Yawˇshuˆ 8:35 - Akha

³⁵ Zaˬ miˬ zaˬ deuˬ, zaˬ deuˬ hawˇ-eu, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ ahˇ leˇ-ehˇ, kʼaˇ uiˬ laˇ taˬ-euˬ tsawˇ haˬ dawˬ tawˆ luꞈ-ahˇ, Moˇseˬ-euˬ Zahˇ dawˬ kʼoꞈ dawˬ tiˬ dawˬ-iˬ maˬ bi dzeˇ yaꞈ ni Yawˇshuˆ gui mehˬ nehˬ-euˬ meh.

Yawˇshuˆ 8:35 Referans Kwoze

Dawˬmehˬ 31:12

Yawˬ gʼaˬ na luꞈ ya gaˬ-eu laꞈ kʼoeˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ yaw zeu baw-eu siˬ nya laˇ-awˇ, aˬ yawꞈ neh mehˬ nehˬ tsoˆ nehˬ-euˬ jeˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ nya laˇ ni, kʼaˬ dzeˇ zaˬ deuˬ, zaˬ miˬ zaˬ deuˬ, zaˬ deuˬ hawˇ-eu naw maꞈ-euˬ meuˬ deuˬ laꞈ kʼoeˇ jawˇ luꞈ-eu boeˇ miˬ siˬ kʼaˬ dawˬ tawˆ luꞈ-ahˇ kuˇ uiˬ-awˬ.

Neˬhaˬmiˇ 8:2

Kʼoeˇ miˇ neh, ba la shiꞈ siˬ tiˬ siˬ yaw beh nah-ahˇ, noeˬ siˬ nya laˇ-euˬ kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu zaˬ deuˬ uiˬ leˇ taˬ-euˬ mehˬ shi, zahˇ dawˬ kʼoꞈ dawˬ sahˬ boꞈ kʼoeˇ dmˬ Eˇzaˬlaˬ yuˇ doˆ laꞈ-euˬ meh.

Yeˬlaˬmiˇ 26:2

Sahˬpaˬ Miˬyehˇ ngaˬ-ahˇ ehˇ-eu, “Uˬ duˬ tahˬ nymˇ nymˇ ma-euˬ pu ka yawꞈ-awˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-ahˇ neh laˇ-awˇ, kʼoeˇ gaˇ uˬ duˬ kʼaˇ tahˬ laˇ-euˬ tsawˇ haˬ dawˬ tawˆ luꞈ-ahˇ, ngaˬ neh nawˬ-ahˇ biꞈ taˬ-euˬ dawˬ deuˬ tiˬ dawˬ-iˬ maˬ dzeˇ ni dzawˇ mehˬ nehˬ-awˬ.

Gʼaˬkʼehˇ 21:5

Ehˇ kʼawꞈ, nga maꞈ aˬ yawꞈ maꞈ nehˬ-ehˇ jawˇ-eu aˇ yamˬ jiˇ laˇ ngeh, mehˬ hu paw iˇ-euˬ ma. Aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ dawˬ tawˆ luꞈ, meuˬ-ahˇ neh iˬ ma laˆ shaˆ lawˇ deh-ahˇ keuˆ ni nga maꞈ-ahˇ sheuˬ keuˆ ha le-awˇ, nga maꞈ dawˬ tawˆ luꞈ kʼoeˇ gaˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ ma.

Maˬkuˆ 10:14

Kʼoeˇ loꞈ-ehˇ dehˬ gaˇ Yeˬsuˇ ya mawˇ ngeh, nui ma pehˇ laˇ-awˇ, zaˬ lahˇ deuˬ-ahˇ heu loꞈ-ehˇ ehˇ nehˬ-euˬ meh. “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ-eu meh.

Yawˇlaˆ 2:16

Tsawˇ haˬ dawˬ tawˆ luꞈ kuˇ uiˬ-awˇ, muiˬ-eu shawˇ-eu baꞈ dzah dzah-awˬ. Tsawˇ mawˬ, zaˬ guˬ dawˬ tawˆ hawˇ-eu, aˬ coeˇ dawˇ zaˬ deuˬ kʼawꞈ kuˇ-awˬ. Sheuˬdahˬdzaˬ-euˬ tiˬ dehˬ pyeuꞈ-eu, miˬ zaˬ yo zaˬ yaw shuiꞈ deuˬ kʼawꞈ, tiˬ gʼaˬ-iˬ taˬ bi jawˇ tehˬ yaꞈ.

