Yeˬlaˬmiˇ 20:18 - Akha

¹⁸ Aˬ jeˬ miˇ neh ngaˇ dehꞈ le taˬ. Shaˬ zahˬ mˇ-eu gʼaˇ duˬ dehꞈ le taˬ loˇ. Tiˬ ziˇ jiˇ ni daˬ ga-eu lehˇ dehꞈ le taˬ loˇ.

Yeˬlaˬmiˇ 20:18 Referans Kwoze

Yawˇbaˆ 3:20

“Aˬ jeˬ miˇ neh tsawˇ haˬ zaˬ-ahˇ shaˬ zahˬ naꞈ naꞈ-ehˇ bi dehꞈ ta. Aˬ jeˬ miˇ neh noeˬ shaˬ luꞈ-eu deuˬ-ahˇ yaw shehꞈ bya nehˬ ta.

Ngoeˇ dawˬ 3:1

Miˬyehˇ nui ma pehˇ-eu daˇ cuiˇ bi diˬ naˇ haw-euˬ gʼaˬ ngaˇ ma.

Yawˇbaˆ 14:1

Zaˬ miˬ zaˬ-euˬ uˬ maˆ-ahˇ neh dehꞈ doˆ le-euˬ tsawˇ haˬ zaˬ-aˬ, dehꞈ ziˇ aˇ nah aˇ yamˬ nymˇ-awˇ, shaˬ zahˬ tiˬ byah ni jaˆ meh.

Jaceuq 69:19

Aˬ cawˬ ngaˬ-ahˇ ngehˬ doeˇ ehˇ doeˇ dui dui-awˇ, ngaˇ aˇ naˆ ni daˬ ya ga-eu nawˇ siˬ nya luꞈ meh. Ngaˬ-ahˇ muiˇ-eu deuˬ dawˬ tawˆ luꞈ-ahˇ nawˇ mawˇ luꞈmeh.

HeˬByehˇ 13:13

Kʼoeˇ miˇ neh, aˬ dui kʼawꞈ, pu pu dzeˇ aˬ yawꞈ jawˇ gaˇ iˇ-awˇ, shaꞈ dawˇ-eu jeˬ-ahˇ tiˬ kawˆ loꞈ-ehˇ caw daˬ kaˇ-euˇ.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

HeˬByehˇ 11:36

Tiˬ paˆ na deuˬ-aˬ, yehˬ bawˬ sehˇ lu-ehˇ bi ehˇ niˇ gʼa-awˇ, yahˬ caˆ neh bi juiꞈ-euˬ meh. Tiˬ paˆ na deuˬ-aˬ, shmˇ caˆ bi paꞈ-awˇ, tawˬ-ahˇ bi tsahˇ uˇ gʼeh-euˬ meh.

HeˬByehˇ 10:36

Miˬyehˇ-euˬ nui kʼahˇ mˇ byah-awˇ aˬ yawꞈ neh saˇ jaˇ dzaˬ taˬ-euˬ jeˬ-ahˇ za nya ni, nui ma gʼawˬ mahˇ ni ya taˬ meh.

2 Tiˆmoˇseˬ 1:12

Kʼoeˇ-euˬ gʼaˇ duˬ, kʼehˬ-eu kʼaˆ-eu heu deuˬ-ahˇ ngaˇ daˬ luꞈ-eu ma. Ehˇ kʼawꞈ, ngaˇ tiˬ pawꞈ-iˬ maˬ shaꞈ dawˇ. A jeˬ miˇ neh ehˇ naˇ, ngaˇ gʼoe luꞈ-eu gʼaˬ aˬ suˇ gʼaˬ-a lehˇ ngaˇ siˬ nya-awˇ, aˬ yawꞈ neh ngaˬ-ahˇ a nehˬ taˬ-euˬ jeˬ-ahˇ, Aˇ nah kʼoeˇ nah keuˆ laˇ ngeh keuˆ ni aˬ yawꞈ jeˬ hmˬ bo saˆ tehꞈ-a lehˇ ngaˇ siˬ nya ma.

