Yeˬlaˬmiˇ 14:17 - Akha

¹⁷ Aˬ yawꞈ maꞈ-ahˇ heu loꞈ-ehˇ ehˇ nehˬ-iˇ-eu gʼaˇ duˬ Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh. “Ngaˬ-euˬ tsawˇ haˬ deuˬ yaw kʼaˆ-ehˇ bi laˆ naˇ-awˇ, aˇ dzehˬ-ehˇ deuˬ leˇ-euˬ miˇ neh, ngaˬ-euˬ myaˆ biˇ maˬ tsiˇ leˇ ni yoeˇ-awˇ, maˬ naˬ leˇ ni ya ngoeˇ luꞈ-uˇ.

Yeˬlaˬmiˇ 14:17 Referans Kwoze

Yeˬlaˬmiˇ 8:21

Ngaˬ-euˬ tsawˇ jeuˬ shaˬ zahˬ naꞈ-eu miˇ neh, ngaˬ-euˬ nui ma shaˬ zahˬ naꞈ-eu miˇ-a. Shaˬ zahˬ maˬ mˇ coeˇ-eu miˇ neh, ngoeˇ dui dui luꞈ-eu ma.

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.

Yeˬlaˬmiˇ 13:17

Ehˇ kʼawꞈ, naw maꞈ maˬ naˇ haˬ naˇ, naw maꞈ nui ma huiˬ-eu mahˇ-eu miˇ neh, aˬ cawˬ maˬ bi siˬ ni ngaˇ ngoeˇ kʼoeˬ ma. Sahˬpaˬ Miˬyehˇ-euˬ tsawˇ haˬ deuˬ, aˬ cawˬ neh bi nyehꞈ byoˆ gʼeh-eu miˇ neh, ngaˇ ya ngoeˇ dui dui-awˇ, myaˆ biˇ daˇ lawˇ yoeˇ le tehꞈ-a.

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Miˇkaˬ 6:13

Naw maꞈ-euˬ iˬ baˇ baˬ da neh naw maꞈ ya piˬ ya byoˆ-iˇ ni ngaˇ mˇ dahˬ beh gʼaˬ-euˬ ma.

Ngoeˇ dawˬ 2:18

Sahˬpaˬ Miˬyehˇ-ahˇ gaˬ leˇ ni, Ziˇoˬ meuˬ-oˇ guˇ dui dui-awˬ. Uˬ ciꞈ maˬ ehˇ, nah gʼahˇ maˬ ehˇ, myaˆ biˇ lawˇ gawˆ bi yoeˇ ka-awˬ. Gʼaˬ naˬ taˬ naˬ, myaˆ nuiˆ taˬ miˆ.

Yeˬlaˬmiˇ 10:19

Yeˬluˇsaˬlehˬ meuˬ laꞈ kʼoeˇ jawˇ-eu deuˬ ngoeˇ-awˇ ehˇ-eu, “Nga maꞈ-ahˇ coeˬ dui dui laˇ nya. Nga maꞈ-euˬ naˇ gawˇ maˬ paˇ taˬ leˇ nya miˇ-a. Nga maꞈ maˬ daˬ coeˇ gaˇ keuˆ ni maˬ pyeuꞈ laˇ-aˇ lehˇ noeˬ-euˬ ma.

Iˇsaˬyaˇ 37:22

Saˬneˬkaˬliˇ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. Saˬneˬkaˬliˇ-oˇ, Yeˬluˇsaˬlehˬ meuˬ nawˬ-ahˇ uiˇ-awˇ, noeˬ teˬ dui dui luꞈ meh.

Jaceuq 39:10

Nawˇngaˬ-ahˇtaˬpaˇkʼehˬnehˬlaꞈ. Nawˬ-euˬaˬlaꞈzuiˆ-eu miˇneh, shiˇtaw tehˬni deuˬlaˇ-eu nya.

Aˬmoˆ 5:2

Miˬ daꞈ daꞈ shuiꞈ Iˇsaˬleˬlaˆ, miˇ tsa ja bah ni coˬ dzeh-awˇ, tiˬ jawˇ-iˬ maˬ tuˇ laˇ nya-a. Miˇ tsa byehˇ dzeh-awˇ bi ga-euˬ, baꞈ tuˇ nehˬ-eu gʼaˬ maˬ jawˇ-a.

Jaceuq 119:136

Tsawˇ haˬ heu deuˬ nawˬ-euˬ zahˇ dawˬ kʼoꞈ dawˬ-ahˇ byehˇ-euˬ miˇ neh, ngaˬ-euˬ myaˆ biˇ lawˇ baˬ yoeˇ le miˇ-a.

Yeˬlaˬmiˇ 8:18

Ngaˇ noeˬ shaˬ-eu maˬ byoˆ-iˇ nya miˇ-a. Nui ma shaˬ zahˬ mˇ-eu maˬ jiˇ miˇ-a.

2 Sahˬpaˬ 19:21

Sahˬpaˬ Miˬyehˇ heu loꞈ-ehˇ ehˇ-eu meh. ‘Saˬneˬkaˬliˇ-oˇ, Yeˬluˇsaˬlehˬ meuˬ nawˬ ahˇ uiˇ-awˇ naˬ gʼaˬ luꞈ meh.

Yeˬlaˬmiˇ 9:18

Aˬ yawꞈ-euˬ tsawˇ haˬ deuˬ ehˇ-eu, “Nga maꞈ myaˆ nuiˆ myaˆ biˇ dahˬ byah jiˇ-awˇ, myaˆ nuiˆ myaˆ shehˆ jaˇ yoe ni ngoeˇ pyeuꞈ jiˇ ngeh keuˆ, yaw kawˇ ma-ehˇ laˇ-awˇ kuiˇ deuˇ gui laˇ-awˬ lehˇ, aˬ yawꞈ maꞈ-ahˇ ehˇ gaˬ nehˬ-awˬ.”

Yeˬlaˬmiˇ 18:13

Sahˬpaˬ Miˬyehˇ ehˇ-eu, “Heu loꞈ-ehˇ gʼeh-eu gaˇ kawˆ gaˬ haw maˬ loˇ lehˇ, tsawˇ jeuˬ yawˬ jeuˬ na luꞈ-ahˇ naˇ haˬ sheˇ. Iˇsaˬleˬlaˆ tsawˇ haˬ deuˬ-aˬ, guˆ dui dui laˇ paˬ-ehˇ gʼeh-eu jeˬ mˇ-euˬ meh.

Ngoeˇ dawˬ 2:11

Ngaˬ-euˬ myaˆ nuiˆ maˬ ngoeˇ coeˇ-ehˇ, ngaˬ-euˬ saꞈ laˇ maˬ shaˬ coeˇ nya. Ngaˬ-euˬ tsawˇ haˬ shiˇ jiˇ-euˬ gaˇ, nui ma tsawˬ paˆ shaw-euˬ miˇ-a. Zaˬ nahˬ hawˇ-eu zaˬ yaw nyiˇ deuˬ, meuˬ-euˬ gʼahˇ ceh gaˇ ma doe ni, maˬ shiˇ tsehˆ-ehˇ ga luꞈ-eu meh.