Yeˬlaˬmiˇ 2:20 - Akha

²⁰ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˇ aˇ hu ngaˬ-euˬ baoˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ-eu uˬ taꞈ, ngaˬ-ahˇ nawˇ uˬ duˬ maˬ tahˬ-a. Gawˬ duˇ kʼaˇ goˇ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, miˇ muiˬ miˬ yehˇ deuˬ-ahˇ nawˇ uˬ duˬ tahˬ-euˬ meh.

Yeˬlaˬmiˇ 2:20 Referans Kwoze

Dawˬmehˬ 12:2

Naw maꞈ jawˇ leˇ-eu miˇ kʼahˬ laꞈ kʼoeˇ, kʼoeˇ gaˇ jawˇ-eu tsawˇ haˬ deuˬ aˬ yawꞈ maꞈ-euˬ miˬ yehˇ deuˬ-ahˇ uˬ duˬ tahˬ-euˬ jawˇ duˬ pyeuꞈ-eu gawˬ jawˬ yaw goˇ-ahˇ maˬ ehˇ, gawˬ duˇ pu lu-ahˇ maˬ ehˇ, nyoeˇ jawꞈ ni gʼeh-eu aˇ bawˇ dawˬ pehˬ-ahˇ maˬ ehˇ, kʼaˇ jaˆ-eu uˬ duˬ tahˬ-eu jawˇ duˬ-ahˇ naw maꞈ laˆ cawˆ nehˬ jiˇ-awˬ.

Uˬ duˬ 26:13

Naw maꞈ aˬ cawˬ zaˬ kʼaˆ maˬ ya geuꞈ-eu gʼaˇ duˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ gʼaˬ, Iˇjiˇtuˆ miˇ kʼahˬ laꞈ kʼoeˇ neh naw maꞈ-ahˇ sheuˬ doˆ laꞈ-euˬ ma. Naw maꞈ-ahˇ daˇ awˆ taˬ-euˬ kʼaˆ baꞈ kawˬ ngaˇ ngawˬ kʼehꞈ-awˇ, naw maꞈ dawˇ coe ni yawꞈ-awˇ cah nya ni ngaˇ jahˇ-euˬ ma.”

Yeˬlaˬmiˇ 17:2

Aˬsheˇlaˬ miˬ yehˇ ma gʼaˇ duˬ kʼahˬ tuˇ taˬ-euˬ lawˇ duˬ deuˬ hawˇ-eu mawˇ kawˇ deuˬ-ahˇ, naw maꞈ-euˬ tsawˇ haˬ deuˬ uˬ duˬ tahˬ-eu meh. Mawˇ kawˇ kʼoeˇ deuˬ-ahˇ, aˇ paꞈ sahˇ-awˇ aˬ myah luꞈ nyoeˇ jawꞈ ni jaˆ-eu aˇ bawˇ dawˬ pehˬ kʼaˇ ngeuˇ gaˇ maˬ ehˇ, gawˬ duˇ uˬ du doe ni maˬ ehˇ,

Hawˇseˬ 3:3

Meh maˬ laˇ maˬ geuꞈ ni ya dehꞈ-eu uˬ taꞈ, aˬ cawˬ nehˬ-ehˇ maˬ bahˬ ni ngaˬ-ahˇ gʼawˬ myahˇ ni ya dawˬ meh lehˇ, zaˬ miˬ zaˬ kʼoeˇ gʼaˬ-ahˇ ngaˇ ehˇ nehˬ-euˬ ma. Ngaˇ kʼawꞈ, aˇ yamˬ kʼoeˇ myah ni aˬ yawꞈ-ahˇ dawˬ ma lehˇ ehˇ nehˬ-euˬ ma.

