Yeˬlaˬmiˇ 18:15 - Akha

¹⁵ Ehˇ kʼawꞈ, ngaˬ-euˬ tsawˇ haˬ ngaˬ-ahˇ ngehˇ-awˇ, tahˬ pahˬ aˬ ma-ahˇ tsiˇ yaw saw doꞈ damˬ-euˬ meh. Aˬ yawꞈ maꞈ iˇ-eu gaˇ ma-ahˇ sahˬ tiꞈ tiꞈ-awˇ, gaˇ ma yaw oeˇ kahˇ-ahˇ maˬ paˇ cah-ehˇ, maˬ dzehꞈ dahˇ-euˬ gaˇ ma-ahˇcah-eu meh.

Yeˬlaˬmiˇ 18:15 Referans Kwoze

Yeˬlaˬmiˇ 6:16

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Gaˇ ma gaˇ tsmˇ-ahˇ yawꞈ-awˇ haw duˬ-awˬ. Aˇ hu ba-euˬ gaˇ ma gaˇ oeˇ naˇ haˬ duˬ-awˬ. Gaˇ ma gaˇ muiˬ naˇ haˬ duˬ-awˇ cah naˇ, nui saˇ oꞈ-awˇ ya dehꞈ tehꞈ-a.” Ehˇ kʼawꞈ, “Gaˇ ma gaˇ muiˬ-ahˇ maˬ cah” lehˇ, Sahˬpaˬ Miˬyehˇ-ahˇ aˬ yawꞈ maꞈ ehˇ-eu meh.

Hawˇseˬ 11:2

Ehˇ kʼawꞈ, ngehˬ kuˇ ngehˬ iˇ iˇ-awˇ, ngaˬ-ahˇ gaˇ mahˇ kaˬ-iˇ-euˬ meh. Baˬlaˇ miˬyehˇ-ahˇ lawˇ nehˬ-awˇ, tahˬ pahˬ aˬ ma mawˇ kawˇ deuˬ-ahˇ, tsiˇ yaw saw doꞈ damˬ nehˬ-euˬ meh.

Yeˬlaˬmiˇ 2:32

Zaˬ miˬ aˬ buˇ tiˬ gʼaˬ yawˬ ha-euˬ laꞈ duꞈ lahˇ dah-ahˇ ngehˇ nmˇ loˇ. Smˇ miˇ iˇ-eu zaˬ miˬ oeˇ mˇ baˇ-eu mehˬ tsoeˬ ngehˇ kʼmˬ nmˇ loˇ. Ehˇ kʼawꞈ aˇ nah aˇ yamˬ maˬ gui jiˇ coeˇ gaˇ keuˆ ni, ngaˬ-euˬ tsawˇ haˬ ngaˬ-ahˇ ngehˇ byoˆ-euˬ meh.

Iˇsaˬyaˇ 57:14

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ jeuˬ-ahˇ ngaˇ jawˇ gaˇ gʼoꞈ laˇ-eu gʼaˇ duˬ, gaˇ jawˬ lehˬ hmˬ laˆ saˆ dahˇ-awˇ, gaˇ ma-ahˇ tsoeˬ-eu jeˬ yuˇ dzeh jiˇ-awˬ.

Maˬlaˬkiˇ 2:8

“Ehˇ kʼawꞈ, nymˬ-mˇ piˇ ma geuꞈ luꞈ-eu naw maꞈ-aˬ, yaw tsaˬ yaw dawˇ gaˇ ma-ahˇ gʼawˬ-iˇ taˬ-euˬ meh. Naw maꞈ mehˬ bahˬ tsoˆ bahˬ-euˬ miˇ neh, tsawˇ haˬ gʼawˬ mya ni yaw lehˬ jeˬ mˇ luꞈ meh. Ngaˬ neh naw maꞈ-ahˇ biꞈ taˬ-euˬ dawˬ ma saˇ jaˇ-ahˇ naw maꞈ puiˬ-euˬ meh.

