Yawˇshuˆ 8:20 - Akha

²⁰ Aˬiˇ meuˬ-ahˇ jawˇ-eu tsawˇ haˬ deuˬ naˇ kʼah paw ciˬ pyawˇ haw ngeh, mˬ-ahˇ keuˆ ni miˬ dzaˬ uˬ kʼoeˬ du doˆ laˇ gaˇ ya mawˇ-euˬ meh. Aˬ yawꞈ maꞈ cehˆ buˬ kʼaˇ maˬ za-ehˇ pyeuꞈ-iˇ-euˬ meh. Aˬ jeˬ miˇ neh ehˇ naˇ, juˇ tsui ni gʼeh-eu bawˇ tsahˬ paw cehˆ-euˬ Iˇsaˬleˬlaˆ tsawˇ haˬ deuˬ kʼawꞈ, naˇ kʼah paw gʼoꞈ kʼoꞈ laˇ-awˇ, aˬ yawꞈ maꞈ-ahˇ deuˆ-eu meh.

Yawˇshuˆ 8:20 Referans Kwoze

Panmaeq 19:3

Aˬ yawꞈ maꞈ heu loꞈ-ehˇ paˇ guˇ-eu meh. “Miˬyehˇ-ahˇ ja ceuˬ-awˬ. Yawꞈ-ahˇ puiˆ-euˬ miˬ dzaˬ uˬ kʼoeˬ, mˬ maˬ maˬ byaˆ zaˇ ziˇ du meh.”

Panmaeq 18:9

Aˬ yawꞈ nehˬ-ehˇ joe-awˇ byawˬ gʼa mo gʼa-euˬ miˇ kʼahˬ sahˬ paˬ deuˬ-aˬ, aˬ yawꞈ-ahˇ puiˆ dzaˬ-eu miˬ dzaˬ uˬ kʼoeˬ-ahˇ ya mawˇ ngeh, aˬ yawꞈ gʼaˇ duˬ tsawˇ ngoeˇ ngoeˇ tehꞈ-a.

Iˇsaˬyaˇ 34:10

Uˬ ciꞈ nah gʼahˇ maˬ ehˇ puiˆ-eu miˇ neh, mˬ maˬ maˬ byaˆ zaˇ ziˇ uˬ kʼoeˬ doˆ luꞈ tehꞈ-a. Miˇ kʼahˬ kʼoeˇ kʼahˬ tiˬ ziˇ saˇ-iˬ tiˬ ziˇ byoˆ le-eu miˇ neh, iˇ tsehˆ laˇ tsehˆ-eu maˬ jawˇ-ehˇ pyeuꞈ-iˇ tehꞈ-a.

Jaceuq 76:5

Kʼaˬ dui dui-eu aˬ yawꞈ maꞈ-euˬ yehˇ deuˬ, myawˬ dawˬ tawˆ luꞈ smˬ-iˇ jiˇ-awˇ, tiˬ jawˇ-iˬ maˬ paˇ dehꞈ laˇ nya ni yuꞈ kʼaˆ byoˆ jiˇ-euˬ meh. Aˬ yawꞈ maꞈ-euˬ gʼaˬ hawˇ-eu guiˇ deuˆ-eu tsawˇ gahˇ tiˬ jeˬ-iˬ gaˇ dahˇ maˬ tsoeˬ-a.

Yawˇbaˆ 11:20

Maˬ tsaˬ maˬ dawˇ-eu tsawˇ haˬ nui ma cawˆ-eu laꞈ kʼoeˇ, jawˬ jawˬ-ehˇ haw sehꞈ leꞈ kʼawꞈ, buˬ-iˇ law-iˇ-eu gaˇ ma maˬ dahˇ-a. Aˬ yawꞈ maꞈ-euˬ noeˬ tmˬ duˬ-aˬ shiˇ-eu jeˬ keuˆ le-eu kʼoeˇ meh.”

Aˇ dahˬ 19:28

Sawˇdoˬ meuˬ hawˇ-eu Gawˇmawˇlaˆ meuˬ-euˬ deh ga paw aˬ yawꞈ haw ka gʼeh ngeh, miˬ dzaˬ tsawˬ bu bu ma-ahˇ uˬ kʼoeˬ du doˆ laˇ-eu loꞈ-ehˇ, miˇ kʼahˬ kʼahˬ lah ni uˬ kʼoeˬ uꞈ uꞈ-ehˇ jaˆ luꞈ gaˇ ya mawˇ-euˬ meh.

Yawˇshuˆ 8:19

Aˬ yawꞈ-euˬ aˬ laꞈ baꞈ diˇ-eu nehˬ-ehˇ, dzuˇ zaꞈ luꞈ-eu tsawˇ haˬ deuˬ yaw kawˇ-ehˇ tuˇ laˇ-awˇ, meuˬ-ahˇ cehˆ uˇ gʼeh-awˇ deuˆ geuꞈ-euˬ meh. Aˬ yawꞈ maꞈ meuˬ kʼoeˇ meuˬ-ahˇ yaw kawˇ-ehˇ miˬ dzaˬ dzah puiˆ-euˬ meh.

Yawˇshuˆ 8:21

Yawˇshuˆ hawˇ-eu aˬ yawꞈ-euˬ tsawˇ haˬ deuˬ kʼawꞈ, aˬ yawꞈ maꞈ-euˬ tsawˇ haˬ deuˬ meuˬ deuˆ za-awˇ miˬ dzaˬ dzah puiˆ nehˬ-euˬ gaˇ ya mawˇ ngeh, naˇ kʼah paw paˇ gʼoꞈ laˇ-awˇ, Aˬiˇ tsawˇ haˬ deuˬ-ahˇ sehꞈ-euˬ meh.

Yaˇ kʼaˬ daˇ 20:38

Iˇsaˬleˬlaˆ guiˇ maꞈ maꞈ ma hawˇ-eu dzuˇ zaꞈ taˬ-euˬ tsawˇ haˬ deuˬ mehˬ bawˬ mˇ taˬ-euˬ jaˆ-euˬ meh. Meuˬ laꞈ kʼoeˇ uˬ kʼoeˬ du doˆ laˇ-eu ya mawˇ naˇ, guiˇ deuˆ duˬ-ahˇ jawˇ luꞈ-eu

Yaˇ kʼaˬ daˇ 20:40

Kʼoeˇ ngeh, Iˇsaˬleˬlaˆ tsawˇ haˬ deuˬ mehˬ bawˬ mˇ taˬ-euˬ jaˆ-eu loꞈ-ehˇ, meuˬ laꞈ kʼoeˇ uˬ kʼoeˬ du doˆ laˇ-euˬ meh. Beˬyaˬmiˬ tsawˇ haˬ deuˬ naˇ kʼah nahˇ gʼoꞈ gʼoꞈ haw ngeh, meuˬ meuˬ lah ni miˬ dzaˬ doꞈ luꞈ gaˇ ya mawˇ-awˇ, zahˬ leˇ-euˬ meh.

Yaˇ kʼaˬ daˇ 20:41

Kʼoeˇ naˇ, Iˇsaˬleˬlaˆ tsawˇ haˬ deuˬ gʼoꞈ poˆ laˇ-awˇ, Beˬyaˬmiˬ tsawˇ haˬ deuˬ guˆ dui dui-iˇ-euˬ meh. Aˬ jeˬ miˇ neh ehˇ naˇ, aˬ yawꞈ maꞈ kʼoeˇ taˆ ya luˬ ya seˇ-iˇ-eu keuˆ le-euˬ siˬ duˬ leˇ-euˬ meh.