Yeˬlaˬmiˇ 2:31 - Akha

³¹ Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Ngaˇ-aˬ, naw maꞈ gʼaˇ duˬ kʼaˇ shuiꞈ deh yaˇ-ahˇ duˇ ta loˇ. Zahˇ tsui ni gʼeh-awˇ guˆ kʼaˇ za-eu miˇ kʼahˬ-ahˇ duˇ ta loˇ. Aˬ jeˬ miˇ neh ngaˇ jawˇ paw maˬ gʼoꞈ pyawˇ laˇ-ehˇ, yawˬ ha kʼaˇ noeˬ-euˬ jeˬ mˇ ma ehˇ te.

Yeˬlaˬmiˇ 2:31 Referans Kwoze

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.

1 Gawˇliˬtu 4:8

Naw maꞈ kʼaˇ loˬ-eu jeˬ dawˬ tawˆ luꞈ jaˆ jiˇ ma loˇ. Naw maꞈ smˇ muiˬ muiˬ laˇ gʼaˬ-euˬ ma loˇ. Nga maꞈ sahˬ paˬ sahˬ ma maˬ pyeuꞈ laˇ-euˬ kʼawꞈ, naw maꞈ sahˬ paˬ sahˬ ma pyeuꞈ laˇ-euˬ te loˇ. Muiˬ tehꞈ-a. Nga maꞈ gʼeh naw maꞈ nehˬ-ehˇ tiˬ kawˆ loꞈ-ehˇ sahˬ paˬ sahˬ ma ya geuꞈ ni, naw maꞈ-ahˇ sahˬ paˬ sahˬ ma bi pyeuꞈ laˇ mawꞈ miˇ-a.

Miˇkaˬ 6:9

Sahˬpaˬ Miˬyehˇ-ahˇ guˆ-eu tsawˇ haˬ-aˬ, tsawˇ gahˇ ahˇ-eu tsawˇ haˬ meh. Yeˬluˇsaˬlehˬ meuˬ-ahˇ Sahˬpaˬ Miˬyehˇ guˇ-awˇ ehˇ-eu, “Meuˬ laꞈ kʼoeˇ uiˬ leˇ taˬ-euˬ tsawˇ haˬ deuˬ naˇ haˬ yawˬ.

Aˬmoˆ 1:1

Heu-aˬ, Teˬkawˬ meuˬ-ahˇ jawˇ-eu yawˇ bo-eu tsawˇ haˬ tiˬ gʼaˬ pyeuꞈ-eu Aˬmoˆ-euˬ dawˬ deuˬ meh. Miˇ luˆ luˆ-euˬ mehˬ hu nyiˬ kʼoꞈ-ahˇ, Awˇziˇ gʼaˬ Yuˇdaˆ sahˬ paˬ geuꞈ luꞈ-awˇ, Yeˬhawˇshaˆ-euˬ aˬ li Yeˬyawˇbamˬ gʼaˬ Iˇsaˬleˬlaˆ sahˬ paˬ geuꞈ luꞈ ngeh yamˬ-ahˇ, Iˇsaˬleˬlaˆ miˇ kʼahˬ-ahˇ taꞈ leˇ-eu gaˇ kawˆ heu deuˬ dawˬ tawˆ luꞈ, Aˬmoˆ-ahˇ Miˬyehˇ pah mehˬ nehˬ-euˬ meh.

Hawˇseˬ 13:6

Ehˇ kʼawꞈ, miˇ muiˬ-ahˇ le uˇ-awˇ, ya dzaˬ ya dawˇ dehˆ laˇ ngeh nah, naw maꞈ nui ma huiˬ laˇ jiˇ-awˇ, ngaˬ-ahˇ ngehˇ byoˆ nehˬ laꞈ-euˬ meh.

Iˇsaˬyaˇ 45:19

Ngaˇ dawˬ zaꞈ maˬ ngehˬ-ehˇ, ngaˬ-euˬ nui kʼahˇ ngaˇ maˬ dehˬ kaˬ taˬ-aˬ. Jawˇ tsaˬ maˬ tsoˆ-eu ngaˬ-ahˇ poˆ-awˬ lehˇ, Iˇsaˬleˬlaˆ tsawˇ haˬ deuˬ-ahˇ ngaˇ maˬ kʼehˇ-aˬ. Ngaˇ Sahˬpaˬ Miˬyehˇ pyeuꞈ-awˇ dawˬ maˇ ngehˬ-eu ma. Yaw tsaˬ yaw dawˇ jeˬ ngaˇ pah mehˬ luꞈ ma.”

