Biblia Todo Logo
Bib sou entènèt

- Piblisite -




Yawˇshuˆ 8:2 - Akha

2 Yeˬliˇkoˇ meuˬ hawˇ-eu Yeˬliˇkoˇ sahˬ paˬ-ahˇ nawˬ neh jahˇ nehˬ-euˬ loꞈ-ehˇ, Aˬiˇ meuˬ hawˇ-eu Aˬiˇ sahˬ paˬ-ahˇ jahˇ nehˬ-awˬ. Ehˇ kʼawꞈ, nymˬ-mˇ poˆ-aˬ, kʼoeˇ gaˇ jaˆ-eu myawˬ gahˬ deuˬ hawˇ-eu jeˬ zaˬ deuˬ naw maꞈ geuꞈ-awˬ. Meuˬ kʼoeˇ meuˬ-euˬ naˇ kʼah paw neh le-awˇ, maˬ noeˬ maˬ duˇ-ehˇ jawˇ gaˇ ja pyuˬ ni guiˇ deuˆ leˇ-eu gʼaˇ duˬ lehˬ hmˬ-awˬ.”

Gade chapit la Kopi




Yawˇshuˆ 8:2
27 Referans Kwoze  

Ehˇ kʼawꞈ, zaˬ miˬ zaˬ deuˬ, zaˬ deuˬ, jeˬ zaˬ deuˬ hawˇ-eu meuˬ kʼoeˇ meuˬ laꞈ kʼoeˇ kʼaˇ jaˆ-eu yawˬ jeˬ na luꞈ nawˇ yuˇ geuꞈ-awˬ. Nawˬ-ahˇ muiˇ-eu deuˬ kʼaˇ jaˆ-eu yawˬ jeˬ na luꞈ nawˇ geuꞈ nya meh. Kʼoeˇ deuˬ dawˬ tawˆ luꞈ, Sahˬpaˬ Miˬyehˇ neh nawˬ-ahˇ biꞈ taˬ-euˬ jeˬ pyeuꞈ-eu meh.


Muiˬ-eu jaˬ-eu tsawˇ haˬ oeˬ paˬ oeˬ ma deuˬ-ahˇ jeˬ biˇ biꞈ yaꞈ nya kʼawꞈ, iˬ baˇ mˇ-eu deuˬ-euˬ pyuˇ shuiˇ myawˬ gahˬ yaw tsaˬ yaw dawˇ tsawˇ haˬ-euˬ laꞈ-ahˇ le tehꞈ-a.


Aˬ yawꞈ maꞈ Sahˬpaˬ Miˬyehˇ-ahˇ ja ceuˬ-awˇ caˇ dahˬ beh ngeh, muiˇ-eu deuˬ-euˬ guiˇ maꞈ deuˬ-ahˇ Sahˬpaˬ Miˬyehˇ laˆ bahˬ laˆ baˆ nehˬ-euˬ meh.


Meuˬ-ahˇ kʼaˇ jawˇ-eu kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ guˬ maˬ ehˇ, tsawˇ kʼaˆ maˬ ehˇ, yawˬ gʼaˬ na luꞈ-ahˇ mi cehˇ neh aˬ yawꞈ maꞈ sehꞈ-euˬ meh. Mawˇ neˇ, yawˇ hawˇ-eu ciꞈ myehꞈ deuˬ-ahˇ kʼawꞈ aˬ yawꞈ maꞈ sehꞈ-euˬ meh.


Baˬbuˇloˬ meuˬ lahˇ-ahˇ deuˆ-eu gʼaˇ duˬ paˇ loˬ paˇ lehˇ baꞈ tuˇ nehˬ-awˬ. Guiˇ daˬ daˬ-eu deuˬ hawˇ-eu guiˇ loꞈ loꞈ-eu deuˬ bi iˇ lahˬ-awˬ. Tsawˇ haˬ pyehˬ gʼeh-awˇ, guiˇ deuˆ kʼoeˬ bi kʼoeˬ-awˬ.” Baˬbuˇloˬ miˇ kʼahˬ-ahˇ jahˇ nehˬ ma lehˇ ehˇ taˬ-euˬ loꞈ-ehˇ Sahˬpaˬ Miˬyehˇ jahˇ-euˬ meh.


Maˬ sui maˬ dawˇ-eu gaˇ ma-ahˇ gʼoe-awˇ, pyuˇ shuiˇ laˆ za-eu tsawˇ haˬ-aˬ, yawˬ ha maˬ ka taˬ-euˬ ya uˆ uˆ-eu, aˇ jiˇ tiˬ mawˇ-ahˇ duˇ-eu meh. Gʼaˬ kʼaˆ loˆ jaˆ luꞈ ngeh pyuˇ shuiˇ myawˬ gahˬ byoˆ le jiˇ-awˇ, aˇ saˬ saˬ ngeh aˬ dzawˬ dzawˬ-iˇ tehꞈ-a.


