Yeˬlaˬmiˇ 19:4 - Akha

⁴ Miˇ kʼahˬ zaˬ deuˬ ngaˬ-ahˇ byehˇ dzeh-awˇ, aˬ yawꞈ maꞈ maˬ ehˇ, aˬ yawꞈ maꞈ-euˬ aˬ poeˬ aˬ bawˇ deuˬ maˬ ehˇ, Yuˇdaˆ sahˬ paˬ deuˬ maˬ ehˇ, tiˬ jawˇ-iˬ maˬ gaˬ haw-euˬ miˬ yehˇ nui deuˬ-ahˇ lawˇ nehˬ shehˇ nehˬ-eu laꞈ kʼoeˇ, jawˇ duˬ heu tsahˇ-ahˇ laˆ jawꞈ-euˬ meh. Jawˇ duˬ heu tsahˇ-ahˇ, iˬ baˇ maˬ ahˇ-eu tsawˇ haˬ deuˬ-euˬ shiˬ aˬ yawꞈ maꞈ bi yoeˇ byah-euˬ meh.

Yeˬlaˬmiˇ 19:4 Referans Kwoze

Yeˬlaˬmiˇ 2:34

Aˬ cawˬ kʼoeˇ taˆ kʼaˆ dzaˬ-eu deuˬ-euˬ shiˬ maˬ ngeuˇ, maˬ lehˬ maˬ ca-eu iˇ shaˬ zaˬ-euˬ shiˬ, naw maꞈ-euˬ mehˬ tsoeˬ-ahˇ lehꞈ kʼawꞈ,

Iˇsaˬyaˇ 65:11

“Ehˇ kʼawꞈ, ngaˬ-euˬ muiˬ-eu shawˇ-eu Ziˇoˬ gawˬ duˇ-ahˇ ngehˇ byoˆ-awˇ, ngaˬ-ahˇ byehˇ dzeh yaꞈ-eu laꞈ kʼoeˇ, lahˬ hawˇ-eu dawˇ-euˬ dah zaˇ dah-eu Gaˆ miˬ yehˇ hawˇ-eu Meˬniˇ miˬ yehˇ-ahˇ gʼoe-eu naw maꞈ deuˬ gʼaˇ duˬ, yawˬ jeˬ yawˬ lehˬ hmˬ taˬ-euˬ ma.

2 Sahˬpaˬ 21:16

Iˬ baˇ maˬ ahˇ-eu tsawˇ haˬ gʼawˬ mya ni Maˬnaˇseˬ neh sehꞈ-euˬ miˇ neh, Yeˬluˇsaˬlehˬ meuˬ-ahˇ dehꞈ-eu aˇ bawˇ deuˬ shiˬ yoeˇ doˆ le luꞈ-eu meh. Yuˇdaˆ tsawˇ haˬ deuˬ miˬyehˇ nui deuˬ-ahˇ uˬ duˬ tahˬ-awˇ, Sahˬpaˬ Miˬyehˇ mehˬ shi iˬ baˇ mˇ ni aˬ yawꞈ gaˇ ma sheuˬ bahˬ-euˬ uˬ taꞈ-ehˇ, aˬ yawꞈ kʼoeˇ loꞈ-ehˇ paˇ mˇ-euˬ jeˬ pyeuꞈ-eu meh.

Dawˬmehˬ 28:20

“Nawˇ maˬ muiˬ maˬ jaˬ-eu jeˬ mˇ-eu laꞈ kʼoeˇ, Sahˬpaˬ Miˬyehˇ-ahˇ byehˇ dzeh naˇ, tiˬ kʼehˇ laˇ kʼehˬ laꞈ kʼoeˇ geuꞈ-eu jeˬ maˬ ahˇ gaˇ keuˆ ni nawˇ ya luˬ ya seˇ-iˇ ni, nawˇ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ, shaˬ zahˬ naˇ gawˇ maˬ ehˇ, nui noeˬ shaˬ-eu jeˬ maˬ ehˇ, noeˬ shaˬ noeˬ zahˬ-eu jeˬ maˬ ehˇ, nawˬ-euˬ kʼoeˇ taˆ aˬ yawꞈ bi keuˆ le tehꞈ-a.