Yeˬlaˬmiˇ 2:13

Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.

Yeˬlaˬmiˇ 17:13

Sahˬpaˬ Miˬyehˇ nawˇ Iˇsaˬleˬlaˆ-euˬ noeˬ tmˬ duˬ meh. Nawˬ-ahˇ kʼaˇ byehˇ dzeh-eu tsawˇ haˬ kʼoeˇ taˆ, shaꞈ dawˇ-eu jeˬ keuˆ le tehꞈ-a. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu, Sahˬpaˬ Miˬyehˇ nawˬ-ahˇ aˬ yawꞈ maꞈ byehˇ dzeh-euˬ miˇ neh, kʼaˬ lehˇ kʼoeˇ taˆ boꞈ-euˬ tsawˇ myahˇ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Yeˬlaˬmiˇ 10:15

Miˬ yehˇ kʼoeˇ deuˬ tiˬ pawꞈ-iˬ gaˇ dahˇ maˬ tsoeˬ-ehˇ, tsawˇ haˬ zaˬ-euˬ cehꞈ lehꞈ ka duˬ tehꞈ meh. Sahˬpaˬ Miˬyehˇ zaꞈ le-awˇ kʼehˬ nehˬ ngeh, aˬ yawꞈ maꞈ byoˆ-iˇ laˆ-iˇ jiˇ tehꞈ-a.

Iˇsaˬyaˇ 41:29

Miˬ yehˇ heu deuˬ tiˬ gʼaˬ-iˬ gaˇ dahˇ maˬ tsoeˬ-a. Aˬ yawꞈ maꞈ tiˬ jeˬ-iˬ maˬ mˇ nya-a. Tahˬ pahˬ aˬ ma mawˇ kawˇ heu deuˬ yawˬ ngehꞈ pyeuꞈ-awˇ, baoˬ tiˬ pawꞈ-iˬ maˬ ahˇ-a.”

Maꞈtehˬ 15:6

Naw maꞈ kʼoeˇ loꞈ-ehˇ ehˇ-eu laꞈ kʼoeˇ, aˇ hu ba neh tawˬ ka leꞈ-euˬ zahˇ oeˇ-ahˇ tehꞈ-ehˇ leh jeh-awˇ, Miˬyehˇ neh biꞈ taˬ-euˬ dawˬ deuˬ-ahˇ naw maꞈ yaw zeu maˬ baw-a.

Hawˇseˬ 2:13

Baˬlaˇ miˬ yehˇ-ahˇ bawˬ-iˬ gʼeh-awˇ, yaw saw jeˬ doꞈ damˬ-euˬ uˬ taꞈ, myawˬ guˇ geuꞈ-awˇ jahˇ gʼeh haw-awˇ, zaˬ kʼaˬ deuˬ nehˬ-ehˇ cah cah-ehˇ, ngaˬ-ahˇ aˬ yawꞈ ngehˇ-euˬ miˇ neh, aˬ yawꞈ-ahˇ ngaˇ kʼehˬ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.

Yeˬlaˬmiˇ 16:19

Sahˬpaˬ Miˬyehˇ-oˇ, ngaˬ-ahˇ haw piˇ-awˇ gʼaˬ biꞈ nehˬ laꞈ-eu gʼaˬ nawˇ meh. Shaˬ-eu zahˬ-eu aˇ yamˬ laꞈ kʼoeˇ, nawˇ ngaˬ-ahˇ ngehˬ gʼeh dah teˬ nehˬ laꞈ-euˬ meh. Miˇ tsaˬ tsawˇ jeuˬ deuˬ mˬ dzeˇ miˇ dzeˇ-ahˇ neh nawˇ jawˇ gaˇ laˇ-awˇ, heu loꞈ-ehˇ ehˇ tehꞈ-a. “Nga maꞈ-euˬ aˬ poeˬ aˬ bawˇ deuˬ-aˬ, maˬ ngeuˇ-eu miˬ yehˇ deuˬ-ahˇ tehꞈ-ehˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ tehꞈ-ehˇ jah-euˬ meh.

