Yeˬlaˬmiˇ 12:1 - Akha

¹ Sahˬpaˬ Miˬyehˇ-oˇ, nawˬ-ahˇ ngaˇ teh ngehˬ naˇ, nawˇ yaw tsaˬ yaw dawˇ ma lehˇ ehˇ tehꞈ-a. Ehˇ kʼawꞈ, yaw tsaˬ yaw dawˇ gaˇ kawˆ, nawˬ-ahˇ ngaˇ naˇ haˬ mawꞈ-eu ma. Aˬ jeˬ miˇ neh haiˬ-eu tsawˇ haˬ deuˬ baw le za le ta. Aˬ jeˬ miˇ neh maˬ sui maˬ dawˇ-eu deuˬ dehꞈ dzaˬ luꞈ ta.

Yeˬlaˬmiˇ 12:1 Referans Kwoze

Maˬlaˬkiˇ 3:15

Aˬ dui neh ya mawˇ-euˬ loꞈ-ehˇ ngeuˇ naˇ, nui ma huiˬ-eu mahˇ-eu tsawˇ haˬ deuˬ guiˬ lahˬ za gahˬ ngaˇ. Haiˬ-eu tsawˇ haˬ deuˬ dehꞈ dzaˬ dui dui-eu uˬ taꞈ, Miˬyehˇ-ahˇ yaw haiˬ jeˬ mˇ haw mˇ haw-ehˇ dehꞈ kʼawꞈ, tiˬ jeˬ-iˬ maˬ guˬ leˇ nga’ lehˇ ehˇ-eu meh.”

Jaceuq 92:7

Haiˬ-eu tsawˇ haˬ deuˬ yaˇ moꞈ mehˇ laˇ gaˇ duˇ-awˇ, maˬ tsaˬ maˬ dawˇ-eu tsawˇ haˬ deuˬ baw le za le kʼawꞈ, dawˬ tawˆ luꞈ ya luˬ ya seˇ-iˇ jiˇ tehꞈ-a.

Jaceuq 37:1

Yaw haiˬdeuˬneh mˇ-euˬgaˇ-ahˇ, nawˬ-euˬnui ma shaˬzahˬtaˬmˇ. Yaw lehˬmˇgaˇnawˇmyaˆtaˬnaˆ.

Daˬyeˬlaˇ 9:7

Sahˬpaˬ Miˬyehˇ-oˇ, nawˇ-aˬ, aˬ myah luꞈ yaw tsaˬ yaw dawˇ jeˬ tehꞈ-ehˇ mˇ-eu meh. Ehˇ kʼawꞈ, nga maꞈ-aˬ, yawˬ ha-euˬ myaˆ pyawˬ naˇ mehˇ cawˆ-eu jeˬ tehꞈ-ehˇ mˇ-euˬ ma. Yuˇdaˆ miˇ kʼahˬ-ahˇ jawˇ-eu deuˬ maˬ ehˇ, Yeˬluˇsaˬlehˬ meuˬ-ahˇ jawˇ-eu deuˬ maˬ ehˇ, dawˬ peh gaˇ mahˇ jaˆ-eu miˇ kʼahˬ deuˬ-ahˇ nawˬ neh teh byaˆ-awˇ bi jawˇ-euˬ Iˇsaˬleˬlaˆ tsawˇ haˬ dawˬ tawˆ luꞈ maˬ ehˇ, nawˬ-ahˇ saˇ jaˇ maˬ ziꞈ-eu miˇ neh, aˬ yawꞈ maꞈ kʼoeˇ taˆ shaꞈ dawˇ-eu jeˬ keuˆ le taˬ-euˬ meh.

Yawˇbaˆ 12:6

Ehˇ kʼawꞈ, smˇ kʼoeˬ tahˇ joe deuˬ hawˇ-eu miˬ yehˇ maˬ baw-eu deuˬ-aˬ, yawˬ ha-euˬ gʼaˬ-ahˇ yawˬ ha-euˬ miˬ yehˇ loꞈ-ehˇ gʼoe kʼawꞈ, saˇ lehˆ ni ya dehꞈ luꞈ meh.