Yeˬlaˬmiˇ 7:9

Kʼoeˬ-eu gʼehꞈ-eu jeˬ, tsawˇ haˬ-ahˇ sehꞈ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, jaˬ myawꞈ myawꞈ-awˇ kamˬ-eu jeˬ, Baˬlaˇ miˬ yehˇ-ahˇ lawˇ nehˬ shehˇ nehˬ-eu jeˬ, aˇ hu naw maꞈ maˬ siˬ maˬ mawˇ haw-euˬ miˬ yehˇ nui deuˬ-ahˇ uˬ duˬ tahˬ-eu jeˬ, heu deuˬ-ahˇ naw maꞈ mˇ bahˬ taˬ-euˬ meh.

Yeˬlaˬmiˇ 17:13

Sahˬpaˬ Miˬyehˇ nawˇ Iˇsaˬleˬlaˆ-euˬ noeˬ tmˬ duˬ meh. Nawˬ-ahˇ kʼaˇ byehˇ dzeh-eu tsawˇ haˬ kʼoeˇ taˆ, shaꞈ dawˇ-eu jeˬ keuˆ le tehꞈ-a. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu, Sahˬpaˬ Miˬyehˇ nawˬ-ahˇ aˬ yawꞈ maꞈ byehˇ dzeh-euˬ miˇ neh, kʼaˬ lehˇ kʼoeˇ taˆ boꞈ-euˬ tsawˇ myahˇ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Yeˬlaˬmiˇ 11:13

Yuˇdaˆ miˇ kʼahˬ-aˬ, meuˬ kʼaˇ jaˆ-eu myaˆ ni miˬ yehˇ jawˇ myaˬ-awˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-aˬ, nui daˆ daˆ laˇ paˬ-ehˇ gʼeh-eu Baˬlaˇ miˬ yehˇ-ahˇ lawˇ nehˬ-eu gʼaˇ duˬ, meuˬ laꞈ kʼoeˇ gaˇ ma kʼaˇ jaˆ gaˇ lawˇ duˬ tsoˆ taˬ-euˬ meh.

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Yeˬlaˬmiˇ 2:17

Iˇsaˬleˬlaˆ-oˇ, gaˇ kawˆ heu nawˬ-euˬ uˬ duˬ-ahˇ daˇ laˇ ni, nawˇ yawˬ haˇ yawˬ ha mˇ-euˬ meh. Nawˬ-ahˇ ngaˇ sheuˬ gʼeh nehˬ luꞈ ngeh, nawˬ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ-ahˇ, nawˇ byehˇ dzeh yaꞈ-euˬ meh.

Yeˬlaˬmiˇ 2:13

Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.

Iˇsaˬyaˇ 59:7

Aˬ myah luꞈ yaw haiˬ jeˬ-ahˇ naw maꞈ shaˇ noeˬ-awˇ, yaw doeˇ maˬ mˇ-ehˇ yawˬ jawˇ maˬ saˇ-a. Tsawˇ muiˬ-ahˇ sehꞈ-eu maˬ nyi naˬ coeˇ-ehˇ, naw maꞈ kʼaˇ iˇ gaˇ yaw cawˆ jeˬ doˆ laˇ-eu meh.

2 Sahˬpaˬ 24:4

Kʼaˆ tiˬ paˆ ni, iˬ baˇ maˬ ahˇ-eu tsawˇ haˬ deuˬ-ahˇ aˬ yawꞈ sehꞈ-euˬ baˬ da neh, kʼoeˇ loꞈ-ehˇ bi pyeuꞈ laˇ-euˬ meh. Kʼoeˇ loꞈ-ehˇ mˇ-euˬ baˬ da neh, Maˬnaˇseˬ-ahˇ Sahˬpaˬ Miˬyehˇ iˬ baˇ maˬ pyehˬ nehˬ coeˇ-a.

