Yeˬlaˬmiˇ 22:10 - Akha

¹⁰ Yuˇdaˆ tsawˇ haˬ deuˬ-oˇ, sahˬ paˬ Yawˇshiˆ gʼaˇ duˬ taˬ ngoeˇ. Aˬ yawꞈ shiˇ-euˬ miˇ neh tsawˇ ngoeˇ taˬ ngoeˇ. Ehˇ kʼawꞈ, aˬ yawꞈ aˬ li Yoˇaˬhaˆ-euˬ gʼaˇ duˬ tsawˇ ngoeˇ ngoeˇ dui dui-awˬ. Aˬ cawˬ aˬ yawꞈ-ahˇ nyehꞈ byoˆ-awˇ, tiˬ jawˇ-iˬ maˬ paˇ ya gʼoꞈ doˆ laˇ-ehˇ, aˬ yawꞈ dehꞈ le-euˬ miˇ kʼahˬ-ahˇ, tiˬ jawˇ-iˬ maˬ paˇ ya mawˇ meh.

Yeˬlaˬmiˇ 22:10 Referans Kwoze

Yeˬlaˬmiˇ 22:11

Aˬ da gʼaˬ-euˬ dah zaˇ Yuˇdaˆ miˇ kʼahˬ-euˬ sahˬ paˬ geuꞈ-euˬ Yawˇshiˆ-euˬ aˬ li Yoˇaˬhaˆ-euˬ gaˇ kawˆ, Sahˬpaˬ Miˬyehˇ heu loꞈ-ehˇ ehˇ-eu meh. “Jawˇ duˬ heu tsahˇ-ahˇ neh aˬ yawꞈ iˇ byoˆ gʼeh-awˇ, tiˬ jawˇ-iˬ maˬ paˇ ya gʼoꞈ doˆ laˇ meh.

Dawˬ tsoˆ 4:2

Dehꞈ luꞈ-eu deuˬ naˆ maˬ tseˇ, shiˇ dzeuˇ-euˬ tsawˇ haˬ deuˬ maˬ gaˇ dzehˬ law hawˇ ngaˬ lehˇ ngaˬ-ahˇ noeˬ laˇ miˇ-a.

Ngoeˇ dawˬ 4:9

Guiˇ deuˆ gaˇ shiˇ-euˬ deuˬ maˬ tseˇ, mehꞈ-awˇ shiˇ-euˬ deuˬ doeˇ dzehˬ meh. Dzaˬ-eu tiˬ jeˬ-iˬ maˬ jaˆ-ehˇ, liˬ-iˇ koˆ-iˇ-awˇ shiˇ-euˬ meh.

Iˇsaˬyaˇ 57:1

Tsawˇ muiˬ deuˬ shiˇ-euˬ gaˇ, noeˬ keuˆ-eu tsawˇ haˬ maˬ jawˇ-a. Ehˇ kʼawꞈ, aˬ yawꞈ maꞈ shiˇ ngeh jawˇ, guˆ-eu gaˆ-eu jeˬ maˬ laˆ tsoeˬ nya-a.

2 Sahˬpaˬ 22:20

Yeˬluˇsaˬlehˬ meuˬ kʼoeˇ taˆ ngaˇ bi keuˆ le-eu lehˇ gʼeh luꞈ-eu kʼehˬ-eu kʼaˆ-eu jeˬ, nawˇ kʼaˇ dehꞈ kʼoeˇ keuˆ ni maˬ bi keuˆ le-ehˇ nyi naˬ ma. Nawˬ-ahˇ nui saˇ oꞈ-eu laꞈ kʼoeˇ ziˇ bi dehꞈ jiˇ ma’ lehˇ ehˇ-eu meh lehˇ, sahˬ paˬ-ahˇ tsaꞈ nehˬ leˇ-awˬ.” Aˬ yawꞈ maꞈ gʼeh, dawˬ kʼoeˇ dawˬ yuˇ-awˇ, sahˬ paˬ Yawˇshiˆ jawˇ gaˇ gʼoꞈ leˇ-euˬ meh.

