Yeˬlaˬmiˇ 15:15 - Akha

¹⁵ Kʼoeˇ ngeh, ngaˇ heu loꞈ-ehˇ ehˇ-euˬ ma. “Sahˬpaˬ Miˬyehˇ-oˇ, nawˇ siˬ nya luꞈ meh. Ngaˬ-ahˇ noeˬ keuˆ-awˇ caw ba nehˬ laꞈ-awˬ. Ngaˬ-ahˇ kʼehˬ nehˬ kʼaˆ nehˬ laꞈ-euˬ tsawˇ haˬ deuˬ kʼoeˇ taˆ, laꞈ poˆ bi poˆ kʼoꞈ nehˬ laꞈ-awˬ. Ngaˬ-ahˇ bi sehꞈ laˇ gaˇ keuˆ ni, aˬ yawꞈ maꞈ-ahˇ nawˇ taˬ oˇ oꞈ nehˬ. Nawˬ-euˬ gʼaˇ duˬ ngaˇ dawˬ doeˇ ya daˬ luꞈ gaˇ taˬ ngehˇ nehˬ laꞈ.

Yeˬlaˬmiˇ 15:15 Referans Kwoze

Yeˬlaˬmiˇ 12:3

Ehˇ kʼawꞈ, Sahˬpaˬ Miˬyehˇ nawˇ ngaˬ-ahˇ siˬ nya meh. Ngaˇ mˇ luꞈ-eu gaˇ deuˬ hawˇ-eu, ngaˇ nawˬ-ahˇ gaˬ-eu jeˬ nawˇ siˬ nya meh. Sehꞈ dzaˬ-eu lehˇ bi tsahˇ doˆ-euˬ yawˇ deuˬ loꞈ-ehˇ, haiˬ-eu tsawˇ haˬ heu deuˬ-ahˇ nawˇ gʼeu doˆ gʼeh-awˇ, sehꞈ-eu aˇ nah gʼaˇ duˬ tseˇ doˆ taˬ-awˬ.

Luˇkaꞈ 21:17

Naw maꞈ ngaˬ-euˬ tsawˇ myahˇ-ahˇ gʼoe-eu miˇ neh, tsawˇ haˬ dawˬ tawˆ luꞈ naw maꞈ-ahˇ bye tehꞈ-a..

Yeˬlaˬmiˇ 20:12

Ehˇ kʼawꞈ, Baoˬ huiˬ-eu Sahˬpaˬ Miˬyehˇ-oˇ, tsawˇ haˬ-ahˇ nawˇ dawˇ coe ni lawˬ haw-awˇ, nui noeˬ nui duˇ dawˬ tawˆ nawˇ siˬ nya jiˇ-eu meh. Kʼoeˇ baˬ da neh ngaˬ-euˬ gaˇ kawˆ, nawˬ-ahˇ daˬ keuˆ laˇ-euˬ loꞈ-ehˇ, muiˇ-eu deuˬ-ahˇ nawˇ laꞈ poˆ poˆ nehˬ-eu, ngaˬ-ahˇ bi mawˇ laꞈ-awˬ.

Yeˬlaˬmiˇ 17:16

Ehˇ kʼawꞈ ni Sahˬpaˬ Miˬyehˇ-oˇ, aˬ yawꞈ maꞈ kʼoeˇ taˆ shaˬ zahˬ bi keuˆ le-awˬ lehˇ nawˬ-ahˇ ngaˇ maˬ shaˇ-aˬ. Aˬ yawꞈ maꞈ-ahˇ shaˬ zahˬ laˆ naꞈ nehˬ mawꞈ-eu nui ma ngaˬ-euˬ laꞈ kʼoeˇ maˬ ahˇ-eu nawˇ siˬ nya meh. Ngaˬ neh kʼaˇ ngehˬ kʼaˇ tmˇ-euˬ jeˬ dawˬ tawˆ luꞈ nawˇ siˬ nya jiˇ meh.

