Yawˇshuˆ 7:5 - Akha

⁵ Aˬiˇ meuˬ-ahˇ jawˇ-eu tsawