Yawˇshuˆ 9:4 - Akha

⁴ aˬ yawꞈ-ahˇ jaˬ myawꞈ myawꞈ ma lehˇ aˬ yawꞈ maꞈ noeˬ tsehˆ taˬ-euˬ meh. Aˬ yawꞈ maꞈ dzaˬ dzaˬ dawˇ dawˇ poˆ uiˬ-awˇ, pehˇ zeuˇ zeuˇ cehˇ deuˬ hawˇ-eu, pehˇ tsahˇ doꞈ taˬ-euˬ aˬ gaꞈ dzaˇ uiˇ dawˆ ahˇ-eu shaˬ kʼoˆ deuˬ-ahˇ shaˇ dawˆ-awˇ, mahˬ tahˬ laˆ kʼoeˇ taˆ kaꞈ daˆ-euˬ meh.

Yawˇshuˆ 9:4 Referans Kwoze

Luˇkaꞈ 16:8

Maˬ sui maˬ dawˇ-eu myawˬ jeˬ hmˬ-eu tsawˇ haˬ kʼoeˇ gʼaˬ kʼoeˇ loꞈ-ehˇ yaw gahˇ zmˬ gaˇ, baw leˬ gʼaˬ ja ceuˬ nehˬ-euˬ meh. Miˇ tsaˬ shiˬ shaˬ jiˇ-ahˇ gaˬ-eu tsawˇ haˬ deuˬ-aˬ, yaw shehꞈ zaˬ deuˬ naˆ maˬ tseˇ yaw gahˇ zmˬ nya dzehˬ-eu meh.

Maˬkuˆ 2:22

Kʼoeˇ gaˇ duˇ ni, tsawˇ haˬ tiˬ gʼaˬ-iˬ aˬ gaꞈ dzaˇ uiˇ shehˆ ahˇ-eu shaˬ kʼoˆ iˇ puˬ yaw oeˇ laꞈ kʼoeˇ, aˬ gaꞈ dzaˇ uiˇ yaw shuiꞈ maˬ shehˆ ahˇ-aˇ. Kʼoeˇ loꞈ-ehˇ jahˇ naˇ, aˬ gaꞈ dzaˇ uiˇ kʼoeˇ shaˬ kʼoˆ iˇ puˬ-ahˇ dzaˬ pehꞈ-awˇ, aˬ gaꞈ dzaˇ uiˇ kʼaˇ-iˇ-eu uˬ taꞈ, shaˬ kʼoˆ iˇ puˬ cawˆ-iˇ tehꞈ-a. Aˬ gaꞈ dzaˇ uiˇ yaw shuiꞈ-ahˇ, shaˬ kʼoˆ iˇ puˬ yaw shuiꞈ laꞈ kʼoeˇ ya shehˆ ahˇ-eu meh.”

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 9:17

Kʼoeˇ gaˇ duˇ ni, aˬ gaꞈ dzaˇ uiˇ shehˆ ahˇ-eu shaˬ kʼoˆ iˇ puˬ yaw oeˇ-ahˇ, aˬ gaꞈ dzaˇ uiˇ yaw shuiꞈ maˬ shehˆ ahˇ-aˇ. Kʼoeˇ loꞈ-ehˇ jahˇ naˇ, shaˬ kʼoˆ iˇ puˬ kʼoeˇ puˬ pehꞈ-iˇ-awˇ, aˬ gaꞈ dzaˇ uiˇ yoeˇ kʼaˇ-eu miˇ neh, shaˬ kʼoˆ iˇ puˬ kʼoeˇ cawˆ-iˇ jiˇ tehꞈ-a. Aˬ gaꞈ dzaˇ uiˇ yaw shuiꞈ-ahˇ shaˬ kʼoˆ iˇ puˬ yaw shuiꞈ laꞈ kʼoeˇ ya shehˆ ahˇ-eu meh. Kʼoeˇ loꞈ-ehˇ jahˇ naˇ, nyiˬ jeˬ luꞈ maˬ cawˆ-iˇ ni ya geuꞈ-eu meh.”

Jaceuq 119:83

Biˬ dzeh taˬ-euˬ shaˬ kʼoˆ iˇ puˬ tiˬ siˬ loꞈ-ehˇ, tiˬ jeˬ-iˬ gaˇ dahˇ maˬ paˇ tsoeˬ miˇ-a. Ehˇ kʼawꞈ, nawˬ-euˬ dawˬ ma saˇ jaˇ-ahˇ ngaˇ maˬ ngehˇ.

Aˇ dahˬ 34:13

Diˇnaˆ-ahˇ Sheˬkmˬ neh yehˬ bawˬ sehˇ lu-ehˇ jahˇ nehˬ-euˬ miˇ neh, Diˇnaˆ-euˬ aˬ mahˇ aˬ da deuˬ pyeuꞈ-eu Yaˬkoˆ-euˬ aˬ li deuˬ, Haˬmawˬ hawˇ-eu Sheˬkmˬ aˬ nyaꞈ da zaˬ-ahˇ tsawˇ gahˇ gahˇ-euˬ meh.

Yawˇshuˆ 9:3

Ehˇ kʼawꞈ, Yeˬliˇkoˇ meuˬ hawˇ-eu Aˬiˇ meuˬ-ahˇ Yawˇshuˆ neh jahˇ nehˬ-euˬ gaˇ kawˆ-ahˇ, Hiˇbiˇ tsawˇ jeuˬ pyeuꞈ-eu Giˇbyoˬ meuˬ-ahˇ jawˇ-eu tsawˇ haˬ deuˬ ya gaˬ ngeh,

Yawˇshuˆ 9:5

Aˬ yawꞈ maꞈ mehˬ tsoeˬ yaw pyaˬ dm-awˇ, guꞈ tmˇ taˬ-euˬ sehˬ nawˆ nawˆ cehˇ nawˆ-euˬ meh. Aˬ yawꞈ maꞈ yuˇ leꞈ-euˬ dzaˬ dzaˬ dawˇ dawˇ deuˬ-aˬ, koˆ kaˆ ni gʼeh-awˇ, hmˇ tsi tsi leˇ taˬ-euˬ meh.

Yawˇshuˆ 9:13

Shaˬ kʼoˆ pehˇ zeuˇ heu deuˬ kʼawꞈ, aˬ gaꞈ dzaˇ uiˇ dawˆ ahˇ ngeh shuiꞈ teˇ poˬ ni gʼeh-eu ma. Ehˇ kʼawꞈ, nymˬ-mˇ pyaˬ-iˇ jiˇ-euˬ meh. Gaˇ ma gʼawˬ myahˇ ni ya doˆ le-euˬ miˇ neh, nga maꞈ-euˬ mehˬ tsoeˬ hawˇ-eu sehˬ nawˆ kʼawꞈ pyaˬ-iˇ jiˇ-euˬ ma.”

Yawˇshuˆ 9:12

Nga maꞈ-euˬ dzaˬ dzaˬ dawˇ dawˇ-ahˇ haw sheˇ. Naw maꞈ jawˇ gaˇ oe-eu lehˇ iˇ kahˇ-ahˇ neh doˆ le ngeh, yaw lahˇ lahˇ-eu maˬ coꞈ-iˇ dah-euˬ dzaˬ dzaˬ dawˇ dawˇ pyeuꞈ-eu ma. Ehˇ kʼawꞈ, nymˬ-mˇ paˇ haw ngeh, koˆ kaˆ ni pyeuꞈ jiˇ-awˇ, hmˇ tsi tsi leˇ taˬ-euˬ meh.