Yawˇshuˆ 7:9 - Akha

⁹ Kaˬnaˬ tsawˇ jeuˬ hawˇ-eu miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ jeuˬ yawˬ jeuˬ na luꞈ gaˇ kawˆ heu ya gaˬ tehꞈ-a. Aˬ yawꞈ maꞈ nga maꞈ-ahˇ jawˬ lahˇ-awˇ, nga maꞈ yawˬ gʼaˬ na luꞈ-ahˇ sehꞈ tehꞈ-a. Kʼoeˇ ngeh, nawˬ-euˬ tsawˇ myahˇ maˬ ya cawˆ-iˇ ni nawˇ aˬ joˆ-ehˇ jahˇ nmˇ.”

Yawˇshuˆ 7:9 Referans Kwoze

Doˆ-iˇ 32:12

Nawˇ-aˬ, nawˬ-euˬ tsawˇ haˬ deuˬ-ahˇ, gawˬ jawˬ gawˬ duˇ kʼoeˇ taˆ sehꞈ dzeh jiˇ-awˇ, laˆ piˬ laˆ byoˆ jiˇ mawꞈ-eu miˇ neh, Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh-euˬ nga lehˇ Iˇjiˇtuˆ tsawˇ haˬ deuˬ bi ehˇ-eu loˇ. Nui ma pehˇ-eu taˬ leˇ-awˬ. Luˬ-iˇ seˇ-iˇ-eu heu nawˬ-euˬ tsawˇ haˬ deuˬ kʼoeˇ taˆ maˬ ya bi keuˆ le ni, nawˬ-euˬ nui ma noeˬ paˇ-awˬ.

Jaceuq 83:4

“Iˇsaˬleˬlaˆ tsawˇ myahˇ byoˆ-iˇ ni, miˇ kʼahˬ laˆ cawˆ nehˬ kaˇ-euˇ” lehˇ, aˬ yawꞈ maꞈ bawˬ luꞈ meh.

Yoˇhaˬ 12:28

Aˬ da-oˇ, nawˬ-euˬ yaw shehꞈ kʼahˬ sehˇ bi mawˇ-awˬ.” Kʼoeˇ ngeh, mˬ kʼoeˇ taˆ dawˬ ngehˬ-awˇ ehˇ gʼeh leꞈ-eu, “Ngaˬ-euˬ yaw shehꞈ kʼahˬ sehˇ bi mawˇ gʼaˬ-euˬ ma. Ehˇ kʼawꞈ, tiˬ poˆ paˇ bi mawˇ te siˬ.”

Yawˇlaˆ 2:17

Uˬ duˬ tahˬ nymˇ lahˇ kʼehˬ hawˇ-eu, lawˇ duˬ-euˬ yaw kaˬ-ahˇ jawˇ-awˇ, Sahˬpaˬ Miˬyehˇ-euˬ gaˇ mˇ-eu, piˇ ma kʼoeˇ deuˬ ngoeˇ-eu laꞈ kʼoeˇ heu loꞈ-ehˇ guiˬ lahˬ shaˇ nehˬ-awˬ. “Sahˬpaˬ Miˬyehˇ nawˬ-ahˇ shaˇ ma. Nawˬ-euˬ tsawˇ haˬ-ahˇ taˬ byehˇ laꞈ. Aˬ cawˬ tsawˇ jeuˬ deuˬ nga maꞈ-ahˇ, ‘Aˬ lehˬ, naw maꞈ-euˬ Miˬyehˇ’ lehˇ, cehꞈ lehꞈ ka-awˇ ja bu laˇ gaˇ, taˬ bi daˬ nehˬ laꞈ” lehˇ shaˇ-awˬ.

Yeˬsaˬgeˬlaˇ 20:9

Ehˇ kʼawꞈ, ngaˬ-euˬ tsawˇ myahˇ cawˆ-iˇ gaˇ yahˇ-eu miˇ neh, aˬ yawꞈ maꞈ-ahˇ ngaˇ kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-eu lehˇ gʼeh-eu gaˇ kawˆ, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ myaˆ ni gʼeh-eu mehˬ shi, aˬ yawꞈ maꞈ-ahˇ ngaˬ neh ehˇ gaˬ taˬ-euˬ jaˆ-eu ma.

