Yeˬlaˬmiˇ 14:15 - Akha

¹⁵ Ngaˬ neh pyehˬ gʼeh leꞈ-awˇ Miˬyehˇ gʼaˇ duˬ bi ngehˬ dah le-euˬ tsawˇ haˬ maˬ ngeuˇ gaˇ, ngaˬ-euˬ tsawˇ myahˇ-ahˇ dehˬ lehꞈ dehˬ lehꞈ-ehˇ, guiˇ deuˆ-eu jeˬ hawˇ-eu mehꞈ-eu shuꞈ-eu jeˬ miˇ kʼahˬ heu kʼahˬ kʼoeˇ taˆ maˬ keuˆ le-aˇ lehˇ ehˇ luꞈ-eu tsawˇ haˬ kʼoeˇ deuˬ-ahˇ, Sahˬpaˬ Miˬyehˇ pyeuꞈ-eu ngaˇ aˬ joˆ-ehˇ jahˇ nehˬ-eu lehˇ gʼeh-eu gaˇ kawˆ, nawˬ-ahˇ ehˇ nehˬ nyaˇ. Guiˇ deuˆ-eu jeˬ hawˇ-eu mehꞈ-eu shuꞈ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.

Yeˬlaˬmiˇ 14:15 Referans Kwoze

Yeˬsaˬgeˬlaˇ 14:10

Miˬyehˇ gʼaˇ duˬ ngehˬ dah-eu gʼaˬ maˬ ehˇ, aˬ yawꞈ-ahˇ ja uˇ leˇ-euˬ gʼaˬ maˬ ehˇ, nyiˬ gʼaˬ luꞈ-ahˇ tiˬ kawˆ loꞈ-ehˇ kʼehˬ nehˬ ma.

Panmaeq 19:20

Jeˬ zaˬ yaw haiˬ kʼoeˇ mawˇ hawˇ-eu, aˬ yawꞈ mehˬ shi aˬ cawˬ-ahˇ zahˬ leˇ paˬ-ehˇ gʼeh-eu jeˬ mˇ mehˬ-euˬ maˬ ngeuˇ-eu Miˬyehˇ gʼaˇ duˬ ngeh dah-eu kʼoeˇ gʼaˬ-ahˇ bi nyehꞈ mi-euˬ meh. (Kʼoeˇ loꞈ-ehˇ zahˬ leˇ paˬ-ehˇ gʼeh-eu jeˬ mˇ mehˬ-eu laꞈ kʼoeˇ, jeˬ zaˬ yaw haiˬ kʼoeˇ mawˇ neh jmˬ diˬ taˬ-euˬ tsawˇ haˬ deuˬ hawˇ-eu, jeˬ zaˬ yaw haiˬ kʼoeˇ mawˇ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ-ahˇ mehˇ shuiˇ shuiˇ za taˬ-euˬ jeˬ pyeuꞈ-eu meh.) Jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, miˬ dzaˇ dzaˇ shuiˇ doꞈ luꞈ-eu miˬ dzaˬ lah laꞈ kʼoeˇ yaw dehꞈ-ehˇ baꞈ puꞈ nehˬ-euˬ meh.

Aˬmoˆ 7:17

Aˬmaˬziˇ-oˇ, teu baˬ da neh Sahˬpaˬ Miˬyehˇ nawˬ-ahˇ heu loꞈ-ehˇ ehˇ-eu meh. ‘Nawˬ-euˬ nymˇ dahˬ-aˬ, meuˬ-euˬ gaˇ ma doe ni meh maˬ laˇ geuꞈ geuꞈ-ehˇ ya cah-awˇ, nawˬ-euˬ zaˬ deuˬ guiˇ deuˆ gaˇ bi deuˆ sehꞈ tehꞈ-a. Nawˬ-euˬ miˇ tsaˬ aˬ cawˬ biˇ geuꞈ-awˇ, nawˬ-euˬ gʼawˇ mawˇ maˬ siˬ maˬ suˇ-eu miˇ kʼahˬ-ahˇ ya shiˇ tehꞈ-a. Iˇsaˬleˬlaˆ miˇ kʼahˬ zaˬ deuˬ aˬ cawˬ miˇ kʼahˬ-ahˇ aˬ diˇ aˬ maˇ bi nyehꞈ byoˆ gʼeh tehꞈ-a’ lehˇ ehˇ-eu meh.”

