Yawˇshuˆ 9:17 - Akha

¹⁷ Kʼoeˇ naˇ, Iˇsaˬleˬlaˆ tsawˇ haˬ deuˬ gaˇ ma paˇ doˆ-iˇ-awˇ, smˬ nah gaˇ ma le ngeh, tsawˇ haˬ kʼoeˇ deuˬ jawˇ-eu meuˬ deuˬ pyeuꞈ-eu Giˇbyoˬ meuˬ, Sheˬpiˇlaˬ meuˬ, Biˇyoˆ meuˬ hawˇ-eu, Giˇliˇyaˆyeˬlmˬ meuˬ heu deuˬ-ahˇ le keuˆ-euˬ meh.

Yawˇshuˆ 9:17 Referans Kwoze

Eˇzaˬlaˬ 2:25

Giˇliˇyaˆyeˬlmˬ meuˬ, Sheˬpiˇlaˬ meuˬ hawˇ-eu, Biˇyoˆ meuˬ & shiꞈ yaˇ oeˬ tseˇ smˇ gʼaˬ

Neˬhaˬmiˇ 7:29

Giˇliˇyaˆyeˬlmˬ meuˬ, Sheˬpiˇlaˬ meuˬ hawˇ-eu Biˇyoˆ meuˬ 743 gʼaˬ

1 Laˬsaˬbaˬ 21:29

Aˇ yamˬ kʼoeˇ yamˬ laꞈ kʼoeˇ, Moˇseˬ neh bawˇ tsahˬ bawˇ dahˇ-ahˇ tsoˆ-euˬ Sahˬpaˬ Miˬyehˇ jawˇ-eu Sehˬ gʼawˆ kʼoeˇ gʼawˆ hawˇ-eu, lawˇ-eu shehˇ-eu jeˬ dzah puiˆ-awˇ lawˇ-eu lawˇ duˬ kʼoeˇ hmˬ, Giˇbyoˬ meuˬ-ahˇ jaˆ-eu uˬ duˬ tahˬ-eu jawˇ duˬ kʼoeˇ tsahˇ-ahˇ jaˆ luꞈ-eu meh.

1 Saˬmeuˬlaˆ 7:1

Kʼoeˇ ngeh, Giˇliˇyaˆyeˬlmˬ meuˬ-ahˇ jawˇ-eu tsawˇ haˬ deuˬ Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ laˬ le-awˇ, gawˬ duˇ kʼoeˇ taˆ tsoˆ taˬ-euˬ Aˬbiˇnaˬdehˇ-euˬ nymˇ-ahˇ baꞈ taˬ-euˬ meh. Kʼoeˇ naˇ, aˬ yawꞈ-euˬ aˬ li Eˇlaˬzaˬ gʼaˬ-ahˇ Sahˬpaˬ Miˬyehˇ-ahˇ a nehˬ-awˇ, Dawˬ ma saˇ jaˇ Bahˬ keuˆ-ahˇ haw-eu pyaˆ-eu gʼaˬ bi geuꞈ-euˬ meh.

Yawˇshuˆ 18:14

Kʼoeˇ gaˇ neh naˇ, yawˬ paw yawˬ paˇ iˇ pyawˇ gʼeh-awˇ, gawˬ jawˬ kʼoeˇ jawˬ-euˬ nahˇ ma ga kʼehˬ paw dzeˇ neh laꞈ oˆ paw oe ka-awˇ, Yuˇdaˆ tsawˇ jeuˬ-ahˇ taꞈ-eu (Giˇliˇyaˆyeˬlmˬ lehˇ kʼawꞈ kuˇ-eu) Giˇliˇyaˆbaˬlaˇ meuˬ-ahˇ keuˆ ni meh. Heu-aˬ, nahˇ ma ga kʼehˬ paw-euˬ miˇ kaˬ meh.

Yawˇshuˆ 15:60

(Giˇliˇyaˆyeˬlmˬ lehˇ kʼawꞈ kuˇ-eu) Giˇliˇyaˆbaˬlaˇ meuˬ, Laˬbah meuˬ, heu nyiˬ meuˬ hawˇ-eu, heu nyiˬ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ neh.