Yeˬlaˬmiˇ 30:8

Baoˬ huiˬ-eu Sahˬpaˬ Miˬyehˇ ehˇ-eu, “Aˇ nah kʼoeˇ nah keuˆ le ngeh, aˬ yawꞈ maꞈ-euˬ kawˬ lahˇ-ahˇ daˬ luꞈ-eu laꞈ gʼahˬ ngaˇ lehˆ nehˬ-awˇ, aˬ yawꞈ maꞈ-euˬ aˬ kuiˇ-ahˇ daˬ luꞈ-eu shmˇ caˆ ngaˇ puiˇ nehˬ ma. Aˬ yawꞈ maꞈ-ahˇ aˬ cawˬ tsawˇ jeuˬ-euˬ zaˬ kʼaˆ maˬ paˇ bi geuꞈ ma.

Iˇsaˬyaˇ 1:21

Yaw beh saˇ jaˇ ziꞈ-eu meuˬ, meh maˬ laˇ-ahˇ dehꞈ duˇ taˬ-euˬ meh. Yaw beh yaw tsaˬ yaw dawˇ jeˬ byah-awˇ, yaw muiˬ yaw shawˇ jeˬ jaˆ-euˬ kʼawꞈ, nymˬ-mˇ aˬ cawˬ-ahˇ sehꞈ-eu tsawˇ haˬ tehꞈ meh.

Naˬhmˬ 1:13

Aˬ yawꞈ neh nawˬ-ahˇ ciˬ pi-euˬ, kʼaˆ behˆ kʼoeˇ ngaˇ lehˆ dzeh nehˬ-awˇ, nawˬ-ahˇ paꞈ tawꞈ taˬ-euˬ aˇ caˆ, ngaˇ puiˇ dzeh ma” lehˇ ehˇ-eu meh.

Hawˇseˬ 2:5

Zaˬ baw aˬ ma meh maˬ laˇ kʼoeˇ, shaꞈ dawˇ-eu maˬ baw ni dehꞈ-awˇ, dawˬ tmˇ heu loꞈ-ehˇ mˇ-eu meh. ‘Dzaˬ-eu dzaˇ muiˬ, dawˇ-eu iˇ cuꞈ, dm-eu saˬ paˇ, yawˇ zaˬ caꞈ hm, aˬ gaꞈ dzaˇ uiˇ, saˬ loˬ loˬ tsiˇ, heu deuˬ biꞈ-eu zaˬ kʼaˬ mehˬ nah, caw teh gʼeh ma’ lehˇ tmˇ-eu meh.

Yeˬsaˬgeˬlaˇ 23:5

Oˬhoˬlaˬ gʼaˬ ngaˬ nehˬ-ehˇ jawˇ luꞈ ngeh neh meh maˬ laˇ geuꞈ-awˇ, Aˬshuˇliˆ tsawˇ haˬ deuˬ nehˬ-ehˇ kʼaˬ miˬ sheu-euˬ meh.

Yeˬsaˬgeˬlaˇ 20:28

Ngaˬ neh aˬ yawꞈ maꞈ-ahˇ biꞈ ma lehˇ ehˇ taˬ-euˬ miˇ kʼahˬ-ahˇ aˬ yawꞈ maꞈ-ahˇ ngaˇ sheuˬ gʼeh nehˬ ngeh, gawˬ duˇ yaw goˇ deuˬ hawˇ-eu aˇ paꞈ sahˇ-eu aˇ bawˇ kʼaˇ mawˇ le gaˇ aˬ yawꞈ maꞈ lawˇ-euˬ shehˇ-euˬ meh. Aˬ yawꞈ maꞈ neh lawˇ-euˬ miˬ dzaˬ-ahˇ dzah puiˆ-awˇ lawˇ-eu jeˬ hawˇ-eu, aˬ gaꞈ dzaˇ uiˇ lawˇ-eu jeˬ baˬ da neh, ngaˇ nui ma ya pehˇ-euˬ ma.

Yeˬsaˬgeˬlaˇ 16:41

Aˬ yawꞈ maꞈ nawˬ-euˬ nymˇ-ahˇ miˬ dzaˬ dzah puiˆ dzeh-awˇ, zaˬ miˬ zaˬ deuˬ baˬ maꞈ puˇ jeˬ-ehˇ jawˇ-eu mehˬ shi nawˬ-ahˇ kʼehˬ nehˬ kʼaˆ nehˬ tehꞈ-a. Nawˇ meh maˬ laˇ maˬ paˇ geuꞈ ni maˬ ehˇ, nawˇ mawꞈ leˇ-eu deuˬ-ahˇ nawˇ laꞈ sawˬ maˬ paˇ biꞈ ni maˬ ehˇ, ngaˇ jahˇ ma.

