Yeˬlaˬmiˇ 19:5 - Akha

⁵ Aˬ yawꞈ maꞈ-euˬ zaˬ deuˬ-ahˇ miˬ dzaˬ dzah puiˆ-awˇ lawˇ-eu lehˇ, Baˬlaˇ miˬ yehˇ gʼaˇ duˬ lawˇ duˬ gʼawˬ mya ni jahˇ taˬ-eu meh. Aˬ yawꞈ maꞈ kʼoeˇ loꞈ-ehˇ jahˇ ni ngaˇ dawˬ maˬ biꞈ haw-aˬ. Kʼoeˇ loꞈ-ehˇ jahˇ-eu lehˇ, nui ma laꞈ kʼoeˇ tehꞈ-ehˇ kʼawꞈ maˬ shaˇ noeˬ haw-aˬ.

Yeˬlaˬmiˇ 19:5 Referans Kwoze

Yeˬlaˬmiˇ 32:35

Moˇlehˆ miˬ yehˇ-ahˇ aˬ yawꞈ maꞈ-euˬ aˬ buˇ aˬ li deuˬ lawˇ nehˬ-eu gʼaˇ duˬ, Hiˬnoˬ deh kʼawꞈ-ahˇ Baˬlaˇ miˬ yehˇ gʼaˇ duˬ lawˇ duˬ tiˬ tsahˇ aˬ yawꞈ maꞈ tsoˆ-euˬ meh. Kʼoeˇ loꞈ-ehˇ jahˇ-eu gʼaˇ duˬ aˬ yawꞈ maꞈ-ahˇ ngaˇ maˬ mehˬ maˬ tsoˆ-euˬ uˬ taꞈ, aˬ yawꞈ maꞈ kʼoeˇ loꞈ-ehˇ jahˇ-awˇ Yuˇdaˆ tsawˇ haˬ deuˬ iˬ baˇ mˇ ni sheuˬ bahˬ nehˬ tehꞈ-a lehˇ, nui ma laꞈ kʼoeˇ tehꞈ-ehˇ kʼawꞈ ngaˇ maˬ noeˬ haw-aˬ.”

Dawˬmehˬ 12:31

Aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ gaˇ dzaw geuꞈ-awˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ naw maꞈ uˬ duˬ taˬ tahˬ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˬ yehˇ deuˬ-ahˇ aˬ yawꞈ maꞈ uˬ duˬ tahˬ ngeh, Sahˬpaˬ Miˬyehˇ maˬ haw nahˇ-eu nui daˆ daˆ laˇ paˬ-ehˇ gʼeh-eu jeˬ aˬ yawꞈ maꞈ mˇ-eu meh. Aˬ yawꞈ maꞈ-euˬ zaˬ deuˬ-ahˇ lawˇ duˬ kʼoeˇ taˆ miˬ dzaˬ-ahˇ dzah puiˆ-awˇ lawˇ-eu jeˬ kʼawꞈ, aˬ yawꞈ maꞈ mˇ-eu meh.

Uˬ duˬ 18:21

Miˬ dzaˬ-ahˇ dzah puiˆ-awˇ, Moˇlehˆ miˬ yehˇ-ahˇ bi damˬ nehˬ-eu gʼaˇ duˬ, yaw ha-euˬ aˬ buˇ aˬ li maˬ ya biꞈ-a. Aˬ jeˬ miˇ neh ehˇ naˇ, kʼoeˇ loꞈ-ehˇ jahˇ-eu jeˬ-aˬ, Sahˬpaˬ Miˬyehˇ lehˇ kuˇ-eu Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ gʼeh gaˇ duˇ-eu meh.

2 Sahˬpaˬ 17:17

Aˬ yawꞈ maꞈ-euˬ aˬ buˇ aˬ li deuˬ-ahˇ miˬ dzaˬ dzah puiˆ-awˇ, lawˇ ciꞈ zaˬ-euˬ miˬyehˇ deuˬ-ahˇ lawˇ nehˬ-euˬ meh. Nyiˇ paˬ, shaˆ ma, boeˇ mawˬ deuˬ hawˇ-eu, ja maw nya-eu deuˬ-ahˇ aˬ yawꞈ maꞈ gʼoe-eu uˬ taꞈ, Sahˬpaˬ Miˬyehˇ mehˬ shi yaw lehˬ yaw ca jeˬ nui kʼahˇ tiˬ shiˇ mˇ-eu laꞈ kʼoeˇ, Sahˬpaˬ Miˬyehˇ-ahˇ nui ma laˆ pehˇ-euˬ meh.

