Yawˇshuˆ 8:29 - Akha

²⁹ Aˬiˇ sahˬ paˬ-ahˇ, aˇ bawˇ tiˬ bawˇ-ahˇ aˬ yawꞈ paꞈ gʼeu sehꞈ nehˬ-awˇ, uˬ ciꞈ paw keuˆ ni kʼoeˇ loꞈ-ehˇ bi jaˆ-euˬ meh. Nahˇ ma ga ahˇ ngeh, “Shiˇ-euˬ sahˬ paˬ kʼoeˇ gʼaˬ-euˬ gʼawˇ mawˇ yuˇ gʼeh-awˬ” lehˇ Yawˇshuˆ dawˬ biꞈ-awˇ, meuˬ lahˇ laˇ gʼoˆ dawˬ peh baꞈ dzeh-awˇ bi jaˆ-euˬ meh. Kʼoeˇ-euˬ kʼoeˇ taˆ kʼaˬ lo lo bymˇ bymˇ ma aˬ yawꞈ maꞈ baꞈ bymˇ-awˇ, kʼaˬ lo lo bymˇ kʼoeˇ, iˬ nah keuˆ ni kʼoeˇ gaˇ jaˆ luꞈ-eu meh.

Yawˇshuˆ 8:29 Referans Kwoze

2 Saˬmeuˬlaˆ 18:17

Aˬbaˇsaˬloˬ-euˬ gʼawˇ mawˇ-ahˇ, bawˇ tsahˬ-ahˇ jaˆ-eu naꞈ dui dui-eu duˬ kʼahˬ tiˬ kʼahˬ-ahˇ aˬ yawꞈ maꞈ biˬ ahˇ-awˇ, kʼaˬ lo gahˬ tehˬ-euˬ meh. Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-euˬ meh.

Yawˇshuˆ 7:26

Aˬ yawꞈ-euˬ kʼoeˇ taˆ kʼaˬ lo lo bymˇ bymˇ ma baꞈ bymˇ-awˇ, iˬ nah keuˆ ni kʼoeˇ loꞈ-ehˇ jaˆ luꞈ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ, Shaˬ zahˬ Deh kʼawꞈ lehˇ kuˇ-eu meh. Kʼoeˇ naˇ, Sahˬpaˬ Miˬyehˇ nui ma pehˇ-eu taˬ leˇ-euˬ meh.

Gʼaˬkʼehˇ 12:23

Ja pyuˬ ni, Sahˬpaˬ Miˬyehˇ-euˬ gʼaˬ kʼehˇ neh Heˬloˆ-ahˇ kʼehˬ-euˬ meh. Aˬ jeˬ miˇ neh ehˇ naˇ, Miˬyehˇ-ahˇ aˬ yawꞈ maˬ taˬ huiˬ-a. Kʼoeˇ miˇ neh, aˇ boeˬ aˇ mawˇ neh bi dzaˬ sehꞈ-euˬ meh.

Jaceuq 110:5

Sahˬpaˬ Miˬyehˇ nawˬ-euˬ aˇ maˇ paw jawˇ-awˇ, aˬ yawꞈ nui ma pehˇ laˇ ngeh, miˇ kʼahˬ sahˬ paˬ deuˬ-ahˇ deuˆ gʼaˬ tehꞈ-a.

Jaceuq 107:40

Aˬ yawꞈ maꞈ-ahˇ kʼehˬ-eu deuˬ-ahˇ aˬ yawꞈ bye-awˇ, kʼaˇ shuiꞈ deh ga ga ma laꞈ kʼoeˇ, iˇ tsaˬ laˇ tsaˬ maˬ siˬ ni bi shaˬ-euˬ meh.

