²⁴ Yuˇdaˆ sahˬ paˬ Yeˬhawˇyaˬkmˬ-euˬ aˬ li sahˬ paˬ Yeˬhawˇyaˬciˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˇ-aˬ, ngaˬ-euˬ aˇ maˇ laꞈ-ahˇ behˬ luꞈ-eu ngaˬ-euˬ jmˬ ahˇ-eu laꞈ behˬ pyeuꞈ-eu kʼawꞈ, nawˬ-ahˇ ngaˇ gʼeu lehˆ doˆ ma.

Yeˬlaˬmiˇ 22:24 Referans Kwoze

Yeˬlaˬmiˇ 37:1

Baˬbuˇloˬ sahˬ paˬ Neˬbuˬkaˬneˬzaˬ neh, Yeˬhawˇyaˬkmˬ-euˬ aˬ li Yeˬhawˇyaˬciˬ-euˬ jawˇ duˬ-ahˇ, Yawˇshiˆ-euˬ aˬ li Zeˬdaˬkiˇ-ahˇ Yuˇdaˆ sahˬ paˬ bi geuꞈ-euˬ meh.

Dawˬ caˇ 8:6

Ngaˬ-ahˇ maˬ ngeuˇ naˇ nui gʼaˬ-ahˇ taˬ gaˬ. Ngaˬ-ahˇ maˬ ngeuˇ naˇ nui gʼaˬ-ahˇ taˬ byaˇ tawꞈ. Gaˬ-euˬ jeˬ-aˬ, shiˇ-eu jeˬ loꞈ-ehˇ doꞈ kʼaˆ-awˇ, myaˆ naˆ-eu jeˬ lmˬ bymˇ nehˬ-ehˇ tiˬ mehˇ nmˇ meh. Nui gaˬ miˬ dzaˬ doꞈ doˆ laˇ ngeh, yaˇ saˬ miˬ dzaˬ puiˆ gaˇ duˇ tehꞈ-a.

1 Laˬsaˬbaˬ 3:16

Yeˬhawˇyaˬkmˬ-aˬ, Yeˬhawˇyaˬciˬ hawˇ-eu Zeˬdaˬkiˇ lehˇ myahˇ-euˬ aˬ li nyiˬ li jawˇ-eu meh.

Haˬgaiˇ 2:23

Ngaˬ-euˬ zaˬ kʼaˆ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ-oˇ, aˇ nah kʼoeˇ nah-ahˇ ngaˇ nawˬ-ahˇ sheuˬ laˬ le-awˇ, ngaˬ-euˬ tsawˇ myahˇ uˬ moˆ uˆ lahˇ-eu gʼaˬ bi geuꞈ ma. Nawˇ-aˬ, ngaˬ neh tseˇ doˆ-euˬ tsawˇ haˬ ma” lehˇ, Baoˬ huiˬ-eu Sahˬpaˬ Miˬyehˇ ehˇ-eu meh.

Yeˬlaˬmiˇ 22:28

Aˬ cawˬ maˬ haw nahˇ-eu paˆ-iˇ taˬ-euˬ mui deuˇ oeˬ lahˬ, aˬ cawˬ maˬ geuꞈ nahˇ-eu mˇ myawˬ, Yeˬhawˇyaˬciˬ ehˇ-eu heu gʼaˬ meh loˇ. Aˬ jeˬ miˇ neh aˬ yawꞈ-euˬ zaˬ deuˬ-ahˇ, aˬ yawꞈ maˬ siˬ-eu miˇ kʼahˬ-ahˇ biˬ ahˇ nehˬ taˬ.

Yeˬlaˬmiˇ 22:6

“Yuˇdaˆ sahˬ paˬ-euˬ hawˇ nymˇ heu-aˬ, ngaˬ-euˬ gʼaˇ duˬ Giˇlaˆ miˇ kʼahˬ hawˇ-eu Leˬbaˬnoˬ gawˬ jawˬ deuˬ loꞈ-ehˇ haw muiˬ-eu kʼawꞈ, tsawˇ haˬ tiˬ gʼaˬ-iˬ maˬ jawˇ-eu bawˇ tsahˬ bawˇ dahˇ loꞈ-ehˇ, coꞈ gaˆ ni ngaˇ bi pyeuꞈ-iˇ ma.

2 Sahˬpaˬ 24:12

Sahˬ paˬ Yeˬhawˇyaˬciˬ-aˬ, aˬ yawꞈ-euˬ aˬ ma, aˬ yawꞈ-euˬ aˬ li deuˬ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ hawˇ-eu, sahˬ paˬ-euˬ hawˇ nymˇ laꞈ kʼoeˇ gaˇ mˇ-euˬ yaw huiˬ yaw mahˇ deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ tsawˇ haˬ deuˬ-euˬ laꞈ oꞈ awꞈ nehˬ-euˬ meh. Neˬbuˬkaˬneˬzaˬ sahˬ paˬ geuꞈ-euˬ yehꞈ kʼoꞈ tiˬ kʼoꞈ-ahˇ, Yeˬhawˇyaˬciˬ-ahˇ nyehꞈ-euˬ meh.