Dawˬmehˬ 9:28

Kʼoeˇ loꞈ-ehˇ maˬ ngeuˇ naˇ, nawˬ-euˬ tsawˇ haˬ deuˬ-ahˇ, nawˬ neh saˇ jaˇ dzaˬ taˬ-euˬ miˇ kʼahˬ-ahˇ nawˇ maˬ sheuˬ uˇ gʼeh nehˬ nya nga lehˇ, Iˇjiˇtuˆ tsawˇ haˬ deuˬ ehˇ tehꞈ-a. Nawˬ-euˬ tsawˇ haˬ deuˬ-ahˇ nawˇ bye-eu miˇ neh, bawˇ tsahˬ bawˇ dahˇ-ahˇ sheuˬ gʼeh-awˇ sehꞈ-euˬ ngaˇ lehˇ, aˬ yawꞈ maꞈ ehˇ tehꞈ-a.

Bawˇtsahˬ 14:13

Sahˬpaˬ Miˬyehˇ-ahˇ Moˇseˬ ehˇ nehˬ-eu, “Nawˬ-euˬ baoˬ-ahˇ gʼoe-awˇ, tsawˇ haˬ heu deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ laꞈ-euˬ meh. Nawˬ-euˬ tsawˇ haˬ deuˬ-ahˇ nawˬ neh mˇ nehˬ-euˬ gaˇ kawˆ Iˇjiˇtuˆ tsawˇ haˬ deuˬ ya gaˬ ngeh,

Yawˇshuˆ 7:8

Sahˬpaˬ Miˬyehˇ-oˇ, muiˇ-eu deuˬ neh Iˇsaˬleˬlaˆ tsawˇ haˬ deuˬ-ahˇ bi teh gʼoꞈ leꞈ-euˬ-aˬ, ngaˇ aˬ jeˬ paˇ ehˇ nya nmˇ.

Yawˇshuˆ 7:10

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Tuˇ-awˬ. Aˬ jeˬ miˇ neh teu loꞈ-ehˇ miˇ tsa joe yuꞈ te.

1 Saˬmeuˬlaˆ 12:22

Sahˬpaˬ Miˬyehˇ-aˬ, naꞈ dui dui-eu saˇ jaˇ dzaˬ taˬ-awˇ, naw maꞈ-ahˇ aˬ yawꞈ-euˬ tsawˇ jeuˬ bi pyeuꞈ laˇ ma lehˇ noeˬ tsehˆ taˬ-euˬ miˇ neh, naw maꞈ-ahˇ maˬ byehˇ dzeh nehˬ laꞈ-a.

Jaceuq 48:10

Miˇ tsaˬ zaˬ dawˬ tawˆ luꞈ nawˬ-ahˇ ja ceuˬ-awˇ, mˬ dzeˇ miˇ dzeˇ keuˆ ni nawˇ tsawˇ myahˇ doˆ-eu meh. Nawˇ yaw tsaˬ yaw dawˇ laꞈ kʼoeˇ uˆ lahˇ-eu meh.

Jaceuq 79:9

Nga maꞈ-ahˇ ka kʼoꞈ-eu gʼaˬ pyeuꞈ-eu Miˬyehˇ-oˇ, nga maꞈ-ahˇ caw ba nehˬ laꞈ. Nawˬ-euˬ myaˆ pyawˬ naˇ mehˇ gʼaˇ duˬ nga maꞈ-ahˇ ka kʼoꞈ-awˇ, iˬ baˇ pyehˬ nehˬ laꞈ.

Jaceuq 83:5

Aˬ yawꞈ maꞈ nui ma tiˬ gaˇ taꞈ-awˇ, nawˬ-ahˇ deuˆ-eu gʼaˇ duˬ gm leˇ-euˬ meh.

Jaceuq 115:1

Sahˬpaˬ Miˬyehˇ-oˇ, nawˇ tiˬ gʼaˬ-ahˇ tehꞈ-ehˇ, nga maꞈ-ahˇ maˬ ngeuˇ, nawˬ-ahˇ tehꞈ-ehˇ, baoˬ yaw shehꞈ kʼahˬ sehˇ oꞈ-eu meh. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ baˬ da neh, nawˬ-ahˇ tehꞈ-ehˇ oꞈ-eu meh.

Miˇkaˬ 7:10

Aˬ dui-ahˇ Sahˬpaˬ Miˬyehˇ ka kʼoꞈ nehˬ laꞈ gaˇ ya mawˇ ngeh, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ kʼoeˇ gʼaˬ aˬ lehˬ” lehˇ ehˇ ehˇ-ehˇ naˬ gʼa-eu aˬ dui-ahˇ muiˇ-eu tsawˇ haˬ kʼoeˇ deuˬ, ya shaꞈ dawˇ tehꞈ-a. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, gaˇ ma-ahˇ jaˆ-eu shaˬ jehˆ loꞈ-ehˇ bi nawˬ pyehˆ gaˇ aˬ dui ya mawˇ tehꞈ-a.