Haˬbaˬkuˆ 1:4

Zahˇ sahˇ kʼoꞈ deuˬ peuˬ-iˇ jiˇ-awˇ, yaw tsaˬ yaw dawˇ maˬ paˇ ziꞈ meh. Yaw muiˬ-ahˇ yaw haiˬ jawˬ lahˇ-awˇ, yaw tsaˬ yaw dawˇ buꞈ-iˇ-euˬ meh.

Jaceuq 51:4

Nawˬ-ahˇ ngaˇ mˇ lehˬ gʼaˬ-euˬ ma. Nawˬ-ahˇ tehꞈ-ehˇ mˇ lehˬ-euˬ ma. Nawˬ neh yaw haiˬ lehˇ sawˇ taˬ-euˬ jeˬ-ahˇ ngaˇ mˇ dzeuˇ-euˬ ma. Kʼoeˇ miˇ neh nawˇ ngaˬ-ahˇ yaˇ kʼaˬ daˇ-euˬ dawˇ dui dui meh. Ngaˇ yaw lehˬ meh lehˇ nawˇ daˇ-euˬ tsaˬ dui dui meh.

Jaceuq 37:35

Leˬbaˬnoˬgawˬjawˬ-ahˇuˆ-eu, shuˬliˇbawˇma yaw goˇloꞈ-ehˇ, aˬcawˬ-ahˇnawˬdzaˬkʼaˆdzaˬ-eu, yaw haiˬtiˬgʼaˬmawˇhaw-euˬma.

Zeˬpaˬniˇ 3:5

Kʼoeˇ gaˇ jawˇ-eu Sahˬpaˬ Miˬyehˇ, maˬ tsaˬ maˬ dawˇ-eu maˬ mˇ-ehˇ, yaw tsaˬ yawˬ dawˇ jeˬ mˇ luꞈ-awˇ, aˬ yawꞈ-euˬ yaw tsaˬ yaw dawˇ jeˬ, yawˬ shawˬ na luꞈ mehˬ nehˬ luˬ kʼawꞈ, maˬ tsaˬ maˬ dawˇ-eu tsawˇ haˬ deuˬ, shaꞈ dawˇ-eu myaˆ pyawˬ maˬ baw ni, maˬ tsaˬ-eu jeˬ mˇ luꞈ-eu meh.

Yeˬlaˬmiˇ 11:20

Kʼoeˇ naˇ ngaˇ heu loꞈ-ehˇ guiˬ lahˬ shaˇ-euˬ ma. “Baoˬ huiˬ-eu Sahˬpaˬ Miˬyehˇ-oˇ, nawˇ dawˇ coe ni yaˇ kʼaˬ daˇ-awˇ, tsawˇ haˬ-euˬ nui ma-ahˇ lawˬ haw-eu meh. Ngaˬ-euˬ dehꞈ jeˬ dehꞈ kawˆ nawˬ-ahˇ a nehˬ taˬ-euˬ miˇ neh, tsawˇ haˬ kʼoeˇ deuˬ-ahˇ nawˇ laꞈ poˆ poˆ kʼoꞈ nehˬ gaˇ, ngaˬ-ahˇ bi mawˇ nehˬ laꞈ.”

Yeˬlaˬmiˇ 12:6

Nawˬ-euˬ mehˇ nmˇ hawˇ-eu aˬ yuiꞈ aˬ nyiˇ nawˬ-ahˇ puiˬ-awˇ, nawˬ-ahˇ ceh-eu deuˬ-ahˇ gʼaˬ biꞈ-eu meh. Aˬ yawꞈ maꞈ dawˬ muiˬ ngehˬ gaˇ nawˇ taˬ jah.”

Yeˬlaˬmiˇ 5:11

Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ, nui kʼahˇ tiˬ shiˇ ngaˬ-ahˇ saˇ jaˇ puiˬ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yawˇbaˆ 13:3

Ngaˇ Miˬyehˇ nehˬ-ehˇ ja dzaˬ luꞈ-eu ma. Naw maꞈ nehˬ-ehˇ ja dzaˬ-eu maˬ ngeuˇ. Ngaˬ-euˬ gaˇ kawˆ aˬ yawꞈ nehˬ-ehˇ ja duˬ mawꞈ-eu ma.