Yeˬlaˬmiˇ 13:25

Naw maꞈ guiˬ lahˬ kʼoeˇ naˆ ni doeˇ meh lehˇ, Sahˬpaˬ Miˬyehˇ ehˇ taˬ-euˬ meh. Naw maꞈ aˬ yawꞈ-ahˇ byehˇ dzeh-awˇ, maˬ ngeuˇ-eu miˬ yehˇ-ahˇ gʼoe-eu miˇ neh, naw maꞈ-ahˇ kʼoeˇ loꞈ-ehˇ laˆ shaˬ nehˬ-eu gʼaˇ duˬ, aˬ yawꞈ noeˬ tsehˆ gʼaˬ taˬ-euˬ meh.

Yeˬlaˬmiˇ 3:21

Gawˬ duˇ uˬ du teˇ saˇ gaˬ laˇ-eu meh. Iˇsaˬleˬlaˆ tsawˇ haˬ deuˬ ngoeˇ-awˇ shaˇ-eu teˇ saˇ meh. Aˬ jeˬ miˇ neh ehˇ naˇ aˬ yawꞈ maꞈ dehꞈ lehˬ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngehˇ-euˬ meh.

Lormav 14:21

Shaˬ jiˇ dzaˬ-eu, jiˇ baˬ dawˇ-eu, yawˬ ha-euˬ cawˬ Ka li zaˬ tiˬ gʼaˬ na iˬ baˇ mˇ ni jahˇ-eu, heu loꞈ-ehˇ gʼeh-eu deuˬ-ahˇ yahˇ-eu muiˬ meh.

Yeˬlaˬmiˇ 44:25

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Naw maꞈ hawˇ-eu naw maꞈ-euˬ miˬ zaˬ deuˬ, mˬ taˆ miˬyehˇ ma-ahˇ lawˇ-eu shehˇ-eu jeˬ mˇ-awˇ, aˬ gaꞈ dzaˇ uiˇ shehˆ-awˇ lawˇ-eu jeˬ lawˇ nehˬ ma lehˇ saˇ jaˇ dzaˬ-euˬ loꞈ-ehˇ, aˬ laꞈ kʼawꞈ mˇ keuˆ-euˬ meh. Muiˬ ngaˇ. Naw maꞈ neh saˇ jaˇ kʼaˇ dzaˬ taˬ-euˬ loꞈ-ehˇ mˇ byah mˇ byah-ehˇ dehꞈ-awˬ.

Yeˬlaˬmiˇ 19:5

Aˬ yawꞈ maꞈ-euˬ zaˬ deuˬ-ahˇ miˬ dzaˬ dzah puiˆ-awˇ lawˇ-eu lehˇ, Baˬlaˇ miˬ yehˇ gʼaˇ duˬ lawˇ duˬ gʼawˬ mya ni jahˇ taˬ-eu meh. Aˬ yawꞈ maꞈ kʼoeˇ loꞈ-ehˇ jahˇ ni ngaˇ dawˬ maˬ biꞈ haw-aˬ. Kʼoeˇ loꞈ-ehˇ jahˇ-eu lehˇ, nui ma laꞈ kʼoeˇ tehꞈ-ehˇ kʼawꞈ maˬ shaˇ noeˬ haw-aˬ.

Iˇsaˬyaˇ 62:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ tsawˇ haˬ deuˬ gʼoꞈ laˇ-eu gʼaˇ duˬ, meuˬ laꞈ nyiˇ doˆ-iˇ-awˇ gaˇ ma shaˇ dahˇ nehˬ-awˬ. Gaˇ jawˬ jawˬ ma shaˇ dahˇ nehˬ-awˇ, kʼaˬ lo maˬ bi tsoeˬ ni ngawˬ dzeh jiˇ-awˇ, miˇ kʼahˬ tsawˇ jeuˬ deuˬ siˬ nya ni byaꞈ byaꞈ taˬ-awˬ.