Neˬhaˬmiˇ 13:22

Jawˇ nah-ahˇ bi muiˬ bi shawˇ-eu gʼaˇ duˬ, yawˬ ha-euˬ gʼawˇ mawˇ shawˇ-awˇ meuˬ-euˬ lahˇ kʼehˬ deuˬ-ahˇ loꞈ-iˇ-awˬ lehˇ, Leˬbiˇ tsawˇ haˬ deuˬ-ahˇ ngaˇ ehˇ nehˬ-euˬ meh. Miˬyehˇ-oˇ, ngaˇ kʼoeˇ loꞈ-ehˇ mˇ-euˬ gaˇ kʼawꞈ, noeˬ keuˆ nehˬ laꞈ-awˇ, huiˬ dui dui-eu nawˬ-eu gʼoeˇ-eu gaˬ-eu jeˬ baˬ da neh ngaˬ-ahˇ gʼawˬ shaˬ gaˬ nehˬ laꞈ-awˬ.

Maꞈtehˬ 10:22

Naw maꞈ ngaˬ-ahˇ gʼoe-eu baˬ da neh, tsawˇ haˬ dawˬ tawˆ luꞈ naw maꞈ-ahˇ muiˇ tehꞈ-a. Ehˇ kʼawꞈ, aˇ saˬ saˬ ngeh keuˆ ni ziꞈ-eu tsawˇ haˬ-aˬ, ka kʼoꞈ-eu jeˬ za tehꞈ-a.

Yeˬlaˬmiˇ 20:8

Ngaˇ dawˬ kʼaˇ ngehˬ ngeh ngoeˇ-eu jeˬ oꞈ-awˇ, “Yaw haiˬ hawˇ-eu yaw cawˆ jeˬ tehꞈ nga” lehˇ ya guˇ-eu meh. Sahˬpaˬ Miˬyehˇ nawˬ-euˬ dawˬ ngaˇ ya dzawˇ gaˬ-eu miˇ neh, dawˬ doeˇ daˬ-eu maˬ tsehˆ leˇ nya.

Jaceuq 119:84

Ngaˇ nawˬ-ahˇ aˇ myah ni paˇ ya dawˬ ta. Ngaˬ-ahˇ kʼehˬ-eu tsawˇ haˬ deuˬ-ahˇ nawˇ aˬ myah kʼehˬ nehˬ-eu gʼeh te.

Jaceuq 106:4

Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ nawˇ ngehˬ gʼeh ngeh, ngaˬ-ahˇ taˬ ngehˇ nehˬ laꞈ. Aˬ yawꞈ maꞈ-ahˇ nawˇ ka kʼoꞈ ngeh, ngaˬ-ahˇ taˬ byehˇ dzeh nehˬ laꞈ.

Neˬhaˬmiˇ 5:19

Miˬyehˇ-oˇ, tsawˇ haˬ heu deuˬ gʼaˇ duˬ ngaˬ neh mˇ-euˬ yawˬ jeˬ na luꞈ-ahˇ maˬ ngehˇ ni noeˬ keuˆ nehˬ laꞈ lehˇ nawˬ-ahˇ ngaˇ shaˇ-eu ma.

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.

2 Tiˆmoˇseˬ 4:14

Ba jiˬ geuꞈ-eu Aˬleˬsaˬduˇ kʼoeˇ gʼaˬ ngaˬ-ahˇ yaw kʼaˆ-ehˇ jahˇ doeˇ nehˬ laꞈ-euˬ meh. Aˬ yawꞈ neh kʼaˇ jahˇ nehˬ laꞈ-euˬ loꞈ-ehˇ, Sahˬpaˬ Yeˬsuˇ aˬ yawꞈ-ahˇ jahˇ kʼoꞈ nehˬ tehꞈ-a.