Eˇzaˬlaˬ 9:15

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ tsaˬ-eu dawˇ-eu Miˬyehˇ pyeuꞈ kʼawꞈ, nga maꞈ-ahˇ nawˇ bi dzeuˇ-iˇ laꞈ-euˬ meh. Nawˬ-eu mehˬ shi nga maꞈ-euˬ iˬ baˇ shaˇ pyehˬ-eu ma. Nga maꞈ-aˬ, nawˬ-eu mehˬ shi laˇ-eu maˬ geuˇ-eu tsawˇ haˬ pyeuꞈ-eu ma.”

Hawˇseˬ 6:7

“Aˬ daˬ miˇ kʼahˬ -ahˇ uˇ leˇ ngeh, yawꞈ maꞈ dawˬ ma saˇ jaˇ puiˬ-awˇ, ngaˬ-ahˇ maˬ jah ni byehˇ-euˬ meh.

Iˇsaˬyaˇ 48:8

Nawˬ-ahˇ maˬ jah coeˇ-eu ngaˇ siˬ nya ma. Dehꞈ le ngeh neh ngaˬ-ahˇ puiˬ-eu tsawˇ haˬ lehˇ bi kuˇ-euˬ meh. Kʼoeˇ miˇ neh gaˇ kawˆ heu nawˇ tiˬ jawˇ-iˬ maˬ ya gaˬ haw-ehˇ, nawˬ-euˬ naˬ bawˇ-ahˇ dawˬ tiˬ dawˬ-iˬ maˬ ahˇ leˇ haw-aˬ.

Iˇsaˬyaˇ 41:21

Iˇsaˬleˬlaˆ-euˬ sahˬ paˬ pyeuꞈ-eu Sahˬpaˬ Miˬyehˇ, heu loꞈ-ehˇ ehˇ-eu meh. “Miˇ kʼahˬ tsawˇ jeuˬ deuˬ-euˬ miˬ yehˇ deuˬ-oˇ, yaˇ kʼaˬ ja haw laˇ sheˇ. Naw maꞈ kʼaˇ ngehˬ nya-eu jeˬ ngehˬ laˇ sheˇ.

Dawqdaq 1:32

Yaw haiˬ deuˬ tsawˇ gahˇ-ahˇ bye-eu miˇ neh ya shiˇ-awˇ, aˬ dzawˬ aˇ gah deuˬ kʼaˇ dehꞈ mawꞈ-eu dehꞈ gaˇ shiˇ leˇ tehꞈ-a.

Jaceuq 145:17

Sahˬpaˬ Miˬyehˇ neh kʼaˇ mˇ kʼaˇ shaˇ-euˬ jeˬ laꞈ kʼoeˇ, yaw tsaˬ yaw dawˇ jeˬ hawˇ-eu gʼawˬ shaˬ gaˬ-eu jeˬ ahˇ-eu meh.

Jaceuq 119:137

Sahˬpaˬ Miˬyehˇ-oˇ, nawˇ tsaˬ dui dawˇ dui dui-awˇ, nawˬ-euˬ zahˇ dawˬ kʼoꞈ dawˬ yaw sui yaw dawˇ meh.

Jaceuq 119:75

Sahˬpaˬ Miˬyehˇ-oˇ, nawˇ yaˇ kʼaˬ daˇ-eu jeˬ yaw tsaˬ yaw dawˇ meh lehˇ ngaˇ siˬ nya ma. Nawˇ saˇ jaˇ ziꞈ-eu miˇ neh ngaˬ-ahˇ kʼehˬ nehˬ laꞈ-euˬ meh lehˇ ngaˇ siˬ nya ma.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Neˬhaˬmiˇ 9:33

Nawˇ nga maꞈ-ahˇ kʼehˬ-euˬ yaw tsaˬ yaw dawˇ meh. Nga maꞈ iˬ baˇ mˇ-euˬ kʼawꞈ, nawˇ saˇ jaˇ ziꞈ-eu meh.