Yeˬsaˬgeˬlaˇ 16:31

Gaˇ ma yawˬ kahˇ na luꞈ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jawˇ duˬ nawˇ tsoˆ doe-awˇ, meh maˬ laˇ geuꞈ doe jiˇ-euˬ meh. Ehˇ kʼawꞈ, meh maˬ laˇ nui deuˬ loꞈ-ehˇ, pyuˇ za laˇ ni nawˇ meh maˬ laˇ geuꞈ-euˬ maˬ ngeuˇ-a.

Yeˬsaˬgeˬlaˇ 16:28

“Aˬ cawˬ kʼoeˇ myaˆ ni gʼeh-eu nehˬ-ehˇ yuꞈ-euˬ nawˇ nui kʼahˇ maˬ shiˇ-eu miˇ neh, Aˬshuˇliˆ tsawˇ haˬ deuˬ-euˬ mehˬ nah nawˇ caw teh-eu meh. Kʼoeˇ deuˬ nehˬ-ehˇ paˇ yuꞈ gʼaˬ-euˬ kʼawꞈ, nawˇ nui kʼahˇ maˬ shiˇ-a siˬ.

Iˇsaˬyaˇ 14:25

Ngaˬ-euˬ miˇ tsaˬ Iˇsaˬleˬlaˆ miˇ kʼahˬ laꞈ kʼoeˇ, Aˬshuˇliˆ tsawˇ haˬ deuˬ-ahˇ ngaˇ laˆ cawˆ ma. Ngaˬ-euˬ gawˬ jawˬ deuˬ kʼoeˇ taˆ, aˬ yawꞈ maꞈ-ahˇ ngaˇ nawˬ pyehˆ ma. Ngaˬ-euˬ tsawˇ haˬ deuˬ-ahˇ aˬ yawꞈ maꞈ neh ciˬ baꞈ ciˬ pi nehˬ-euˬ, kʼaˆ baꞈ kʼaˆ behˆ dawˬ tawˆ luꞈ-ahˇ, ngaˇ yuˇ dzeh nehˬ jiˇ ma.

Iˇsaˬyaˇ 10:27

Aˇ nah aˇ yamˬ kʼoeˇ yamˬ keuˆ le ngeh, Aˬshuˇliˆ tsawˇ haˬ deuˬ-euˬ laꞈ-ahˇ neh naw maꞈ-ahˇ ngaˇ bi dzeuˇ-iˇ-awˇ, aˬ yawꞈ maꞈ-euˬ kʼaˆ baꞈ kawˬ naw maꞈ-euˬ baꞈ pu-ahˇ maˬ paˇ bi daˇ ma.”

Iˇsaˬyaˇ 9:4

Aˬ yawꞈ maꞈ-ahˇ daˇ awˆ taˬ-euˬ kʼaˆ baꞈ kawˬ hawˇ-eu, aˬ yawꞈ maꞈ-euˬ baꞈ pu-ahˇ deh-eu daˇ kawˬ-ahˇ, nawˇ ngawˬ kʼehꞈ nehˬ-euˬ meh. Aˇ hu Miˇdiˬyaˬ guiˇ maꞈ-ahˇ nawˇ deuˆ gʼaˬ-euˬ loꞈ-ehˇ, nawˬ-euˬ tsawˇ haˬ-ahˇ nawˬ dzaˬ kʼaˆ dzaˬ-euˬ tsawˇ jeuˬ-ahˇ, nawˇ deuˆ gʼaˬ nehˬ-euˬ meh.

Jaceuq 78:58

Aˬ yawꞈ maꞈ zmˬ luꞈ-eu aˬ cawˬ tsawˇ jeuˬ-euˬ muiˬ-eu shawˇ-eu jawˇ duˬ hawˇ-eu, tahˬ pahˬ aˬ ma mawˇ kawˇ deuˬ baˬ da neh, Miˬyehˇ nui ma bi pehˇ-euˬ meh.