Yaw sui yaw dawˇ tsawˇ haˬ ya dzaˬ ya dawˇ dehˆ-awˇ, nui saˇ oꞈ gaˇ ya dehꞈ keuˆ tehꞈ-a. Ehˇ kʼawꞈ, tiˬ kʼehˇ kʼehˬ tehꞈ-ehˇ smˇ muiˬ muiˬ laˇ-eu jeˬ-ahˇ poˆ-eu tsawˇ haˬ shaˬ zahˬ maˬ dehꞈ dzeuˇ nya-a.


naˇshmˇbaˇ-eu loˆ ni tehꞈ meh. Kʼaˇ mˇ-eu jeˬ yawꞈngehꞈpyeuꞈ-awˇ, pyuˇshuiˇduˬgahˬpoˆcu taˬkʼawꞈ, aˬsuˇgʼaˬ-ahˇ oꞈ-eu maˬsiˬ.


Kʼoeˇ ngeh, Yeˬyawˇbamˬ-aˬ, aˬ yawꞈ-euˬ yehˇ tiˬ paˆ na deuˬ-ahˇ ciˬ cuˇ ni bi iˇ-awˇ, Yuˇdaˆ guiˇ maꞈ-ahˇ naˇ kʼah paw neh bi deuˆ kʼoeˬ-awˇ, tiˬ paˆ deuˬ-aˬ mehˬ shi paw ciˬ daˬ-awˇ deuˆ-eu lehˇ lehˬ hmˬ-euˬ meh.


Kʼoeˇ ngeh nah, Maˬgeˬdaˬ meuˬ-ahˇ Yawˇshuˆ deuˆ-awˇ, meuˬ kʼoeˇ meuˬ-euˬ sahˬ paˬ-ahˇ nyehꞈ-euˬ meh. Meuˬ laꞈ kʼoeˇ kʼaˇ jawˇ-eu tsawˇ haˬ tiˬ gʼaˬ-iˬ maˬ bi dzeuˇ-iˇ ni, yawˬ gʼaˬ na luꞈ-ahˇ sehꞈ-euˬ meh. Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, Maˬgeˬdaˬ sahˬ paˬ-ahˇ aˬ yawꞈ jahˇ nehˬ-euˬ meh.


Yeˬliˇkoˇ meuˬ hawˇ-eu Yeˬliˇkoˇ sahˬ paˬ-ahˇ jahˇ nehˬ-euˬ loꞈ-ehˇ, Aˬiˇ meuˬ-ahˇ kʼawꞈ Yawˇshuˆ deuˆ gʼaˬ-awˇ, geuꞈ-eu jeˬ maˬ ahˇ gaˇ keuˆ ni laˆ luˬ laˆ seˇ nehˬ-euˬ uˬ taꞈ, Aˬiˇ sahˬ paˬ-ahˇ kʼawꞈ sehꞈ-euˬ gaˇ kawˆ Yeˬluˇsaˬlehˬ sahˬ paˬ Aˬdoˬniˇzeˬdehˇ ya gaˬ-euˬ meh. Giˇbyoˬ meuˬ-ahˇ jawˇ-eu tsawˇ haˬ deuˬ kʼawꞈ, Iˇsaˬleˬlaˆ tsawˇ haˬ deuˬ nehˬ-ehˇ saˇ jaˇ dzaˬ-awˇ, aˬ yawꞈ maꞈ nehˬ-ehˇ jawˇ luꞈ-eu gaˇ kawˆ aˬ yawꞈ ya gaˬ-euˬ meh.


Aˬ yawꞈ maꞈ-ahˇ caw teh keuˆ le-euˬ juˇ tsui ni gʼeh-eu bawˇ tsahˬ-ahˇ, muiˇ-eu tsawˇ haˬ yawˬ gʼaˬ na luꞈ-ahˇ Iˇsaˬleˬlaˆ tsawˇ haˬ deuˬ neh sehꞈ jiˇ-euˬ meh. Kʼoeˇ naˇ, Aˬiˇ meuˬ-ahˇ aˬ yawꞈ maꞈ paˇ le-awˇ, kʼoeˇ gaˇ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ sehꞈ-euˬ meh.


Aˬ yawꞈ-euˬ aˬ laꞈ baꞈ diˇ-eu nehˬ-ehˇ, dzuˇ zaꞈ luꞈ-eu tsawˇ haˬ deuˬ yaw kawˇ-ehˇ tuˇ laˇ-awˇ, meuˬ-ahˇ cehˆ uˇ gʼeh-awˇ deuˆ geuꞈ-euˬ meh. Aˬ yawꞈ maꞈ meuˬ kʼoeˇ meuˬ-ahˇ yaw kawˇ-ehˇ miˬ dzaˬ dzah puiˆ-euˬ meh.


Yawˇshuˆ-euˬ yehˇ deuˬ-ahˇ Aˬiˇ sahˬ paˬ mawˇ ngeh, yaw kawˇ-ehˇ lehˬ hmˬ-euˬ meh. Aˬ yawꞈ hawˇ-eu aˬ yawꞈ-euˬ tsawˇ haˬ dawˬ tawˆ luꞈ, Iˇsaˬleˬlaˆ tsawˇ haˬ deuˬ-ahˇ aˬ yawꞈ maꞈ yaw beh poˆ guiˇ deuˆ-euˬ jawˇ duˬ pyeuꞈ-eu Yawˇdaˬ deh kʼawꞈ-ahˇ oe ka-euˬ meh. Naˇ kʼah paw neh aˬ yawꞈ maꞈ-ahˇ deuˆ le tehꞈ-a lehˇ aˬ yawꞈ maꞈ maˬ siˬ nya-a.


