Yeˬlaˬmiˇ 2:25 - Akha

²⁵ Iˇsaˬleˬlaˆ-oˇ, miˬ yehˇ nui deuˬ-ahˇ poˆ-eu laꞈ kʼoeˇ, nawˬ-euˬ aˬ kuiˇ gʼah-awˇ kuˬ byahˬ taˬ bi gui-iˇ. Ehˇ kʼawꞈ, nawˇ heu loꞈ-ehˇ ehˇ-eu meh. ‘Ngaˇ maˬ paˇ gʼoꞈ kʼoꞈ laˇ haw ma. Aˬ cawˬ-euˬ miˬ yehˇ-ahˇ jawˇ gaˬ taˬ-eu miˇ neh, miˬ yehˇ kʼoeˇ deuˬ-euˬ mehˬ nah caw teh ma’ lehˇ ehˇ-eu meh.”

Yeˬlaˬmiˇ 2:25 Referans Kwoze

Dawˬmehˬ 32:16

Miˬyehˇ nui deuˬ jawˇ paw pyawˇ-awˇ, aˬ yawꞈ myaˆ naˆ ni mˇ-euˬ meh. Jawꞈ dui dui-eu jeˬ mˇ mehˬ-awˇ, aˬ yawꞈ nui ma bi pehˇ-euˬ meh.

Yeˬlaˬmiˇ 18:12

Ehˇ kʼawꞈ, aˬ yawꞈ maꞈ heu loꞈ-ehˇ ehˇ tehꞈ-a. ‘Aˬ jeˬ miˇ neh nga maꞈ dehꞈ jeˬ dehꞈ kawˆ paˇ-eu loˬ ta. Nga maꞈ nui ma kʼaˇ gʼahˇ mawꞈ-eu gʼahˇ-awˇ, yaw haiˬ jeˬ mˇ mˇ-ehˇ dehꞈ ma’ lehˇ ehˇ tehꞈ-a.”

Yeˬlaˬmiˇ 3:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ puiˬ-euˬ miˇ neh, nawˇ iˬ baˇ ahˇ-eu ma lehˇ ehˇ doˆ naˇ gʼaˬ ma. Aˇ bawˇ naˇ shmˇ kʼaˇ muiˬ-eu tsahˇ uˬ moˆ, boeˇ miˬ siˬ kʼaˬ-euˬ Miˬyehˇ deuˬ-ahˇ nawˇ gaˬ-awˇ, ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-euˬ gaˇ kawˆ, dawˇ coe ni ehˇ doˆ jiˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Lormav 8:24

A dui-euˬ noeˬ tmˬ-eu jeˬ baˬ da neh, ka kʼoꞈ-eu jeˬ za-euˬ ma. Noeˬ tmˬ-eu jeˬ-ahˇ ya mawˇ gʼaˬ shaw naˇ, kʼoeˇ-aˬ, noeˬ tmˬ-eu jeˬ maˬ paˇ ngeuˇ meh. Ya mawˇ luꞈ-eu jeˬ-ahˇ noeˬ tmˬ-eu aˬ suˇ gʼaˬ jawˇ ta.

Ngoeˇ dawˬ 4:4

Iˇ cuꞈ mehꞈ-awˇ kuˬ byahˬ gui-eu, mehˬ laˇ kʼoeˇ taˆ paw myahˬ leˇ-awˇ, hawˬ mehꞈ mehꞈ-eu kaˬ muˇ shaˇ kʼawꞈ, zaˬ-ahˇ haw cawˬ-eu maˬ jawˇ-a.

Yeˬlaˬmiˇ 14:10

Tsawˇ haˬ heu deuˬ gaˇ kawˆ Sahˬpaˬ Miˬyehˇ ehˇ-eu, “Aˬ yawꞈ maꞈ ngaˬ-euˬ mehˬ shi neh doˆ-iˇ-awˇ, doe doe-ehˇ cah mawꞈ-eu nui ma ahˇ-awˇ, yawˬ ha-euˬ nui kʼahˇ-ahˇ maˬ nyehꞈ tehˬ gʼaˬ coeˇ-eu miˇ neh, aˬ yawꞈ maꞈ-ahˇ ngaˇ nui ma maˬ tsaˬ nya. Aˬ yawꞈ maꞈ neh mˇ lehˬ-euˬ jeˬ-ahˇ ngaˇ maˬ ngehˇ-ehˇ aˬ yawꞈ maꞈ-euˬ iˬ baˇ baˬ da neh ngaˇ kʼehˬ nehˬ ma.”