1 Sahˬpaˬ 12:32

Yuˇdaˆ miˇ kʼahˬ laꞈ kʼoeˇ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah pyeuꞈ-eu, ba la yehꞈ siˬ tiˬ siˬ tseˇ ngaˬ nah tiˬ nah-ahˇ, Yeˬyawˇbamˬ gʼaˬ kʼawꞈ uˬ duˬ tahˬ-eu zahˇ sahˇ kʼoꞈ-ahˇ taꞈ-eu bawˬ-iˬ gʼeh-eu aˇ nah lehˇ sawˇ taˬ-euˬ meh. Beˬdeˬlaˇ meuˬ-ahˇ jaˆ-eu lawˇ duˬ kʼoeˇ taˆ, shuiˇ mawˇ neˇ mawˇ kawˇ kʼoeˇ deuˬ-ahˇ aˬ yawꞈ lawˇ nehˬ-awˇ, Beˬdeˬlaˇ meuˬ-ahˇ jaˆ-eu uˬ duˬ tahˬ-eu jawˇ duˬ kʼoeˇ deuˬ-ahˇ gaˇ bi mˇ-eu gʼaˇ duˬ, piˇ ma deuˬ kʼawꞈ aˬ yawꞈ bi jawˇ taˬ-euˬ meh.

1 Saˬmeuˬlaˆ 12:10

Kʼoeˇ ngeh, aˬ yawꞈ maꞈ Sahˬpaˬ Miˬyehˇ-ahˇ guˇ guˇ-ehˇ, heu loꞈ-ehˇ shaˇ-eu meh. “Miˬyehˇ-oˇ, nga maꞈ iˬ baˇ mˇ gʼaˬ-euˬ ma. Aˬ jeˬ miˇ neh ehˇ naˇ, nga maꞈ nawˬ-ahˇ byehˇ dzeh-awˇ, Baˬlaˇ miˬyehˇ-euˬ tahˬ pahˬ aˬ ma mawˇ kawˇ hawˇ-eu, Aˬshaˇtaˬyoˇ miˬyehˇ ma-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ ma. Muiˇ-eu deuˬ-euˬ aˬ laꞈ laꞈ kʼoeˇ, nga maꞈ-ahˇ ka kʼoꞈ nehˬ laꞈ-awˬ.

Yawˇshuˆ 24:26

Zahˇ dawˬ kʼoꞈ dawˬ kʼoeˇ deuˬ-ahˇ, Miˬyehˇ-euˬ Zahˇ dawˬ kʼoꞈ dawˬ sahˬ boꞈ laꞈ kʼoeˇ aˬ yawꞈ boꞈ ahˇ-euˬ meh. Kʼoeˇ naˇ, huiˬ dui dui-eu kʼaˬ lo tiˬ siˬ yuˇ-awˇ, Sahˬpaˬ Miˬyehˇ-euˬ muiˬ-eu shawˇ-eu jawˇ duˬ-ahˇ, tsuiꞈ kaˆ aˇ bawˇ dawˬ pehˬ-ahˇ ka tuˇ-euˬ meh.

Yawˇshuˆ 24:24

Iˇsaˬleˬlaˆ tsawˇ haˬ deuˬ ehˇ-eu, “Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nga maꞈ uˬ duˬ tahˬ ma. Aˬ yawꞈ-euˬ dawˬ-ahˇ nga maꞈ naˇ haˬ geuꞈ ma.”

Yawˇshuˆ 1:16

Aˬ yawꞈ maꞈ Yawˇshuˆ-ahˇ ehˇ kʼoꞈ nehˬ-eu, “Nawˬ neh kʼaˇ ehˇ nehˬ laꞈ-euˬ loꞈ-ehˇ nga maꞈ mˇ-awˇ, nawˇ kʼaˇ bi iˇ laꞈ gaˇ nga maꞈ iˇ ma.