Tsawˇ haˬ ngaˬ heˇ gʼaˬ aˬ yawꞈ tseˇ doˆ-awˇ, meuˬ-euˬ nahˇ ma doˆ kʼehˬ paw, Aˬiˇ meuˬ hawˇ-eu Beˬdeˬlaˇ meuˬ yaw kaˬ-ahˇ bi dzuˇ zaꞈ-euˬ meh.


Kʼoeˇ naˇ, Yawˇshuˆ aˬ yawꞈ maꞈ-ahˇ pyehˬ gʼeh ngeh, Aˬiˇ meuˬ-euˬ nahˇ ma doˆ kʼehˬ paw aˬ yawꞈ maꞈ le-awˇ, Aˬiˇ meuˬ hawˇ-eu Beˬdeˬlaˇ meuˬ yaw kaˬ-ahˇ dzuˇ zaꞈ leˇ-euˬ meh.


Kʼoeˇ ngeh, naw maꞈ dzuˇ zaꞈ taˬ-euˬ gaˇ neh doˆ laˇ-awˇ, meuˬ kʼoeˇ meuˬ-ahˇ deuˆ gʼaˬ-awˬ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ naw maꞈ-ahˇ meuˬ kʼoeˇ meuˬ biꞈ laꞈ tehꞈ-a.


Ehˇ kʼawꞈ, Sahˬpaˬ Miˬyehˇ ngaˬ-ahˇ ehˇ-eu, ‘Aˬ yawꞈ-ahˇ taˬ guˆ. Aˬ yawꞈ hawˇ-eu aˬ yawꞈ-euˬ tsawˇ haˬ deuˬ maˬ ehˇ, aˬ yawꞈ-euˬ miˇ kʼahˬ dawˬ tawˆ luꞈ maꞈ ehˇ, nawˬ-ahˇ ngaˇ biꞈ ma. Heˬshaˬboˬ meuˬ-ahˇ jawˇ-eu Aˬmawˇliˆ sahˬ paˬ Siˇhoˬ-ahˇ jahˇ nehˬ-euˬ loꞈ-ehˇ, aˬ yawꞈ-ahˇ kʼawꞈ jahˇ nehˬ-awˬ’ lehˇ ehˇ-eu meh.


Kʼoeˇ naˇ, Yawˇshuˆ-aˬ, aˬ yawꞈ-euˬ yehˇ dawˬ tawˆ luꞈ nehˬ-ehˇ Aˬiˇ meuˬ-ahˇ le-eu lehˇ lehˬ hmˬ dah-euˬ meh. Nya dui dui-eu yehˇ smˬ muiˇ gʼaˬ aˬ yawꞈ tseˇ doˆ-awˇ, uˬ ciꞈ paw meuˬ kʼoeˇ meuˬ-ahˇ pyehˬ gʼeh-euˬ meh.


Meuˬ kʼoeˇ meuˬ-ahˇ naw maꞈ deuˆ gʼaˬ ngeh, Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ miˬ dzaˬ dzah puiˆ nehˬ-awˬ. Naw maꞈ kʼoeˇ loꞈ-ehˇ mˇ-eu gʼaˇ duˬ, ngaˇ naw maꞈ-ahˇ dawˬ biꞈ-eu ma” lehˇ ehˇ nehˬ-euˬ meh.


Jeˬ zaˬ deuˬ teh geuꞈ-awˇ, meuˬ kʼoeˇ deuˬ laꞈ kʼoeˇ kʼaˇ jaˆ-eu myawˬ gahˬ deuˬ yuˇ geuꞈ jiˇ-euˬ ma.


Ehˇ kʼawꞈ, Yeˬliˇkoˇ meuˬ hawˇ-eu Aˬiˇ meuˬ-ahˇ Yawˇshuˆ neh jahˇ nehˬ-euˬ gaˇ kawˆ-ahˇ, Hiˇbiˇ tsawˇ jeuˬ pyeuꞈ-eu Giˇbyoˬ meuˬ-ahˇ jawˇ-eu tsawˇ haˬ deuˬ ya gaˬ ngeh,


Meuˬ heu deuˬ laꞈ kʼoeˇ jaˆ-eu myawˬ deuˬ hawˇ-eu jeˬ zaˬ deuˬ-ahˇ, Iˇsaˬleˬlaˆ tsawˇ haˬ deuˬ yawˬ ha gʼaˇ duˬ yuˇ geuꞈ-euˬ meh. Ehˇ kʼawꞈ, tsawˇ haˬ tiˬ gʼaˬ-iˬ maˬ bi dzeuˇ-iˇ ni aˬ yawꞈ maꞈ sehꞈ jiˇ-euˬ meh.


Swiv nou:

Piblisite


Piblisite