Yeˬlaˬmiˇ 16:16 - Akha

¹⁶ Sahˬpaˬ Miˬyehˇ ehˇ-eu, “Ngaˬ shaˬ nyehꞈ-eu tsawˇ haˬ gʼawˬ mya ni ngaˇ pyehˬ gʼeh leꞈ-awˇ, tsawˇ haˬ heu deuˬ-ahˇ ngaˇ bi nyehꞈ ma. Kʼoeˇ naˇ, shaˬ teh teh-eu tsawˇ haˬ gʼawˬ mya ni paˇ pyehˬ gʼeh leꞈ-awˇ, gawˬ jawˬ gawˬ duˇ lo kʼahˬ lo guˇ doe ni aˬ yawꞈ maꞈ-ahˇ ngaˇ bi teh ma.

Yeˬlaˬmiˇ 16:16 Referans Kwoze

Aˬmoˆ 4:2

Baoˬ huiˬ-eu Sahˬpaˬ Miˬyehˇ-aˬ, muiˬ-eu shawˇ-eu gʼaˬ pyeuꞈ-eu loꞈ-ehˇ, heu loꞈ-ehˇ saˇ jaˇ dzaˬ taˬ-euˬ meh. “Aˬ cawˬ naw maꞈ-ahˇ shmˇ kuˆ seuˬ ceuˬ-awˇ tsahˇ byoˆ gʼeh-eu aˇ nah keuˆ le tehꞈ-a. Naw maꞈ yawˬ gʼaˬ na luꞈ ngaˬ juiꞈ-ahˇ paꞈ leˇ-euˬ ngaˬ shaˬ-ahˇ duˇ tehꞈ-a.

Miˇkaˬ 7:2

Miˇ kʼahˬ kʼahˬ lah-ehˇ yaw sui yaw dawˇ tiˬ gʼaˬ-iˬ maˬ jawˇ-ehˇ, Miˬyehˇ -ahˇ saˇ jaˇ ziꞈ-eu tiˬ gʼaˬ-iˬ maˬ jawˇ-a. Tsawˇ haˬ yawˬ gʼaˬ na luꞈ aˬ cawˬ-ahˇ sehꞈ-eu lehˇ nawˬ jawˬ luꞈ meh. Yawˬ gʼaˬ na luꞈ yawˬ ha-euˬ miˇ kʼahˬ laꞈ kʼoeˇ tiˬ kawˆ loꞈ-ehˇ jawˇ-eu tsawˇ haˬ-ahˇ lahˇ ju kʼmˇ-eu meh.

1 Saˬmeuˬlaˆ 26:20

Sahˬpaˬ Miˬyehˇ nehˬ-ehˇ gaˇ mahˇ kaˬ gaˇ, boeˇ miˬ siˬ kʼaˬ-euˬ miˇ tsaˬ-ahˇ, aˬ cawˬ neh ngaˬ-ahˇ taˬ bi sehꞈ nehˬ laꞈ. Iˇsaˬleˬlaˆ miˇ kʼahˬ-euˬ sahˬ paˬ-aˬ, ngaˇ loꞈ-ehˇ gʼeh-eu kuiˬ shehˇ tiˬ mawˇ maˬ tawˬ-eu tsawˇ haˬ-ahˇ aˬ jeˬ miˇ neh ya sehꞈ ta. Bawˇ tsahˬ-ahˇ jawˇ-eu aˇ jiˇ-ahˇ teh-eu loꞈ-ehˇ, aˬ jeˬ miˇ neh aˬ yawꞈ ngaˬ-ahˇ ya teh ta.”

Aˇ dahˬ 10:9

Aˬ yawꞈ-ahˇ Sahˬpaˬ Miˬyehˇ caw ba nehˬ-eu laꞈ kʼoeˇ, tsawˇ myahˇ doˆ dui dui-eu shaˬ jiˇ beuˆ-eu tsawˇ haˬ tiˬ gʼaˬ pyeuꞈ laˇ-euˬ meh. Kʼoeˇ miˇ neh, “Niˇyawˇdaˆ loꞈ-ehˇ tsawˇ myahˇ doˆ-eu shaˬ jiˇ beuˆ-eu tsawˇ haˬ pyeuꞈ laˇ ni, Sahˬpaˬ Miˬyehˇ caw ba luꞈ-uˇ” lehˇ, aˇ hu tsawˇ haˬ deuˬ dawˬ daˬ daˬ-euˬ meh.