Yeˬlaˬmiˇ 13:22

Nawˬ-euˬ pi di bi gʼeu paˆ-awˇ, maˬ gʼeh kʼmˬ-eu jeˬ bi gʼeh gaˇ keuˆ ni, aˬ jeˬ miˇ neh nawˇ shaˬ zahˬ naꞈ-eu siˬ mawꞈ miˇ-a loˇ. Guˆ dui dui laˇ paˬ-ehˇ gʼeh-eu nawˬ-euˬ iˬ baˇ baˬ da, nawˇ kʼoeˇ loꞈ-ehˇ ya daˬ-eu meh lehˇ siˬ nya-awˬ.

Iˇsaˬyaˇ 57:10

Miˬ yehˇ nui deuˬ-ahˇ poˆ poˆ-ehˇ shaˬ sehꞈ leꞈ kʼawꞈ, maˬ paˇ poˆ ma lehˇ naw maꞈ maˬ noeˬ-a. Lawˇ ciꞈ zaˬ-euˬ tahˬ pahˬ aˬ ma mawˇ kawˇ gʼaˬ lahˬ lahˬ-eu miˇ neh, gʼaˬ maˬ ya baˬ-iˇ-aˇ lehˇ naw maꞈ noeˬ-eu meh.

Iˇsaˬyaˇ 2:6

Miˬyehˇ-oˇ, Yaˬkoˆ-euˬ zaˬ deuˬ uˆ deuˬ pyeuꞈ-eu, nawˬ-euˬ tsawˇ haˬ deuˬ-ahˇ nawˇ byehˇ dzeh-euˬ meh. Aˬ jeˬ miˇ neh ehˇ naˇ, nahˇ ma doˆ kʼehˬ miˇ kʼahˬ paw neh oe-euˬ nyiˇ paˬ shiˇ-eu zahˇ hawˇ-eu, Piˇliˇtiˆ tsawˇ haˬ deuˬ ja maw maw-eu zahˇ-ahˇ, aˬ yawꞈ maꞈ mˇ dui dui luꞈ-eu uˬ taꞈ, aˬ cawˬ tsawˇ jeuˬ nehˬ-ehˇ laꞈ tsaꞈ tsaꞈ tehˬ-awˇ dehꞈ-eu meh.

2 Laˬsaˬbaˬ 28:22

Aˬkaˆ-aˬ, aˬ yawꞈ kʼoeˇ taˆ shaˬ dui zahˬ dui dui-eu jeˬ keuˆ le luꞈ ngeh, yaw beh naˆ maˬ tseˇ Sahˬpaˬ Miˬyehˇ mehˬ shi aˬ yawꞈ iˬ baˇ mˇ-euˬ meh.

Dawˬmehˬ 28:48

Kʼoeˇ miˇ neh, Sahˬpaˬ Miˬyehˇ neh nawˇ jawˇ gaˇ pyehˬ gʼeh leꞈ-euˬ muiˇ-eu deuˬ-ahˇ nawˇ gaˇ ya mˇ nehˬ tehꞈ-a. Nawˇ-aˬ, hawˬ hawˇ-eu iˇ cuꞈ ya dzahˬ-awˇ, mehˬ tsoeˬ maˬ ya dm-ehˇ neˇ nyawˆ ni ya jawˇ-eu uˬ taꞈ, maˬ loˬ-eu tiˬ jeˬ-iˬ maˬ baw ni ya dehꞈ tehꞈ-a. Nawˇ ya luˬ ya seˇ-iˇ ngeh keuˆ ni, Sahˬpaˬ Miˬyehˇ nawˬ-ahˇ yaw kʼaˆ kʼaˆ-ehˇ kʼehˬ nehˬ laꞈ tehꞈ-a.

Luˇkaꞈ 16:24

Kʼoeˇ ngeh, aˬ yawꞈ guˇ-awˇ ehˇ-eu, ‘Aˬ da Aˬbyaˬhaˬ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Laˬzaˬluˇ-euˬ laꞈ noeˇ iˇ cuꞈ-ahˇ bi cawˬ duiˆ-awˇ, ngaˬ-euˬ mehˬ laˇ coꞈ-iˇ ni tiˬ poˆ bi dzaˆ aˬ le sheˇ. Miˬ dzaˬ lahˇdui dui-eu miˇ neh tiˬ pawꞈ-iˬ maˬ daˬ coeˇ nya.’