Yeˬlaˬmiˇ 20:6

Paˬshuˇlaˆ-oˇ, nawˬ-euˬ shaˬ bymˇ-aˬ, nawˇ hawˇ-eu nawˬ-euˬ miˬ sawˇ zaˬ dawˬ tawˆ luꞈ Baˬbuˇloˬ miˇ kʼahˬ-ahˇ bi nyehꞈ gʼeh jiˇ tehꞈ-a. Kʼoeˇ gaˇ nawˇ ya dehꞈ sehꞈ-awˇ, nawˬ neh mehˇ shuiˇ gʼawˬ mya poˆ shuiˇ-euˬ nawˬ-euˬ cawˬ deuˬ nehˬ-ehˇ tiˬ kawˆ loꞈ-ehˇ, miˇ kʼahˬ kʼoeˇ kʼahˬ-ahˇ ya bi baꞈ pahˬ tehꞈ-a lehˇ ehˇ-eu meh lehˇ ehˇ nehˬ-euˬ ma.”

Yeˬlaˬmiˇ 8:12

Ngaˬ-euˬ tsawˇ haˬ deuˬ-oˇ, yaw jawꞈ jeˬ-ahˇ mˇ-euˬ miˇ neh shaꞈ dawˇ baw miˇ-a loˇ. Maˬ ngeuˇ-a. Nawˇ shaꞈ maˬ siˬ nya-ehˇ, baˬ ba neˇ laˇ-euˬ maˬ baw-a. Aˬ cawˬ coˬ dzeh-iˇ-euˬ loꞈ-ehˇ, naw maꞈ kʼawꞈ ya coˬ-iˇ tehꞈ-a. Naw maꞈ-ahˇ ngaˇ kʼehˬ ngeh, naw maꞈ gʼaˇ duˬ aˇ saˬ saˬ-eu jeˬ keuˆ le tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Yeˬlaˬmiˇ 6:15

Gaˇ yaw jawꞈ heu deuˬ mˇ-euˬ baˬ da neh, aˬ yawꞈ maꞈ maˬ shaꞈ dawˇ-a loˇ. Aˬ yawꞈ maꞈ tiˬ pawꞈ-iˬ maˬ shaꞈ dawˇ-ehˇ, myaˆ pyawˬ tiˬ pawꞈ-iˬ maˬ cawˆ-a. Kʼoeˇ baˬ da neh aˬ cawˬ loꞈ-ehˇ aˬ yawꞈ maꞈ kʼawꞈ ya coˬ-iˇ-awˇ, aˬ yawꞈ maꞈ-ahˇ ngaˇ kʼehˬ nehˬ ngeh, aˬ yawꞈ maꞈ-euˬ aˇ nah jiˇ le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

1 Sahˬpaˬ 22:25

Miˇkaˬyaˇ ehˇ-eu, “Nymˇ naˇ kʼah paw nawˇ ya cehˆ zaꞈ-iˇ-eu aˇ yamˬ keuˆ le ngeh, gaˇ kawˆ heu nawˇ ya siˬ duˬ tehꞈ-a.”

Yeˬlaˬmiˇ 23:30

Tiˬ gʼaˬ-euˬ dawˬ tiˬ gʼaˬ yuˇ-awˇ, ngaˬ-euˬ dawˬ meh lehˇ ehˇ ehˇ-ehˇ cah-eu Miˬyehˇ gʼaˇ duˬ ngehˬ dah-eu kʼoeˇ deuˬ-ahˇ ngaˇ muiˇ-eu ma.

Yeˬlaˬmiˇ 27:15

Aˬ yawꞈ maꞈ-ahˇ Sahˬpaˬ Miˬyehˇ neh kʼehˇ gʼeh leꞈ-euˬ maˬ ngeuˇ gaˇ, aˬ yawꞈ-euˬ tsawˇ myahˇ-ahˇ gʼoe-awˇ naw maꞈ-ahˇ jaˬ myawꞈ myawꞈ luꞈ-eu meh lehˇ Sahˬpaˬ Miˬyehˇ ehˇ-eu meh. Kʼoeˇ miˇ neh, naw maꞈ-ahˇ aˬ yawꞈ teh doˆ-awˇ, naw maꞈ hawˇ-eu naw maꞈ-ahˇ jaˬ myawꞈ myawꞈ luꞈ-eu Miˬyehˇ gʼaˇ duˬ ngehˬ dah-eu kʼoeˇ deuˬ, aˬ cawˬ sehꞈ gaˇ ya daˬ tehꞈ-a.”

