Yawˇshuˆ 8:28 - Akha

²⁸ Yawˇshuˆ-aˬ, Aˬiˇ meuˬ-ahˇ miˬ dzaˬ keuˬ dzeh-awˇ bi jaˆ yaꞈ-euˬ meh. Iˬ nah keuˆ ni kʼoeˇ loꞈ-ehˇ jaˆ luꞈ-eu meh.

Yawˇshuˆ 8:28 Referans Kwoze

Dawˬmehˬ 13:16

Tsawˇ haˬ kʼoeˇ deuˬ-euˬ myawˬ gahˬ dawˬ tawˆ luꞈ, meuˬ gʼahˇ lahˇ ceh jaˆ-eu deh ga-ahˇ baꞈ bymˇ-awˇ, meuˬ kʼoeˇ meuˬ hawˇ-eu kʼoeˇ gaˇ kʼaˇ jaˆ-eu jeˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ-eu jeˬ loꞈ-ehˇ dzah puiˆ dzeh-awˬ. Laˆ luˬ laˆ seˇ nehˬ-euˬ meuˬ kʼoeˇ meuˬ-ahˇ, tiˬ jawˇ-iˬ maˬ paˇ tsoˆ muiˬ ni, mˬ maˬ maˬ byaˆ zaˇ ziˇ kʼoeˇ loꞈ-ehˇ ya bi jaˆ meh.

Miˇkaˬ 3:12

Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.

Yeˬlaˬmiˇ 50:26

Yawˬ paw yawˬ coeˇ na luꞈ lehˬ hmˬ-awˇ, guiˇ deuˆ uˇ gʼeh-awˇ, cehˇ jeˬ hmˬ taˬ-euˬ jawˇ duˬ deuˬ ngawˬ pah dzeh jiˇ-awˇ, cehˇ pi cu taˬ-euˬ loꞈ-ehˇ, pyuˇ shuiˇ myawˬ gahˬ deuˬ yuˇ uiˬ geuꞈ-awˬ. Miˇ kʼahˬ kʼahˬ lah-ehˇ tiˬ jeˬ-iˬ maˬ bi jaˆ yaꞈ ni laˆ cawˆ nehˬ-awˬ.

Yeˬlaˬmiˇ 49:2

Ehˇ kʼawꞈ, Aˬmoˬ tsawˇ jeuˬ-euˬ meuˬ meuˬ ma pyeuꞈ-eu Laˬbah meuˬ-ahˇ jawˇ-eu tsawˇ haˬ deuˬ guiˇ deuˆ le-eu teˇ saˇ ya gaˬ-awˇ, meuˬ cawˆ-iˇ-awˇ pu deuˬ miˬ dzaˬ bi keuˬ dzeh jiˇ ngeh keuˆ ni, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-euˬ aˇ yamˬ keuˆ le-eu dawˬ peh peh laˇ-euˬ meh. Kʼoeˇ ngeh jawˇ, Iˇsaˬleˬlaˆ tsawˇ haˬ deuˬ aˬ cawˬ-euˬ laꞈ-ahˇ ahˇ leˇ-euˬ yawˬ ha-euˬ miˇ kʼahˬ paˇ za kʼoꞈ tehꞈ-a.

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Iˇsaˬyaˇ 25:2

Meuˬ deuˬ-ahˇ nawˇ laˆ luˬ laˆ seˇ-awˇ, ziꞈ dah ni gʼeh-eu meuˬ deuˬ bi byaˆ-iˇ-euˬ meh. Nga maꞈ-ahˇ muiˇ-eu sahˬ paˬ deuˬ-euˬ nymˇ deuˬ, piˬ-iˇ byoˆ-iˇ jiˇ-euˬ meh.

Iˇsaˬyaˇ 17:1

Sahˬpaˬ Miˬyehˇ ehˇ-eu, “Daˬmaˬsehˇ meuˬ-aˬ, meuˬ maˬ paˇ pyeuꞈ-ehˇ, yaw cawˆ jeˬ baꞈ bymˇ taˬ-euˬ gaˇ duˇ tehꞈ-a.

2 Sahˬpaˬ 19:25

“Heu loꞈ-ehˇ bi pyeuꞈ laˇ-eu gʼaˇ duˬ, aˇ hu ba neh ngaˇ gaˇ kawˆ kawˆ taˬ-euˬ nawˇ maˬ gaˬ haw-aˬ loˇ. Nymˬ-mˇ ngaˇ kʼoeˇ loꞈ-ehˇ mˇ byah luꞈ-eu ma. Ziꞈ dui dui-eu meuˬ deuˬ meuˬ tsoeˬ tsoeˬ-iˇ gaˇ keuˆ ni laˆ cawˆ nehˬ nya-eu baoˬ, nawˬ-ahˇ ngaˇ biꞈ taˬ-euˬ ma.

Yawˇshuˆ 4:9

Dawˬ ma saˇ jaˇ Bahˬ keuˆ baꞈ-eu piˇ ma deuˬ yawꞈ-euˬ Yawˇdaˬ lawˇ baˬ gʼahˇ ceh kʼoeˇ tsahˇ-ahˇ kʼawꞈ, kʼaˬ lo tseˇ nyiꞈ siˬ Yawˇshuˆ baꞈ bymˇ-euˬ meh. Kʼaˬ lo kʼoeˇ deuˬ iˬ nah keuˆ ni kʼoeˇ gaˇ jaˆ-eu meh.

Yawˇshuˆ 8:29

Aˬiˇ sahˬ paˬ-ahˇ, aˇ bawˇ tiˬ bawˇ-ahˇ aˬ yawꞈ paꞈ gʼeu sehꞈ nehˬ-awˇ, uˬ ciꞈ paw keuˆ ni kʼoeˇ loꞈ-ehˇ bi jaˆ-euˬ meh. Nahˇ ma ga ahˇ ngeh, “Shiˇ-euˬ sahˬ paˬ kʼoeˇ gʼaˬ-euˬ gʼawˇ mawˇ yuˇ gʼeh-awˬ” lehˇ Yawˇshuˆ dawˬ biꞈ-awˇ, meuˬ lahˇ laˇ gʼoˆ dawˬ peh baꞈ dzeh-awˇ bi jaˆ-euˬ meh. Kʼoeˇ-euˬ kʼoeˇ taˆ kʼaˬ lo lo bymˇ bymˇ ma aˬ yawꞈ maꞈ baꞈ bymˇ-awˇ, kʼaˬ lo lo bymˇ kʼoeˇ, iˬ nah keuˆ ni kʼoeˇ gaˇ jaˆ luꞈ-eu meh.

Dawˬmehˬ 13:17

Sahˬpaˬ Miˬyehˇ nui ma pehˇ-eu shuꞈ-iˇ-awˇ, naw maꞈ-ahˇ gʼawˬ shaˬ gaˬ ni, bi laˆ luˬ bi laˆ seˇ-eu gʼaˇ duˬ yaˬ kʼehˇ yaˬ nehˬ taˬ-euˬ myawˬ kʼoeˇ deuˬ, naw maꞈ gʼaˇ duˬ maˬ ya yuˇ geuꞈ-a. Iˬ nah naw maꞈ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˇ, aˬ yawꞈ neh kʼaˇ bi mˇ-euˬ jeˬ-ahˇ naw maꞈ mˇ naˇ, naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ loꞈ-ehˇ,