Dawˬmehˬ 26:17

“Sahˬpaˬ Miˬyehˇ-aˬ, nawˬ-euˬ Miˬyehˇ ma lehˇ nawˇ ehˇ tsehˆ-eu laꞈ kʼoeˇ, aˬ yawꞈ-euˬ ehˇ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-eu uˬ taꞈ, aˬ yawꞈ neh dawˬ kʼaˇ biꞈ taˬ-eu loꞈ-ehˇ dawˬ tawˆ luꞈ mˇ ma lehˇ nawˇ saˇ jaˇ dzaˬ gʼaˬ taˬ-euˬ meh.

Dawˬmehˬ 15:15

Iˇjiˇtuˆ miˇ kʼahˬ laꞈ kʼoeˇ nawˇ aˬ cawˬ-euˬ zaˬ kʼaˆ ya geuꞈ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ pyehˬ nehˬ laꞈ-euˬ gaˇ noeˬ keuˆ-awˬ. Kʼoeˇ baˬ da neh, naw maꞈ-ahˇ ngaˇ heu loꞈ-ehˇ dawˬ biꞈ-eu jeˬ pyeuꞈ-eu ma.

Dawˬmehˬ 5:27

Moˇseˬ-oˇ, nawˇ gʼoꞈ leˇ-awˇ aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ kʼaˇ ehˇ-eu jeˬ-ahˇ naˇ haˬ leˇ-awˬ. Kʼoeˇ naˇ, nga maꞈ jawˇ gaˇ paˇ gʼoꞈ le-awˇ, aˬ yawꞈ neh nawˬ-ahˇ kʼaˇ ehˇ nehˬ laꞈ-euˬ jeˬ paˇ dzawˇ mehˬ le-awˬ. Nga maꞈ naˇ haˬ geuꞈ-awˇ mˇ gʼeh ma’ lehˇ ehˇ-eu meh.

Dawˬmehˬ 4:34

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh Iˇjiˇtuˆ miˇ kʼahˬ laꞈ kʼoeˇ jahˇ-euˬ loꞈ-ehˇ, aˬ cawˬ tsawˇ jeuˬ-euˬ uˬ moˆ jawˇ-eu tsawˇ jeuˬ tiˬ jeuˬ-ahˇ aˬ yawꞈ-euˬ tsawˇ haˬ bi pyeuꞈ laˇ-eu lehˇ sheuˬ doˆ laˬ-iˇ peuˬ-eu miˬ yehˇ nui gʼaˬ jawˇ meh loˇ. Naw maꞈ-euˬ myaˆ kʼeh aˬ yawꞈ-euˬ huiˬ-eu baoˬ hawˇ-eu gʼaˬ-ahˇ zmˬ-awˇ, shaˬ zahˬ naˇ gawˇ maˬ ehˇ, guiˇ deuˆ-eu jeˬ maˬ ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ maˬ ehˇ, guˆ dui dui laˇ paˬ-ehˇ gʼeh-eu jeˬ maˬ ehˇ, aˬ yawꞈ bi keuˆ le-euˬ meh.

Dawˬmehˬ 4:20

Ehˇ kʼawꞈ, naw maꞈ-aˬ, shmˇ baw guiˇ-eu baw laꞈ kʼoeˇ neh ka kʼoꞈ doˆ laꞈ-euˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ neh aˬ yawꞈ neh bi ka kʼoꞈ doˆ laꞈ-euˬ tsawˇ jeuˬ pyeuꞈ-eu meh. Iˬ nah naw maꞈ aˬ yawꞈ-euˬ tsawˇ haˬ pyeuꞈ luꞈ-eu meh. Heu loꞈ-ehˇ bi pyeuꞈ laˇ-eu gʼaˇ duˬ, naw maꞈ-ahˇ aˬ yawꞈ neh sheuˬ doˆ laꞈ-euˬ meh.