Iˇsaˬtaˆ 7:10

Kʼoeˇ miˇ neh, Mawˬdaˬkehˇ-ahˇ paꞈ gʼeu sehꞈ-eu gʼaˇ duˬ Haˬmaˬ aˬ yawꞈ neh lehˬ hmˬ taˬ-euˬ kʼawˇ zeuˇ-ahˇ, aˬ yawꞈ gʼaˬ-ahˇ paˇ paꞈ sehꞈ-euˬ meh. Kʼoeˇ naˇ, sahˬ paˬ nui ma pehˇ-eu taˬ leˇ-euˬ meh.

Yawˇshuˆ 10:33

Laˬkiˇshaˆ meuˬ-ahˇ caw ba-eu lehˇ, Geˬzeuˬ sahˬ paˬ Hawˇlamˬ laˇ-euˬ meh. Ehˇ kʼawꞈ, aˬ yawꞈ hawˇ-eu aˬ yawꞈ-euˬ guiˇ maꞈ-ahˇ Yawˇshuˆ deuˆ gʼaˬ-awˇ, dawˬ tawˆ luꞈ-ahˇ sehꞈ jiˇ nehˬ-euˬ meh.

Yawˇshuˆ 10:30

Iˇsaˬleˬlaˆ tsawˇ haˬ deuˬ-ahˇ, meuˬ kʼoeˇ meuˬ hawˇ-eu sahˬ paˬ kʼoeˇ gʼaˬ kʼoeˇ taˆ Sahˬpaˬ Miˬyehˇ bi gʼaˬ leˇ-euˬ meh. Kʼoeˇ gaˇ kʼaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni aˬ yawꞈ maꞈ sehꞈ-euˬ meh. Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, sahˬ paˬ kʼoeˇ gʼaˬ-ahˇ aˬ yawꞈ maꞈ jahˇ nehˬ-euˬ meh.

Yoˇhaˬ 19:31

Kʼoeˇ naˇ, laꞈ yaꞈ kʼoeˇ taˆ bi taꞈ tehˬ-euˬ tsawˇ haˬ kʼoeˇ deuˬ-euˬ aˬ kuiˇ deh kʼehꞈ-awˇ, laꞈ yaꞈ kʼoeˇ taˆ neh baꞈ ka leꞈ-eu gʼaˇ duˬ, Yuˇdaˆ tsawˇ haˬ aˬ yuiꞈ aˬ tsu deuˬ sahˬ paˬ Piˇlaˆ-ahˇ shaˇ-euˬ meh. Kʼoeˇ ngeh nah-aˬ, Jawˇ nah gʼaˇ duˬ lehˬ hmˬ dah-eu aˇ nah pyeuꞈ-awˇ, shiˇ taˬ-euˬ gʼawˇ mawˇ kʼoeˇ deuˬ-ahˇ Jawˇ nah ngeh nah keuˆ ni laꞈ yaꞈ kʼoeˇ taˆ maˬ bi jaˆ mawꞈ-eu miˇ neh, aˬ yawꞈ maꞈ kʼoeˇ loꞈ-ehˇ shaˇ-eu meh. Kʼoeˇ uˬ taꞈ, jawˇ nah kʼoeˇ ngeh nah-aˬ, muiˬ dzehˬ shawˇ dzehˬ-eu Jawˇ nah tiˬ nah pyeuꞈ-eu miˇ neh meh.

Yawˇshuˆ 12:9

Meuˬ heu deuˬ-ahˇ jawˇ-eu sahˬ paˬ deuˬ-ahˇ Iˇsaˬleˬlaˆ tsawˇ haˬ deuˬ deuˆ gʼaˬ-euˬ meh. Yeˬliˇkoˇ meuˬ, Beˬdeˬlaˇ meuˬ dawˬ peh jaˆ-eu Aˬiˇ meuˬ,

Yawˇshuˆ 8:23

Aˬiˇ sahˬ paˬ tiˬ gʼaˬ tehꞈ-ehˇ dzeuˇ-iˇ-awˇ, aˬ yawꞈ-ahˇ Yawˇshuˆ jawˇ gaˇ nyehꞈ gʼeh-euˬ meh.