Dawqdaq 30:9

Ngaˇ aˇ dzehˬ jaˆ laˇ naˇ, nawˬ-ahˇ maˬ loˬ lehˇ ngaˇ ehˇ tehꞈ-a. Ehˇ kʼawꞈ, ngaˇ iˇ shaˬ shaˬ naˇ, smˇ kʼoeˬ kʼoeˬ-awˇ ngaˬ-euˬ Miˬ yehˇ nui ma maˬ saˇ-eu jeˬ mˇ gaˇ guˆ nya.

Jaceuq 12:4

“Kʼaˇmawꞈ-eu jeˬja geuꞈnya ma. Kʼaˇngehˬmawꞈ-eu jeˬngehˬ-eu ma. aˬsuˇgʼaˬlaˆtsoeˬnya ta” lehˇ, aˬyawꞈmaꞈnui ma huiˬ-eu meh.

Jaceuq 10:4

Yaw haiˬdeuˬSahˬpaˬMiˬyehˇ-ahˇ, maˬhaw cawˬni jahˇgʼeh haw-awˇ, Miˬyehˇgaˇdahˇmaˬtsoeˬ-a lehˇ, nui ma laꞈkʼoeˇnoeˬluꞈ-eu meh.

2 Laˬsaˬbaˬ 31:10

Kʼoeˇ ngeh, “Uˬ duˬ tahˬ nymˇ nymˇ ma laꞈ kʼoeˇ laꞈ sawˬ heu deuˬ yuˇ keuˆ laꞈ ngeh tiˬ nah neh, dzaˬ loꞈ dawˇ loꞈ-eu uˬ taꞈ, gʼawˬ mya ni dzehˬ laˇ taˬ-euˬ meh. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ guiˬ lahˬ biꞈ nehˬ-euˬ miˇ neh heu myaˆ myaˆ-ehˇ dzehˬ laˇ taˬ-euˬ meh” lehˇ, Zaˬdoˆ-euˬ aˬ li Piˇ ma Yaw huiˬ gʼaˬ pyeuꞈ-eu Zaˬkaˬliˇ neh sahˬ paˬ Heˬsaˬgiˇ-ahˇ ehˇ kʼoꞈ nehˬ-euˬ meh.

Dawˬmehˬ 31:20

Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh saˇ jaˇ dzaˬ taˬ-euˬ loꞈ-ehˇ, miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ uˇ gʼeh ma. Kʼoeˇ gaˇ, aˬ yawꞈ maꞈ kʼaˇ dzaˬ mawꞈ-eu jeˬ tiˬ byah ni jaˆ-awˇ, yaw saˇ saˇ-ehˇ ya dehꞈ ya jawˇ tehꞈ-a. Ehˇ kʼawꞈ, aˬ yawꞈ maꞈ mehˬ shiˬ yawˬ paw yawˬ ciˬ pyawˇ-awˇ, miˬyehˇ nui deuˬ-ahˇ uˬ duˬ tahˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, ngaˬ-euˬ dawˬ ma saˇ jaˇ-ahˇ puiˬ tehꞈ-a.

Yeˬlaˬmiˇ 2:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˇ aˇ hu ngaˬ-euˬ baoˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ-eu uˬ taꞈ, ngaˬ-ahˇ nawˇ uˬ duˬ maˬ tahˬ-a. Gawˬ duˇ kʼaˇ goˇ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, miˇ muiˬ miˬ yehˇ deuˬ-ahˇ nawˇ uˬ duˬ tahˬ-euˬ meh.

Yeˬlaˬmiˇ 2:25

Iˇsaˬleˬlaˆ-oˇ, miˬ yehˇ nui deuˬ-ahˇ poˆ-eu laꞈ kʼoeˇ, nawˬ-euˬ aˬ kuiˇ gʼah-awˇ kuˬ byahˬ taˬ bi gui-iˇ. Ehˇ kʼawꞈ, nawˇ heu loꞈ-ehˇ ehˇ-eu meh. ‘Ngaˇ maˬ paˇ gʼoꞈ kʼoꞈ laˇ haw ma. Aˬ cawˬ-euˬ miˬ yehˇ-ahˇ jawˇ gaˬ taˬ-eu miˇ neh, miˬ yehˇ kʼoeˇ deuˬ-euˬ mehˬ nah caw teh ma’ lehˇ ehˇ-eu meh.”