Doˆ-iˇ 24:3

Iˇsaˬleˬlaˆ tsawˇ haˬ deuˬ jawˇ gaˇ Moˇseˬ iˇ-awˇ, Sahˬpaˬ Miˬyehˇ neh biꞈ nehˬ-euˬ dawˬ deuˬ hawˇ-eu zahˇ sahˇ kʼoꞈ deuˬ, aˬ yawꞈ maꞈ-ahˇ dzawˇ mehˬ nehˬ-euˬ meh. Kʼoeˇ ngeh, tsawˇ haˬ dawˬ tawˆ luꞈ, “Sahˬpaˬ Miˬyehˇ neh kʼaˇ ehˇ taˬ-euˬ yawˬ jeˬ na luꞈ nga maꞈ mˇ ma” lehˇ ehˇ-eu meh.

Doˆ-iˇ 19:8

Kʼoeˇ ngeh, tsawˇ haˬ dawˬ tawˆ luꞈ, “Sahˬpaˬ Miˬyehˇ neh kʼaˇ ehˇ-euˬ loꞈ-ehˇ nga maꞈ mˇ ma” lehˇ ehˇ-awˇ, gaˇ kawˆ kʼoeˇ Sahˬpaˬ Miˬyehˇ-ahˇ Moˇseˬ paˇ tsaꞈ nehˬ leˇ-euˬ meh.

Doˆ-iˇ 3:8

Kʼoeˇ miˇ neh, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ-awˇ, Kaˬnaˬ tsawˇ jeuˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu Yeˬbuˇ tsawˇ jeuˬ heu deuˬ jawˇ luꞈ-eu miˇ tsaˬ miˇ muiˬ muiˬ dui dui-awˇ baw le za le-eu, byaˬ byaˬ uiˇ hawˇ-eu mawˇ neˇ aˬ coeˇ maˬ tsehˆ-iˇ ni yoeˇ luꞈ-eu jeˇ lo ni gʼeh-eu miˇ kʼahˬ-ahˇ, aˬ yawꞈ maꞈ-ahˇ sheuˬ doˆ gʼeh-eu gʼaˇ duˬ, ngaˇ zaꞈ ka le-euˬ ma.

Panmaeq 17:1

Kʼoeˇ naˇ, mˬ taˆ gʼaˬ kʼehˇ kʼoeˇ shiꞈ gʼaˬ laꞈ kʼoeˇ, naˬ bo shiꞈ bo ahˇ-eu gʼaˬ ngaˇ jawˇ gaˇ oe-awˇ heu loꞈ-ehˇ ehˇ-eu meh. “Oe-awˬ, lawˇ baˬ baˬ ma gʼawˬ mya gawˆ dawˬ peh jaˆ-eu meuˬ meuˬ ma pyeuꞈ-eu tsawˇ myahˇ doˆ-eu meh maˬ laˇ kʼoeˇ gʼaˬ kʼehˬ-eu kʼaˆ-eu jeˬ-ahˇ aˬ joˆ-ehˇ ya daˬ gaˇ ngaˇ nawˬ-ahˇ sheuˬ mehˬ-iˇ nyaˇ.

1 Sahˬpaˬ 14:23

Gawˬ jawˬ gawˬ duˇ doe ni hawˇ-eu naˇ shmˇ shmˇ-eu aˇ bawˇ dawˬ pehˬ doe ni, maˬ ngeuˇ-eu miˬ yehˇ deuˬ-ahˇ uˬ duˬ tahˬ-eu jawˇ duˬ tsoˆ-awˇ, Aˬsheˇlaˬ miˬ yehˇ ma-ahˇ uˬ duˬ tahˬ-eu gʼaˇ duˬ, tahˬ pahˬ aˬ ma mawˇ kawˇ deuˬ hawˇ-eu kʼaˬ lo kʼawˇ zeuˇ deuˬ ka tuˇ-euˬ meh.

Jaceuq 107:14

Yaw zahˇ laꞈ kʼoeˇ aˬ yawꞈ maꞈ-ahˇ sheuˬ doˆ laꞈ-awˇ, aˬ yawꞈ maꞈ-ahˇ paꞈ-euˬ shmˇ caˆ tseuˆ puiˇ doˆ nehˬ-euˬ meh.