Jaceuq 116:5

Sahˬpaˬ Miˬyehˇ-aˬ, gʼawˬ shaˬ gaˬ nya-awˇ muiˬ dui jaˬ dui dui meh. Aˬ dui-euˬ Miˬyehˇ-aˬ, gʼawˬ shaˬ gaˬ nya-eu gʼaˬ meh.

Dawˬ tsoˆ 8:14

Ehˇ kʼawꞈ, kʼoeˇ loꞈ-ehˇ ehˇ-eu tiˬ jeˬ-iˬ gaˇ dahˇ maˬ tsoeˬ-a. Miˇ tsaˬ kʼoeˇ taˆ pyeuꞈ luꞈ gaˇ haw sheˇ. Tiˬ poˆ na, yaw haiˬ deuˬ iˬ baˇ mˇ-eu baˬ da neh, yaw tsaˬ yaw dawˇ tsawˇ haˬ deuˬ kʼehˬ-eu kʼaˆ-eu jeˬ-ahˇ ya daˬ-awˇ, yaw tsaˬ yaw dawˇ deuˬ neh mˇ-euˬ muiˬ-eu gaˇ aˇ poeˬ, haiˬ-eu tsawˇ haˬ deuˬ guiˬ lahˬ za-eu meh. Kʼoeˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a lehˇ ngaˇ ehˇ-eu ma.

Yeˬlaˬmiˇ 3:7

Aˬ yawꞈ kʼoeˇ loꞈ-ehˇ mˇ dehˆ shaˇ dehˆ gʼaˬ naˇ, ngaˇ jawˇ gaˇ gʼoꞈ kʼoꞈ laˇ-eu yaw duˬ baw tehꞈ-a lehˇ noeˬ-euˬ ma. Ehˇ kʼawꞈ aˬ yawꞈ maˬ gʼoꞈ laˇ-a. Aˬ yawꞈ maˬ gʼoꞈ laˇ gaˇ, saˇ jaˇ maˬ ziꞈ-eu aˬ yawꞈ-euˬ aˬ nyiˇ gʼaˬ pyeuꞈ-eu Yuˇdaˆ kʼawꞈ ya mawˇ-euˬ meh.

Yeˬlaˬmiˇ 3:20

Ehˇ kʼawꞈ, saˇ jaˇ maˬ ziꞈ-eu miˬ zaˬ tiˬ gʼaˬ loꞈ-ehˇ, nawˇ ngaˬ-ahˇ saˇ jaˇ puiˬ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 9:2

Ngaˬ-euˬ tsawˇ haˬ maˬ mawˇ gaˇ cehˆ zaꞈ duˬ, bawˇ tsahˬ bawˇ dahˇ tiˬ tsahˇ jaˆ nmˇ duˇ nya. Aˬ yawꞈ maꞈ baˬ maꞈ puˇ jeˬ-ehˇ, saˇ jaˇ puiˬ-eu tsawˇ haˬ tehꞈ meh.

Yeˬlaˬmiˇ 32:16

Deh yaˇ zeuˇ laꞈ mˇ-euˬ gaˇ kawˆ jahˇ tsehˆ-euˬ seuˬ gʼaˬ kʼoeˇ Baˬluˆ-ahˇ ngaˇ biꞈ gʼaˬ ngeh, heu loꞈ-ehˇ guiˬ lahˬ shaˇ-euˬ ma.

Ngoeˇ dawˬ 1:18

“Sahˬpaˬ Miˬyehˇ tsaˬ meh dawˇ meh. Yawꞈ-euˬ dawˬ-ahˇ ngaˇ puiˬ-euˬ ma. Tsawˇ haˬ dawˬ tawˆ luꞈ naˇ haˬ sheˇ. Ngaˇ daˬ luꞈ-eu jeˬ-ahˇ haw sheˇ. Ngaˬ li ngaˬ buˇ zaˬ guˬ dawˬ tawˆ, aˬ cawˬ neh nyehꞈ gʼeh jiˇ-euˬ meh.

