Yawˇshuˆ 7:7 - Akha

⁷ Yawˇshuˆ Sahˬpaˬ Miˬyehˇ-ahˇ ehˇ-eu, “Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, aˬ jeˬ miˇ neh nawˇ nga maꞈ-ahˇ Yawˇdaˬ lawˇ baˬ sheuˬ tsehˆ nehˬ laꞈ teˬ. Aˬmawˇliˆ tsawˇ haˬ deuˬ-euˬ aˬ laꞈ laꞈ kʼoeˇ nga maꞈ-ahˇ a nehˬ-eu lehˇ gʼeh te loˇ. Nga maꞈ-ahˇ laˆ luˬ laˆ seˇ-eu lehˇ gʼeh te loˇ. Aˬ jeˬ miˇ neh Yawˇ daˬ lawˇ baˬ kʼoeˇ paw baˬ-ahˇ nga maꞈ-ahˇ maˬ bi jawˇ laꞈ teˬ.

Yawˇshuˆ 7:7 Referans Kwoze

HeˬByehˇ 12:5

Miˬyehˇ naw maꞈ-ahˇ aˬ yawꞈ-euˬ zaˬ deuˬ loꞈ-ehˇ sawˇ-awˇ gʼaˬ biꞈ-euˬ dawˬ-ahˇ naw maꞈ ngehˇ-euˬ te loˇ. “Ngaˬli nawˇ dehꞈ lehˬ-euˬ miˇ neh, Sahˬpaˬ Miˬyehˇ mehˬ ngeh tsoˆ ngeh, yaw muiˬ paˬ-ehˇ naˇ haˬ geuꞈ-awˬ. Aˬ yawꞈ nawˬ-ahˇ zuiˆ-awˇ mehˬ ngeh, nui ma taˬ baˬ, nui ma taˬcawˆ.

2 Sahˬpaˬ 3:10

Kʼoeˇ ngeh jawˇ, “Aˬ dui sahˬ paˬ smˇ gʼaˬ-ahˇ Sahˬpaˬ Miˬyehˇ kuˇ dzoeˇ-awˇ, Mawˇbaˆ sahˬ paˬ-euˬ aˬ laꞈ laꞈ kʼoeˇ a nehˬ-eu lehˇ gʼeh-eu ngaˇ” lehˇ, Iˇsaˬleˬlaˆ sahˬ paˬ ehˇ-eu meh.

Maꞈtehˬ 17:20

Yeˬsuˇ ehˇ-eu, “Naw maꞈ jah-eu maˬ loꞈ-eu miˇ neh meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Naw maꞈ jah-eu jeˬ gʼawˬ paꞈ aˇ nuiˆ hui ni ahˇ naˇ, gawˬ jawˬ heu jawˬ-ahˇ kʼoeˇ paw dzeˇ jiˆ-iˇ-awˬ lehˇ ehˇ nehˬ ngeh, jiˆ-iˇ tehꞈ-a. Naw maꞈ maˬ jahˇ nya-eu tiˬ jeˬ-iˬ maˬ baw-aˇ.”

Maꞈtehˬ 17:17

Yeˬsuˇ ehˇ-eu, “Jah-eu nui ma maˬ ahˇ-eu naˬ lehˬ lehˬ-eu ziˇ heu ziˇ-ahˇ dehꞈ luꞈ-eu tsawˇ haˬ deuˬ-oˇ, naw maꞈ nehˬ-ehˇ aˇ myah keuˆ ni ngaˇ pa ya jawˇ ta. Aˇ myah keuˆ ni paˇ ya oˇ ta. Aˬ li kʼoeˇ li-ahˇ heu gaˇ sheuˬ laꞈ-awˬ.”

Jaceuq 116:11

Tsawˇ haˬ tiˬ gʼaˬ-ahˇ-iˬ maˬ jah coeˇ luꞈ-a lehˇ ngaˇ guˆ-awˇ ehˇ luꞈ kʼawꞈ jah-eu gʼaˬ byehˆ maˬ byehˆ.

Bawˇtsahˬ 14:3

Aˬ jeˬ miˇ neh miˇ kʼahˬ kʼoeˇ kʼahˬ-ahˇ Sahˬpaˬ Miˬyehˇ aˬ dui maꞈ-ahˇ sheuˬ gʼeh ta. Guiˇ deuˆ-eu laꞈ kʼoeˇ aˬ dui maꞈ-ahˇ aˬ cawˬ neh bi deuˆ sehꞈ-awˇ, aˬ dui maꞈ-euˬ miˬ sawˇ zaˬ deuˬ-ahˇ aˬ cawˬ nyehꞈ gʼeh tehꞈ-a.”

