Yawˇshuˆ 9:6 - Akha

⁶ Kʼoeˇ naˇ, Giˇlaˇgaˬlaˇ-ahˇ sehˬ gʼawˆ gʼawˆ-awˇ jawˇ luꞈ-eu Yawˇshuˆ hawˇ-eu Iˇsaˬleˬlaˆ tsawˇ haˬ deuˬ jawˇ gaˇ aˬ yawꞈ maꞈ iˇ-awˇ, “Nga maꞈ-aˬ, gaˇ mahˇ kaˬ-eu miˇ kʼahˬ-ahˇ neh oe-awˇ, naw maꞈ nehˬ-ehˇ saˇ jaˇ dzaˬ taꞈ le-euˬ ma.” lehˇ ehˇ nehˬ-euˬ meh.

Yawˇshuˆ 9:6 Referans Kwoze

Yawˇshuˆ 5:10

Yeˬliˇkoˇ meuˬ dawˬ peh deh ga-ahˇ jaˆ-eu Giˇlaˇgaˬlaˇ-ahˇ Iˇsaˬleˬlaˆ tsawˇ haˬ deuˬ sehˬ gʼawˆ gʼawˆ-awˇ jawˇ naˬ luꞈ ngeh, ba la kʼoeˇ siˬ tseˇ oeˬ nah tiˬ nah uˬ ciꞈ uˬ taw paw Baˬsaˬkaˬ bawˬ-iˬ gʼeh-euˬ meh.

2 Sahˬpaˬ 20:14

Kʼoeˇ naˇ, Miˬyehˇ gʼaˇ duˬ ngehˬ dah-eu Iˇsaˬyaˇ-aˬ, sahˬ paˬ jawˇ gaˇ le-awˇ, “Tsawˇ haˬ heu deuˬ aˬ geu gaˇ neh oe-awˇ, nawˬ-ahˇ aˬ jeˬ ehˇ le taˬ” lehˇ naˇ haˬ ngeh, “Aˬ yawꞈ maꞈ-aˬ, kaˬ dui dui-eu miˇ kʼahˬ tiˬ kʼahˬ pyeuꞈ-eu Baˬbuˇloˬ miˇ kʼahˬ-ahˇ neh oe-euˬ meh” lehˇ, Heˬsaˬgiˇ ehˇ kʼoꞈ nehˬ-euˬ meh.

1 Sahˬpaˬ 8:41

“Gaˇ mahˇ kaˬ gaˇ jawˇ-eu boeˇ miˬ siˬ kʼaˬ tiˬ gʼaˬ na, nawˇ tsawˇ myahˇ doˆ-eu gaˇ kawˆ hawˇ-eu nawˬ-euˬ tsawˇ haˬ deuˬ gʼaˇ duˬ nawˬ neh mˇ-euˬ huiˬ-eu gaˇ deuˬ-ahˇ ya gaˬ-awˇ, nawˬ-ahˇ uˬ duˬ tahˬ-awˇ guiˬ lahˬ shaˇ-eu gʼaˇ duˬ Uˬ duˬ tahˬ nymˇ nymˇ ma heu nymˇ-ahˇ laˇ ngeh,

Yawˇshuˆ 10:43

Kʼoeˇ naˇ, Yawˇshuˆ hawˇ-eu aˬ yawꞈ-euˬ guiˇ maꞈ deuˬ Giˇlaˇgaˬlaˇ taˆ-ahˇ gʼoꞈ-iˇ-euˬ meh.

Yawˇshuˆ 9:9

Kʼoeˇ ngeh, aˬ yawꞈ maꞈ aˬ yawꞈ-ahˇ heu loꞈ-ehˇ dzawˇ nehˬ-euˬ meh. “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ kawˆ nga maꞈ ya gaˬ-euˬ miˇ neh, gaˇ mahˇ kaˬ-eu miˇ kʼahˬ-ahˇ neh nga maꞈ oe-euˬ ma. Iˇjiˇtuˆ miˇ kʼahˬ laꞈ kʼoeˇ aˬ yawꞈ neh mˇ-euˬ gaˇ kawˆ yawˬ jeˬ na luꞈ nga maꞈ ya gaˬ-euˬ ma.

Yawˇshuˆ 9:5

Aˬ yawꞈ maꞈ mehˬ tsoeˬ yaw pyaˬ dm-awˇ, guꞈ tmˇ taˬ-euˬ sehˬ nawˆ nawˆ cehˇ nawˆ-euˬ meh. Aˬ yawꞈ maꞈ yuˇ leꞈ-euˬ dzaˬ dzaˬ dawˇ dawˇ deuˬ-aˬ, koˆ kaˆ ni gʼeh-awˇ, hmˇ tsi tsi leˇ taˬ-euˬ meh.

Yawˇshuˆ 4:19

Ba la yaw beh siˬ tseˇ nyiꞈ nah tiˬ nah-ahˇ, Iˇsaˬleˬlaˆ tsawˇ haˬ deuˬ Yawˇdaˬ lawˇ baˬ tsehˆ doˆ-awˇ, Yeˬliˇkoˇ meuˬ-euˬ nahˇ ma doˆ kʼehˬ paw jaˆ-eu Giˇlaˇgaˬlaˇ-ahˇ sehˬ gʼawˆ gʼawˆ-awˇ naˬ-euˬ meh.

Yawˇshuˆ 10:6

Giˇbyoˬ meuˬ-ahˇ jawˇ-eu tsawˇ haˬ deuˬ, Giˇlaˇgaˬlaˇ-ahˇ sehˬ gʼawˆ gʼawˆ-awˇ loꞈ-eu Yawˇshuˆ jawˇ gaˇ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ gaˬ-iˇ-euˬ meh. “Nga maꞈ-ahˇ taˬ byehˇ dzeh nehˬ laꞈ. Yaw kawˇ-ehˇ laˇ-awˇ nga maꞈ-ahˇ caw ba laˇ-awˬ. Nga maꞈ-ahˇ ka kʼoꞈ nehˬ laꞈ-awˬ. Gawˬ jawˬ gawˬ duˇ paw jawˇ-eu Aˬmawˇliˆ tsawˇ jeuˬ sahˬ paˬ dawˬ tawˆ luꞈ gm leˇ-awˇ, nga maꞈ-ahˇ guiˇ deuˆ luꞈ meh.”