Yeˬlaˬmiˇ 15:21 - Akha

²¹ Maˬ tsaˬ maˬ dawˇ-eu tsawˇ haˬ yaw haiˬ deuˬ-euˬ baoˬ uˬ moˆ, nawˬ-ahˇ ngaˇ ka kʼoꞈ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 15:21 Referans Kwoze

2 Gawˇliˬtu 1:10

Kʼoeˇ naˆ naˆ-ehˇ gʼeh-eu shiˇ gaˇ keuˆ leˇ taˬ-euˬ aˇ tiˆ-ahˇ, nga maꞈ-ahˇ ka kʼoꞈ nehˬ laꞈ-euˬ meh. Mehˬ hu paw kʼawꞈ, aˬ yawꞈ nga maꞈ-ahˇ ka kʼoꞈ nehˬ laꞈ tehꞈ-a. Naw maꞈ guiˬ lahˬ shaˇ nehˬ laꞈ-euˬ baˬ da neh, aˬ yawꞈ nga maꞈ-ahˇ paˇ ka kʼoꞈ nehˬ laꞈ tehꞈ-a lehˇ nga maꞈ jah duˬ taˬ-euˬ ma. Tsawˇ haˬ gʼawˬ mya ni guiˬ lahˬ shaˇ-euˬ dawˬ Miˬyehˇ-ahˇ gaˬ leˇ-awˇ, nga maꞈ-ahˇ Miˬyehˇ guiˬ lahˬ biꞈ laꞈ tehꞈ-a. Tsawˇ haˬ gʼawˬ mya ni nga maꞈ-euˬ gʼaˇ duˬ Miˬyehˇ-euˬ guiˬ lahˬ-ahˇ ja ceuˬ tehꞈ-a.

Yeˬlaˬmiˇ 50:34

Ehˇ kʼawꞈ, aˬ yawꞈ maꞈ-ahˇ ka kʼoꞈ nehˬ le-eu lehˇ gʼeh-eu gʼaˬ, gʼaˬ kʼaˆ dui dui-eu meh. Aˬ yawꞈ-euˬ tsawˇ myahˇ-aˬ, Baoˬ huiˬ-eu Sahˬpaˬ Miˬyehˇ meh. Aˬ yawꞈ maꞈ dehꞈ doˆ laˇ nya ni aˬ yawꞈ yaw muiˬ paˬ-ehˇ ngehˬ gʼeh nehˬ-awˇ, miˇ tsaˬ kʼoeˇ taˆ nui saˇ oꞈ-eu jeˬ bi keuˆ le tehꞈ-a. Ehˇ kʼawꞈ, Baˬbuˇloˬ miˇ kʼahˬ kʼoeˇ taˆ shaˬ zahˬ bi keuˆ le tehꞈ-a.”

Iˇsaˬyaˇ 54:17

Ehˇ kʼawꞈ, nawˬ-ahˇ laˆ tahˬ laˆ naˇ nya-eu, guiˇ deuˆ-eu keu ka maˬ jaˆ-a. Nawˬ-ahˇ yaˇ kʼaˬ kʼaˇ ja laˇ-eu tsawˇ haˬ deuˬ-ahˇ, nawˇ ja gʼaˬ nya tehꞈ-a. Ngaˬ-euˬ zaˬ kʼaˆ deuˬ-ahˇ ngaˇ haw piˇ-awˇ, gʼaˬ leˇ-eu tsawˇ haˬ bi pyeuꞈ ma” lehˇ Sahˬpaˬ Miˬyehˇ ehˇ-eu meh.

Iˇsaˬyaˇ 29:20

Aˬ cawˬ-ahˇ kʼehˬ-eu deuˬ aˇ nah jiˇ-awˇ, aˬ cawˬ-ahˇ cehꞈ lehꞈ ka-eu deuˬ byoˆ le-awˇ, yaw haiˬ jeˬ mˇ-eu lehˇ jawˬ luꞈ-eu deuˬ bi coeˇ tsehˆ dzeh tehꞈ-a.

Jaceuq 37:40

Aˬyawꞈmaꞈ-ahˇngehˬgʼeh nehˬ-awˇ, shaˬzahˬoe ngeh haw teˬ-eu meh. Aˬyawꞈ-ahˇtahˬshaˇ-eu miˇneh, haiˬ-eu deuˬ-euˬaˬlaꞈlaꞈkʼoeˇ, aˬyawꞈka kʼoꞈdoˆnehˬ-eu meh.