2 Gawˇliˬtu 5:11

Nga maꞈ Sahˬpaˬ Miˬyehˇ-ahˇ yaw zeu baw-awˇ guˆ-eu siˬ nya-eu miˇ neh, tsawˇ haˬ yawˬ gʼaˬ na luꞈ aˬ yawꞈ jawˇ paw pyawˇ laˇ ni gʼaˬ biꞈ luꞈ-eu ma. Nga maꞈ aˬ joˆ-ehˇ gʼeh-eu tsawˇ haˬ pyeuꞈ-eu gaˇ kawˆ Miˬyehˇ siˬ duˬ meh. Naw maꞈ-euˬ nui ma laꞈ kʼoeˇ kʼawꞈ, ngaˬ-ahˇ siˬ nya luꞈ meh lehˇ ngaˇ noeˬ tmˬ-eu ma.

Lormav 12:19

Aˬ yuiꞈ aˬ nyiˇ Ka li zaˬ deuˬ-oˇ, aˬ cawˬ-ahˇ laꞈ poˆ tiˬ jawˇ-iˬ taˬ poˆ. Miˬyehˇ yaˇ kʼaˬ daˇ luꞈ-uˇ. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Laꞈ poˆ poˆ-eu jeˬ-aˬ, ngaˬ-ahˇ taꞈ-eu jeˬ pyeuꞈ-eu ma. Ngaˇ jahˇ kʼoꞈ nehˬ ma lehˇ Sahˬpaˬ Miˬyehˇ ehˇ-eu meh.”

Maꞈtehˬ 19:29

Ngaˬ-euˬ mehˬ nah caw teh laˇ-eu gʼaˇ duˬ, yawˬ ha-euˬ nymˇ, mehˇ nmˇ, dmˇ ma, aˬ da, aˬ ma, aˬ buˇ aˬ li, myawˬ dahˬ yaˇ dahˬ, heu deuˬ dawˬ tawˆ luꞈ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ, yawˬ ha neh kʼaˇ byehˇ yaꞈ-euˬ jeˬ tiˬ yaˇ bymˇ paˇ za dzehˬ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.

Yeˬlaˬmiˇ 15:10

Ngaˇ yaw dehꞈ dehꞈ-eu nui saˇ tiˬ pawꞈ-iˬ maˬ oꞈ miˇ-a. Aˬ jeˬ miˇ neh ngaˬ ma ngaˬ-ahˇ miˇ tsaˬ kʼoeˇ taˆ bi dehꞈ le-euˬ maˬ siˬ miˇ-a. Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ nehˬ-ehˇ ngaˇ ya ceh-awˇ, ya ja dzaˬ luꞈ-eu ma. Ngaˇ aˬ cawˬ-euˬ pyuˇ maˬ shaˇ paˇ-ehˇ, aˬ cawˬ-ahˇ pyuˇ maˬ paˇ nehˬ kʼawꞈ, yawˬ gʼaˬ na luꞈ ngaˬ-ahˇ yaˬ kʼehˇ yaˬ-eu meh.

Iˇsaˬyaˇ 38:3

“Sahˬpaˬ Miˬyehˇ-oˇ, nawˬ-euˬ gaˇ-ahˇ, ngaˇ saˇ jaˇ ziꞈ-eu laꞈ kʼoeˇ mˇ-awˇ, nawˇ bi mˇ mawꞈ-eu jeˬ-ahˇ ngaˇ aˬ myah luꞈ leh jeh-awˇ mˇ-euˬ gaˇ taˬ ngehˇ nehˬ laꞈ.” Kʼoeˇ naˇ, aˬ yawꞈ yaw kʼaˆ-ehˇ ngoeˇ-euˬ meh.

Jaceuq 102:24

Miˬyehˇ-oˇ, nymˬ-mˇ ngaˇ maˬ mawˬ le mi naˆ-ehˇ, ngaˬ-ahˇ taˬ sheuˬ byoˆ gʼeh nehˬ laꞈ. Sahˬpaˬ Miˬyehˇ-oˇ, nawˇ mˬ maˬ maˬ byaˆ zaˇ ziˇ dehꞈ-euˬ meh.