Ngoeˇ dawˬ 1:19

“Nui ma gm-euˬ deuˬ-ahˇ kuˇ kʼawꞈ, ngaˬ-ahˇ byehˇ dzeh nehˬ laꞈ-euˬ meh. Piˇ ma deuˬ hawˇ-eu aˬ yuiꞈ deuˬ, yawˬ ha maˬ shiˇ tiˬ pyaˬ jeuˬ-awˇ, dzaˬ-eu dawˇ-eu jeˬ poˆ poˆ-ehˇ, meuˬ-euˬ laꞈ kʼoeˇ shiˇ jiˇ-euˬ meh.

Ngoeˇ dawˬ 2:20

Sahˬpaˬ Miˬyehˇ-oˇ haw leꞈ sheˇ. Nawˬ neh kʼehˬ-euˬ tsawˇ haˬ deuˬ-ahˇ, haw gʼeh leꞈ-awˇ shaˇ noeˬ haw sheˇ. Yawˬ ha gaˬ-eu zaˬ-euˬ shaˬ jiˇ, aˬ ma deuˬ dzaˬ kʼmˬ tehꞈ-a loˇ. Piˇ ma hawˇ-eu bawˇ lawˇ peh deuˬ, Sahˬpaˬ Miˬyehˇ-euˬ nymˇ laꞈ kʼoeˇ, bi sehꞈ ahˇ taˬ-euˬ tsaˬ meh loˇ.

Yeˬsaˬgeˬlaˇ 13:14

Aˬ yawꞈ maꞈ neh lu boeˬ lehꞈ pyuˇ taˬ-euˬ meuˬ lahˇ kʼoeˇ, bi coˬ pyaˆ bi coꞈ shaˆ jiˇ-awˇ, dawˬ pehˬ buˇ law ni bi mawˇ laˇ ma. Meuˬ lahˇ kʼoeˇ coˬ le-awˇ, naw maꞈ-ahˇ deh sehꞈ jiˇ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Yeˬsaˬgeˬlaˇ 14:9

“Miˬyehˇ gʼaˇ duˬ ngehˬ dah-eu gʼaˬ mehˇ shuiˇ bi shuiˇ-awˇ maˬ tsaˬ-eu jeˬ ehˇ kʼoꞈ nehˬ naˇ, mehˇ shuiˇ shuiˇ-euˬ gʼaˬ-aˬ, Sahˬpaˬ Miˬyehˇ pyeuꞈ-eu ngaˇ ma. Iˇsaˬleˬlaˆ tsawˇ jeuˬ laꞈ kʼoeˇ aˬ yawꞈ-ahˇ paˬ tseuˆ tseuˆ dzeh ma.

Miˇkaˬ 3:5

Aˇ poeˬ biꞈ nya-eu tsawˇ haˬ deuˬ-ahˇ “Naw maꞈ-ahˇ Miˬyehˇ guiˬ lahˬ biꞈ-eu laꞈ kʼoeˇ yaw saˇ saˇ-ehˇ ya dehꞈ tehꞈ-a” lehˇ ehˇ nehˬ-awˇ, aˇ poeˬ maˬ biꞈ-eu tsawˇ haˬ deuˬ-ahˇ, “Naw maꞈ-ahˇ Miˬyehˇ laˆ cawˆ tehꞈ-a” lehˇ ehˇ-eu Miˬyehˇ gʼaˇ duˬ ngehˬ dah-eu deuˬ neh, ngaˬ-euˬ tsawˇ haˬ deuˬ gaˇ ma bi sheuˬ bahˬ-euˬ meh. Kʼoeˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Dawˬmehˬ 18:20

Ehˇ kʼawꞈ, ngaˬ-euˬ gʼaˇ duˬ ngehˬ dah-eu tsawˇ haˬ tiˬ gʼaˬ na, ngaˬ neh dawˬ maˬ biꞈ-euˬ gaˇ, ngaˬ-euˬ tsawˇ myahˇ uˬ moˆ dawˬ ngehˬ naˇ, kʼoeˇ loꞈ-ehˇ mˇ-eu baˬ da neh ya shiˇ tehꞈ-a. Miˬyehˇ nui deuˬ-euˬ tsawˇ myahˇ uˬ moˆ dawˬ ngehˬ-eu tsawˇ haˬ kʼawꞈ, kʼoeˇ loꞈ-ehˇ ya shiˇ tehꞈ-a.’