Jaceuq 27:2

Haiˬ-eu deuˬngaˬ-ahˇsehꞈle ngeh, muiˇ-eu deuˬngaˬ-ahˇdawꞈle ngeh, sahˬtiꞈtiꞈ-awˇcoˬdzeh-eu meh.

Aˇ dahˬ 48:16

Guˆ-eu gaˆ-eu jeˬ laꞈ kʼoeˇ ngaˬ-ahˇ sheuˬ buˬ-euˬ Miˬyehˇ-euˬ gʼaˬ kʼehˇ, aˬ yawꞈ nyaꞈ-ahˇ guiˬ lahˬ biꞈ luꞈ-uˇ. Aˬ li heu nyiˬ li baˬ da neh, ngaˬ-euˬ tsawˇ myahˇ maˬ ehˇ, ngaˬ bawˇ Aˬbyaˬhaˬ-euˬ tsawˇ myahˇ maˬ ehˇ, ngaˬ da Iˇtsaˆ-euˬ tsawˇ myahˇ maˬ ehˇ, tiˬ jawˇ-iˬ maˬ byoˆ-iˇ ni jaˆ yaꞈ luꞈ-uˇ. Aˬ yawꞈ nyaꞈ nmˇ zaˬ gʼawˬ mya ni jawˇ le-awˇ, aˬ yawꞈ maꞈ-euˬ zaˬ deuˬ uˆ deuˬ, myaˬ dui dui le luꞈ-uˇ.”

Lormav 16:20

Aˬ dui nui saˇ oꞈ duˬ pyeuꞈ-eu Miˬyehˇ-aˬ, gʼawˬ myahˇ maˬ gʼeh-ehˇ nehꞈ Saˬdaˬ-ahˇ laˆ cawˆ-awˇ naw maꞈ-euˬ aˬ kuiˇ pehˬ zaˬ uˬ moˆ bi jawˇ tehꞈ-a. Aˬ dui-euˬ Sahˬpaˬ Yeˬsuˇ-euˬ guiˬ lahˬ yaw dzahˇ naw maꞈ kʼoeˇ taˆ jaˆ luꞈ-uˇ.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Iˇsaˬyaˇ 29:5

Yeˬluˇsaˬlehˬ meuˬ-oˇ, nawˬ-ahˇ guiˇ kʼaˇ deuˆ le-eu tsawˇ jeuˬ deuˬ, kʼaˬ lehˇ loꞈ-ehˇ bi baw byoˆ jiˇ-awˇ, guˆ laˇ paˬ-ehˇ gʼeh-eu guiˇ maꞈ kʼoeˇ deuˬ, gʼo yoeˬ loꞈ-ehˇ bi baw dzeh jiˇ tehꞈ-a. Maˬ noeˬ maˬ duˇ-euˬ laꞈ kʼoeˇ ja pyuˬ ni,

Jaceuq 97:10

Yaw haiˬ jeˬ-ahˇ bye-eu tsawˇ haˬ deuˬ-ahˇ Sahˬpaˬ Miˬyehˇ gaˬ-eu meh. Aˬ yawꞈ-euˬ tsawˇ haˬ deuˬ maˬ ya luˬ ma ya seˇ-iˇ ni, aˬ yawꞈ haw piˇ-eu meh. Haiˬ-eu tsawˇ haˬ deuˬ-euˬ laꞈ-ahˇ, aˬ yawꞈ maꞈ-ahˇ ka kʼoꞈ nehˬ-eu meh.

Iˇsaˬyaˇ 49:26

Nawˬ-ahˇ kʼehˬ-eu tsawˇ haˬ tiˬ gʼaˬ tiˇ gʼaˬ shaˬ jiˇ dzaˬ ni ngaˇ jahˇ nehˬ-awˇ, jiˇ baˬ yehꞈ-eu loꞈ-ehˇ yawˬ ha-euˬ shiˬ dawˇ yehꞈ tehꞈ-a. Kʼoeˇ naˇ ngaˇ Sahˬpaˬ Miˬyehˇ pyeuꞈ-eu gaˇ kawˆ-ahˇ, tsawˇ jeuˬ dawˬ tawˆ luꞈ ya siˬ duˬ tehꞈ-a. Naw maꞈ-ahˇ ka kʼoꞈ-eu gʼaˬ ngaˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a. Ngaˇ Iˇsaˬleˬlaˆ-euˬ baoˬ huiˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ ya siˬ duˬ tehꞈ-a.”