Yeˬlaˬmiˇ 2:31

Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ-awˬ. Ngaˇ-aˬ, naw maꞈ gʼaˇ duˬ kʼaˇ shuiꞈ deh yaˇ-ahˇ duˇ ta loˇ. Zahˇ tsui ni gʼeh-awˇ guˆ kʼaˇ za-eu miˇ kʼahˬ-ahˇ duˇ ta loˇ. Aˬ jeˬ miˇ neh ngaˇ jawˇ paw maˬ gʼoꞈ pyawˇ laˇ-ehˇ, yawˬ ha kʼaˇ noeˬ-euˬ jeˬ mˇ ma ehˇ te.

Yeˬlaˬmiˇ 3:13

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ nawˇ puiˬ-euˬ miˇ neh, nawˇ iˬ baˇ ahˇ-eu ma lehˇ ehˇ doˆ naˇ gʼaˬ ma. Aˇ bawˇ naˇ shmˇ kʼaˇ muiˬ-eu tsahˇ uˬ moˆ, boeˇ miˬ siˬ kʼaˬ-euˬ Miˬyehˇ deuˬ-ahˇ nawˇ gaˬ-awˇ, ngaˬ-euˬ zahˇ dawˬ kʼoꞈ dawˬ-ahˇ nawˇ maˬ naˇ haˬ geuꞈ-euˬ gaˇ kawˆ, dawˇ coe ni ehˇ doˆ jiˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 5:5

Aˬ yuiꞈ aˬ tsu geuꞈ luꞈ-eu deuˬ-ahˇ ngaˇ ngehˬ cawˬ-iˇ ma. Miˬyehˇ-euˬ zahˇ sahˇ kʼoꞈ hawˇ-eu aˬ yawꞈ-euˬ nui kʼahˇ-ahˇ, aˬ yawꞈ maꞈ siˬ nya-eu yaw duˬ baw meh.” Ehˇ kʼawꞈ aˬ yawꞈ maꞈ dawˬ tawˆ luꞈ gʼeh-awˇ, Sahˬpaˬ Miˬyehˇ uˆ lahˇ luꞈ-eu jeˬ-ahˇ puiˬ-awˇ, aˬ yawꞈ ehˇ dawˬ maˬ naˇ haˬ-a.

Yeˬlaˬmiˇ 13:27

Aˬ yawꞈ bye-eu jeˬ naw maꞈ mˇ luꞈ gaˇ, aˬ yawꞈ haw dehˆ laꞈ taˬ-euˬ meh. Aˬ cawˬ miˬ zaˬ-ahˇ bahˬ-eu kʼaˬ dzeˇ zaˬ loꞈ-ehˇ, mahˬ ma mehˬ nah teh-eu mahˬ paˬ yaw gʼeh loꞈ-ehˇ, gawˬ jawˬ gawˬ duˇ hawˇ-eu deh ga doe ni, lawˇ ciꞈ zaˬ-euˬ miˬ yehˇ-ahˇ naw maꞈ caw teh gaˇ, aˬ yawꞈ haw dehˆ laꞈ-euˬ meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ shaˬ zahˬ ya mˇ dui dui tehꞈ-a. Aˬ myah muiˬ laˇ shawˇ laˇ-eu lehˇ gʼeh te.

Hawˇseˬ 4:13

Gawˬ jawˬ uˬ du doe ni lawˇ-awˇ, gawˬ duˇ uˬ du doe bi damˬ-awˇ, naˇ shmˇ muiˬ-eu aˇ bawˇ pyeuꞈ-eu, tsuiꞈ kaˆ, pawˇpaˬlaˬ, teˬleˬbiˇ, heu deuˬ dawˬ pehˬ-ahˇ lawˇ-euˬ meh. “Kʼoeˇ loꞈ-ehˇ dehꞈ-euˬ baˬ da neh, zaˬ miˬ meh maˬ laˇ pyeuꞈ-iˇ-awˇ, kuiˬ ma aˬ cawˬ-ahˇ bahˬ-euˬ meh.

