Yeˬlaˬmiˇ 21:14 - Akha

¹⁴ Ehˇ kʼawꞈ, nawˬ neh mˇ-euˬ jeˬ-ahˇ geuˇ ni, nawˬ-ahˇ ngaˇ kʼehˬ nehˬ ma. Nawˬ-euˬ sahˬ paˬ jawˇ-eu nymˇ-ahˇ ngaˇ miˬ dzaˬ keuˬ puiˆ-awˇ, dzawˬ gui dzawˬ nya yawˬ jeˬ na luꞈ bi puiˆ dzaˬ jiˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 21:14 Referans Kwoze

Yeˬlaˬmiˇ 32:19

Nawˬ-euˬ nui noeˬ nui duˇ zahˬ dui dui leˇ paˬ-ehˇ gʼeh-awˇ, nawˬ neh mˇ-euˬ gaˇ deuˬ huiˬ dui dui-eu meh. Tsawˇ haˬ zaˬ kʼaˇ mˇ kʼaˇ shaˇ-eu jeˬ-ahˇ nawˇ mawˇ nya-awˇ, aˬ yawꞈ maꞈ neh kʼaˇ mˇ-euˬ loꞈ-ehˇ nawˇ guiˬ lahˬ biꞈ-eu meh.

Dawqdaq 1:31

yawˬ ha kʼaˇ sehˬ taˬ-euˬ jeˬ ya yehˬ-awˇ, yawˬ ha neh yaw doeˇ jahˇ-euˬ jeˬ, yawˬ ha-ahˇ gʼoꞈ kʼoꞈ laˇ tehꞈ-a.

Yeˬlaˬmiˇ 52:13

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, nymˇ yaw muiˬ dawˬ tawˆ luꞈ-ahˇ maˬ ehˇ, aˬ yawꞈ miˬ dzaˬ keuˬ dzeh-euˬ meh.

Yeˬlaˬmiˇ 17:10

Sahˬpaˬ Miˬyehˇ pyeuꞈ-eu ngaˇ-aˬ, tsawˇ haˬ zaˬ-euˬ nui ma-ahˇ pyehˆ tseˇ-awˇ, yaw gʼoꞈ yaw dawˇ lawˬ haw-eu ma. Tsawˇ haˬ zaˬ-euˬ dehꞈ jeˬ dehꞈ kawˆ-ahˇ ngaˇ haw-awˇ, yawˬ gʼaˬ na luꞈ-ahˇ kʼaˇ oꞈ kʼaˇ geuˇ-eu loꞈ-ehˇ, yaw muiˬ yaw doeˇ guiˬ lahˬ ngaˇ biꞈ-eu ma.”

2 Laˬsaˬbaˬ 36:19

Uˬ duˬ tahˬ nymˇ nymˇ ma hawˇ-eu meuˬ aˬ yawꞈ-ahˇ, sahˬ paˬ-euˬ hawˇ nymˇ deuˬ hawˇ-eu kʼaˇ muiˬ kʼaˇ jaˬ-eu yawˬ jeˬ na luꞈ nehˬ-ehˇ tiˬ kawˆ loꞈ-ehˇ miˬ dzaˬ keuˬ dzeh jiˇ-awˇ, meuˬ meuˬ lahˇ laˆ byaˆ-euˬ meh.

Yeˬlaˬmiˇ 9:25

Sahˬpaˬ Miˬyehˇ ehˇ-eu, “Nui ma laꞈ kʼoeˇ keuˆ ni baˆ kʼoˆ mehˬ dzaˬ maˬ yehˬ-ehˇ, zahˇ kʼaˇ deˬ maˬ deˬ laꞈ nyiˇ paw tehꞈ-ehˇ baˆ kʼoˆ mehˬ dzaˬ yehˬ taˬ-euˬ tsawˇ haˬ deuˬ-ahˇ, ngaˇ kʼehˬ nehˬ kʼaˆ nehˬ-eu aˇ yamˬ keuˆ le luꞈ meh.

