Yawˇshuˆ 8:4 - Akha

⁴ Aˬ yawꞈ maꞈ-ahˇ aˬ yawꞈ heu loꞈ-ehˇ dawˬ biꞈ-awˇ pyehˬ gʼeh-euˬ meh. “Meuˬ kʼoeˇ meuˬ-euˬ kʼoeˇ paw paˆ aˇ dzehˬ-ehˇ maˬ kaˬ gaˇ dzuˇ zaꞈ-awˇ, guiˇ deuˆ-eu gʼaˇ duˬ noeˬ gahˇ taˬ-awˬ.

Yawˇshuˆ 8:4 Referans Kwoze

Yaˇ kʼaˬ daˇ 20:29

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-euˬ yehˇ tiˬ paˆ na deuˬ-ahˇ, Giˇbyaˬ meuˬ-euˬ jawˬ jawˬ-ehˇ bi dzuˇ zaꞈ-euˬ meh.

Gʼaˬkʼehˇ 23:21

Ehˇ kʼawꞈ, aˬ yawꞈ maꞈ ehˇ gaˇ taˬ naˇ haˬ. Aˬ jeˬ miˇ neh ehˇ naˇ, tsawˇ haˬ oeˬ tseˇ gʼaˬ dzehˬ ni dzuˇ zaꞈ-awˇ loꞈ luꞈ-eu meh. Pawˇluˆ-ahˇ maˬ ya sehꞈ kʼoeˇ keuˆ ni tiˬ jeˬ-iˬ maˬ dzaˬ maˬ dawˇ ni jawˇ ma lehˇ aˬ yawꞈ maꞈ saˇ jaˇ dzaˬ tsehˆ taˬ-euˬ meh. Nymˬ-mˇ aˬ yawꞈ maꞈ lehˬ hmˬ dah jiˇ taˬ-awˇ nawˬ neh ngehˬ tsehˆ ehˇ tsehˆ-euˬ dawˬ-ahˇ loꞈ luꞈ-eu tehꞈ meh.”

Dawˬ tsoˆ 9:16

Zaˬ siˬ tsawˇ gahˇ-aˬ, baoˬ naˆ maˬ tseˇ aˇ poeˬ kʼaˆ dzehˬ meh lehˇ ngaˇ aˬ myah luꞈ ehˇ-eu ma. Ehˇ kʼawꞈ, iˇ shaˬ zaˬ-euˬ zaˬ siˬ tsawˇ gahˇ-ahˇ aˬ cawˬ yaw zeu maˬ baw-ehˇ, aˬ yawꞈ neh ngehˬ-euˬ dawˬ-ahˇ maˬ naˇ haˬ mawꞈ-a.

Dawˬ tsoˆ 7:19

Meuˬdzoeˬsahˬpaˬ tseˇgʼaˬ maˬtseˇ, zaˬ siˬ tiˬ gʼaˬ baoˬ huiˬ-eu meh.

1 Saˬmeuˬlaˆ 15:5

Kʼoeˇ naˇ, aˬ yawꞈ hawˇ-eu aˬ yawꞈ-euˬ tsawˇ haˬ deuˬ Aˬmaˬlehˇ meuˬ-ahˇ iˇ-awˇ, gʼaˬ lawˬ-ahˇ dzuˇ zaꞈ-awˇ loꞈ-euˬ meh.

1 Saˬmeuˬlaˆ 15:2

Aˬmaˬlehˇ tsawˇ jeuˬ-ahˇ Sahˬpaˬ Miˬyehˇ kʼehˬ nehˬ-eu lehˇ gʼeh-eu meh. Aˬ jeˬ miˇ neh ehˇ naˇ, Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ neh doˆ laˇ ngeh, Aˬmaˬlehˇ tsawˇ haˬ-euˬ aˬ poeˬ aˬ bawˇ deuˬ gaˇ ma-ahˇ loꞈ tsoeˬ-euˬ meh.

Yaˇ kʼaˬ daˇ 20:36

Kʼoeˇ ngeh, aˬ yawꞈ maꞈ sm-iˇ-euˬ gaˇ kawˆ Beˬyaˬmiˬ tsawˇ haˬ deuˬ siˬ duˬ-euˬ meh. Iˇsaˬleˬlaˆ guiˇ maꞈ myaˬ dzehˬ-eu maꞈ, Beˬyaˬmiˬ tsawˇ haˬ deuˬ-euˬ mehˬ shi, naˇ kʼah paw jiˆ kʼoꞈ nehˬ-euˬ meh. Aˬ jeˬ miˇ neh ehˇ naˇ, Giˇbyaˬ meuˬ-euˬ jawˬ jawˬ-ehˇ bi dzuˇ zaꞈ taˬ-euˬ deuˬ-ahˇ aˬ yawꞈ maꞈ nui kʼaˬ tsmˬ-eu meh.

