Yawˇshuˆ 9:10 - Akha

¹⁰ Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmawˇliˆ sahˬ paˬ nyiˬ gʼaˬ pyeuꞈ-eu Heˬshaˬboˬ sahˬ paˬ Siˇhoˬ hawˇ-eu Aˬshaˇtaˬyoˇ meuˬ-ahˇ jawˇ-eu Baˬshaˬ sahˬ paˬ Awˇgaˆ-ahˇ aˬ yawꞈ neh jahˇ nehˬ-euˬ gaˇ kawˆ kʼawꞈ nga maꞈ ya gaˬ-euˬ ma.

Yawˇshuˆ 9:10 Referans Kwoze

Yawˇshuˆ 12:4

Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-awˇ uˆ lahˇ-euˬ Leˬpeˬ tsawˇ jeuˬ laꞈ kʼoeˇ dzeˇ yaꞈ-euˬ sahˬ paˬ Awˇgaˆ-ahˇ kʼawꞈ, aˬ yawꞈ maꞈ neh deuˆ gʼaˬ-euˬ meh.

Dawˬmehˬ 2:30

“Ehˇ kʼawꞈ, sahˬ paˬ Siˇhoˬ-aˬ, aˬ yawꞈ-euˬ miˇ kʼahˬ laꞈ kʼoeˇ aˬ dui maꞈ-ahˇ maˬ bi cah tsehˆ laꞈ-aˬ. Aˬ yawꞈ-ahˇ aˬ dui guiˇ deuˆ-awˇ gʼaˬ leˇ-eu laꞈ kʼoeˇ, nymˬ-mˇ keuˆ ni aˬ dui-euˬ laꞈ-ahˇ jaˆ luꞈ-eu aˬ yawꞈ-euˬ miˇ kʼahˬ heu aˬ dui za ni, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jahˇ-euˬ meh.

Dawˬmehˬ 1:4

Heˬshaˬboˬ meuˬ-ahˇ jawˇ-eu Aˬmoˬ tsawˇ jeuˬ-euˬ sahˬpaˬ Siˇhoˬ hawˇ-eu, Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-eu Baˬshaˬ miˇ kʼahˬ-euˬ sahˬpaˬ Awˇgaˆ aˬ nyaꞈ-ahˇ Moˇseˬ gʼaˬ leˇ gʼaˬ miˇ tsa, aˇ nah hawˇ-eu aˬ yawꞈ maꞈ-ahˇ kʼoeˇ loꞈ-ehˇ ehˇ nehˬ-euˬ meh.

1 Laˬsaˬbaˬ 6:71

Geˬlaˬshoˬ aˇ jeuˬ-ahˇ biˇ oꞈ nehˬ-euˬ meuˬ deuˬ hawˇ-eu jeˬ zaˬ gaˆ kʼahˬ deuˬ-aˬ, heu deuˬ pyeuꞈ-eu meh. Nahˇ ma doˆ kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ laꞈ kʼoeˇ, Baˬshaˬ gahˬ kaˬ-ahˇ jaˆ-eu Goˬlaˬ meuˬ, Aˬshaˇtaˬyoˇ meuˬ hawˇ-eu, meuˬ kʼoeˇ nyiˬ meuˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

Aˇ dahˬ 14:5

Tseˇ oeˬ kʼoꞈ tiˬ kʼoꞈ keuˆ laˇ ngeh jawˇ, sahˬ paˬ Sheˬdawˇlawˇmaˬ hawˇ-eu aˬ yawꞈ-ahˇ nui ma taꞈ-eu sahˬ paˬ deuˬ oe ka-awˇ, Aˬshaˇteˬyoˇkaˬneˬ meuˬ-ahˇ jawˇ-eu Leˬpeˬ tsawˇ jeuˬ-ahˇ maˬ ehˇ, Haˬmaˇ meuˬ-ahˇ jawˇ-eu Zuˬzmˬ tsawˇ jeuˬ-ahˇ maˬ ehˇ, Kiˇlaˬdeˬ meuˬ-euˬ deh ga-ahˇ jawˇ-eu Eˇmiˬ tsawˇ jeuˬ-ahˇ maˬ ehˇ,

Bawˇtsahˬ 20:14

Kaˬdeˬshaˇ meuˬ-ahˇ Eˬdoˬ sahˬ paˬ jawˇ gaˇ Moˇseˬ tsawˇ haˬ pyehˬ gʼeh-awˇ, heu loꞈ-ehˇ bi tsaꞈ-iˇ-euˬ meh. “Nawˬ-euˬ aˬ yuiꞈ aˬ nyiˇ pyeuꞈ-eu Iˇsaˬleˬlaˆ tsawˇ haˬ deuˬ heu loꞈ-ehˇ dawˬ tsaꞈ tsaꞈ ahˇ leꞈ-eu ma. Nga maꞈ ya tahˬ puˬ-eu shaˬ-euˬ zahˬ-eu jeˬ dawˬ tawˆ luꞈ-ahˇ nawˇ siˬ nya meh.