Gʼaˬkʼehˇ 5:41

Gʼaˬ kʼehˇ deuˬ Baꞈ dzah-ahˇ neh gʼoꞈ doˆ le ngeh, laˬ kʼaˬ cehˇ-eu meh. Aˬ jeˬ miˇ neh ehˇ naˇ, Yeˬsuˇ gʼaˇ duˬ shaꞈ dawˇ-eu jeˬ-ahˇ daˬ geuˇ-eu tsawˇ haˬ lehˇ, aˬ yawꞈ maꞈ-ahˇ Miˬyehˇ sawˇ nehˬ-euˬ aˬ yawꞈ maꞈ siˬ nya-eu meh.

Yoˇhaˬ 16:20

Ngaˇ naw maꞈ-ahˇ dawˇ coe ni ehˇ-eu ma. Naw maꞈ myaˆ biˇ doˆ le-eu uˬ taꞈ, tsawˇ ngoeˇ kʼawꞈ ya ngoeˇ tehꞈ-a. Ehˇ kʼawꞈ, miˇ kʼahˬ zaˬ deuˬ laˬ kʼaˬ cehˇ tehꞈ-a. Naw maꞈ nui ma shaˬ zahˬ ya mˇ tehꞈ-a. Ehˇ kʼawꞈ, naw maꞈ neh noeˬ shaˬ-euˬ jeˬ kʼoeˇ, laˬ kʼaˬ cehˇ-eu jeˬ paˇ pyeuꞈ laˇ tehꞈ-a.

Ngoeˇ dawˬ 1:12

“Kʼaˇ iˇ kʼaˇ laˇ tsehˆ-eu deuˬ-oˇ, naw maꞈ ngaˬ-ahˇ maˬ taꞈ te loˇ. Sahˬpaˬ Miˬyehˇ nui ma pehˇ-awˇ, ngaˬ-euˬ kʼoeˇ taˆ bi keuˆ le-euˬ, ngaˇ mˇ luꞈ-eu shaˬ zahˬ naˆ ni, shaˬ haw mˇ haw-euˬ jawˇ meh loˇ. Naw maꞈ haw le-awˇ shaˇ noeˬ sheˇ.

Yeˬlaˬmiˇ 8:18

Ngaˇ noeˬ shaˬ-eu maˬ byoˆ-iˇ nya miˇ-a. Nui ma shaˬ zahˬ mˇ-eu maˬ jiˇ miˇ-a.

Iˇsaˬyaˇ 51:7

“Ngaˬ-euˬ zahˇ dawˬ kʼoꞈ dawˬ nui ma laꞈ kʼoeˇ ahˇ-awˇ, tsaˬ-eu dawˇ-eu jeˬ siˬ nya-eu naw maꞈ, ngaˇ ehˇ gaˇ naˇ haˬ-awˬ. Aˬ cawˬ naw maꞈ-ahˇ yehˬ bawˬ sehˇ lu-ehˇ ehˇ laˇ-awˇ lmˬ gaˇ, naw maꞈ ta guˆ.

Iˇsaˬyaˇ 1:6

Aˬ kuiˇ pehˬ zaˬ-ahˇ neh uˬ duˬ-ahˇ doˆ ni, geuꞈ-eu maˬ paˇ ahˇ ngaˇ. Maˇ kʼehˬ maˇ naˇ hawˇ-eu shiˬ dzahˬ maˇ lu tehꞈ-ehˇ jaˆ-awˇ, shiˬ doˆ dui dui luꞈ nga. Nawˬ-euˬ maˇ naˇ maˬ laˆ taˬ-ehˇ, saˬ paˇ maˬ lahˇ taˬ-aˬ. Jaˆ gʼaˬ maˬ laˆ saˆ-aˬ.

Yawˇbaˆ 14:13

“Shiˇ-eu miˇ kʼahˬ laꞈ kʼoeˇ nawˇ ngaˬ-ahˇ ciˬ zaꞈ nehˬ laꞈ law nmˇ-aˬ lehˇ noeˬ miˇ-a. Nawˇ nui ma pehˇ-eu shuꞈ-iˇ ngeh keuˆ ni, ngaˬ-ahˇ kʼoeˇ gaˇ ciˬ zaꞈ-awˇ, ngaˬ-ahˇ noeˬ keuˆ-eu aˇ nah tiˬ nah bi baw-awˬ.