Yawˇshuˆ 15:9

Kʼoeˇ gaˇ neh naˇ, Neˬpaˬtahˇ lawˇ kʼawꞈ-ahˇ neh, Eˇpaˬloˬ gawˬ jawˬ-ahˇ jaˆ-eu meuˬ deuˬ-ahˇ iˇ gʼeh-awˇ, (Giˇliˇyaˆyeˬlmˬ lehˇ kuˇ-eu) Baˬlahˬ meuˬ paw iˇ gʼeh-euˬ meh.

Yawˇshuˆ 10:2

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ gaˇ kawˆ kʼoeˇ ya gaˬ ngeh, guˆ dui dui-iˇ-euˬ meh. Aˬ jeˬ miˇ neh ehˇ naˇ, Giˇbyoˬ meuˬ-aˬ, sahˬ paˬ baw-eu meuˬ yawˬ meuˬ na luꞈ loꞈ-ehˇ huiˬ-eu meuˬ tiˬ meuˬ pyeuꞈ-eu uˬ taꞈ, Aˬiˇ meuˬ naˆ maˬ tseˇ huiˬ-awˇ, kʼoeˇ gaˇ jawˇ-eu tsawˇ haˬ deuˬ-aˬ, guiˇ deuˆ-eu yaw nya meh.

Yawˇshuˆ 9:3

Ehˇ kʼawꞈ, Yeˬliˇkoˇ meuˬ hawˇ-eu Aˬiˇ meuˬ-ahˇ Yawˇshuˆ neh jahˇ nehˬ-euˬ gaˇ kawˆ-ahˇ, Hiˇbiˇ tsawˇ jeuˬ pyeuꞈ-eu Giˇbyoˬ meuˬ-ahˇ jawˇ-eu tsawˇ haˬ deuˬ ya gaˬ ngeh,

Yawˇshuˆ 9:9

Kʼoeˇ ngeh, aˬ yawꞈ maꞈ aˬ yawꞈ-ahˇ heu loꞈ-ehˇ dzawˇ nehˬ-euˬ meh. “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ kawˆ nga maꞈ ya gaˬ-euˬ miˇ neh, gaˇ mahˇ kaˬ-eu miˇ kʼahˬ-ahˇ neh nga maꞈ oe-euˬ ma. Iˇjiˇtuˆ miˇ kʼahˬ laꞈ kʼoeˇ aˬ yawꞈ neh mˇ-euˬ gaˇ kawˆ yawˬ jeˬ na luꞈ nga maꞈ ya gaˬ-euˬ ma.

Yawˇshuˆ 9:16

Saˇ jaˇ dzaˬ gʼaˬ-awˇ smˬ nah byah laˇ ngeh, tsawˇ haˬ kʼoeˇ deuˬ dawˬ peh jawˇ-eu tsawˇ haˬ pyeuꞈ-eu gaˇ kawˆ Iˇsaˬleˬlaˆ tsawˇ haˬ deuˬ ya siˬ-euˬ meh.

Yawˇshuˆ 9:18

Ehˇ kʼawꞈ, aˬ yawꞈ maꞈ-ahˇ Iˇsaˬleˬlaˆ tsawˇ haˬ deuˬ maˬ sehꞈ nya-a. Aˬ jeˬ miˇ neh ehˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ aˬ yawꞈ maꞈ-ahˇ saˇ jaˇ dzaˬ gʼaˬ-euˬ meh. Gaˇ kawˆ kʼoeˇ baˬ da neh, Iˇsaˬleˬlaˆ tsawˇ haˬ deuˬ nui kʼahˇ maˬ shiˇ-ehˇ, aˬ yuiꞈ aˬ tsu deuˬ-ahˇ toˇ-euˬ meh.

Yawˇshuˆ 18:15

Laˬ oˆ paw pyawˬ miˇ kaˬ-aˬ, Giˇliˇyaˆyeˬlmˬ-euˬ mehˬ dzaˬ-ahˇ neh aˇ dahˬ beh-awˇ, Neˬpaˬtahˇ lawˇ kʼawꞈ paw iˇ gʼeh-euˬ meh.

Yaˇ kʼaˬ daˇ 18:12

Aˬ yawꞈ maꞈ le-awˇ, Yuˇdaˆ miˇ kʼahˬ Giˇliˇyaˆyeˬlmˬ meuˬ-euˬ nahˇ ma ga kʼehˬ paw taˆ tsoˆ-awˇ naˬ-euˬ meh. Kʼoeˇ miˇ neh, jawˇ duˬ kʼoeˇ tsahˇ-ahˇ, iˬ nah keuˆ ni Daˬ-euˬ taˆ lehˇ kuˇ-eu meh.