Yeˬlaˬmiˇ 25:9

Laꞈ taˆ paw miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ hawˇ-eu, Baˬbuˇloˬ sahˬ paˬ pyeuꞈ-eu ngaˬ-euˬ zaˬ kʼaˆ Neˬbuˬkaˬneˬzaˬ-ahˇ ngaˇ kuˇ uiˬ ma. Yuˇdaˆ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ dawˬ tawˆ luꞈ-ahˇ maˬ ehˇ, dawˬ peh jawˇ-eu tsawˇ jeuˬ deuˬ-ahˇ maˬ ehˇ, guiˇ bi deuˆ-eu gʼaˇ duˬ tsawˇ haˬ kʼoeˇ deuˬ-ahˇ ngaˇ pyehˬ gʼeh leꞈ ma. Miˇ kʼahˬ heu kʼahˬ hawˇ-eu dawˬ peh jaˆ-eu miˇ kʼahˬ deuˬ-ahˇ ngaˇ laˆ cawˆ-awˇ, tsawˬ guˆ-iˇ paˬ-ehˇ bi jaˆ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Aˬmoˆ 5:19

Aˇ nah kʼoeˇ nah aˬ joˆ-ehˇ gʼeh-eu aˇ nah-a lehˇ ehˇ ngeh, tsawˇ haˬ tiˬ gʼaˬ aˇ laˬ jaˬ shiˇ-ahˇ guˆ-awˇ cehˆ ngeh, kʼaˬ hmˇ paˇ tahˬ puˬ le-awˇ, nymˇ laꞈ kʼoeˇ cehˆ zaꞈ-awˇ kaˇ pyawˇ-ahˇ aˬ laꞈ dehˬ toˆ-eu nehˬ-ehˇ, aˇ lawˇ paˇ bi toˆ-euˬ gaˇ duˇ tehꞈ-a.

1 Saˬmeuˬlaˆ 24:11

Ngaˬ-euˬ aˬ da-oˇ, heu gaˇ haw sheˇ. Ngaˇ tuˆ tehˬ luꞈ-eu nawˬ-euˬ pehˇ kʼahˬ pehˇ dahˬ-ahˇ haw sheˇ. Nawˬ-ahˇ ngaˇ sehꞈ-eu yehꞈ laˇ-euˬ kʼawꞈ maˬ sehꞈ ni, pehˇ kʼahˬ pehˇ dahˬ tehꞈ-ehˇ yehˬ tsehˆ-euˬ ma. Heu gaˇ haw-awˇ, ngaˬ-euˬ nui ma laꞈ kʼoeˇ, nawˬ-ahˇ puiˬ mawꞈ-eu jeˬ hawˇ-eu laˆ tahˬ laˆ naˇ nehˬ mawꞈ-eu jeˬ tiˬ pawꞈ-iˬ maˬ ahˇ nga lehˇ, nawˇ siˬ duˬ-awˬ. Ngaˬ neh nawˬ-ahˇ mˇ lehˬ taˬ-euˬ tiˬ jeˬ-iˬ maˬ jaˆ kʼawꞈ, ngaˬ-ahˇ sehꞈ-eu lehˇ nawˇ poˆ luꞈ meh.

Iˇsaˬyaˇ 2:21

Sahˬpaˬ Miˬyehˇ miˇ tsaˬ tahˬ kʼawˇ-ahˇ ngawˬ nyeh le ngeh, aˬ yawꞈ nui ma pehˇ-eu jeˬ hawˇ-eu, aˬ yawꞈ-euˬ yaw shehꞈ kʼahˬ sehˇ-ahˇ cehˆ dzeuˇ nya ni, lo kʼahˬ lo guˇ zaꞈ gʼaˇ doe ni, tsawˇ haˬ zaˬ deuˬ cehˆ zaꞈ tehꞈ-a.