Yaˇ kʼaˬ daˇ 2:11

Kʼoeˇ naˇ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ mehˬ shi iˬ baˇ mˇ-awˇ, Baˬlaˇ miˬyehˇ kʼoeˇ deuˬ-ahˇ uˬ duˬ tahˬ-euˬ meh.

Yaˇ kʼaˬ daˇ 2:13

Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ ni byehˇ dzeh-awˇ, Baˬlaˇ miˬyehˇ deuˬ hawˇ-eu, Aˬshaˇtaˬyoˇ miˬyehˇ deuˬ-ahˇ uˬ duˬ tahˬ-euˬ meh.

Yaˇ kʼaˬ daˇ 10:6

Iˇsaˬleˬlaˆ tsawˇ haˬ deuˬ-aˬ, Baˬlaˇ miˬ yehˇ hawˇ-eu Aˬshaˇtaˬyoˇ miˬ yehˇ deuˬ-ahˇ maˬ ehˇ, Siˇdoˬ miˬ yehˇ deuˬ-ahˇ maˬ ehˇ, Mawˇbaˆ miˬ yehˇ deuˬ-ahˇ maˬ ehˇ, Aˬmoˬ miˬ yehˇ deuˬ-ahˇ maˬ ehˇ, Piˇliˇtiˆ miˬ yehˇ deuˬ-ahˇ maˬ ehˇ, uˬ duˬ tahˬ-eu laꞈ kʼoeˇ, Sahˬpaˬ Miˬyehˇ mehˬ shi iˬ baˇ mˇ-euˬ meh. Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ ni byehˇ dzeh-euˬ meh.

Jaceuq 2:3

“Yawꞈnyaꞈ uˆlahˇ-eu behˇlehˆ-awˇ, yawꞈnyaˆdzoeˬdzaˬ teuˆtsehˆma” lehˇ, aˬ yawꞈmaꞈ lmˬ-awˇ ehˇ-eu meh.

Hawˇseˬ 1:2

Hawˇseˬ-ahˇ gʼoe-awˇ Iˇsaˬleˬlaˆ miˇ kʼahˬ-ahˇ Sahˬpaˬ Miˬyehˇ dawˬ ngehˬ cawˬ dahˬ beh ngeh, Hawˇseˬ-ahˇ heu loꞈ-ehˇ ehˇ nehˬ-euˬ meh. “Iˇ-awˇ miˬ zaˬ sheuˬ-iˇ-awˬ. Nawˬ-euˬ miˬ zaˬ kʼoeˇ gʼaˬ nawˬ-ahˇ saˇ jaˇ maˬ ziꞈ-aˇ. Nawˬ-euˬ zaˬ deuˬ kʼawꞈ, aˬ yawꞈ loꞈ-ehˇ saˇ jaˇ maˬ ziꞈ-aˇ. Kʼoeˇ gaˇ duˇ ni, ngaˬ-euˬ tsawˇ haˬ deuˬ ngaˬ-ahˇ byehˇ dzeh-awˇ saˇ jaˇ maˬ ziꞈ ni pyeuꞈ-iˇ-euˬ meh.”

Hawˇseˬ 9:1

Iˇsaˬleˬlaˆ tsawˇ haˬ deuˬ-oˇ, lawˇ ciꞈ zaˬ deuˬ byawˬ-eu loꞈ-ehˇ, bawˬ-iˬ gʼeh-eu jeˬ byehˇ dzeh jiˇ-awˬ. Naw maꞈ Miˬyehˇ-ahˇ byehˇ dzeh-awˇ, aˬ yawꞈ-ahˇ saˇ jaˇ maˬ ziꞈ-ehˇ, meh maˬ laˇ geuꞈ dzaˬ-eu loꞈ-ehˇ, miˇ kʼahˬ doe ni naw maꞈ gʼawˇ mawˇ, Baˬlaˇ miˬyehˇ-ahˇ ahˬ dzaˬ-awˇ, yawꞈ biꞈ laꞈ-euˬ lehˇ noeˬ-eu, cehˇ-ahˇ naw maꞈ nui kʼahˇ jaˆ meh.