Zaˬkaˬliˇ 11:1

Leˬbaˬnoˬ-oˇ, laˇ gʼoˆ pah-awˬ. Nawˬ-euˬ shuˬ liˇ aˇ bawˇ kʼoeˇ deuˬ, miˬ dzaˬ bi puiˆ sehꞈ-eu gʼaˇ duˬ, nawˬ-euˬ laˇ gʼoˆ pah dzeh jiˇ-awˬ.

Yeˬlaˬmiˇ 22:7

Sahˬ paˬ jawˇ-eu hawˇ nymˇ kʼoeˇ-ahˇ bi laˆ cawˆ-eu gʼaˇ duˬ, ngaˇ tsawˇ haˬ pyehˬ gʼeh leꞈ ma. Aˬ yawꞈ maꞈ deuˆ haˬ baꞈ leꞈ-awˇ, haw muiˬ dui dui-eu shuˬ liˇ kʼawˇ zeuˇ deuˬ-ahˇ deuˆ tsehˆ-awˇ, miˬ dzaˬ-ahˇ baꞈ puiˆ tehꞈ-a.

Yeˬlaˬmiˇ 11:22

Kʼoeˇ miˇ neh , Baoˬ huiˬ-eu Sahˬpaˬ Miˬyehˇ ehˇ-eu, “Aˬ yawꞈ maꞈ-ahˇ ngaˇ kʼehˬ nehˬ kʼaˆ nehˬ ma. Aˬ yawꞈ maꞈ-euˬ aˬ li zaˬ guˬ deuˬ guiˇ deuˆ gaˇ ya shiˇ tehꞈ-a. Aˬ yawꞈ maꞈ-euˬ aˬ buˇ aˬ li deuˬ hawˬ mehꞈ ya dzahˬ sehꞈ tehꞈ-a.

Yeˬlaˬmiˇ 6:29

Baw aˇ naˆ ni baw neˇ kʼawꞈ, shmˇ shmˇ keˬ maˬ baw shawˇ nya-eu loꞈ-ehˇ, ngaˬ-euˬ tsawˇ haˬ deuˬ ahˇ baw shawˇ-eu-aˬ, haiˬ-eu jeˬ maˬ byoˆ-iˇ nya-eu miˇ neh, tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 37:24

Nawˬ-euˬ zaˬ kʼaˆ-ahˇ nawˇ pyehˬ gʼeh leꞈ-awˇ, goˇ dui dui-eu Leˬbaˬnoˬ gawˬ jawˬ-ahˇ nawˬ neh deuˆ gʼaˬ-euˬ gaˇ kawˆ, ngaˇ jawˇ gaˇ kʼahˬ sehˇ bi jehˆ le-euˬ meh. Kʼoeˇ gaˇ, goˇ dui dui-eu shuˬ liˇ aˇ bawˇ hawˇ-eu guˇ baˬ luˇ aˇ bawˇ deuˬ nawˇ tuˇ dzeh-awˇ, sahˬ kʼaˆ jeˬ dui dui-eu tsahˇ-ahˇ iˇ keuˆ-euˬ gaˇ kawˆ, nawˇ kʼahˬ sehˇ jehˆ-eu meh.

Iˇsaˬyaˇ 24:21

Mˬ kʼoeˇ taˆ baoˬ huiˬ-eu deuˬ hawˇ-eu, miˇ tsaˬ kʼoeˇ taˆ dzoeˬ dzaˬ-eu deuˬ-ahˇ, Sahˬpaˬ Miˬyehˇ kʼehˬ-eu aˇ nah peh laˇ luꞈ meh.

Iˇsaˬyaˇ 10:12

Ziˇoˬ gawˬ jawˬ hawˇ-eu Yeˬluˇsaˬlehˬ meuˬ kʼoeˇ taˆ, mˇ paˬ-ehˇ gʼeh-eu gaˇ deuˬ-ahˇ Sahˬpaˬ Miˬyehˇ mˇ gʼaˬ ngeh, nui ma huiˬ-eu mahˇ-eu laꞈ kʼoeˇ kʼahˬ sehˇ jehˆ luꞈ-eu Aˬshuˇliˆ sahˬ paˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a.