Luˇkaꞈ 15:22

Ehˇ kʼawꞈ, aˬ da gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ-awˇ ehˇ-eu, ‘Aˬ cawˬ naˆ maˬ tseˇ muiˬ dzehˬ-eu pehˇ kʼahˬ pehˇ mahˇ yuˇ leꞈ-awˇ ngaˬ li-ahˇ yaw kawˇ-ehˇ bi dm sheˇ. Laꞈ behˬ gʼeh bi behˬ-awˇ, sehˬ nawˆ gʼeh bi nawˆ-awˬ.

Hawˇseˬ 2:3

Dawˬ tsoˆ gʼoˆ-awˇ maˬ dehꞈ paˇ naˇ, aˬ yawꞈ dehꞈ doˆ le ngeh loꞈ-ehˇ, mehˬ tsoeˬ lehˆ neˇ-awˇ bi shaˬ ma. Koˆ dui dui-awˇ gui dui dui-eu, bawˇ tsahˬ bawˇ dahˇ tiˬ tsahˇ loꞈ-ehˇ, iˇ cuꞈ mehꞈ-awˇ bi shiˇ leˇ ma.

Yeˬlaˬmiˇ 44:17

Nga maꞈ neh mˇ ma lehˇ kʼaˇ ehˇ taˬ-euˬ yawˬ jeˬ na luꞈ mˇ jiˇ ma. Nga maꞈ-euˬ aˬ poeˬ aˬ bawˇ deuˬ, nga maꞈ-euˬ sahˬ paˬ hawˇ-eu aˬ yuiꞈ aˬ tsu deuˬ neh, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu , Yeˬluˇsaˬlehˬ meuˬ-euˬ gaˇ ma doe ni jahˇ-euˬ loꞈ-ehˇ, mˬ taˆ miˬ yehˇ ma-ahˇ nga maꞈ lawˇ nehˬ shehˇ nehˬ-awˇ, aˬ gaꞈ dzaˇ uiˇ shehˆ-awˇ lawˇ-eu jeˬ lawˇ ma. Kʼoeˇ ngeh, nga maꞈ maˬ dzaˬ maˬ dawˇ jiˇ coeˇ ni baw le za le-euˬ uˬ taꞈ, shaˬ-eu zahˬ-eu jeˬ maˬ ya tahˬ puˬ haw-aˬ.

Yeˬlaˬmiˇ 2:31

Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Ngaˇ-aˬ, naw maꞈ gʼaˇ duˬ kʼaˇ shuiꞈ deh yaˇ-ahˇ duˇ ta loˇ. Zahˇ tsui ni gʼeh-awˇ guˆ kʼaˇ za-eu miˇ kʼahˬ-ahˇ duˇ ta loˇ. Aˬ jeˬ miˇ neh ngaˇ jawˇ paw maˬ gʼoꞈ pyawˇ laˇ-ehˇ, yawˬ ha kʼaˇ noeˬ-euˬ jeˬ mˇ ma ehˇ te.

Yeˬlaˬmiˇ 13:21

Nawˬ neh cawˬ yaw gʼoeˇ ma lehˇ noeˬ-euˬ deuˬ, nawˬ-ahˇ guiˇ deuˆ gʼaˬ-awˇ uˆ lahˇ laˇ ngeh, nawˇ aˬ joˆ-ehˇ ehˇ nmˇ. Zaˬ miˬ zaˬ zaˬ baw ngeh shaˬ-eu loꞈ-ehˇ, nawˬ-euˬ shaˬ zahˬ kʼoeˇ naˆ ni naꞈ tehꞈ-a.

Yeˬlaˬmiˇ 22:20

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, Leˬbaˬnoˬ gawˬ jawˬ-ahˇ le-awˇ guˇ-awˬ. Baˬshaˬ miˇ kʼahˬ-ahˇ le-awˇ ngoeˇ leˇ-awˬ. Mawˇbaˆ gawˬ jawˬ doe ni le-awˇ guˇ-awˬ. Aˬ jeˬ miˇ neh ehˇ naˇ, naw maꞈ-ahˇ nui ma gm-euˬ deuˬ, aˬ cawˬ neh deuˆ gʼaˬ jiˇ-euˬ meh.