Panmaeq 16:6

Nawˬ-euˬ bawˇlawˇpeh deuˬ hawˇ-eu, muiˬ-eu shawˇ-eu tsawˇ haˬ deuˬ-ahˇ, yawꞈ maꞈ shiˬ sehꞈ yoeˇ-euˬ miˇ neh, yawꞈ maꞈ-ahˇ shiˬ bi dawˇ-eu-aˬ, oꞈ-eu geuˇ-eu jeˬ pyeuꞈ-eu meh.”

Luˇkaꞈ 11:50

Kʼoeˇ miˇ neh, mˬ dawˬ pehˬ miˇ duˬ puˇ seu le ngeh neh bi sehꞈ ka leꞈ-euˬ Miˬyehˇ gʼaˇ duˬ ngehˬ dah-eu deuˬ-euˬ aˇ poeˬ, heu ziˇ-euˬ tsawˇ haˬ deuˬ-ahˇ kʼehˬ nehˬ kʼaˆ nehˬ tehꞈ-a.

Ngoeˇ dawˬ 4:13

Kʼoeˇ gaˇ uˇ keuˆ leˇ nya-euˬ-aˬ, bawˇ lawˇ peh hawˇ-eu piˇ ma deuˬ, tsawˇ muiˬ deuˬ-ahˇ sehꞈ-eu laꞈ kʼoeˇ, iˬ baˇ mˇ-euˬ baˬ da neh meh.

Yeˬlaˬmiˇ 26:23

Aˬ yawꞈ maꞈ aˬ yawꞈ-ahˇ sahˬ paˬ Yeˬhawˇyaˬkmˬ jawˇ gaˇ nyehꞈ kʼoꞈ laꞈ-awˇ, Yeˬhawˇyaˬkmˬ neh aˬ yawꞈ-ahˇ sehꞈ-awˇ, miˇ kʼahˬ zaˬ-euˬ lmˬ bymˇ-ahˇ baꞈ dzeh nehˬ-euˬ meh.)

Yeˬlaˬmiˇ 26:15

Ehˇ kʼawꞈ, heu loꞈ-ehˇ siˬ duˬ taˬ paˬ-ehˇ gʼeh tehꞈ-a. Naw maꞈ ngaˬ-ahˇ sehꞈ naˇ, maˬ lehˬ maˬ ca-eu tsawˇ haˬ-ahˇ sehꞈ-euˬ iˬ baˇ naw maꞈ ya pi tehꞈ-a. Aˬ jeˬ miˇ neh ehˇ naˇ, ngaˬ-ahˇ kʼehˇ gʼeh leꞈ-awˇ, naw maꞈ-ahˇ bi mehˬ bi tsoˆ le-euˬ gʼaˬ-aˬ, Sahˬpaˬ Miˬyehˇ meh.”

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Yeˬlaˬmiˇ 18:15

Ehˇ kʼawꞈ, ngaˬ-euˬ tsawˇ haˬ ngaˬ-ahˇ ngehˇ-awˇ, tahˬ pahˬ aˬ ma-ahˇ tsiˇ yaw saw doꞈ damˬ-euˬ meh. Aˬ yawꞈ maꞈ iˇ-eu gaˇ ma-ahˇ sahˬ tiꞈ tiꞈ-awˇ, gaˇ ma yaw oeˇ kahˇ-ahˇ maˬ paˇ cah-ehˇ, maˬ dzehꞈ dahˇ-euˬ gaˇ ma-ahˇcah-eu meh.

Yeˬlaˬmiˇ 16:11

Kʼoeˇ naˇ, Sahˬpaˬ Miˬyehˇ heu loꞈ-ehˇ ehˇ-eu meh lehˇ aˬ yawꞈ maꞈ-ahˇ ehˇ nehˬ-awˬ. Naw maꞈ-euˬ aˬ poeˬ aˬ bawˇ deuˬ ngaˬ-ahˇ byehˇ dzeh yaꞈ-awˇ, miˬ yehˇ nui deuˬ-ahˇ uˬ duˬ tahˬ-awˇ, miˬ yehˇ kʼoeˇ deuˬ-euˬ nui kʼahˇ mˇ-euˬ meh. Aˬ yawꞈ maꞈ ngaˬ-ahˇ byehˇ-awˇ, ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ maˬ naˇ haˬ geuꞈ-a.