Dawˬmehˬ 32:18

Yawꞈ maꞈ-ahˇ dehꞈ-eu jeˬ biꞈ-euˬ, ka kʼoꞈ nehˬ-euˬ yaw sahˇ pyeuꞈ-eu, Miˬyehˇ-ahˇ yawꞈ maꞈ ngehˇ-euˬ meh.

1 Sahˬpaˬ 11:22

“Nawˇ aˬ jeˬ miˇ neh gʼoꞈ leˇ mawꞈ-eu nya. Ngaˬ neh nawˬ-ahˇ tiˬ jeˬ paˬ maˬ mˇ byah nehˬ-euˬ jaˆ ta loˇ. Kʼoeˇ miˇ neh nawˇ gʼoꞈ leˇ mawꞈ te loˇ” lehˇ, aˬ yawꞈ-ahˇ sahˬ paˬ ehˇ-eu meh. Ehˇ kʼawꞈ, Haˬdaˇ gʼaˬ aˬ yawꞈ-ahˇ bi gʼoꞈ leˇ laꞈ lehˇ paˇ ehˇ-awˇ, aˬ yawꞈ-euˬ miˇ kʼahˬ-ahˇ gʼoꞈ leˇ-euˬ meh. Eˬdoˬ miˇ kʼahˬ-euˬ sahˬ paˬ pyeuꞈ-eu Haˬdaˇ-aˬ, Iˇsaˬleˬlaˆ miˇ kʼahˬ-ahˇ muiˇ-eu haiˬ-eu tsawˇ haˬ tiˬ gʼaˬ pyeuꞈ-eu meh.

Yawˇbaˆ 21:14

Haiˬ-eu tsawˇ haˬ Miˬyehˇ-ahˇ teh dzeh-eu meh. Aˬ yawꞈ maꞈ yaw dehꞈ dehꞈ-eu gʼaˇ duˬ Miˬyehˇ nui kʼahˇ aˬ joˆ-ehˇ jaˆ-eu aˬ yawꞈ maꞈ maˬ siˬ mawꞈ-a.

Yeˬlaˬmiˇ 5:5

Aˬ yuiꞈ aˬ tsu geuꞈ luꞈ-eu deuˬ-ahˇ ngaˇ ngehˬ cawˬ-iˇ ma. Miˬyehˇ-euˬ zahˇ sahˇ kʼoꞈ hawˇ-eu aˬ yawꞈ-euˬ nui kʼahˇ-ahˇ, aˬ yawꞈ maꞈ siˬ nya-eu yaw duˬ baw meh.” Ehˇ kʼawꞈ aˬ yawꞈ maꞈ dawˬ tawˆ luꞈ gʼeh-awˇ, Sahˬpaˬ Miˬyehˇ uˆ lahˇ luꞈ-eu jeˬ-ahˇ puiˬ-awˇ, aˬ yawꞈ ehˇ dawˬ maˬ naˇ haˬ-a.

Yeˬlaˬmiˇ 5:6

Kʼoeˇ baˬ da neh bawˇ tsahˬ aˇ laˬ jaˬ shiˇ neh bi kawꞈ-awˇ, kʼaˇ shuiꞈ deh yaˇ-ahˇ jawˇ-eu kʼaˬ yehˇ deuˬ, aˬ yawꞈ maꞈ-ahˇ gʼeu paˆ dzaˬ-awˇ, kʼaˬ zuiˬ kʼaˬ laˬ aˬ yawꞈ maꞈ-euˬ meuˬ-ahˇ shahˇ-awˇ, meuˬ laꞈ nyiˇ kʼaˇ doˆ-iˇ-eu deuˬ, bi kawꞈ sehꞈ dzaˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ iˬ baˇ mˇ myaˬ-awˇ, Miˬyehˇ-ahˇ gʼawˬ mya poˆ byehˇ dzeh-euˬ meh.

Yeˬsaˬgeˬlaˇ 14:5

Tahˬ pahˬ aˬ ma mawˇ kawˇ kʼoeˇ deuˬ, Iˇsaˬleˬlaˆ tsawˇ haˬ deuˬ-ahˇ ngaˇ jawˇ gaˇ neh sheuˬ byoˆ gʼeh-euˬ meh. Ehˇ kʼawꞈ, aˬ yawꞈ maꞈ ngaˬ-ahˇ saˇ jaˇ paˇ ziꞈ kʼoꞈ laˇ tehꞈ-a lehˇ ngaˇ noeˬ tmˬ-euˬ ma.