Daˬyeˬlaˇ 2:29

“Sahˬ paˬ nawˇ yuꞈ kʼaˆ luꞈ ngeh, mehˬ hu paw pyeuꞈ laˇ-eu gaˇ kawˆ yuꞈ maˆ maˆ mawˇ-euˬ meh. Naꞈ dui dui-eu gaˇ kawˆ deuˬ pah mehˬ-eu Miˬyehˇ, mehˬ hu paw pyeuꞈ laˇ-eu gaˇ kawˆ nawˬ-ahˇ mehˬ nehˬ le-euˬ meh.

Yeˬsaˬgeˬlaˇ 38:10

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ Gawˇgaˆ-ahˇ heu loꞈ-ehˇ ehˇ-eu meh. “Aˇ nah aˇ yamˬ kʼoeˇ keuˆ le ngeh, yaw haiˬ jeˬ mˇ-eu gʼaˇ duˬ nawˇ shaˇ noeˬ tehꞈ-a.

Yeˬsaˬgeˬlaˇ 20:26

Aˬ yawꞈ maꞈ-euˬ lawˇ-eu shehˇ-eu jeˬ neh aˬ yawꞈ maꞈ-ahˇ bi laˆ jawꞈ ni ngaˇ jahˇ-awˇ, aˬ yawꞈ maꞈ-euˬ aˬ li aˬ yuiꞈ deuˬ lawˇ ni ngaˇ jahˇ nehˬ-euˬ ma. Aˬ yawꞈ maꞈ-ahˇ kʼehˬ nehˬ kʼaˆ nehˬ-awˇ, ngaˇ Sahˬpaˬ Miˬyehˇ pyeuꞈ-eu siˬ leˇ ni, kʼoeˇ loꞈ-ehˇ jahˇ nehˬ-euˬ ma.

2 Laˬsaˬbaˬ 28:3

Iˇsaˬleˬlaˆ tsawˇ haˬ deuˬ miˇ kʼahˬ kʼoeˇ kʼahˬ-ahˇ jawˇ uˇ leˇ ngeh, Sahˬpaˬ Miˬyehˇ neh bi teh doˆ-euˬ kʼoeˇ gaˇ jawˇ-eu tsawˇ oeˇ deuˬ-euˬ jawꞈ dui dui-eu zahˇ sahˇ kʼoꞈ-ahˇ aˬ yawꞈ dzaw geuꞈ-awˇ, Hiˬnoˬ deh kʼawꞈ-ahˇ yaw saw jeˬ doꞈ damˬ-awˇ, lawˇ-eu shehˇ-euˬ uˬ taꞈ, aˬ yawꞈ-euˬ aˬ li deuˬ-ahˇ miˬ dzaˬ dzah puiˆ-awˇ tahˬ pahˬ aˬ ma mawˇ kawˇ-ahˇ lawˇ nehˬ-euˬ meh.

Bawˇtsahˬ 22:41

Yawˬ shawˬ yawˬ, Baˬlamˬ-ahˇ Baˬmo baˬlaˇ meuˬ-ahˇ Baˬlehˇ sheuˬ gʼeh-euˬ meh. Kʼoeˇ gaˇ le keuˆ naˇ, Iˇsaˬleˬlaˆ tsawˇ haˬ tiˬ paˆ na deuˬ-ahˇ haw mawˇ nya-eu meh.

Yeˬsaˬgeˬlaˇ 16:36

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ mehˬ tsoeˬ neˇ myawˆ ni lehˆ dzeh-awˇ, meh maˬ laˇ loꞈ-ehˇ, nawˇ mawꞈ leˇ-eu tsawˇ haˬ deuˬ hawˇ-eu nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ, nawˬ-euˬ gʼawˇ mawˇ biꞈ nehˬ-awˇ, nawˬ-euˬ zaˬ deuˬ-ahˇ kʼawꞈ nawˇ sehꞈ-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ meh.

2 Sahˬpaˬ 21:6

Aˬ yawꞈ-euˬ aˬ li miˬ dzaˬ-ahˇ dzah puiˆ-awˇ lawˇ-euˬ shehˇ-euˬ meh. Maw loˬ ja maw hawˇ-eu, nyiˇ paˬ shaˆ ma deuˬ-ahˇ aˬ yawꞈ gʼoe-euˬ meh. Sahˬpaˬ miˬyehˇ nui ma pehˇ laˇ ngeh keuˆ ni, Sahˬpaˬ Miˬyehˇ mehˬ shi aˬ yawꞈ iˬ baˇ mˇ dui dui-euˬ meh.