Yeˬlaˬmiˇ 11:18 - Akha

¹⁸ Muiˇ-eu deuˬ ngaˬ-ahˇ yaw doeˇ jahˇ-eu lehˇ gʼeh-eu gaˇ kawˆ, Sahˬpaˬ Miˬyehˇ ngaˬ-ahˇ bi siˬ laꞈ-euˬ meh.

Yeˬlaˬmiˇ 11:18 Referans Kwoze

Lormav 3:7

Ehˇ kʼawꞈ, ngaˬ-euˬ yaw lehˬ kʼoeˇ-aˬ, Miˬyehˇ tsaˬ-eu dawˇ-eu gaˇ kawˆ bi mawˇ shawˇ dzehˬ laˇ-eu gʼaˇ duˬ hawˇ-eu aˬ yawꞈ-euˬ yaw shehꞈ kʼahˬ sehˇ gʼaˇ duˬ pyeuꞈ-eu ngeuˇ naˇ, aˬ dui aˬ joˆ-ehˇ ehˇ nmˇ. Kʼoeˇ loꞈ-ehˇ ngeuˇ meh lehˇ ehˇ naˇ, ngaˬ-ahˇ iˬ baˇ zaˬ lehˇ aˬ joˆ-ehˇ sawˇ nya ta.

Yeˬlaˬmiˇ 11:19

Ngaˇ-aˬ aˬ cawˬ neh bi sehꞈ dzaˬ-eu lehˇ gʼeh-eu nahˬ jawˆ ni gʼeh-eu yawˇ zaˬ-ahˇ duˇ-eu ma. Aˬ yawꞈ maꞈ ngaˬ-ahˇ yaw doeˇ jahˇ mawꞈ law hawˇ ngaˬ lehˇ ngaˇ maˬ siˬ-aˬ. Aˬ yawꞈ maꞈ heu loꞈ-ehˇ ehˇ-eu meh. “Aˇ siˬ siˬ-eu aˇ bawˇ heu bawˇ tuˇ dzeh kaˇ-euˇ. Tsawˇ haˬ tiˬ gʼaˬ-iˬ maˬ noeˬ mawˇ coeˇ ni, bi ngehˇ jiˇ-eu gʼaˇ duˬ sehꞈ byoˆ kaˇ-euˇ.”

Maꞈtehˬ 21:3

Tsawˇ haˬ tiˬ gʼaˬ na tiˬ jeˬ paˬ ehˇ laˇ naˇ, ‘Sahˬpaˬ loˬ-eu meh’ lehˇ ehˇ nehˬ-awˬ. Kʼoeˇ loꞈ-ehˇ ehˇ nehˬ naˇ, dawˬ poˆ maˬ poˆ ni yaw kawˇ-ehˇ bi tsahˇ laꞈ tehꞈ-a.”

2 Sahˬpaˬ 6:32

Eˇliˇshehˇ-aˬ, aˬ yawꞈ jawˇ gaˇ dawˬ deh gʼa le-euˬ tsawˇ mawˬ tsawˇ kʼaˆ deuˬ nehˬ-ehˇ, nymˇ laꞈ kʼoeˇ nuiˇ luꞈ-eu meh. Kʼoeˇ ngeh, sahˬ paˬ neh tsawˇ haˬ tiˬ gʼaˬ pyehˬ gʼeh leꞈ-euˬ meh. Ehˇ kʼawꞈ, tsawˇ haˬ kʼoeˇ gʼaˬ maˬ oe keuˆ mi naˆ-ehˇ, tsawˇ mawˬ tsawˇ kʼaˆ kʼoeˇ deuˬ-ahˇ Eˇliˇshehˇ ehˇ nehˬ-eu, “Tsawˇ haˬ-ahˇ sehꞈ-eu kʼoeˇ gʼaˬ tsawˇ haˬ tiˬ gʼaˬ pyehˬ leꞈ-awˇ, ngaˬ-ahˇ bi sehꞈ le-eu lehˇ bi oe luꞈ meh. Aˬ yawꞈ heu gaˇ oe keuˆ naˇ, maˬ bi uˇ laˇ ni laˇ gʼoˆ piˬ tehˬ-awˬ. Sahˬ paˬ kʼawꞈ aˬ yawꞈ-euˬ mehˬ nah caw teh leꞈ tehꞈ-a.”