Yawˇshuˆ 9:25 - Akha

²⁵ Nymˬ-mˇ naw maꞈ-euˬ baoˬ uˬ moˆ nga maꞈ jawˇ luꞈ-eu ma. Naw maꞈ neh tsaˬ meh lehˇ kʼaˇ noeˬ-euˬ loꞈ-ehˇ nga maꞈ-ahˇ jahˇ nehˬ laꞈ-awˬ.”

Yawˇshuˆ 9:25 Referans Kwoze

Aˇ dahˬ 16:6

Aˬbyaˬ gʼeh, “Ngeuˇ tehꞈ-a. Aˬ yawꞈ nawˬ-euˬ zaˬ kʼaˆ pyeuꞈ-eu loꞈ-ehˇ, nawˇ naꞈ-i jaˆ-awˬ. Nawˇ aˬ yawꞈ-ahˇ aˬ joˆ-ehˇ jahˇ nehˬ mawꞈ te lehˇ jahˇ nehˬ-awˬ” lehˇ ehˇ kʼoꞈ nehˬ-euˬ meh. Kʼoeˇ naˇ, Haˬgaˬlaˇ-ahˇ Saˬlehˇ yaw kʼaˆ-ehˇ kʼehˬ nehˬ-euˬ miˇ neh, Haˬgaˬlaˇ cehˆ-euˬ meh.

Yeˬlaˬmiˇ 26:14

Ngaˇ tehꞈ law nmˇ-aˬ, naw maꞈ-euˬ aˬ laꞈ laꞈ kʼoeˇ jaˆ-eu ngaˇ. Naw maꞈ kʼaˇ jahˇ mawꞈ-eu jeˬ ngaˬ-ahˇ jahˇ nya tehꞈ-a.

Yaˇ kʼaˬ daˇ 10:15

Ehˇ kʼawꞈ, Iˇsaˬleˬlaˆ tsawˇ haˬ deuˬ Sahˬpaˬ Miˬyehˇ-ahˇ ehˇ-eu, “Nga maꞈ iˬ baˇ mˇ gʼaˬ-euˬ ma. Nawˇ nga maꞈ-ahˇ kʼaˇ jahˇ mawꞈ-eu jeˬ jahˇ nehˬ laꞈ-awˬ. Ehˇ kʼawꞈ, nga maꞈ-ahˇ iˬ nah maˬ ka kʼoꞈ ni taˬ byehˇ nehˬ laꞈ.”

Maꞈtehˬ 11:26

Aˬda-oˇ, kʼoeˇ loꞈ-ehˇ bi pyeuꞈ laˇ-eu gʼaˇ duˬ, nawˇ nui ma tsaˬ-eu meh.

Yeˬlaˬmiˇ 38:5

Kʼoeˇ ngeh, sahˬ paˬ Zeˬdaˬkiˇ ehˇ-eu, “Muiˬ tehꞈ-a. Naw maꞈ aˬ yawꞈ-ahˇ kʼaˇ jahˇ nehˬ mawꞈ-eu loꞈ-ehˇ jahˇ nehˬ-awˬ. Ngaˇ naw maꞈ-ahˇ aˬ joˆ-ehˇ paˇ laˆ tsoeˬ nya nmˇ.”

Iˇsaˬyaˇ 47:6

Ngaˬ-euˬ tsawˇ jeuˬ-ahˇ ngaˇ nui ma pehˇ-awˇ, ngaˬ-euˬ tsawˇ haˬ maˬ paˇ sawˇ ni byehˇ dzeh nehˬ ngeh, nawˬ-euˬ baoˬ uˬ moˆ aˬ yawꞈ maꞈ-ahˇ ngaˇ bi jawˇ-euˬ ma. Kʼoeˇ ngeh aˬ yawꞈ maꞈ-ahˇ nawˇ gʼawˬ shaˬ maˬ gaˬ-ehˇ, tsawˇ mawˬ deuˬ-ahˇ kʼawꞈ yehˬ bawˬ-ehˇ jahˇ nehˬ-euˬ meh.

2 Saˬmeuˬlaˆ 24:14

Daˬbiˇ ehˇ-eu, “Ngaˬ-ahˇ zahˬ dui dui miˇ-a. Ehˇ kʼawꞈ, tsawˇ haˬ neh bi kʼehˬ-eu jeˬ-ahˇ ngaˇ maˬ daˬ mawꞈ nya. Kʼehˬ-eu lehˇ ya bi kʼehˬ naˇ, Sahˬpaˬ Miˬyehˇ-aˬ, gʼawˬ shaˬ gaˬ nya-eu miˇ neh, aˬ yawꞈ neh bi kʼehˬ ma.”