Iˇsaˬyaˇ 9:16

Tsawˇ haˬ heu deuˬ-ahˇ sheuˬ gʼeh-eu deuˬ gaˇ ma sheuˬ bahˬ-awˇ, aˬ yawꞈ maꞈ miˇ bahˬ bahˬ jiˇ taˬ-euˬ meh.

Iˇsaˬyaˇ 3:12

Zaˬ guˬ deuˬ ngaˬ-euˬ tsawˇ haˬ deuˬ-ahˇ nawˬ tehˬ-awˇ, zaˬ miˬ zaˬ deuˬ aˬ yawꞈ maꞈ kʼoeˇ taˆ uˆ lahˇ-eu meh. Ngaˬ-euˬ tsawˇ haˬ deuˬ-oˇ, naw maꞈ-ahˇ sheuˬ gʼeh-eu deuˬ gaˇ ma sheuˬ bahˬ-awˇ, naw maꞈ miˇ bahˬ bahˬ luꞈ meh.

Yeˬlaˬmiˇ 2:19

Nawˬ-euˬ yaw lehˬ nawˬ-ahˇ kʼehˬ-awˇ, nawˇ saˇ jaˇ puiˬ-euˬ jeˬ nawˬ-ahˇ laˆ shaˬ tehꞈ-a. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ byehˇ dzeh-awˇ, ngaˬ-ahˇ saˇ jaˇ maˬ ziꞈ ni dehꞈ-eu jeˬ, aˇ naˆ ni lehˬ-awˇ noeˬ shaˬ paˬ-ehˇ gʼeh nga lehˇ, nawˬ-ahˇ siˬ duˬ laˇ tehꞈ-a lehˇ, Baoˬ huiˬ-eu Sahˬpaˬ Miˬyehˇ pyeuꞈ-eu, Dawˬ tawˆ kʼoeˇ taˆ uˆ lahˇ-eu ngaˇ heu loꞈ-ehˇ ehˇ-eu ma.”

Iˇsaˬyaˇ 65:7

Aˬ yawꞈ maꞈ-euˬ iˬ baˇ hawˇ-eu aˬ poeˬ aˬ bawˇ deuˬ-euˬ iˬ baˇ, dawˬ tawˆ luꞈ aˬ yawꞈ maꞈ-ahˇ ngaˇ ciˬ pi nehˬ ma. Gawˬ duˇ kʼoeˇ taˆ lawˇ ciꞈ zaˬ uˬ duˬ tahˬ-eu jawˇ duˬ-ahˇ, tsiˇ yaw saw jeˬ aˬ yawꞈ maꞈ doꞈ daˆ-awˇ, ngaˬ-ahˇ yaw doeˇ ehˇ taˬ-euˬ jaˆ-eu meh. Kʼoeˇ miˇ neh aˬ yawꞈ maꞈ mˇ dzeuˇ shaˇ dzeuˇ taˬ-euˬ loꞈ-ehˇ, aˬ yawꞈ maꞈ-ahˇ ngaˇ paˇ kʼehˬ poˆ nehˬ ma.”

Yeˬlaˬmiˇ 7:9

Kʼoeˬ-eu gʼehꞈ-eu jeˬ, tsawˇ haˬ-ahˇ sehꞈ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, jaˬ myawꞈ myawꞈ-awˇ kamˬ-eu jeˬ, Baˬlaˇ miˬ yehˇ-ahˇ lawˇ nehˬ shehˇ nehˬ-eu jeˬ, aˇ hu naw maꞈ maˬ siˬ maˬ mawˇ haw-euˬ miˬ yehˇ nui deuˬ-ahˇ uˬ duˬ tahˬ-eu jeˬ, heu deuˬ-ahˇ naw maꞈ mˇ bahˬ taˬ-euˬ meh.