Yeˬsaˬgeˬlaˇ 18:25

“Sahˬpaˬ Miˬyehˇ gaˇ mˇ-eu maˬ tsaˬ nga lehˇ naw maꞈ ehˇ-eu meh. Iˇsaˬleˬlaˆ tsawˇ haˬ deuˬ-oˇ, ngaˇ ehˇ gaˇ naˇ haˬ sheˇ. Ngaˇ mˇ-eu maˬ tsaˬ nga lehˇ naw maꞈ noeˬ-eu meh. Maˬ tsaˬ-eu-aˬ, naw maꞈ neh mˇ-euˬ gaˇ meh.

Yawˇbaˆ 8:17

Aˬ yawꞈ maꞈ-euˬ duˬ ciˇ kʼaˬ lo-ahˇ cah jawˬ-awˇ, kʼaˬ lo aˬ yawꞈ siˬ yawꞈ-ahˇ tsuˆ tehˬ ziꞈ taˬ-euˬ meh.

Yawˇbaˆ 24:12

Naˇ-eu gawˇ-eu deuˬ hawˇ-eu shiˇ leˇ luꞈ-eu deuˬ meuˬ laꞈ kʼoeˇ guˇ luꞈ kʼawꞈ, aˬ yawꞈ maꞈ-euˬ shaˇ dawˬ-ahˇ Miˬyehˇ maˬ naˇ haˬ nehˬ-a.

Yawˇbaˆ 24:23

Miˬyehˇ aˬ yawꞈ-ahˇ saˇ lehˆ ni bi dehꞈ tawˬ luꞈ kʼawꞈ, myaˆ nuiˆ tiˬ pyawˬ aˬ yawꞈ-ahˇ haw tsoˆ taˬ-euˬ meh.

Jaceuq 51:6

Nui ma yaw sui yaw dawˇ jeˬ-ahˇ nawˇ geuꞈ mawꞈ-eu meh. Kʼoeˇ miˇ neh, ngaˬ-euˬ nui ma laꞈ kʼoeˇ nawˬ-euˬ zaˬ siˬ tsawˇ gahˇ bi byah laˇ-awˬ.

Daˬyeˬlaˇ 9:14

Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ aˬ myah luꞈ yaw tsaˬ yaw dawˇ dawˇ-ehˇ mˇ-eu gʼaˬ pyeuꞈ-eu loꞈ-ehˇ, nawˬ-euˬ ehˇ dawˬ-ahˇ nga maꞈ maˬ naˇ haˬ-euˬ miˇ neh, nga maꞈ-ahˇ kʼehˬ-eu kʼaˆ-eu gʼaˇ duˬ nawˬ neh lehˬ hmˬ taˬ-euˬ loꞈ-ehˇ, kʼehˬ nehˬ kʼaˆ nehˬ laꞈ-euˬ meh.

Maˬlaˬkiˇ 2:17

Naw maꞈ-euˬ dawˬ baˬ da neh, Sahˬpaˬ Miˬyehˇ nui ma maˬ saˇ-a. Ehˇ kʼawꞈ, “Sahˬpaˬ Miˬyehˇ nui ma maˬ saˇ paˬ-ehˇ nga maꞈ aˬ jeˬ ehˇ taˬ-eu jaˆ ta” lehˇ naw maꞈ ehˇ meh. “Baoˬ huiˬ-eu Sahˬpaˬ Miˬyehˇ-aˬ, yaw haiˬ jeˬ kʼaˇ mˇ-eu tsawˇ haˬ-ahˇ yaw muiˬ noeˬ-awˇ, aˬ diˇ aˬ maˇ nui ma tsaˬ-eu nga” lehˇ naw maꞈ ehˇ-awˇ, “Yaw tsaˬ yaw dawˇ Miˬyehˇ aˬ gaˇ jawˇ ta” lehˇ ehˇ-eu laꞈ kʼoeˇ, aˬ yawꞈ nui ma maˬ saˇ ni naw maꞈ jahˇ-euˬ meh.