Luˇkaꞈ 23:28

Ehˇ kʼawꞈ, aˬ yawꞈ maꞈ-ahˇ Yeˬsuˇ nahˇ gʼoꞈ gʼoꞈ haw-awˇ ehˇ-eu, “Yeˬluˇsaˬlehˬ meuˬ-euˬ zaˬ miˬ deuˬ-oˇ, ngaˬ-euˬ gʼaˇ duˬ tsawˇ ngoeˇ taˬ ngoeˇ. Naw maꞈ gʼaˇ duˬ hawˇ-eu naw maꞈ-euˬ zaˬ deuˬ gʼaˇ duˬ tsawˇ ngoeˇ ngoeˇ-awˬ.

Yeˬlaˬmiˇ 22:18

Kʼoeˇ miˇ neh, Yawˇshiˆ-euˬ aˬ li Yuˇdaˆ sahˬ paˬ Yeˬhawˇyaˬciˬ-euˬ gaˇ kawˆ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Aˬ yawꞈ shiˇ-eu aˇ nah keuˆ ngeh, ngaˬ-euˬ cawˬ gʼawˬ shaˬ-ehˇ miˇ-a ehˇ-awˇ, tsawˇ ngoeˇ ngoeˇ-eu gʼaˬ maˬ jawˇ-ehˇ, ngaˬ-euˬ sahˬ paˬ-oˇ lehˇ kuˇ-awˇ, ngoeˇ-eu tsawˇ haˬ tiˬ gʼaˬ-iˬ maˬ jawˇ-aˇ.

2 Laˬsaˬbaˬ 36:4

Neˬkawˇ-aˬ, Yoˇaˬhaˆ-euˬ aˬ nyiˇ Eˇliˇkmˬ-ahˇ Yuˇdaˆ sahˬ paˬ ka nehˬ-awˇ, Yeˬhawˇyaˬkmˬ lehˇ tsawˇ myahˇ myahˇ paˇ nehˬ-eu meh. Yoˇaˬhaˆ gʼaˬ-ahˇ-aˬ, Neˬkawˇ neh Iˇjiˇtuˆ miˇ kʼahˬ-ahˇ nyehꞈ gʼeh-euˬ meh.

Yeˬlaˬmiˇ 16:7

Gaˬ-eu gʼoeˇ-eu tsawˇ haˬ tiˬ gʼaˬ na shiˇ-euˬ kʼawꞈ, dzaˬ taꞈ dawˇ taꞈ-awˇ, gʼaˬ biꞈ-eu gʼaˬ maˬ jawˇ-ehˇ pyeuꞈ-iˇ tehꞈ-a. Aˬ ma aˬ da bi shiˇ-euˬ tsawˇ haˬ nehˬ-ehˇ kʼawꞈ, jawˇ cawˬ cawˬ nehˬ-eu tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 25:27

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Tsawˇ haˬ kʼoeˇ deuˬ-ahˇ heu loꞈ-ehˇ ehˇ nehˬ-awˬ. Aˬ yawꞈ maꞈ kʼmˬ maˬ kʼoeˇ ciˬ dawˇ-awˇ, dawˇ yehꞈ-eu miˇ neh uˬ pehꞈ pehꞈ-eu uˬ taꞈ, coˬ-iˇ-awˇ maˬ tuˇ laˇ nya-ehˇ pyeuꞈ-iˇ ngeh keuˆ ni ya dawˇ meh lehˇ, Iˇsaˬleˬlaˆ-euˬ Miˬyehˇ baoˬ huiˬ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ dawˬ biꞈ-eu ma. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ guiˇ deuˆ-eu jeˬ bi keuˆ le luꞈ-eu ma.

Yeˬlaˬmiˇ 28:4

Yeˬhawˇyaˬkmˬ-euˬ aˬ li Yuˇdaˆ sahˬ paˬ Yeˬhawˇyaˬciˬ hawˇ-eu aˬ yawꞈ nehˬ-ehˇ Baˬbuˇloˬ miˇ kʼahˬ-ahˇ bi nyehꞈ daˆ leꞈ-euˬ Yuˇdaˆ miˇ kʼahˬ zaˬ deuˬ dawˬ tawˆ luꞈ-ahˇ kʼawꞈ, ngaˇ sheuˬ kʼoꞈ leꞈ ma. Ngeuˇ ma. Baˬbuˇloˬ sahˬ paˬ-euˬ baoˬ-ahˇ ngaˇ ngawˬ kʼehꞈ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 42:18

“Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Ngaˇ nui ma pehˇ dui dui-eu jeˬ Yeˬluˇsaˬlehˬ meuˬ kʼoeˇ taˆ tahˬ daˆ nehˬ-euˬ loꞈ-ehˇ, naw maꞈ Iˇjiˇtuˆ miˇ kʼahˬ-ahˇ iˇ naˇ, naw maꞈ kʼoeˇ taˆ kʼawꞈ paˇ tahˬ daˆ nehˬ ma. Guˆ dui dui laˇ paˬ-ehˇ gʼeh-eu jeˬ naw maꞈ kʼoeˇ taˆ keuˆ le tehꞈ-a. Aˬ cawˬ naw maꞈ-ahˇ yahˬ caˆ neh juiꞈ-awˇ, naw maꞈ-euˬ tsawˇ myahˇ -ahˇ kuˇ kuˇ-ehˇ yaˬ kʼehˇ yaˬ tehꞈ-a. Jawˇ duˬ heu tsahˇ-ahˇ naw maꞈ maˬ paˇ ya gʼoꞈ mawˇ haw laˇ-aˇ’ lehˇ ehˇ-eu meh.”

Yeˬlaˬmiˇ 44:14

Baˬbuˇloˬ miˇ kʼahˬ-ahˇ maˬ bi nyehꞈ daˆ gʼeh ni Yuˇdaˆ miˇ kʼahˬ laꞈ kʼoeˇ dzeˇ yaꞈ-awˇ, Iˇjiˇtuˆ miˇ kʼahˬ-ahˇ kʼaˇ jawˇ-iˇ-euˬ tsawˇ haˬ dawˬ tawˆ luꞈ, tiˬ gʼaˬ-iˬ maˬ bi dzeuˇ-iˇ. Maˬ gʼaˬ maˬ na-ehˇ cehˆ dzeuˇ-euˬ tsawˇ haˬ heu myaˆ gʼaˬ maˬ ngeuˇ naˇ, tsawˇ haˬ tiˬ gʼaˬ-iˬ aˬ yawꞈ maꞈ gʼoꞈ jawˇ laˇ mawꞈ dui dui-eu Yuˇdaˆ miˇ kʼahˬ laꞈ kʼoeˇ maˬ paˇ ya gʼoꞈ jawˇ laˇ-aˇ.”

Yeˬsaˬgeˬlaˇ 24:16

“Tsawˇ haˬ zaˬ-oˇ, nawˇ gaˬ dui dui-eu gʼaˬ-ahˇ ngaˇ tiˬ poˆ tehꞈ-ehˇ yuˇ dzeh ma. Nawˇ maˬ ya noeˬ shaˬ, maˬ ya ngoeˇ-ehˇ, myaˆ biˇ kʼawꞈ maˬ ya bi doˆ le-a.

2 Sahˬpaˬ 23:29

Yawˇshiˆ sahˬ paˬ geuꞈ luꞈ ngeh, Iˇjiˇtuˆ sahˬ paˬ Neˬkawˇ gʼaˬ Aˬshuˇliˆ sahˬ paˬ-ahˇ caw ba-eu lehˇ, Iˇjiˇtuˆ guiˇ maꞈ tiˬ maꞈ sheuˬ-awˇ, Uˇpaˬlaˇ lawˇ daˬ-ahˇ laˇ-euˬ meh. Iˇjiˇtuˆ guiˇ maꞈ-ahˇ laˆ tsoeˬ-eu lehˇ, Meˬgiˇdoˬ meuˬ-ahˇ sahˬ paˬ Yawˇshiˆ le ngeh, guiˇ deuˆ gaˇ shiˇ-euˬ meh.

Yeˬlaˬmiˇ 22:27

Miˇ kʼahˬ heu kʼahˬ-ahˇ naw nyaꞈ ma zaˬ mawˇ mawꞈ dui dui tehꞈ-a. Ehˇ kʼawꞈ, tiˬ jawˇ-iˬ maˬ paˇ ya gʼoꞈ haw le meh.”