1 Saˬmeuˬlaˆ 3:18

Kʼoeˇ ngeh, Sahˬpaˬ Miˬyehˇ neh kʼaˇ ehˇ nehˬ-euˬ jeˬ dawˬ tawˆ luꞈ, tiˬ jeˬ-iˬ maˬ zaꞈ taˬ ni, Eˇliˆ-ahˇ Saˬmeuˬlaˆ dzawˇ nehˬ jiˇ-euˬ meh. Eˇliˆ ehˇ-eu, “Aˬ yawꞈ Sahˬpaˬ Miˬyehˇ pyeuꞈ-eu miˇ neh, aˬ yawꞈ neh muiˬ meh lehˇ kʼaˇ noeˬ-euˬ jeˬ aˬ yawꞈ mˇ tehꞈ-a.”

Yaˇ kʼaˬ daˇ 8:15

Kʼoeˇ naˇ, Suˇkoˆ meuˬ-ahˇ jawˇ-eu tsawˇ haˬ deuˬ jawˇ gaˇ Giˇdoˬ iˇ-awˇ ehˇ nehˬ-eu, “Naw maꞈ neh nga maꞈ-ahˇ ngehˬ ma gʼeh ni bi iˇ nehˬ laꞈ-euˬ gaˇ kawˆ kʼoeˇ, nawˬ-ahˇ ngehˇ-euˬ nya loˇ. Zeˬbah hawˇ-eu Zaˬlaˬmoˇnaˬ-ahˇ nga maꞈ maˬ nyehꞈ mi-euˬ miˇ neh, gʼaˬ doeˇ doeˇ dui dui luꞈ-eu ngaˬ-euˬ guiˇ maꞈ-ahˇ dzaˬ dzaˬ dawˇ dawˇ maˬ biꞈ lehˇ naw maꞈ ehˇ-euˬ maˬ ngeuˇ te loˇ. Aˬ nyaꞈ-ahˇ ngaˇ nyehꞈ mi laꞈ-euˬ gaˇ haw le sheˇ.”

Yawˇshuˆ 9:26

Kʼoeˇ naˇ, aˬ yawꞈ maꞈ-ahˇ Iˇsaˬleˬlaˆ tsawˇ haˬ neh maˬ bi sehꞈ ni Yawˇshuˆ haw lahˇ nehˬ-euˬ meh.

2 Saˬmeuˬlaˆ 15:26

Ehˇ kʼawꞈ, aˬ yawꞈ ngaˬ-ahˇ nui ma maˬ tsaˬ naˇ, aˬ yawꞈ kʼaˇ jahˇ mawꞈ-eu jeˬ jahˇ nehˬ laꞈ luꞈ-uˇ.”

2 Sahˬpaˬ 10:5

Kʼoeˇ miˇ neh, sahˬ paˬ-euˬ nymˇ-ahˇ haw luꞈ pyaˆ luꞈ-eu yaw huiˬ yaw mahˇ deuˬ maˬ ehˇ, meuˬ-ahˇ uˆ lahˇ-eu yaw huiˬ yaw mahˇ deuˬ maˬ ehˇ, aˬ yuiꞈ aˬ tsu geuꞈ luꞈ-eu deuˬ maˬ ehˇ, sahˬ paˬ-euˬ zaˬ deuˬ uˆ deuˬ-ahˇ haw luꞈ pyaˆ luꞈ-eu deuˬ maˬ ehˇ, tiˬ gaˇ uiˬ leˇ jiˇ-awˇ, Yeˬhuˇ-ahˇ heu loꞈ-ehˇ bi tsaꞈ gaˬ-iˇ-euˬ meh. “Nga maꞈ nawˬ-euˬ zaˬ kʼaˆ ma. Nawˬ neh kʼaˇ kʼehˇ-euˬ jeˬ mˇ ma. Tsawˇ haˬ tiˬ gʼaˬ-ahˇ-iˬ nga maꞈ sahˬ paˬ maˬ ka nehˬ. Nawˬ-euˬ nui noeˬ tiˬ byah ni geuꞈ-awˬ.”