Iˇsaˬyaˇ 10:16

Kʼoeˇ miˇ neh, Baoˬ huiˬ-eu Sahˬpaˬ Miˬyehˇ-aˬ, naˇ gawˇ yaw kʼaˆ pyehˬ gʼeh leꞈ-awˇ, deuˇ dui dui-eu yehˇ deuˬ-ahˇ kʼehˬ nehˬ kʼaˆ nehˬ tehꞈ-a. Aˬ yawꞈ-euˬ yaw shehꞈ kʼahˬ sehˇ uˬ moˆ miˬ dzaˬ doꞈ laˇ-awˇ, miˬ lmˇ doˆ le tehꞈ-a.

Yeˬlaˬmiˇ 11:16

Aˇ hu aˬ yawꞈ maꞈ-ahˇ ngaˇ, aˇ paꞈ sahˇ-awˇ aˇ siˬ muiˬ dui dui-eu saˬ loˬ aˇ bawˇ lehˇ myahˇ-euˬ ma. Ehˇ kʼawꞈ, nymˬ-mˇ poˆ jawˇ-aˬ, mˬ jeˬ jeˬ-eu loꞈ-ehˇ mahˇ laˇ gaˇ keuˆ ni aˇ paꞈ deuˬ-ahˇ ngaˇ dzah puiˆ-awˇ, uˬ laꞈ deuˬ-ahˇ ngawˬ kʼehꞈ nehˬ ma.

Yeˬlaˬmiˇ 17:27

Ehˇ kʼawꞈ, aˬ yawꞈ maꞈ ngaˬ-euˬ ehˇ dawˬ ya naˇ haˬ-awˇ, jawˇ nah-ahˇ nah muiˬ nah shawˇ aˇ nah loꞈ-ehˇ ya lah ya daw tehꞈ-a. Jawˇ nah ngeh nah-ahˇ Yeˬluˇsaˬlehˬ meuˬ-euˬ lahˇ kʼehˬ deuˬ laꞈ kʼoeˇ myawˬ sha doˆ sha ahˇ-eu jeˬ maˬ ya mˇ-a. Aˬ yawꞈ maꞈ kʼoeˇ loꞈ-ehˇ jahˇ naˇ, Yeˬluˇsaˬlehˬ meuˬ-euˬ lahˇ kʼehˬ deuˬ-ahˇ ngaˇ miˬ dzaˬ keuˬ dzeh-awˇ, miˬ dzaˬ kʼoeˇ Yeˬluˇsaˬlehˬ meuˬ laꞈ kʼoeˇ jaˆ-eu sahˬ paˬ-euˬ nymˇ deuˬ-ahˇ puiˆ-awˇ, tiˬ gʼaˬ-iˬ maˬ laˆ miˇ nya ni puiˆ dzaˬ jiˇ tehꞈ-a.”

Yeˬlaˬmiˇ 22:1

Daˬbiˇ-euˬ dzoeˬ dzaˬ nuiˇ mahˬ-ahˇ nuiˇ-eu Yuˇdaˆ sahˬ paˬ-euˬ nymˇ-ahˇ, Sahˬpaˬ Miˬyehˇ ngaˬ-ahˇ kʼehˇ gʼeh-awˇ, kʼoeˇ gaˇ jawˇ-eu sahˬ paˬ-ahˇ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ maˬ ehˇ, Sahˬpaˬ Miˬyehˇ-euˬ dawˬ heu loꞈ-ehˇ tsaꞈ gaˬ leˇ-awˬ lehˇ ehˇ-eu meh.