Yeˬlaˬmiˇ 15:6

Naw maꞈ ngaˬ-ahˇ byehˇ dzeh-euˬ meh. Naw maꞈ ngaˬ-ahˇ naˇ kʼah ciˬ pyawˇ nehˬ laꞈ-euˬ meh. Kʼoeˇ baˬ da neh ngaˇ nui ma pehˇ-eu maˬ dzahˬ tehˬ coeˇ-ehˇ, ngaˬ-euˬ aˬ laꞈ cawˬ doˆ leꞈ-awˇ, naw maꞈ-ahˇ baꞈ deh leꞈ-euˬ ma.

Yeˬlaˬmiˇ 5:6

Kʼoeˇ baˬ da neh bawˇ tsahˬ aˇ laˬ jaˬ shiˇ neh bi kawꞈ-awˇ, kʼaˇ shuiꞈ deh yaˇ-ahˇ jawˇ-eu kʼaˬ yehˇ deuˬ, aˬ yawꞈ maꞈ-ahˇ gʼeu paˆ dzaˬ-awˇ, kʼaˬ zuiˬ kʼaˬ laˬ aˬ yawꞈ maꞈ-euˬ meuˬ-ahˇ shahˇ-awˇ, meuˬ laꞈ nyiˇ kʼaˇ doˆ-iˇ-eu deuˬ, bi kawꞈ sehꞈ dzaˬ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ iˬ baˇ mˇ myaˬ-awˇ, Miˬyehˇ-ahˇ gʼawˬ mya poˆ byehˇ dzeh-euˬ meh.

Yeˬlaˬmiˇ 2:30

Ngaˬ neh mehˬ paˇ-euˬ jeˬ nawˇ maˬ geuꞈ-eu miˇ neh, nawˬ-ahˇ ngaˇ kʼehˬ kʼawꞈ gaˇ dahˇ maˬ tsoeˬ-a. Haiˬ dui dui-eu aˇ laˬ jaˬ shiˇ loꞈ-ehˇ, ngaˬ-euˬ gʼaˇ duˬ bi ngehˬ dah-euˬ deuˬ-ahˇ nawˇ sehꞈ-euˬ meh.

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Dawˬmehˬ 28:36

“Nawˇ maˬ ehˇ, nawˬ-euˬ aˬ poeˬ aˬ bawˇ deuˬ maˬ ehˇ, dzeuˇ laˇ ngeh tiˬ jawˇ-iˬ maˬ jawˇ haw-euˬ boeˇ miˬ siˬ kʼaˬ deuˬ-euˬ miˇ kʼahˬ-ahˇ, nawˇ hawˇ-eu nawˬ-euˬ sahˬ paˬ-ahˇ Sahˬpaˬ Miˬyehˇ sheuˬ gʼeh tehꞈ-a. Kʼoeˇ gaˇ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ nawˇ uˬ duˬ ya tahˬ tehꞈ-a.

Dawˬmehˬ 13:6

“Nawˇ hawˇ-eu nawˬ-euˬ aˬ poeˬ aˬ bawˇ deuˬ tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ nawˇ uˬ duˬ tahˬ ni, nawˬ-euˬ aˬ buˇ aˬ li, nawˇ gaˬ-eu nawˬ-euˬ miˬ zaˬ hawˇ-eu, nawˬ-ahˇ gʼoeˇ dui dui-eu nawˬ-euˬ cawˬ deuˬ kʼawꞈ, nawˬ-ahˇ ciˬ cuˇ ni gʼaˬ kʼoeˬ biꞈ nehˬ laꞈ tehꞈ-a.