Yeˬlaˬmiˇ 8:13

“Yaˇ kmˇ mˇ-eu deuˬ aˇ siˬ pyaˆ uiˬ-eu loꞈ-ehˇ, ngaˬ-euˬ tsawˇ haˬ deuˬ-ahˇ ngaˇ pyaˆ uiˬ mawꞈ-eu ma. Ehˇ kʼawꞈ, aˇ siˬ maˬ siˬ le-ehˇ aˇ paꞈ nyoeˬ-iˇ taˬ-euˬ, aˬ gaꞈ baw duˆ hawˇ-eu siˬ guˬ aˇ bawˇ-ahˇ duˇ-eu meh. Kʼoeˇ baˬ da neh gʼoˆ baˬ laꞈ nyiˇ-euˬ tsawˇ jeuˬ-ahˇ, aˬ yawꞈ maꞈ-euˬ miˇ kʼahˬ ngaˇ biꞈ-euˬ ma.”

Yeˬsaˬgeˬlaˇ 13:9

Yaw sahˇ laꞈ kʼoeˇ maˬ tsaˬ-eu jeˬ ya mawˇ-awˇ, aˬ cawˬ gaˇ ma bahˬ-iˇ ni aˬ kaˇ pyeuꞈ laˇ-eu gaˇ kawˆ ngehˬ dah luꞈ-eu Miˬyehˇ gʼaˇ duˬ ngehˬ dah-eu tsawˇ haˬ ma lehˇ yawˬ haˇ yawˬ ha tsaˬ geuꞈ luꞈ-eu naw maꞈ-ahˇ ngaˇ kʼehˬ nehˬ kʼaˆ nehˬ-eu aˇ yamˬ peh le luꞈ meh. Ngaˬ-euˬ tsawˇ haˬ deuˬ mehˬ bawˬ mˇ gaˇ naw maꞈ maˬ ya uˇ leˇ-ehˇ, Iˇsaˬleˬlaˆ miˇ kʼahˬ zaˬ deuˬ-euˬ tsawˇ myahˇ jaˇ laˇ laꞈ kʼoeˇ, naw maꞈ-euˬ tsawˇ myahˇ maˬ ahˇ-a. Naw maꞈ yawˬ ha-euˬ miˇ kʼahˬ-ahˇ tiˬ jawˇ-iˬ maˬ paˇ ya gʼoꞈ leˇ meh. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Yeˬsaˬgeˬlaˇ 13:15

Meuˬ lahˇ kʼoeˇ lahˇ-ahˇ maˬ ehˇ, meuˬ lahˇ-ahˇ lu boeˬ lehꞈ pyuˇ-euˬ tsawˇ haˬ kʼoeˇ deuˬ-ahˇ maˬ ehˇ, ngaˬ-euˬ nui ma pehˇ-eu jeˬ gaˇ kawˆ siˬ leˇ tehꞈ-a. Kʼoeˇ naˇ meuˬ lahˇ kʼoeˇ maˬ paˇ jaˆ-ehˇ, lu boeˬ lehꞈ pyuˇ-euˬ tsawˇ haˬ kʼoeˇ deuˬ kʼawꞈ maˬ paˇ jawˇ meh lehˇ naw maꞈ-ahˇ ngaˇ ehˇ nehˬ ma.

Yeˬsaˬgeˬlaˇ 33:6

Ehˇ kʼawꞈ, loꞈ piˇ-eu gʼaˬ muiˇ-eu deuˬ laˇ luꞈ-eu mawˇ-euˬ kʼawꞈ, daˇ heh maˬ baw gaˬ nehˬ ni jawˇ-euˬ miˇ neh, muiˇ-eu deuˬ laˇ-awˇ tsawˇ haˬ kʼoeˇ deuˬ tiˬ gʼaˬ na bi sehꞈ naˇ, loꞈ piˇ-eu kʼoeˇ gʼaˬ-ahˇ ngaˇ do yuˇ ma.