Doˆ-iˇ 17:3

Ehˇ kʼawꞈ, tsawˇ haˬ kʼoeˇ deuˬ iˇ cuꞈ mehꞈ-eu miˇ neh, Moˇseˬ-ahˇ iˬ baˇ taˬ-eu maˬ tsehˆ leˇ-a. “Aˬ jeˬ miˇ neh nga maꞈ-ahˇ nawˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ laꞈ teˬ. Nga maꞈ hawˇ-eu nga maꞈ-euˬ zaˬ deuˬ maˬ ehˇ, nga maꞈ-euˬ jeˬ zaˬ deuˬ maˬ ehˇ, bi shiˇ jiˇ-eu lehˇ sheuˬ doˆ laꞈ teˬ loˇ” lehˇ aˬ yawꞈ maꞈ ehˇ-euˬ meh.

Doˆ-iˇ 16:3

Iˇsaˬleˬlaˆ tsawˇ haˬ deuˬ aˬ yawꞈ nyaꞈ-ahˇ ehˇ nehˬ-eu, “Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ nga maꞈ-ahˇ bi shiˇ laꞈ law nmˇ-aˬ, muiˬ dzehˬ tehꞈ-a. Nga maꞈ kʼoeˇ gaˇ jawˇ ngeh, saˇ suˬ ni nuiˇ-awˇ hawˬ ya dzaˬ-euˬ ma. Shaˬ jiˇ hawˇ-eu nui jeˬ nui jeˇ kʼawꞈ, yawˬ ha kʼaˇ dzaˬ mawꞈ-eu loꞈ-ehˇ dzaˬ-euˬ ma. Ehˇ kʼawꞈ, naw nyaꞈ-aˬ, nga maꞈ bi mehꞈ sehꞈ jiˇ-eu lehˇ bawˇ tsahˬ bawˇ dahˇ laꞈ kʼoeˇ sheuˬ ahˇ laꞈ-euˬ ngaˇ.”

Bawˇtsahˬ 14:16

Nawˬ-euˬ tsawˇ haˬ deuˬ-ahˇ biꞈ ma lehˇ nawˬ neh saˇ jaˇ dzaˬ taˬ-euˬ miˇ kʼahˬ-ahˇ, aˬ yawꞈ maꞈ-ahˇ nawˇ maˬ sheuˬ keuˆ gʼeh nya-eu baˬ da neh, bawˇ tsahˬ bawˇ dahˇ laꞈ kʼoeˇ nawˬ-euˬ tsawˇ haˬ deuˬ-ahˇ nawˇ sehꞈ-euˬ ngaˇ lehˇ ehˇ tehꞈ-a.

Yawˇshuˆ 7:6

Yawˇshuˆ hawˇ-eu Iˇsaˬleˬlaˆ tsawˇ haˬ aˬ yuiꞈ aˬ tsu deuˬ noeˬ shaˬ dui dui-eu laꞈ kʼoeˇ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ shi miˇ tsa ga lah-awˇ, uˬ ciꞈ uˬ taw paw keuˆ ni uˬ duˬ-ahˇ kʼaˬ lehˇ tawˆ daˆ-awˇ ga-euˬ meh.

Yawˇshuˆ 7:8

Sahˬpaˬ Miˬyehˇ-oˇ, muiˇ-eu deuˬ neh Iˇsaˬleˬlaˆ tsawˇ haˬ deuˬ-ahˇ bi teh gʼoꞈ leꞈ-euˬ-aˬ, ngaˇ aˬ jeˬ paˇ ehˇ nya nmˇ.

1 Saˬmeuˬlaˆ 4:3

Maˬ shiˇ-ehˇ dzeˇ-eu deuˬ taˆ-ahˇ gʼoꞈ keuˆ laˇ ngeh, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ ehˇ-eu, “Iˬ nah aˬ jeˬ miˇ neh Sahˬpaˬ Miˬyehˇ Piˇliˇtiˆ tsawˇ haˬ deuˬ neh aˬ dui maꞈ-ahˇ bi deuˆ gʼaˬ-euˬ maˬ siˬ ngaˇ. Sahˬpaˬ Miˬyehˇ aˬ dui nehˬ-ehˇ iˇ-awˇ, aˬ dui-ahˇ muiˇ-eu deuˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nehˬ laꞈ ni, Shiˇloˬ meuˬ-ahˇ jaˆ-eu aˬ yawꞈ-euˬ Dawˬ ma saˇ jaˇ Bahˬ keuˆ baꞈ laˬ leˇ kaˇ-euˇ.”