2 Sahˬpaˬ 23:10

Tsawˇ haˬ tiˬ gʼaˬ-iˬ, Moˇlehˆ miˬyehˇ-ahˇ yawˬ ha-euˬ aˬ buˇ aˬ li maˬ ya lawˇ-eu gʼaˇ duˬ, Hiˬnoˬ deh kʼawꞈ-ahˇ jaˆ-eu Tawˇpehˆ lehˇ kuˇ-eu lawˇ ciꞈ zaˬ deuˬ-euˬ lawˇ duˬ kʼoeˇ tsahˇ kʼawꞈ, sahˬ paˬ Yawˇshiˆ neh laˆ cawˆ-euˬ meh.

Yeˬlaˬmiˇ 1:16

Ngaˬ-euˬ tsawˇ jeuˬ iˬ baˇ mˇ-euˬ miˇ neh ngaˇ kʼehˬ nehˬ ma. Aˬ yawꞈ maꞈ ngaˬ-ahˇ byehˇ dzeh-awˇ, tahˬ pahˬ aˬ ma mawˇ kawˇ tehˆ-awˇ lawˇ-eu shehˇ-eu laꞈ kʼoeˇ uˬ duˬ tahˬ-euˬ meh.

Yeˬlaˬmiˇ 7:6

Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ. Iˬ baˇ maˬ ahˇ-eu tsawˇ haˬ deuˬ-ahˇ sehꞈ-eu jeˬ, miˇ kʼahˬ heu kʼahˬ laꞈ kʼoeˇ taˬ paˇ mˇ. Miˬ yehˇ nui deuˬ-ahˇ uˬ duˬ tahˬ-eu jeˬ kʼawꞈ byehˇ dzeh-awˬ. Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu baˬ da neh nawˇ ya luˬ ya seˇ-iˇ tehꞈ-a.

Yeˬlaˬmiˇ 17:20

Sahˬ paˬ deuˬ-ahˇ maˬ ehˇ, Yuˇdaˆ miˇ kʼahˬ zaˬ dawˬ tawˆ luꞈ-ahˇ maˬ ehˇ, Yeˬluˇsaˬlehˬ meuˬ-ahˇ kʼaˇ jawˇ-eu tsawˇ haˬ deuˬ-ahˇ maˬ ehˇ, lahˇ kʼehˬ kʼoeˇ deuˬ-ahˇ kʼaˇ uˇ laˇ-eu tsawˇ haˬ deuˬ-ahˇ maˬ ehˇ, ngaˬ neh ehˇ-euˬ dawˬ-ahˇ naˇ haˬ-awˬ lehˇ ehˇ nehˬ-awˬ.

Yeˬlaˬmiˇ 22:3

“Yaw tsaˬ yaw dawˇ jeˬ mˇ-awˬ lehˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ dawˬ biꞈ-eu ma. Aˬ cawˬ neh mehˇ shuiˇ bi shuiˇ dzaˬ-euˬ tsawˇ haˬ deuˬ-ahˇ, mehˇ shuiˇ shuiˇ dzaˬ-eu tsawˇ haˬ deuˬ-euˬ aˬ laꞈ laꞈ kʼoeˇ neh ka kʼoꞈ doˆ nehˬ-awˬ. Boeˇ miˬ siˬ kʼaˬ deuˬ, muˇ coe aˬ nmˇ deuˬ hawˇ-eu, miˬ coeˬ miˬ ma deuˬ-ahˇ taˬ kʼehˬ taˬ kʼaˆ nehˬ. Maˬ lehˬ maˬ ca-eu tsawˇ haˬ deuˬ-ahˇ muiˬ-eu shawˇ-eu jawˇ duˬ heu tsahˇ laꞈ kʼoeˇ taˬ sehꞈ.

Yeˬlaˬmiˇ 44:3

Aˬ jeˬ miˇ neh ehˇ naˇ, kʼoeˇ gaˇ jawˇ-euˬ tsawˇ haˬ deuˬ yaw haiˬ jeˬ mˇ-awˇ, ngaˬ-ahˇ nui ma bi pehˇ laꞈ-euˬ meh. Aˬ yawꞈ maꞈ maˬ ehˇ, naw maꞈ maˬ ehˇ, naw maꞈ-euˬ aˬ poeˬ aˬ bawˇ deuˬ maˬ ehˇ, tiˬ jawˇ-iˬ uˬ duˬ maˬ tahˬ haw-euˬ miˬ yehˇ nui deuˬ-ahˇ, aˬ yawꞈ maꞈ uˬ duˬ tahˬ-awˇ lawˇ nehˬ shehˇ nehˬ-euˬ meh.