Yeˬlaˬmiˇ 46:23

Sahˬ kʼaˆ kʼaˆ ma tuˆ byoˆ nehˬ-eu loꞈ-ehˇ jahˇ le tehꞈ-a. Aˬ yawꞈ maꞈ-euˬ tsawˇ haˬ-ahˇ maˬ gui jiˇ coeˇ-ehˇ, aˬ yawꞈ maꞈ-euˬ yehˇ deuˬ nyehˇ bahˇ baˬ maꞈ naˆ maˬ tseˇ myaˬ tehꞈ-a.

Yeˬlaˬmiˇ 50:32

Nui ma huiˬ-eu mahˇ-eu naw maꞈ tsawˇ jeuˬ coˬ-iˇ-awˇ, tsahˇ tuˇ nehˬ-eu gʼaˬ maˬ jawˇ-ehˇ pyeuꞈ-iˇ tehꞈ-a. Nawˬ-euˬ meuˬ deuˬ-ahˇ ngaˇ miˬ dzaˬ keuˬ dzeh-awˇ, tahˬ gʼoꞈ tahˬ jawˇ kʼaˇ jaˆ-eu jeˬ dawˬ tawˆ luꞈ cawˆ-iˇ jiˇ tehꞈ-a.”

Ngoeˇ dawˬ 2:3

Aˬ yawꞈ nui ma pehˇ dui dui-awˇ, Iˇsaˬleˬlaˆ-euˬ gʼaˬ gʼaˬ siˬ, tuˆ paˆ dzeh-awˇ bi shaˬ-euˬ meh. Muiˇ-eu deuˬ-ahˇ ciˬ daˬ luꞈ ngeh, caw ba luꞈ-eu aˇ maˇ laꞈ-ahˇ, cawˬ kʼoꞈ nehˬ-awˇ bi shaˬ-euˬ meh. Miˬ dzaˬ puiˆ byoˆ jiˇ-euˬ loꞈ-ehˇ, kʼaˇ jaˆ-eu jeˬ dawˬ tawˆ luꞈ-ahˇ, aˬ yawꞈ laˆ cawˆ nehˬ jiˇ-euˬ meh.

Dawqdaq 12:14

Yawˬ ha neh ngehˬ-euˬ tmˇ-euˬ dawˬ yawˬ ha-ahˇ mˇ cu-awˇ yawˬ ha neh mˇ-euˬ gaˇ yawˬ ha jawˇ gaˇ gʼoꞈ kʼoꞈ laˇ tehꞈ-a.

Yeˬlaˬmiˇ 6:19

Miˇ tsaˬ tahˬ kʼawˇ-oˇ naˬ bawˇ ciˬ kʼmˇ-awˬ. Tsawˇ haˬ heu deuˬ ngaˬ-euˬ dawˬ-ahˇ maˬ naˇ haˬ-ehˇ, ngaˬ-euˬ zahˇ dawˬ kʼoꞈ dawˬ-ahˇ byehˇ dzeh-euˬ miˇ neh, oꞈ-eu geuˇ-eu loꞈ-ehˇ aˬ yawꞈ maꞈ-ahˇ kʼehˬ-awˇ, luˬ-iˇ seˇ-iˇ-eu jeˬ bi keuˆ le ma.

Yeˬsaˬgeˬlaˇ 21:3

Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Naw maꞈ-ahˇ ngaˇ muiˇ-eu ma. Mi cehˇ gʼawˇ doˆ-awˇ, tsawˇ muiˬ tsawˇ doeˇ maˬ tseˇ ni naw maꞈ dawˬ tawˆ luꞈ-ahˇ sehꞈ ma.

Miˇkaˬ 7:13

Ehˇ kʼawꞈ, miˇ tsaˬ kʼoeˇ taˆ jawˇ-eu tsawˇ haˬ zaˬ deuˬ yaw haiˬ jeˬ mˇ-eu baˬ da neh, miˇ kʼahˬ nui deuˬ dawˬ tawˆ luꞈ ciˬ cuˇ ni gʼeh-eu kʼaˇ shuiꞈ shuiꞈ yaˇ loꞈ-ehˇ pyeuꞈ jiˇ tehꞈ-a.