Yaˇ kʼaˬ daˇ 20:33

Kʼoeˇ naˇ, Iˇsaˬleˬlaˆ guiˇ maꞈ myaˬ dzehˬ-eu maꞈ naˇ kʼah paw jiˆ gʼoꞈ laˇ-awˇ, Baˬlaˇtaˬmaˬ meuˬ-ahˇ dawˬ gm luꞈ ngeh, Giˇbyaˬ meuˬ-euˬ jawˬ jawˬ-ehˇ jaˆ-eu lo guˇ doe ni dzuˇ zaꞈ luꞈ-eu tsawˇ haˬ kʼoeˇ deuˬ tiˬ poˆ tehꞈ-ehˇ coeˬ doˆ leꞈ-euˬ meh.

Yaˇ kʼaˬ daˇ 9:25

Sheˬkmˬ tsawˇ haˬ deuˬ-aˬ, Aˬbiˇmaˬlehˆ-ahˇ guiˇ deuˆ kʼoeˬ-eu gʼaˇ duˬ, gawˬ jawˬ gawˬ duˇ doe ni tsawˇ haˬ pyehˬ taˬ-awˇ, kʼaˇ iˇ kʼaˇ laˇ tsehˆ-eu deuˬ-ahˇ tsawˇ haˬ kʼoeˇ deuˬ tahˇ joe joe-euˬ meh.

Yawˇshuˆ 8:16

Kʼoeˇ ngeh, meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ kuˇ doˆ-awˇ, Yawˇshuˆ maꞈ-euˬ mehˬ nah teh-euˬ meh. Yawˇshuˆ-euˬ mehˬ nah aˬ yawꞈ maꞈ teh teh-ehˇ, meuˬ-ahˇ neh gaˇ mahˇ iˇ kaˬ-euˬ meh.

Yawˇshuˆ 8:3

Kʼoeˇ naˇ, Yawˇshuˆ-aˬ, aˬ yawꞈ-euˬ yehˇ dawˬ tawˆ luꞈ nehˬ-ehˇ Aˬiˇ meuˬ-ahˇ le-eu lehˇ lehˬ hmˬ dah-euˬ meh. Nya dui dui-eu yehˇ smˬ muiˇ gʼaˬ aˬ yawꞈ tseˇ doˆ-awˇ, uˬ ciꞈ paw meuˬ kʼoeˇ meuˬ-ahˇ pyehˬ gʼeh-euˬ meh.

2 Sahˬpaˬ 7:12

Kʼoeˇ ngeh miˇ sahˬ paˬ yuꞈ luꞈ-eu tuˇ laˇ-awˇ, aˬ yawꞈ-euˬ yaw huiˬ yaw mahˇ deuˬ-ahˇ ehˇ nehˬ-eu, “Suˇliˆ tsawˇ haˬ deuˬ tsawˇ gahˇ gahˇ-eu gaˇ kawˆ ngaˇ naw maꞈ-ahˇ ehˇ nehˬ nyaˇ. Aˬ dui maꞈ mehꞈ-eu shuꞈ-eu jeˬ-ahˇ ya daˬ luꞈ-eu aˬ yawꞈ maꞈ siˬ nya meh. Kʼoeˇ miˇ neh, aˬ yawꞈ maꞈ taˆ laꞈ kʼoeˇ neh doˆ-iˇ-awˇ, bawˇ tsahˬ-ahˇ dzuˇ zaꞈ luꞈ tehꞈ-a. Aˬ dui maꞈ meuˬ laꞈ nyiˇ doˆ-iˇ-awˇ, dzaˬ dzaˬ dawˇ dawˇ poˆ dzaˬ le tehꞈ-a lehˇ aˬ yawꞈ maꞈ noeˬ-awˇ, aˬ dui maꞈ-ahˇ yaw dehꞈ-ehˇ nyehꞈ-awˇ meuˬ-ahˇ uˇ laˇ-eu lehˇ lehˬ hmˬ luꞈ-eu tehꞈ-a.”

2 Laˬsaˬbaˬ 13:13

Kʼoeˇ ngeh, Yeˬyawˇbamˬ-aˬ, aˬ yawꞈ-euˬ yehˇ tiˬ paˆ na deuˬ-ahˇ ciˬ cuˇ ni bi iˇ-awˇ, Yuˇdaˆ guiˇ maꞈ-ahˇ naˇ kʼah paw neh bi deuˆ kʼoeˬ-awˇ, tiˬ paˆ deuˬ-aˬ mehˬ shi paw ciˬ daˬ-awˇ deuˆ-eu lehˇ lehˬ hmˬ-euˬ meh.

Yaˇ kʼaˬ daˇ 9:32

Nawˇ hawˇ-eu nawˬ-euˬ tsawˇ haˬ deuˬ uˬ ciꞈ paw oe-awˇ, deh ga-ahˇ dzuˇ zaꞈ taˬ-eu tsaˬ meh.