Yeˬlaˬmiˇ 15:9 - Akha

⁹ Zaˬ shiꞈ gʼaˬ bi shiˇ-euˬ aˬ ma saꞈ saꞈ ma gʼawˇ daˆ-eu meh. Aˬ yawꞈ gʼaˇ duˬ nah gʼahˇ uˬ ciꞈ loꞈ-ehˇ zahˇ-awˇ, nui ma shaˬ zahˬ maˬ pi coeˇ-a. Naw maꞈ maˬ shiˇ dzeuˇ-ehˇ kʼaˇ dehꞈ-eu deuˬ, muiˇ-eu deuˬ neh bi sehꞈ ma lehˇ, Sahˬpaˬ Miˬyehˇ pyeuꞈ-eu ngaˬ neh ehˇ taˬ-euˬ jaˆ-eu ma.”

Yeˬlaˬmiˇ 15:9 Referans Kwoze

1 Saˬmeuˬlaˆ 2:5

Yaw beh ya dzaˬ ya dawˇ-euˬ deuˬ, nymˬ-mˇ gʼaˬ mahˇ ya mahˇ dzaˬ-awˇ, yaw beh mehꞈ-euˬ shuꞈ-euˬ tsawˇ haˬ, nymˬ-mˇ maˬ paˇ dzaˬ jiˇ coeˇ meh. Maˬ baw aˬ ma zaˬ maˬ jawˇ-euˬ, nymˬ-mˇ zaˬ shiꞈ gʼaˬ jawˇ le-awˇ, zaˬ myaˬ dui dui-euˬ aˬ ma gʼaˬ, zaˬ tiˬ gʼaˬ-iˬ maˬ paˇ jawˇ meh.

Iˇsaˬyaˇ 47:9

Ehˇ kʼawꞈ, tiˬ kʼehˇ laˇ kʼehˬ tiˬ nah laꞈ kʼoeˇ, kʼoeˇ nyiˬ jeˬ luꞈ keuˆ le tehꞈ-a. Nyiˇ paˬ shaˆ ma-ahˇ nawˇ gʼoe kʼawꞈ, nawˬ-euˬ kʼaˬ dzeˇ zaˬ hawˇ-eu zaˬ deuˬ shiˇ tehꞈ-a.

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Ngoeˇ dawˬ 4:10

Ngaˬ-euˬ tsawˇ haˬ shaˬ zahˬ naꞈ-eu, ngaˬ-ahˇ uˇ gawˇ dui dui laˇ nya. Aˬ ma deuˬ yawˬ ha-euˬ zaˬ-ahˇ, puꞈ jaꞈ-awˇ dzaˬ gaˇ keuˆ ni meh.

Yeˬlaˬmiˇ 44:27

Naw maꞈ maˬ baw maˬ za le-eu uˬ taꞈ, ya luˬ ya seˇ-iˇ gaˇ ngaˇ haw ma. Naw maꞈ tiˬ gʼaˬ-iˬ maˬ dzeuˇ-iˇ nya ni, guiˇ deuˆ-eu baˬ da neh maˬ ngeuˇ naˇ, naˇ-eu gawˇ-eu baˬ da neh ya shiˇ jiˇ tehꞈ-a.

Yeˬlaˬmiˇ 21:7

Ehˇ kʼawꞈ, nawˇ hawˇ-eu nawˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ gawˇ, heu deuˬ-ahˇ kʼaˇ dzeuˇ-iˇ-euˬ tsawˇ haˬ deuˬ-ahˇ maˬ ehˇ, sahˬ paˬ Neˬbuˬkaˬneˬzaˬ hawˇ-eu naw maꞈ-ahˇ sehꞈ mawꞈ-euˬ muiˇ-eu deuˬ neh bi nyehꞈ jiˇ ma. Neˬbuˬkaˬneˬzaˬ naw maꞈ-ahˇ sehꞈ tehꞈ-a. Naw maꞈ-ahˇ aˬ yawꞈ gʼawˬ shaˬ maˬ gaˬ ni, tiˬ gʼaˬ-iˬ maˬ bi dzeuˇ-iˇ ni sehꞈ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 6:4

“Yeˬluˇsaˬlehˬ meuˬ-ahˇ guiˇ deuˆ-eu lehˬ hmˬ-awˬ. Nah gʼahˇ paw guiˇ deuˆ ma” lehˇ aˬ yawꞈ maꞈ ehˇ kʼawꞈ, heu loꞈ-ehˇ paˇ ehˇ paˇ tehꞈ-a. “Uˬ ciꞈ ciꞈ le-awˇ aˇ yamˬ dzeuˇ-iˇ ngaˇ. Uˬ ciꞈ yaw zahˇ maˬ paˇ dawˬ bya coeˇ ngaˇ.

Yeˬlaˬmiˇ 7:19

Ehˇ kʼawꞈ, ngaˬ-ahˇ bi coeˬ laˇ-eu jeˬ aˬ yawꞈ maꞈ mˇ luꞈ ta loˇ. Maˬ ngeuˇ-a. Yawˬ haˇ yawˬ ha bi coeˬ leˇ-awˇ, yawˬ haˇ yawˬ ha daˬ laˆ ga-eu jeˬ aˬ yawꞈ maꞈ mˇ luꞈ-eu meh.

Yeˬlaˬmiˇ 19:7

Jawˇ duˬ heu tsahˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ laꞈ kʼoeˇ jawˇ-eu tsawˇ haˬ deuˬ-euˬ nui kʼahˇ dawˬ tawˆ luꞈ, ngaˇ laˆ cawˆ nehˬ jiˇ ma. Muiˇ-eu deuˬ neh aˬ yawꞈ maꞈ-ahˇ guiˇ bi deuˆ gʼaˬ-awˇ, bi deuˆ sehꞈ jiˇ ma. Aˬ yawꞈ maꞈ-ahˇ, aˇ jiˇ hawˇ-eu bawˇ tsahˬ jeˬ zaˬ deuˬ-euˬ dzaˇ bi pyeuꞈ-iˇ ma.

Yeˬlaˬmiˇ 50:12

Ehˇ kʼawꞈ, huiˬ dui dui-eu nawˬ-euˬ meuˬ ya shaꞈ dawˇ tehꞈ-a. Baˬbuˇloˬ miˇ kʼahˬ-aˬ, aˬ cawˬ taꞈ-ehˇ nyiˇ teˬ-eu meuˬ pyeuꞈ-iˇ tehꞈ-a. Iˇ cuꞈ maˬ jaˆ-eu gui coˇ ni gʼeh-eu kʼaˇ shuiꞈ deh yaˇ pyeuꞈ-iˇ tehꞈ-a.

Yeˬsaˬgeˬlaˇ 5:13

Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.