Yeˬsaˬgeˬlaˇ 7:22

Ngaˬ-euˬ Uˬ duˬ tahˬ nymˇ nymˇ ma -ahˇ yehˬ bawˬ sehˇ lu-ehˇ gʼeh-awˇ, tahˇ joe deuˬ uˇ leˇ-awˇ laˆ jawꞈ leˇ ngeh, ngaˇ ngehˬ maˬ gʼeh ni bi jaˆ ma.

Yeˬsaˬgeˬlaˇ 20:26

Aˬ yawꞈ maꞈ-euˬ lawˇ-eu shehˇ-eu jeˬ neh aˬ yawꞈ maꞈ-ahˇ bi laˆ jawꞈ ni ngaˇ jahˇ-awˇ, aˬ yawꞈ maꞈ-euˬ aˬ li aˬ yuiꞈ deuˬ lawˇ ni ngaˇ jahˇ nehˬ-euˬ ma. Aˬ yawꞈ maꞈ-ahˇ kʼehˬ nehˬ kʼaˆ nehˬ-awˇ, ngaˇ Sahˬpaˬ Miˬyehˇ pyeuꞈ-eu siˬ leˇ ni, kʼoeˇ loꞈ-ehˇ jahˇ nehˬ-euˬ ma.

Daˬyeˬlaˇ 11:31

Aˬ yawꞈ-euˬ yehˇ tiˬ paˆ na deuˬ, Uˬ duˬ tahˬ nymˇ nymˇ ma-ahˇ laˆ jawꞈ tehꞈ-a. Yawˬ nah na luꞈ lawˇ-eu shehˇ-eu jeˬ maˬ bi mˇ ni, aˬ yawꞈ maꞈ laˆ tsoeˬ-awˇ, doeˇ dui dui-eu nui daˆ daˆ laˇ paˬ-ehˇ gʼeh-eu jeˬ kʼoeˇ gaˇ bi jaˆ tehꞈ-a.

Yaˇ kʼaˬ daˇ 5:8

Miˬ yehˇ nui deuˬ-ahˇ Iˇsaˬleˬlaˆ tsawˇ haˬ deuˬ tseˇ geuꞈ ngeh, miˇ kʼahˬ heu kʼahˬ-ahˇ guiˇ keuˆ le-euˬ meh. Iˇsaˬleˬlaˆ tsawˇ haˬ oeˬ muiˇ gʼaˬ laꞈ kʼoeˇ, gahˬ hawˇ-eu dehˬ daˬ duˬ baꞈ-eu tsawˇ haˬ aˬ shuˇ gʼaˬ jawˇ ta.

Jaceuq 106:38

Iˬ baˇ maˬ ahˇ-eu aˬ buˇ aˬ li kʼoeˇ deuˬ-ahˇ sehꞈ-euˬ miˇ neh, miˇ kʼahˬ kʼoeˇ kʼahˬ-ahˇ aˬ yawꞈ maꞈ laˆ jawꞈ-euˬ meh.

Yeˬsaˬgeˬlaˇ 8:11

Sahˬ paˬ-euˬ aˬ li Yaˬzaˬniˇ ahˇ leˇ-ehˇ, Iˇsaˬleˬlaˆ tsawˇ haˬ aˬ yuiꞈ aˬ tsu shiꞈ tseˇ gʼaˬ kʼoeˇ gaˇ jawˇ-eu meh. Aˬ yawꞈ gʼaˬ yawꞈ yaw saw jeˬ doꞈ damˬ duˬ tiˬ gʼaˬ tiˬ hmˬ yuˇ luꞈ-awˇ, yaw saw jeˬ doꞈ taˬ-euˬ uˬ kʼoeˬ uꞈ uꞈ-ehˇ jaˆ-eu meh.