2 Sahˬpaˬ 24:15

Yeˬhawˇyaˬciˬ-ahˇ maˬ ehˇ, aˬ yawꞈ-euˬ aˬ ma-ahˇ maˬ ehˇ, aˬ yawꞈ-euˬ miˬ zaˬ deuˬ-ahˇ maˬ ehˇ, Yuˇdaˆ miˇ kʼahˬ laꞈ kʼoeˇ aˬ yuiꞈ aˬ tsu geuꞈ luꞈ-eu deuˬ-ahˇ maˬ ehˇ, Neˬbuˬkaˬneˬzaˬ neh Baˬbuˇloˬ miˇ kʼahˬ-ahˇ nyehꞈ gʼeh jiˇ-euˬ meh.

2 Laˬsaˬbaˬ 36:9

Yeˬhawˇyaˬciˬ-aˬ, tseˇ yehꞈ kʼoꞈ kʼawˆ ngeh Yuˇdaˆ sahˬ paˬ pyeuꞈ laˇ-awˇ, Yeˬluˇsaˬlehˬ meuˬ-ahˇ jawˇ-awˇ ba la smˇ siˬ uˬ taꞈ tseˇ nah uˆ lahˇ-euˬ meh. Aˬ yawꞈ kʼawꞈ, Sahˬpaˬ Miˬyehˇ mehˬ shi iˬ baˇ mˇ-euˬ meh.

Iˇsaˬyaˇ 49:16

Yeˬluˇsaˬlehˬ-oˇ, nawˬ-ahˇ ngaˇ tiˬ jawˇ-iˬ maˬ ngehˇ. Ngaˬ-euˬ aˬ laꞈ laꞈ zaˬ kʼoeˇ taˆ, nawˬ-euˬ tsawˇ myahˇ ngaˇ boꞈ ahˇ taˬ-euˬ ma.

Yeˬlaˬmiˇ 28:4

Yeˬhawˇyaˬkmˬ-euˬ aˬ li Yuˇdaˆ sahˬ paˬ Yeˬhawˇyaˬciˬ hawˇ-eu aˬ yawꞈ nehˬ-ehˇ Baˬbuˇloˬ miˇ kʼahˬ-ahˇ bi nyehꞈ daˆ leꞈ-euˬ Yuˇdaˆ miˇ kʼahˬ zaˬ deuˬ dawˬ tawˆ luꞈ-ahˇ kʼawꞈ, ngaˇ sheuˬ kʼoꞈ leꞈ ma. Ngeuˇ ma. Baˬbuˇloˬ sahˬ paˬ-euˬ baoˬ-ahˇ ngaˇ ngawˬ kʼehꞈ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 29:2

Sahˬ paˬ Yeˬhawˇyaˬciˬ maˬ ehˇ, aˬ yawꞈ-euˬ aˬ ma maˬ ehˇ, sahˬ paˬ-euˬ hawˇ nymˇ laꞈ kʼoeˇ gaˇ mˇ-eu yaw huiˬ yaw mahˇ deuˬ maˬ ehˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ sahˬ paˬ sahˬ ma geuꞈ-eu deuˬ maˬ ehˇ, Baˬbuˇloˬ miˇ kʼahˬ-ahˇ bi nyehꞈ daˆ leꞈ gʼaˬ jiˇ miˇ tsa, sahˬ boꞈ heu taꞈ ngaˇ boꞈ ahˇ gʼeh-euˬ ma.

Yeˬlaˬmiˇ 13:18

Sahˬpaˬ Miˬyehˇ ngaˬ-ahˇ ehˇ-eu, “Sahˬ paˬ hawˇ-eu aˬ yawꞈ-euˬ aˬ ma-ahˇ, heu loꞈ-ehˇ ehˇ nehˬ-awˬ. Naw maꞈ-euˬ nuiˇ mahˬ-ahˇ byehˇ-awˇ zaꞈ ka le-awˬ. Aˬ jeˬ miˇ neh ehˇ naˇ naw maꞈ uˬ duˬ-ahˇ kʼoˆ luꞈ-eu, kʼahˬ sehˇ huiˬ-eu shuiˇ uˬ kʼoˆ ga lehˆ le tehꞈ-a.

Yeˬlaˬmiˇ 24:1

Uˬ duˬ tahˬ nymˇ nymˇ ma mehˬ shi ciˬ taˬ-euˬ siˬ guˬ aˇ siˬ kʼaˆ puˬ nyiˬ puˬ, Sahˬpaˬ Miˬyehˇ ngaˬ-ahˇ mehˬ nehˬ laꞈ-euˬ meh. (Heu-aˬ, Yeˬhawˇyaˬkmˬ-euˬ aˬ li pyeuꞈ-eu Yuˇdaˆ sahˬ paˬ Yeˬhawˇyaˬciˬ-ahˇ, Yuˇdaˆ miˇ kʼahˬ-ahˇ aˬ yuiꞈ aˬ tsu geuꞈ luꞈ-eu deuˬ hawˇ-eu, ba jiˬ deuˬ, laꞈ saˇ maˇ deuˬ, laꞈ myawˬ laꞈ muˆ nya-eu deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ sahˬ paˬ Neˬbuˬkaˬneˬzaˬ neh bi nyehꞈ daˆ leꞈ gʼaˬ miˇ tsa meh.)