Yeˬlaˬmiˇ 13:12 - Akha

¹² Sahˬpaˬ Miˬyehˇ pyeuꞈ-eu Miˬyehˇ ngaˬ-ahˇ heu loꞈ-ehˇ ehˇ-eu meh. “Yeˬlaˬmiˇ-oˇ, aˬ gaꞈ dzaˇ uiˇ ciˬ cuˇ yawˬ siˬ na luꞈ-ahˇ, aˬ gaꞈ dzaˇ uiˇ ya shehˆ byah taˬ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Kʼoeˇ ngeh, ‘Aˬ gaꞈ dzaˇ uiˇ ciˬ cuˇ yawˬ siˬ na luꞈ-ahˇ aˬ gaꞈ dzaˇ uiˇ ya shehˆ byah meh lehˇ, nga maꞈ siˬ nya ma’ lehˇ, aˬ yawꞈ maꞈ ehˇ laˇ tehꞈ-a.

Yeˬlaˬmiˇ 13:12 Referans Kwoze

Yeˬsaˬgeˬlaˇ 24:19

“Aˬ jeˬ miˇ neh teu loꞈ-ehˇ jahˇ te” lehˇ, aˬ cawˬ ngaˬ-ahˇ naˇ haˬ-eu meh.

Yeˬlaˬmiˇ 13:11

Joꞈ paꞈ kʼoeˇ joꞈ-ahˇ deuˇ geuˆ ni paꞈ ziꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ dawˬ tawˆ luꞈ, ngaˬ-ahˇ ziꞈ dah ni bi byaˇ tehˬ mawꞈ-eu ma. Aˬ yawꞈ maꞈ ngaˬ-euˬ tsawˇ jeuˬ pyeuꞈ laˇ-awˇ, ngaˬ-euˬ tsawˇ myahˇ yaw shehꞈ kʼahˬ sehˇ huiˬ-awˇ, ngaˬ-ahˇ ja ceuˬ-eu jeˬ bi doˆ laˇ-eu gʼaˇ duˬ, ngaˇ kʼoeˇ loꞈ-ehˇ jahˇ-euˬ ma. Ehˇ kʼawꞈ, ngaˬ-euˬ ehˇ dawˬ-ahˇ aˬ yawꞈ maꞈ maˬ naˇ ha geuꞈ-a.”

Yeˬlaˬmiˇ 13:13

Aˬ yawꞈ maꞈ-ahˇ heu loꞈ-ehˇ ehˇ nehˬ-awˬ. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ deuˬ yehꞈ-iˇ jiˇ ngeh keuˆ ni, Sahˬpaˬ Miˬyehˇ pyeuꞈ-eu ngaˇ aˬ gaꞈ dzaˇ uiˇ shehˆ ahˇ nehˬ ma. Daˬbiˇ-euˬ zaˬ deuˬ uˆ deuˬ pyeuꞈ-eu sahˬ paˬ deuˬ maˬ ehˇ, piˇ ma deuˬ maˬ ehˇ, Miˬyehˇ gʼaˇ duˬ ngehˬ dah-eu deuˬ maˬ ehˇ, Yeˬluˇsaˬlehˬ meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ maˬ ehˇ, aˬ gaꞈ dzaˇ uiˇ yehꞈ-iˇ jiˇ ni ngaˇ shehˆ ahˇ nehˬ ma.

Yeˬlaˬmiˇ 25:16

Aˬ yawꞈ maꞈ kʼmˬ maˬ heu kʼmˬ ciˬ dawˇ ngeh, yehꞈ leˇ-awˇ coˬ coˬ-ehˇ cah-eu laꞈ kʼoeˇ, nui ma-ahˇ maˬ noeˬ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ, guiˇ deuˆ-eu jeˬ ngaˇ bi keuˆ le luꞈ-eu ma.”