Jaceuq 39:13

Tiˬjawˇ-iˬ maˬpaˇgʼoꞈlaˇ ni, ngaˇmaˬya iˇbyoˆ-euˬnmˇkaˬ, laˬkʼaˬcehˇ-eu tiˬkʼehˬ oꞈ ni, nawˇmaˬhaw tsoˆni bi dehꞈlaꞈ.

Jaceuq 17:3

Ngaˬ-euˬnui ma nawˇlawˬhaw sheˇ. Uˬciꞈngaˇjawˇgaˇoe haw sheˇ. ngaˬ-ahˇnawˇpyehˆtseˇduˬhaw sheˇ. Yaw haiˬjeˬ mˇmawꞈ-eu nui ma, maˬahˇ-eu nawˇ siˬduˬtehꞈ-a. Dawˬdoeˇngehˬ-eu tmˇ-eu gʼaˇduˬ, ngaˬ-euˬ kʼaˬmeh-ahˇngaˇmaˬzmˬ.

Yawˇbaˆ 10:7

Ngaˇ iˬ baˇ maˬ ahˇ-eu gaˇ kawˆ hawˇ-eu, tsawˇ haˬ tiˬ gʼaˬ-iˬ nawˬ-euˬ laꞈ-ahˇ neh ngaˬ-ahˇ maˬ ka kʼoꞈ nya-eu gaˇ kawˆ nawˇ siˬ nya meh.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

Neˬhaˬmiˇ 6:14

Kʼoeˇ ngeh, ngaˇ heu loꞈ-ehˇ guiˬ lahˬ shaˇ-euˬ ma. “Miˬyehˇ-oˇ, Tawˇbyaˬ hawˇ-eu Sahˬbaˬlaˆ aˬ nyaꞈ neh ngaˬ-ahˇ mˇ nehˬ laꞈ-euˬ gaˇ maˬ ngehˇ ni aˬ yawꞈ nyaꞈ-ahˇ kʼehˬ nehˬ-awˬ. Nawˇ diˇ lehˇ myahˇ-euˬ zaˬ miˬ zaˬ kʼoeˇ gʼaˬ hawˇ-eu ngaˬ-ahˇ guˆ ciˬ nyehꞈ-eu lehˇ kʼaˇ leh jeh-euˬ nawˬ-euˬ gʼaˇ duˬ ngehˬ dah-eu kʼoeˇ deuˬ-ahˇ kʼawꞈ maˬ kʼehˬ nehˬ ni taˬ byehˇ nehˬ laꞈ.”

Lormav 8:35

Yeˬsuˇ Ka liˬ-euˬ gʼoeˇ-eu gaˬ-eu jeˬ-ahˇ aˬ dui ya gʼawˬ-iˇ ni, aˬ geu jeˬ laˆ pyaˆ laˇ nya ta. Shaˬ zahˬ mˇ-eu jeˬ loˇ. Noeˬ dui noeˬ duiˇ-eu jeˬ loˇ. Kʼehˬ-eu kʼaˆ-eu jeˬ loˇ. Mehꞈ-eu shuꞈ-eu jeˬ loˇ. Iˇ shaˬ shaˬ-eu jeˬ loˇ. Guˆ-eu gaˆ-eu jeˬ loˇ. Miˬ zaˬ mi cehˇ loˇ.

Yaˇ kʼaˬ daˇ 16:28

Kʼoeˇ ngeh, Saˬsoˬ heu loꞈ-ehˇ guiˬ lahˬ shaˇ-euˬ meh. “Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˬ-ahˇ taˬ ngehˇ nehˬ laꞈ. Miˬyehˇ-oˇ, ngaˬ-euˬ myaˆ nuiˆ nyiˬ nuiˆ luꞈ laˇ behꞈ nehˬ laꞈ-eu Piˇliˇtiˆ tsawˇ haˬ deuˬ-ahˇ heu tiˬ poˆ tehꞈ-ehˇ ngaˇ jahˇ kʼoꞈ nehˬ-eu gʼaˇ duˬ, ngaˬ-euˬ gʼaˬ kʼoeˇ deuˬ ngaˬ-ahˇ tiˬ poˆ paˇ biꞈ nehˬ laꞈ siˬ.”