Yawˇbaˆ 5:7

Miˬ dzaˬ miˬ dziꞈ kʼoeˇ taˆ paw poˬ daˆ-eu yaw duˬ baw-eu loꞈ-ehˇ, yawˬ ha kʼoeˇ taˆ shaˬ zahˬ keuˆ le ni tsawˇ haˬ zaˬ yawˬ haˇ yawˬ ha mˇ-eu yaw duˬ baw-eu meh.

Jaceuq 102:3

Ngaˬ-euˬ ziˇ miˬ dzaˬ uˬ kʼoeˬ loꞈ-ehˇ byoˆ le luꞈ-awˇ, ngaˬ-euˬ gʼawˇ mawˇ miˬ dzaˬ loꞈ-ehˇ doꞈ luꞈ-eu ma.

Yeˬlaˬmiˇ 3:25

Shaꞈ dawˇ-eu laꞈ kʼoeˇ yuꞈ ja-awˇ, daˬ ga-eu jeˬ neh bi sheu kaˬ paˬ-ehˇ gʼeh miˇ-a. Nga maꞈ hawˇ-eu nga maꞈ-euˬ aˬ poeˬ aˬ bawˇ deuˬ, nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ myah luꞈ puiˬ-awˇ, aˬ yawꞈ-euˬ zahˇ dawˬ kʼoꞈ dawˬ-ahˇ tiˬ jawˇ-iˬ maˬ naˇ haˬ geuꞈ ni dehꞈ-euˬ ma.”

Yeˬlaˬmiˇ 15:10

Ngaˇ yaw dehꞈ dehꞈ-eu nui saˇ tiˬ pawꞈ-iˬ maˬ oꞈ miˇ-a. Aˬ jeˬ miˇ neh ngaˬ ma ngaˬ-ahˇ miˇ tsaˬ kʼoeˇ taˆ bi dehꞈ le-euˬ maˬ siˬ miˇ-a. Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ nehˬ-ehˇ ngaˇ ya ceh-awˇ, ya ja dzaˬ luꞈ-eu ma. Ngaˇ aˬ cawˬ-euˬ pyuˇ maˬ shaˇ paˇ-ehˇ, aˬ cawˬ-ahˇ pyuˇ maˬ paˇ nehˬ kʼawꞈ, yawˬ gʼaˬ na luꞈ ngaˬ-ahˇ yaˬ kʼehˇ yaˬ-eu meh.

Haˬbaˬkuˆ 1:3

Maˬ tsaˬ maˬ dawˇ-eu jeˬ mˇ gaˇ, aˬ jeˬ miˇ neh bi haw laꞈ te. Yaw haiˬ jeˬ hawˇ-eu yaw cawˆ jeˬ, ngaˬ-euˬ mehˬ shi mˇ dui dui-awˇ, iˬ dehˬ iˬ ceh yaˇ kʼaˬ mehˬ dzaˬ, maˬ gui jiˇ coeˇ ni jaˆ luꞈ meh.

1 Sahˬpaˬ 19:4

Kʼoeˇ naˇ, nah ga-ehˇ bawˇ tsahˬ bawˇ dahˇ paw aˬ yawꞈ le gʼeh leꞈ-euˬ meh. Aˇ bawˇ naˇ shmˇ dawˬ pehˬ-ahˇ aˬ yawꞈ gʼaˬ naˬ naˬ-awˇ nuiˇ-eu laꞈ kʼoeˇ, yaw dehꞈ dehꞈ-awˇ maˬ paˇ jawˇ mawꞈ-eu miˇ neh, “Sahˬpaˬ Miˬyehˇ-oˇ, gʼaˬ dzaˬ gʼaˬ dawˇ miˇ-a. Ngaˬ-euˬ saꞈ laˇ yuˇ kʼoꞈ nehˬ laꞈ-awˬ. Ngaˇ yaw dehꞈ maˬ paˇ dehꞈ mawꞈ miˇ-a” lehˇ guiˬ lahˬ shaˇ-euˬ meh.

Yeˬlaˬmiˇ 15:18

Aˬ jeˬ miˇ neh ngaˬ-euˬ naˇ gawˇ taˬ leˇ-euˬ maˬ baw ta. Jawˇ la yamˬ-ahˇ gui-iˇ-eu lawˇ gawˆ loꞈ-ehˇ, nawˇ ngaˬ-ahˇ bi shaˬ-eu gʼeh te loˇ.”