Iˇsaˬyaˇ 60:16

Aˬ ma zaˬ-ahˇ bo saˆ huiˬ-euˬ loꞈ-ehˇ, miˇ kʼahˬ tsawˇ jeuˬ hawˇ-eu sahˬ paˬ deuˬ nawˬ-ahˇ ya mˇ cu tehꞈ-a. Sahˬpaˬ Miˬyehˇ pyeuꞈ-eu ngaˇ nawˬ-ahˇ ka kʼoꞈ-awˇ, Iˇsaˬleˬlaˆ-euˬ baoˬ huiˬ-eu Miˬyehˇ nawˬ-ahˇ puiˇ pyehˬ nehˬ-euˬ gaˇ kawˆ, nawˇ ya siˬ duˬ tehꞈ-a.

Yeˬlaˬmiˇ 16:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬlaˬmiˇ 20:13

Sahˬpaˬ Miˬyehˇ-ahˇ caˇ-awˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ. Haiˬ-eu tsawˇ haˬ deuˬ neh bi kʼehˬ-euˬ tsawˇ haˬ-ahˇ, aˬ yawꞈ ka kʼoꞈ doˆ nehˬ-eu meh.

Yeˬlaˬmiˇ 31:11

Iˇsaˬleˬlaˆ tsawˇ jeuˬ-ahˇ ngaˇ bi buˬ-iˇ-awˇ, baoˬ huiˬ-eu tsawˇ jeuˬ-euˬ laꞈ-ahˇ neh ka kʼoꞈ doˆ-euˬ ma.

Yeˬlaˬmiˇ 38:28

Kʼoeˇ naˇ, Yeˬluˇsaˬlehˬ meuˬ-ahˇ aˬ cawˬ deuˆ gʼaˬ ngeh nah keuˆ ni, sahˬ paˬ hawˇ nymˇ lahˇ laꞈ kʼoeˇ ngaˇ jawˇ-euˬ ma.

Yeˬlaˬmiˇ 39:11

Guiˇ maꞈ dawˬ tawˆ luꞈ kʼoeˇ taˆ uˆ lahˇ-eu Neˬbuˬzaˬlaˬdaˬ-ahˇ sahˬ paˬ Neˬbuˬkaˬneˬzaˬ kʼehˇ-awˇ, heu loꞈ-ehˇ dawˬ biꞈ-euˬ meh.

Yeˬlaˬmiˇ 39:12

“Yeˬlaˬmiˇ-ahˇ poˆ mawˇ-iˇ-awˇ, yaw muiˬ paˬ-ehˇ bo saˆ nehˬ-awˇ, aˬ yawꞈ-ahˇ coeˬ leˇ-eu jeˬ maˬ jahˇ nehˬ ni, aˬ yawꞈ kʼaˇ geuꞈ mawꞈ-euˬ jeˬ jahˇ nehˬ-awˬ.”

Daˬyeˬlaˇ 3:17

Doꞈ luꞈ-eu miˬ dzaˬ tsawˬ bu hawˇ-eu nawˬ-euˬ baoˬ laꞈ kʼoeˇ, nga maꞈ uˬ duˬ tahˬ-eu Miˬyehˇ ngaˬ ha smˇ gʼaˬ-ahˇ ka kʼoꞈ nehˬ laꞈ nya naˇ ka kʼoꞈ nehˬ laꞈ luꞈ-uˇ.

Daˬyeˬlaˇ 3:25

“Toˆ-ehˇ ngeuˇ naˇ, aˬ jeˬ miˇ neh miˬ dzaˬ laꞈ kʼoeˇ tsawˇ haˬ oeˬ gʼaˬ cah luꞈ-eu ngaˬ-ahˇ mawˇ laˇ ta. Aˬ yawꞈ maꞈ-ahˇ aˇ caˆ gʼeh maˬ paꞈ taˬ-ehˇ, miˬ dzaˬ lahˇ leˇ gaˇ jiˇ maˬ duˇ nga. Oeˬ gʼaˬ tiˬ gʼaˬ miˬ yehˇ-euˬ aˬ li-ahˇ duˇ nga” lehˇ, aˬ yawꞈ ehˇ-eu meh.

Yeˬlaˬmiˇ 26:24

Ehˇ kʼawꞈ, Shaˇpaˬ-euˬ aˬ li Aˬhiˇkamˬ ngaˬ-ahˇ caw ba-eu miˇ neh, miˇ kʼahˬ zaˬ-euˬ laꞈ-ahˇ maˬ ahˇ leˇ-ehˇ, bi sehꞈ gaˇ maˬ keuˆ-aˬ.