Iˇsaˬyaˇ 7:19

Lawˇ kʼmˬ lawˇ gawˆ lo kʼahˬ lo guˇ dawˬ tawˆ luꞈ kʼoeˇ taˆ aˬ yawꞈ maꞈ poˬ gʼa-awˇ, baw duˆ hawˇ-eu jeˬ zaˬ gaˆ kʼahˬ dawˬ tawˆ luꞈ kʼoeˇ taˆ ga byah jiˇ tehꞈ-a.

Yeˬlaˬmiˇ 4:29

Mahˬ dziˬ-eu deuˬ hawˇ-eu kaˆ beuˆ-eu deuˬ luiˬ gʼa laˇ ngeh, yawˬ gʼaˬ na luꞈ cehˆ byoˆ tehꞈ-a. Tiˬ paˆ na deuˬ lo guˇ-ahˇ cehˆ daˆ leˇ tehꞈ-a. Meuˬ dawˬ tawˆ luꞈ yawꞈ ngehꞈ-ehˇ jaˆ yaꞈ-awˇ, tsawˇ haˬ tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.

Yeˬlaˬmiˇ 6:9

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ siˬ juˆ dzeh jiˇ-euˬ aˬ gaꞈ yaˇ kmˇ loꞈ-ehˇ, Iˇsaˬleˬlaˆ tsawˇ jeuˬ byoˆ-iˇ laˆ-iˇ tehꞈ-a. Kʼoeˇ baˬ da neh aˇ yamˬ jaˆ ngeh, ka kʼoꞈ nya-eu deuˬ-ahˇ nawˇ ya ka kʼoꞈ nehˬ meh.”

Yeˬlaˬmiˇ 49:5

Naw maꞈ kʼoeˇ taˆ yawˬ paw yawˬ coeˇ na luꞈ guˆ-eu gaˆ-eu jeˬ ngaˇ bi keuˆ le-awˇ, naw maꞈ dawˬ tawˆ luꞈ cehˆ byoˆ jiˇ tehꞈ-a. Yawˬ gʼaˬ na luꞈ uˬ kʼawˇ kʼaˇ buˬ maˬ buˬ cehˆ-awˇ, naw maꞈ-euˬ guiˇ maꞈ kuˇ uiˬ-eu gʼaˬ maˬ jawˇ-ehˇ pyeuꞈ-iˇ tehꞈ-a.

Ngoeˇ dawˬ 4:18

Muiˇ-eu deuˬ neh bi haw tsoˆ-awˇ, kmˇ cehˇ laꞈ nyiˇ maˬ iˇ peuˬ nya. Nga maꞈ-euˬ aˇ nah jiˇ le-awˇ, aˇ saˬ saˬ-eu keuˆ le miˇ-a.

Hawˇseˬ 10:10

Bahˬ dui dui-eu tsawˇ haˬ deuˬ-ahˇ, kʼehˬ-eu kʼaˆ-eu lehˇ ngaˇ oe ma. Iˬ baˇ aˇ dzehˬ dzeuˇ-eu miˇ neh, aˬ yawꞈ maꞈ-ahˇ kʼehˬ-eu gʼaˇ duˬ, tsawˇ jeuˬ dawˬ tawˆ gm leˇ tehꞈ-a.

Zeˬpaˬniˇ 1:12

“Kʼoeˇ ngeh jawˇ ngaˇ tsiˇ kʼmˬ keuˬ-awˇ, Yeˬluˇsaˬlehˬ meuˬ poˆ doe ma. Yawˬ haˇ yawˬ ha nui kʼaˬ tsmˬ-awˇ, yaw muiˬ maˬ ehˇ, yaw doeˇ maˬ ehˇ, Sahˬpaˬ Miˬyehˇ maˬ mˇ-aˇ lehˇ, yawˬ haˇ yawˬ ha ehˇ-eu tsawˇ haˬ, ngaˇ kʼehˬ nehˬ gaˇ ya daˬ tehꞈ-a.

Ngoeˇ dawˬ 4:19

Nga maꞈ-euˬ mehˬ nah teh-eu deuˬ, mˬ taˆ kʼaˬ dzeˇ maˬ tseˇ kawˇ-awˇ, gawˬ jawˬ kʼoeˇ taˆ teh ka leꞈ-awˇ, bawˇ tsahˬ-ahˇ jawˇ-awˇ loꞈ luꞈ meh.