Ngoeˇ dawˬ 1:2

Uˬ ciꞈ miˇ lah-ehˇ ngoeˇ bya-awˇ, baˬ ba myaˆ biˇ lawˇ gawˆ yoeˇ kʼawꞈ, aˬ yawꞈ-ahˇ gaˬ-euˬ tsawˇ haˬ deuˬ, haw cawˬ le-eu gʼaˬ maˬ jawˇ-a. Cawˬ deuˬ yawꞈ-ahˇ saˇ jaˇ puiˬ-awˇ, muiˇ-eu tsawˇ haˬ pyeuꞈ jiˇ-euˬ meh.

Yeˬsaˬgeˬlaˇ 20:32

Aˇ bawˇ hawˇ-eu lo guˇ doe ni uˬ duˬ tahˬ-eu aˬ cawˬ miˇ kʼahˬ-ahˇ jawˇ-eu tsawˇ jeuˬ deuˬ-ahˇ dehꞈ duˇ ma lehˇ, naw maꞈ noeˬ tsehˆ taˬ-euˬ meh. Kʼoeˇ loꞈ-ehˇ tiˬ jawˇ-iˬ maˬ dehꞈ pyeuꞈ nya-a.

Hawˇseˬ 2:5

Zaˬ baw aˬ ma meh maˬ laˇ kʼoeˇ, shaꞈ dawˇ-eu maˬ baw ni dehꞈ-awˇ, dawˬ tmˇ heu loꞈ-ehˇ mˇ-eu meh. ‘Dzaˬ-eu dzaˇ muiˬ, dawˇ-eu iˇ cuꞈ, dm-eu saˬ paˇ, yawˇ zaˬ caꞈ hm, aˬ gaꞈ dzaˇ uiˇ, saˬ loˬ loˬ tsiˇ, heu deuˬ biꞈ-eu zaˬ kʼaˬ mehˬ nah, caw teh gʼeh ma’ lehˇ tmˇ-eu meh.

Maˬlaˬkiˇ 3:14

Naw maꞈ heu loꞈ-ehˇ ehˇ-euˬ meh. ‘Miˬyehˇ ehˇ dawˬ naˇ haˬ-eu yawꞈ ngehꞈ ngaˇ. Aˬ yawꞈ neh ehˇ-euˬ loꞈ-ehˇ mˇ-awˇ, aˬ dui neh mˇ-euˬ yaw lehˬ jeˬ gʼaˇ duˬ, Baoˬ huiˬ-eu Sahˬpaˬ Miˬyehˇ mehˬ shi noeˬ shaˬ-eu jahˇ geuꞈ-eu tiˬ jeˬ-iˬ gaˇ dahˇ maˬ tsoeˬ-aˇ.

2 Laˬsaˬbaˬ 28:23

Aˬ yawꞈ-ahˇ guiˇ deuˆ gʼaˬ-euˬ Suˇliˆ tsawˇ haˬ deuˬ-euˬ miˬ yehˇ deuˬ-ahˇ aˬ yawꞈ lawˇ-eu shehˇ-eu jeˬ mˇ-euˬ meh. “Suˇliˆ miˬ yehˇ deuˬ Suˇliˆ sahˬ paˬ deuˬ-ahˇ caw ba nehˬ-eu loꞈ-ehˇ, ngaˇ kʼawꞈ aˬ yawꞈ maꞈ-ahˇ lawˇ nehˬ shehˇ nehˬ naˇ, ngaˬ-ahˇ kʼawꞈ caw ba nehˬ laꞈ-eu duˇ” lehˇ aˬ yawꞈ noeˬ-euˬ meh. Ehˇ kʼawꞈ, aˬ yawꞈ-euˬ nui noeˬ kʼoeˇ aˬ yawꞈ kʼoeˇ taˆ hawˇ-eu aˬ yawꞈ-euˬ miˇ kʼahˬ kʼoeˇ taˆ, luˬ-iˇ seˇ-iˇ-eu jeˬ bi keuˆ le-euˬ meh.

Yeˬlaˬmiˇ 22:21

Naw maꞈ dehꞈ dzaˬ luꞈ ngeh Sahˬpaˬ Miˬyehˇ dawˬ ngehˬ cawˬ gaˇ, naw maꞈ naˬ bawˇ maˬ ciˬ kʼmˇ-aˬ. Naw maꞈ dehꞈ dzeuˇ laꞈ-euˬ aˇ yamˬ heu myah laꞈ kʼoeˇ, Sahˬpaˬ Miˬyehˇ ehˇ dawˬ maˬ naˇ haˬ-aˬ.