Jaceuq 44:22

Ehˇkʼawꞈ,nawˬ-euˬbaˬda baˇneh, nga maꞈshiˇnawˆnawˆluꞈ-eu ma. Bi sehꞈdzaˬ-euˬyawˇdeuˬloꞈ-ehˇ, nga maꞈ-ahˇjahˇnehˬlaꞈ-euˬmeh.

Yeˬlaˬmiˇ 15:20

Aˬ yawꞈ maꞈ-euˬ mehˬ shi, maˇ jawˆ ni gʼeh-eu guiˬ shuiˇ neh maˇ taˬ-euˬ meuˬ meuˬ lahˇ loꞈ-ehˇ nawˇ ziꞈ tehꞈ-a. Aˬ yawꞈ maꞈ nawˬ-ahˇ guiˇ deuˆ kʼawꞈ, nawˬ-ahˇ maˬ gʼaˬ laˇ-aˇ. Nawˬ nehˬ-ehˇ ngaˇ jawˇ-awˇ, nawˬ-ahˇ haw teˬ haw piˇ nehˬ ma.

Yeˬlaˬmiˇ 20:11

Ehˇ kʼawꞈ, baoˬ huiˬ-awˇ gʼaˬ kʼaˆ-eu Sahˬpaˬ Miˬyehˇ nawˇ-aˬ, ngaˇ jawˇ paw pyawˬ luꞈ-eu miˇ neh, ngaˬ-ahˇ kʼehˬ-eu tsawˇ haˬ deuˬ sahˬ tiꞈ tiꞈ coˬ-awˇ, ngaˬ-ahˇ maˬ gʼaˬ laˇ ni smˬ-iˇ tehꞈ-a. Aˬ yawꞈ maꞈ smˬ-iˇ-euˬ miˇ neh, mˬ maˬ maˬ byaˆ zaˇ ziˇ ya shaꞈ dawˇ-awˇ, maˬ ngehˇ leˇ coeˇ gaˇ keuˆ tsawˇ myahˇ ya cawˆ tehꞈ-a.

Yeˬlaˬmiˇ 18:23

Ehˇ kʼawꞈ, aˬ yawꞈ maꞈ ngaˬ-ahˇ sehꞈ-eu lehˇ gʼeh-eu gaˇ kawˆ, Sahˬpaˬ Miˬyehˇ nawˇ mawˇ jiˇ luꞈ-eu meh. Aˬ yawꞈ maꞈ-ahˇ iˬ baˇ maˬ pyehˬ nehˬ-ehˇ, aˬ yawꞈ maꞈ-euˬ yaw lehˬ taˬ byehˇ byoˆ nehˬ. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, nawˇ nui ma pehˇ ngeh aˬ yawꞈ maꞈ-ahˇ kʼehˬ nehˬ-awˬ.

Ngoeˇ dawˬ 3:64

“Yawꞈ maꞈ yaw doeˇ jahˇ-euˬ miˇ neh, Sahˬpaˬ Miˬyehˇ nawˇ kʼehˬ nehˬ-awˬ.

Ngoeˇ dawˬ 3:66

Nui ma pehˇ-eu laꞈ kʼoeˇ teh-awˇ, mˬ heu siˬ-euˬ uˬ moˆ yawꞈ maꞈ, tiˬ gʼaˬ-iˬ maˬ bi dzeuˇ-iˇ ni, Sahˬpaˬ Miˬyehˇ nawˇ jahˇ nehˬ-awˬ.