Yawˇshuˆ 2:9

aˬ yawꞈ nyaꞈ-ahˇ heu loꞈ-ehˇ ehˇ nehˬ-euˬ meh. “Miˇ kʼahˬ heu kʼahˬ Sahˬpaˬ Miˬyehˇ neh naw maꞈ-ahˇ biꞈ gʼaˬ-euˬ meh lehˇ ngaˇ siˬ nya ma. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ naw maꞈ-ahˇ guˆ dui dui meh.

Yawˇshuˆ 9:9

Kʼoeˇ ngeh, aˬ yawꞈ maꞈ aˬ yawꞈ-ahˇ heu loꞈ-ehˇ dzawˇ nehˬ-euˬ meh. “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ gaˇ kawˆ nga maꞈ ya gaˬ-euˬ miˇ neh, gaˇ mahˇ kaˬ-eu miˇ kʼahˬ-ahˇ neh nga maꞈ oe-euˬ ma. Iˇjiˇtuˆ miˇ kʼahˬ laꞈ kʼoeˇ aˬ yawꞈ neh mˇ-euˬ gaˇ kawˆ yawˬ jeˬ na luꞈ nga maꞈ ya gaˬ-euˬ ma.

Yawˇshuˆ 9:11

Nga maꞈ-euˬ aˬ yuiꞈ aˬ tsu deuˬ hawˇ-eu nga maꞈ-euˬ miˇ kʼahˬ-ahˇ jawˇ-eu tsawˇ haˬ dawˬ tawˆ luꞈ, dzaˬ dzaˬ dawˇ dawˇ lehˬ hmˬ-awˇ naw maꞈ jawˇ gaˇ iˇ-awˬ lehˇ nga maꞈ-ahˇ kʼehˇ-eu meh. Nga maꞈ-aˬ, naw maꞈ-euˬ zaˬ kʼaˆ pyeuꞈ-eu ma lehˇ ehˇ nehˬ-awˇ saˇ jaˇ dzaˬ-awˬ lehˇ ehˇ nehˬ laꞈ-euˬ meh.

Yawˇshuˆ 13:31

Miˇ kʼahˬ kʼoeˇ kʼahˬ laꞈ kʼoeˇ, Giˇlaˆ miˇ kʼahˬ tiˬ paˆ paˆ maˬ ehˇ, Aˬshaˇtaˬyoˇ meuˬ hawˇ-eu Eˬdiˇliˇ meuˬ maˬ ehˇ, Awˇgaˆ-euˬ miˇ kʼahˬ pyeuꞈ-eu Baˬshaˬ miˇ kʼahˬ laꞈ kʼoeˇ jaˆ-eu meuˬ meuˬ ma deuˬ maˬ ehˇ, ahˇ leˇ taˬ-euˬ meh. Miˇ kʼahˬ heu deuˬ dawˬ tawˆ luꞈ, Maˬnaˇseˬ-euˬ aˬ li Maˬkiˬlaˇ-euˬ zaˬ deuˬ uˆ deuˬ tiˬ paˆ-ahˇ biꞈ nehˬ-euˬ meh.

Yawˇshuˆ 2:10

Iˇjiˇtuˆ miˇ kʼahˬ laꞈ kʼoeˇ neh naw maꞈ doˆ laˇ luꞈ ngeh, naw maꞈ-euˬ mehˬ shi, Sahˬpaˬ Miˬyehˇ neh iˬ ma laˆ shaˆ yaw neˇ iˇ cuꞈ bi gui-iˇ-euˬ gaˇ kawˆ nga maꞈ ya gaˬ-euˬ ma. Yawˇdaˬ lawˇ baˬ nahˇ ma doˆ kʼehˬ paw jawˇ-eu Aˬmawˇliˆ sahˬ paˬ nyiˬ gʼaˬ pyeuꞈ-eu Siˇhoˬ hawˇ-eu Awˇgaˆ-ahˇ naw maꞈ aˬ joˆ-ehˇ sehꞈ-euˬ gaˇ kawˆ kʼawꞈ, nga maꞈ siˬ nya ma.