Yeˬlaˬmiˇ 14:19 - Akha

¹⁹ Sahˬpaˬ Miˬyehˇ nawˇ Yuˇdaˆ tsawˇ haˬ-ahˇ, byehˇ tsehˆ tsehˆ nehˬ laꞈ-euˬ ma loˇ. Ziˇoˬ meuˬ-ahˇ nawˇ maˬ haw nahˇ te loˇ. Nga maꞈ jaˆ gʼaˬ maˬ yaˇ taˬ nya gaˇ keuˆ, aˬ jeˬ miˇ neh nawˇ laˆ naˇ nehˬ laꞈ te. Nui saˇ oꞈ-eu jeˬ-ahˇ nga maꞈ poˆ kʼawꞈ, yaw muiˬ tiˬ jeˬ-iˬ maˬ baw-a. Naˇ gawˇ taˬ leˇ gaˇ nga maꞈ noeˬ tmˬ kʼawꞈ, guˆ-eu gaˆ-eu jeˬ paˇ keuˆ le-euˬ meh.

Yeˬlaˬmiˇ 14:19 Referans Kwoze

Ngoeˇ dawˬ 5:22

Nga maꞈ-ahˇ byehˇ tsehˆ tsehˆ teˬ loˇ. Nui ma pehˇ taˬ-euˬ maˬ baw loˇ.

Yeˬlaˬmiˇ 8:15

Jawˇ saˇ doˆ-awˇ nui saˇ oꞈ gaˇ aˬ dui noeˬ tmˬ-euˬ kʼawꞈ, guˆ-eu gaˆ-eu jeˬ bi keuˆ le-euˬ meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Yeˬlaˬmiˇ 6:30

Sahˬpaˬ Miˬyehˇ pyeuꞈ-eu ngaˇ byehˇ dzeh-euˬ miˇ neh, gaˇ dahˇ maˬ tsoeˬ-eu shmˇ shmˇ keˬ meh lehˇ aˬ yawꞈ maꞈ-ahˇ ya kuˇ tehꞈ-a.

Yeˬlaˬmiˇ 30:13

Naw maꞈ-ahˇ bo saˆ-eu gʼaˬ maˬ jawˇ-ehˇ, maˇ naˇ-ahˇ lehꞈ-eu jaˆ gʼaˬ maˬ jaˆ-eu miˇ neh, taˬ leˇ-eu gaˇ ma maˬ dahˇ-a.

Yeˬlaˬmiˇ 15:18

Aˬ jeˬ miˇ neh ngaˬ-euˬ naˇ gawˇ taˬ leˇ-euˬ maˬ baw ta. Jawˇ la yamˬ-ahˇ gui-iˇ-eu lawˇ gawˆ loꞈ-ehˇ, nawˇ ngaˬ-ahˇ bi shaˬ-eu gʼeh te loˇ.”

Yeˬlaˬmiˇ 12:8

Ngaˬ neh tseˇ doˆ-euˬ tsawˇ haˬ deuˬ ngaˬ-ahˇ puiˬ-awˇ, bawˇ tsahˬ aˇ laˬ jaˬ shiˇ loꞈ-ehˇ ngaˬ-ahˇ joeˬ-eu miˇ neh, aˬ yawꞈ maꞈ-ahˇ ngaˇ bye-eu ma.

Jaceuq 78:59

Kʼoeˇ deuˬ-ahˇ Miˬyehˇ ya mawˇ ngeh nui ma pehˇ-awˇ, aˬ yawꞈ-euˬ tsawˇ haˬ deuˬ-ahˇ byehˇ tsehˆ-euˬ meh.

Yawˇbaˆ 30:26

Laˬ kʼaˬ cehˇ-eu jeˬ hawˇ-eu yaw shehꞈ-ahˇ ngaˇ noeˬ tmˬ-euˬ kʼawꞈ, noeˬ shaˬ noeˬ zahˬ-eu jeˬ hawˇ-eu yaw zahˇ jeˬ keuˆ le-euˬ meh.

Ngoeˇ dawˬ 4:17

Myaˆ nuiˆ haw doˆ-eu keuˆ laˇ kʼawꞈ, caw ba le-eu gʼaˬ maˬ jawˇ-a. Kawˬ lahˇ loꞈ kʼehꞈ-eu keuˆ laˇ kʼawꞈ, ngehˬ gʼeh le-eu gʼaˬ maˬ jawˇ-a.

