Yawˇshuˆ 9:8 - Akha

⁸ Yawˇshuˆ-ahˇ aˬ yawꞈ maꞈ ehˇ-eu, “Nga maꞈ nawˬ-euˬ zaˬ kʼaˆ pyeuꞈ-eu ma.” Yawˇshuˆ ehˇ-eu, “Naw maꞈ aˬ jeˬ tsawˇ haˬte. Aˬ gaˇ neh oe teˬ.”

Yawˇshuˆ 9:8 Referans Kwoze

2 Sahˬpaˬ 10:5

Kʼoeˇ miˇ neh, sahˬ paˬ-euˬ nymˇ-ahˇ haw luꞈ pyaˆ luꞈ-eu yaw huiˬ yaw mahˇ deuˬ maˬ ehˇ, meuˬ-ahˇ uˆ lahˇ-eu yaw huiˬ yaw mahˇ deuˬ maˬ ehˇ, aˬ yuiꞈ aˬ tsu geuꞈ luꞈ-eu deuˬ maˬ ehˇ, sahˬ paˬ-euˬ zaˬ deuˬ uˆ deuˬ-ahˇ haw luꞈ pyaˆ luꞈ-eu deuˬ maˬ ehˇ, tiˬ gaˇ uiˬ leˇ jiˇ-awˇ, Yeˬhuˇ-ahˇ heu loꞈ-ehˇ bi tsaꞈ gaˬ-iˇ-euˬ meh. “Nga maꞈ nawˬ-euˬ zaˬ kʼaˆ ma. Nawˬ neh kʼaˇ kʼehˇ-euˬ jeˬ mˇ ma. Tsawˇ haˬ tiˬ gʼaˬ-ahˇ-iˬ nga maꞈ sahˬ paˬ maˬ ka nehˬ. Nawˬ-euˬ nui noeˬ tiˬ byah ni geuꞈ-awˬ.”

Dawˬmehˬ 20:11

Aˬ yawꞈ maꞈ nawˬ-euˬ laꞈ oꞈ awꞈ-eu laꞈ kʼoeˇ, meuˬ lahˇ kʼehˬ pah nehˬ laꞈ naˇ, dawˬ tawˆ luꞈ nawˬ-euˬ zaˬ kʼaˆ bi geuꞈ-eu laꞈ kʼoeˇ myawˬ kʼaˆ bi mˇ-awˬ.

Yawˇshuˆ 9:11

Nga maꞈ-euˬ aˬ yuiꞈ aˬ tsu deuˬ hawˇ-eu nga maꞈ-euˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ, dzaˬ dzaˬ dawˇ dawˇ lehˬ hmˬ-awˇ naw maꞈ jawˇ gaˇ iˇ-awˬ lehˇ nga maꞈ-ahˇ kʼehˇ-eu meh. Nga maꞈ-aˬ, naw maꞈ-euˬ zaˬ kʼaˆ pyeuꞈ-eu ma lehˇ ehˇ nehˬ-awˇ saˇ jaˇ dzaˬ-awˬ lehˇ ehˇ nehˬ laꞈ-euˬ meh.

Yawˇshuˆ 9:27

Ehˇ kʼawꞈ, aˬ yawꞈ maꞈ-ahˇ zaˬ kʼaˆ bi geuꞈ-awˇ, Iˇsaˬleˬlaˆ tsawˇ haˬ deuˬ gʼaˇ duˬ hawˇ-eu Sahˬpaˬ Miˬyehˇ-euˬ lawˇ duˬ gʼaˇ duˬ, miˬ dzaˬ bi kʼehꞈ-awˇ, iˇ cuꞈ bi kʼawꞈ-euˬ meh. Iˬ nah keuˆ ni, Sahˬpaˬ Miˬyehˇ neh tseˇ doˆ-euˬ jawˇ duˬ-ahˇ, gaˇ kʼoeˇ deuˬ aˬ yawꞈ maꞈ mˇ luꞈ-eu meh.

Yawˇshuˆ 9:25

Nymˬ-mˇ naw maꞈ-euˬ baoˬ uˬ moˆ nga maꞈ jawˇ luꞈ-eu ma. Naw maꞈ neh tsaˬ meh lehˇ kʼaˇ noeˬ-euˬ loꞈ-ehˇ nga maꞈ-ahˇ jahˇ nehˬ laꞈ-awˬ.”

Yawˇshuˆ 9:23

Naw maꞈ kʼoeˇ loꞈ-ehˇ jaˬ myawꞈ myawꞈ-euˬ miˇ neh, Miˬyehˇ naw maꞈ-ahˇ yaˬ kʼehˇ yaˬ gʼaˬ-euˬ meh. Naw maꞈ tsawˇ haˬ-aˬ, aˬ myah luꞈ aˬ cawˬ zaˬ kʼaˆ ya geuꞈ-awˇ, ngaˬ-eu Miˬyehˇ-euˬ nymˇ gʼaˇ duˬ miˬ dzaˬ kʼehꞈ-eu hawˇ-eu iˇ cuꞈ kʼawꞈ-eu tsawˇ haˬ ya geuꞈ tehꞈ-a.”

Yawˇshuˆ 10:6

Giˇbyoˬ meuˬ-ahˇ jawˇ-eu tsawˇ haˬ deuˬ, Giˇlaˇgaˬlaˇ-ahˇ sehˬ gʼawˆ gʼawˆ-awˇ loꞈ-eu Yawˇshuˆ jawˇ gaˇ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Nga maꞈ-ahˇ taˬ byehˇ dzeh nehˬ laꞈ. Yaw kawˇ-ehˇ laˇ-awˇ nga maꞈ-ahˇ caw ba laˇ-awˬ. Nga maꞈ-ahˇ ka kʼoꞈ nehˬ laꞈ-awˬ. Gawˬ jawˬ gawˬ duˇ paw jawˇ-eu Aˬmawˇliˆ tsawˇ jeuˬ sahˬ paˬ dawˬ tawˆ luꞈ gm leˇ-awˇ, nga maꞈ-ahˇ guiˇ deuˆ luꞈ meh.”