Yeˬlaˬmiˇ 18:14

Leˬbaˬnoˬ gawˬ jawˬ-euˬ lo guˇ uˬ du, ngehˇ maˬ ga-eu yamˬ baw meh loˇ. Tsehꞈ ngeuˇ ni gʼeh-eu gawˬ jawˬ kʼoeˇ-ahˇ yoeˇ ka-eu, lawˇ gawˆ tsiˇ-iˇ-euˬ baw ta loˇ.

Yeˬlaˬmiˇ 51:18

Tahˬ pahˬ aˬ ma kʼoeˇ deuˬ tiˬ pawꞈ-iˬ gaˇ dahˇ maˬ tsoeˬ-ehˇ, aˬ cawˬ ja bu duˬ pyeuꞈ-eu meh. Sahˬpaˬ Miˬyehˇ zaꞈ haw le ngeh, dawˬ tawˆ bi laˆ cawˆ jiˇ tehꞈ-a.

Yeˬsaˬgeˬlaˇ 21:15

Mi cehˇ kʼoeˇ ngaˬ-euˬ tsawˇ haˬ-ahˇ nui ma bi baˬ-iˇ-awˇ, bi pehˆ toˆ sehꞈ-eu meh. Mˬ myawꞈ myawꞈ-eu loꞈ-ehˇ naˇ guiˇ guiˇ laˇ-awˇ, sehꞈ-eu lehˇ lehˬ hmˬ taˬ-euˬ mi cehˇ kʼoeˇ kahˇ neh, aˬ yawꞈ maꞈ-euˬ meuˬ-ahˇ ngaˇ laˆ guˆ luꞈ-eu ma.

Yeˬsaˬgeˬlaˇ 36:15

Miˇ kʼahˬ heu kʼahˬ aˬ cawˬ ja bu-eu dawˬ maˬ paˇ ya gaˬ-ehˇ, aˬ cawˬ lmˬ guˆ laˇ gaˇ maˬ paˇ ya mawˇ-aˇ. Miˇ kʼahˬ heu kʼahˬ yawˬ ha tsawˇ jeuˬ-euˬ zaˬ-ahˇ tahˇ joe maˬ paˇ joe geuꞈ-aˇ lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 2:6

Kʼoeˇ baˬ da neh, yawꞈ-euˬ gaˇ ma. Aˬ gah duˬ gahˬ ngaˇ sheu uiˬ-awˇ, yawꞈ iˇ gaˇ ma maˬ bi mawˇ ni, lahˇ goˇ gawˬ -awˇ ciˬ tsoeˬ nehˬ ma.

Dawˬmehˬ 32:21

Miˬyehˇ maˬ ngeuˇ gaˇ tahˬ shaˇ-awˇ, ngaˬ-ahˇ myaˆ bi naˆ laꞈ-euˬ meh. Tahˬ pahˬ aˬ ma mawˇ kawˇ tehˆ-awˇ, ngaˇ nui ma pehˇ ni jahˇ-euˬ meh. Tsawˇ jeuˬ nui deuˬ-ahˇ ngaˇ zmˬ-awˇ, aˬ yawꞈ maꞈ myaˆ naˆ ni jahˇ ma. Aˬ dzawˬ aˇ gah tsawˇ jeuˬ zmˬ-awˇ, aˬ yawꞈ maꞈ nui ma bi pehˇ ma.