Eˇzaˬlaˬ 10:1

Eˇzaˬlaˬ ngoeˇ ngoeˇ-ehˇ iˬ baˇ kʼoeˇ deuˬ shaˇ pyehˬ-eu laꞈ kʼoeˇ Uˬ duˬ tahˬ nymˇ nymˇ ma mehˬ shi pawˬ tsuiꞈ paw dmˬ dmˬ-awˇ guiˬ lahˬ shaˇ luꞈ ngeh, Iˇsaˬleˬlaˆ tsawˇ jeuˬ kʼaˬ dzeˇ zaˬ deuˬ, zaˬ miˬ zaˬ deuˬ hawˇ-eu zaˬ deuˬ kʼawꞈ ngoeˇ ngoeˇ-ehˇ aˬ yawꞈ dawˬ peh uiˬ laˇ-euˬ meh.

Dawˬmehˬ 29:11

zaˬ miˬ zaˬ deuˬ maˬ ehˇ, zaˬ deuˬ maˬ ehˇ, naw maꞈ nehˬ-ehˇ jawˇ-eu laꞈ kʼoeˇ naw maꞈ-ahˇ miˬ dzaˬ kʼehꞈ nehˬ-awˇ iˇ cuꞈ kʼawꞈ nehˬ-eu boeˇ miˬ shiˬ kʼaˬ deuˬ maˬ ehˇ, dawˬ tawˆ luꞈ yawꞈ luꞈ-eu meh.

Gʼaˬkʼehˇ 20:27

Aˬ jeˬ miˇ neh ehˇ naˇ, Miˬyehˇ-euˬ nui noeˬ dawˬ tawˆ luꞈ, naw maꞈ-ahˇ ngaˇ maˬ zaꞈ taˬ ni ja mehˬ jiˇ gʼaˬ-euˬ ma.

Dawˬmehˬ 4:2

Ngaˬ neh naw maꞈ-ahˇ dawˬ biꞈ taˬ-eu gaˇ, dawˬ tiˬ dawˬ tehꞈ-ehˇ kʼawꞈ, dawˆ lahˬ-eu maˬ ehˇ, yuˇ teˬ-eu maˬ ehˇ, maˬ ya jahˇ-a. Ngaˬ neh naw maꞈ-ahˇ biꞈ taˬ-euˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ-ahˇ, naw maꞈ naˇ haˬ geuꞈ-awˬ.

Doˆ-iˇ 12:38

Nui deuˬ tsawˇ jeuˬ gʼawˬ mya ni maˬ ehˇ, myaˬ dui dui-eu yawˇ, ciꞈ myehꞈ hawˇ-eu mawˇ neˇ deuˬ maˬ ehˇ, aˬ yawꞈ maꞈ nehˬ-ehˇ iˇ gʼeh-euˬ meh.

Zaˬkaˬliˇ 8:23

Aˇ nah aˇ yamˬ kʼoeˇ keuˆ le ngeh, Yuˇdaˆ tsawˇ haˬ tiˬ gʼaˬ jawˇ gaˇ aˬ cawˬ tsawˇ jeuˬ tseˇ gʼaˬ laˇ-awˇ, ‘Miˬyehˇ nawˬ nehˬ-ehˇ jawˇ meh lehˇ nga maꞈ ya gaˬ-euˬ miˇ neh, nga maꞈ-ahˇ nawˬ nehˬ-ehˇ bi taꞈ laꞈ-awˬ’ lehˇ ehˇ tehꞈ-a.”

Dawˬmehˬ 29:9

Naw maꞈ kʼaˇ mˇ kʼaˇ shaˇ-eu jeˬ laꞈ kʼoeˇ, baw le za le ni, dawˬ ma saˇ jaˇ dawˬ heu deuˬ-ahˇ saˇ jaˇ ziꞈ-eu laꞈ kʼoeˇ naˇ haˬ geuꞈ-awˬ.

Dawˬmehˬ 29:10

“Iˬ nah naw maꞈ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi yawꞈ luꞈ-eu meh. Naw maꞈ-euˬ aˬ yuiꞈ aˬ tsu deuˬ hawˇ-eu yaw huiˬ yaw mahˇ deuˬ maˬ ehˇ, kʼaˬ dzeˇ zaˬ deuˬ maˬ ehˇ,

Neˬhaˬmiˇ 8:3

Meuˬ lahˇ gʼoˆ kʼehˬ dawˬ peh jaˆ-eu pu kaˬ kʼoeˇ tsahˇ-ahˇ, gʼoˆ shaw nya laˇ-euˬ deuˬ pyeuꞈ-eu kʼaˬ dzeˇ zaˬ, zaˬ miˬ zaˬ hawˇ-eu zaˬ deuˬ-ahˇ, uˬ bya bya laˇ ngeh neh nah loˆ ceh laˇ ngeh keuˆ ni aˬ yawꞈ gui mehˬ ngeh, aˬ yawꞈ maꞈ nui ma keuˆ-eu laꞈ kʼoeˇ naˇ haˬ luꞈ-eu meh.