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Yeˬlaˬmiˇ 7:29

“Yeˬluˇsaˬlehˬ tsawˇ haˬ deuˬ-oˇ, ngoeˇ-awˬ. Uˬ duˬ tsehˇ kʼahˇ tehˬ tsehˆ-awˇ biˬ dzeh-awˬ. Gawˬ duˇ uˬ du doe ni tsawˇ ngoeˇ ngoeˇ-awˬ. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, ngaˬ-euˬ tsawˇ haˬ deuˬ-ahˇ nui ma pehˇ-awˇ byehˇ dzeh-euˬ ma.

Jaceuq 89:38

Ehˇ kʼawꞈ nawˬ neh tseˇ doˆ-euˬ sahˬ paˬ-ahˇ nawˇ nui ma pehˇ-eu meh. Aˬ yawꞈ-ahˇ nawˇ byehˇ dzeh nehˬ-euˬ meh.

2 Laˬsaˬbaˬ 36:16

Aˇ saˬ saˬ laˇ ngeh, aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ dui dui laˇ-awˇ, buˬ-iˇ law-iˇ-eu gaˇ ma maˬ dahˇ ehˇ pyeuꞈ laˇ ngeh keuˆ ni, Miˬyehˇ neh pyehˬ gʼeh leꞈ-euˬ deuˬ-ahˇ aˬ yawꞈ maꞈ ja bu ja doeˇ-awˇ, aˬ yawꞈ-euˬ ehˇ dawˬ-ahˇ maˬ naˇ haˬ geuꞈ-ehˇ, Miˬyehˇ gʼaˇ duˬ ngehˬ dah-eu deuˬ-ahˇ naˬ gʼa naˬ gʼa-ehˇ uiˇ-euˬ meh.

Yeˬlaˬmiˇ 12:7

Sahˬpaˬ Miˬyehˇ ehˇ-eu, “Iˇsaˬleˬlaˆ-ahˇ ngaˇ byehˇ dzeh-euˬ ma. Ngaˬ neh tseˇ doˆ-euˬ tsawˇ jeuˬ-ahˇ maˬ paˇ haw ma. Ngaˇ gaˬ-eu tsawˇ haˬ heu deuˬ-ahˇ, muiˇ-eu deuˬ aˬ laꞈ laꞈ kʼoeˇ a nehˬ-euˬ ma.

Miˇkaˬ 1:12

Luˬ-iˇ seˇ-iˇ-eu jeˬ Sahˬpaˬ Miˬyehˇ neh Yeˬluˇsaˬlehˬ meuˬ-euˬ lahˇ kʼehˬ-ahˇ tehˬ ni bi keuˆ le taˬ-euˬ miˇ neh, Maˬyawˆ meuˬ-ahˇ jawˇ-eu tsawˇ haˬ deuˬ noeˬ shaˬ dui dui-eu laꞈ kʼoeˇ saꞈ gʼawˇ daˆ-awˇ, buˬ-iˇ-eu gaˇ ma dahˇ-eu maˬ siˬ lehˇ noeˬ kʼoeˬ-awˇ gʼaˬ doeˇ doeˇ dui dui luꞈ meh.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Yeˬlaˬmiˇ 30:12

Sahˬpaˬ Miˬyehˇ aˬ yawꞈ-euˬ tsawˇ haˬ-ahˇ ehˇ-eu, “Naw maꞈ-euˬ maˇ naˇ maˬ laˆ byoˆ nya-ehˇ, naw maꞈ-euˬ maˇ kʼehˬ maˬ yaˇ taˬ nya-a.

Yeˬlaˬmiˇ 51:5

Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ Miˬyehˇ-aˬ, Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-ahˇ maˬ byehˇ dzeh. Iˇsaˬleˬlaˆ-euˬ muiˬ-eu shawˇ-eu gʼaˬ pyeuꞈ-eu ngaˬ-ahˇ aˬ yawꞈ maꞈ mˇ lehˬ kʼawꞈ, ngaˇ maˬ byehˇ dzeh.

Ngoeˇ dawˬ 2:22

Bawˬ-iˬ gʼeh gaˇ kuˇ uiˬ-euˬ loꞈ-ehˇ, shaˬ zahˬ guˆ gaˆ ngaˬ-euˬ tiˬ jawˬ, nawˬ neh teh uiˬ jiˇ leꞈ-euˬ meh. Sahˬpaˬ Miˬyehˇ nui pehˇ aˇ nah, cehˆ dzeuˇ nya-eu gʼaˬ maˬ jawˇ-a. Ngaˇ gaˬ-awˇ bo saˆ huiˬ taˬ-euˬ, ngaˬ-euˬ aˬ buˇ aˬ li deuˬ-ahˇ, muiˇ-eu deuˬ neh sehꞈ jiˇ-euˬ meh.