1 Saˬmeuˬlaˆ 6:21

Kʼoeˇ naˇ, Giˇliˇyaˆyeˬlmˬ meuˬ-ahˇ jawˇ-eu tsawˇ haˬ deuˬ jawˇ gaˇ aˬ yawꞈ maꞈ tsawˇ haˬ pyehˬ gʼeh-awˇ, “Piˇliˇtiˆ tsawˇ haˬ deuˬ Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ baꞈ kʼoꞈ ha laˇ gʼaˬ-euˬ meh. Naw maꞈ oe-awˇ baꞈ kʼoꞈ laˬ le-awˬ” lehˇ bi ehˇ gaˬ-iˇ-euˬ meh.

2 Saˬmeuˬlaˆ 4:2

Iˇshaˬbawˇshehˆ-aˬ, aˬ yawꞈ-euˬ guiˇ maꞈ kʼoeˇ taˆ bi uˆ lahˇ-euˬ, Baˬnahˬ hawˇ-eu Leˬkaˆ lehˇ myahˇ-euˬ aˬ yuiꞈ aˬ tsu nyiˬ gʼaˬ jawˇ-eu meh. Aˬ nyaꞈ nmˇ-aˬ, Biˇyoˆ meuˬ-ahˇ jawˇ-eu Beˬyaˬmiˬ tsawˇ jeuˬ Leˬmoˬ-euˬ zaˬ meh. (Biˇyoˆ meuˬ-aˬ, Beˬyaˬmiˬ miˇ kʼahˬ-ahˇ taꞈ-eu meuˬ tiˬ meuˬ lehˇ sawˇ taˬ-euˬ meh.)

1 Laˬsaˬbaˬ 2:50

Heu deuˬ kʼawꞈ, Gaˬlehˆ-euˬ zaˬ deuˬ uˆ deuˬ pyeuꞈ-eu meh. Huˇyaˆ-aˬ, Gaˬlehˆ hawˇ-eu Eˇpaˬlaˇ aˬ nyaꞈ dzeˇ zaˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu meh. Huˇyaˆ-euˬ aˬ li Shawˇbaˬlaˇ gʼaˬ-aˬ, Giˇliˇyaˆyeˬlmˬ meuˬ teˬ-euˬ meh.

1 Laˬsaˬbaˬ 2:52

Giˇliˇyaˆyeˬlmˬ meuˬ teˬ-euˬ gʼaˬ pyeuꞈ-eu Shawˇbaˬlaˇ-euˬ zaˬ deuˬ uˆ deuˬ-aˬ, Haˬyoeˬ tsawˇ haˬ, Meˬnuˇhawˇ meuˬ-ahˇ jawˇ-eu tsawˇ haˬ tiˬ paˆ,

1 Laˬsaˬbaˬ 2:53

Giˇliˇyaˆyeˬlmˬ meuˬ-ahˇ jawˇ-eu aˇ jeuˬ deuˬ pyeuꞈ-eu Iˇtaˬliˇ aˇ jeuˬ, Puˇtiˇ aˇ jeuˬ, Shuˇmaˬtiˇ aˇ jeuˬ, Miˇshaˬleˇ aˇ jeuˬ heu deuˬ meh. (Zoˇlahˬ meuˬ hawˇ-eu Eˇshaˬtawˇlaˆ meuˬ-ahˇ jawˇ-eu tsawˇ haˬ deuˬ-aˬ, aˇ jeuˬ heu deuˬ laꞈ kʼoeˇ ahˇ-eu tsawˇ haˬ deuˬ pyeuꞈ-eu meh.)

Yeˬlaˬmiˇ 26:20

(Yeˬlaˬmiˇ loꞈ-ehˇ, meuˬ heu meuˬ hawˇ-eu miˇ kʼahˬ heu kʼahˬ gaˇ kawˆ ngehˬ-eu tsawˇ haˬ tiˬ gʼaˬ jawˇ-eu meh. Kʼoeˇ-aˬ, Giˇliˇyaˆyeˬlmˬ meuˬ-ahˇ jawˇ-eu Sheˬmaˇyaˬ-euˬ aˬ li Uˇliˇyaˆ meh.