Neˬhaˬmiˇ 9:17

Nawˬ neh mˇ-euˬ gaˇ-ahˇ aˬ yawꞈ maꞈ ngehˇ jiˇ-awˇ, nawˬ-euˬ dawˬ-ahˇ maˬ naˇ haˬ ni, nawˇ mˇ-euˬ kʼaˆ jeˬ-ehˇ gʼeh-eu gaˇ-ahˇ, aˬ yawꞈ maꞈ ngehˇ byoˆ jiˇ-euˬ meh. Aˬ yawꞈ maꞈ nui ma huiˬ-eu mahˇ-eu jeˬ laꞈ kʼoeˇ, Iˇjiˇtuˆ miˇ kʼahˬ-ahˇ zaˬ kʼaˆ geuꞈ poˆ-iˇ-eu gʼaˇ duˬ, sheuˬ gʼeh-eu aˬ yuiꞈ tseˇ-euˬ meh. Ehˇ kʼawꞈ nawˇ iˬ baˇ pyehˬ nehˬ-eu Miˬyehˇ pyeuꞈ-awˇ, gʼoeˇ-eu gaˬ-eu jeˬ byah-eu uˬ taꞈ, nawˇ nui ma pehˇ-eu maˬ kawˇ-a. Nawˇ gʼawˬ shaˬ gaˬ-eu jeˬ huiˬ dui myaˬ dui dui-awˇ, aˬ yawꞈ maꞈ-ahˇ nawˇ maˬ byehˇ dzeh-aˬ.

Yeˬlaˬmiˇ 1:16

Ngaˬ-euˬ tsawˇ jeuˬ iˬ baˇ mˇ-euˬ miˇ neh ngaˇ kʼehˬ nehˬ ma. Aˬ yawꞈ maꞈ ngaˬ-ahˇ byehˇ dzeh-awˇ, tahˬ pahˬ aˬ ma mawˇ kawˇ tehˆ-awˇ lawˇ-eu shehˇ-eu laꞈ kʼoeˇ uˬ duˬ tahˬ-euˬ meh.

Yeˬlaˬmiˇ 11:12

Kʼoeˇ naˇ, Yuˇdaˆ miˇ kʼahˬ-euˬ Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ, aˬ yawꞈ maꞈ lawˇ nehˬ shehˇ nehˬ luꞈ-eu miˬ yehˇ deuˬ jawˇ gaˇ iˇ-awˇ, caw ba nehˬ laꞈ lehˇ shaˇ-iˇ tehꞈ-a. Ehˇ kʼawꞈ, luˬ-iˇ seˇ-iˇ-eu jeˬ keuˆ le ngeh, miˬ yehˇ kʼoeˇ deuˬ aˬ yawꞈ maꞈ-ahˇ maˬ ka kʼoꞈ nehˬ nya-a.

Yeˬlaˬmiˇ 11:13

Yuˇdaˆ miˇ kʼahˬ-aˬ, meuˬ kʼaˇ jaˆ-eu myaˆ ni miˬ yehˇ jawˇ myaˬ-awˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-aˬ, nui daˆ daˆ laˇ paˬ-ehˇ gʼeh-eu Baˬlaˇ miˬ yehˇ-ahˇ lawˇ nehˬ-eu gʼaˇ duˬ, meuˬ laꞈ kʼoeˇ gaˇ ma kʼaˇ jaˆ gaˇ lawˇ duˬ tsoˆ taˬ-euˬ meh.

Yeˬlaˬmiˇ 11:17

“Iˇsaˬleˬlaˆ hawˇ-eu Yuˇdaˆ-ahˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ ka-euˬ ma. Ehˇ kʼawꞈ, aˬ yawꞈ maꞈ kʼoeˇ taˆ guˆ-eu gaˆ-eu jeˬ bi keuˆ le-eu lehˇ, nymˬ-mˇ ngaˇ lehˬ hmˬ luꞈ-eu ma. Aˬ yawꞈ maꞈ dehꞈ lehˬ mˇ lehˬ-euˬ miˇ neh, yawˬ haˇ yawˬ ha kʼoeˇ loꞈ-ehˇ keuˆ le ni mˇ-euˬ meh. Baˬlaˇ miˬ yehˇ-ahˇ lawˇ-eu shehˇ-eu laꞈ kʼoeˇ, ngaˇ nui ma pehˇ ni aˬ yawꞈ maꞈ mˇ-euˬ meh.”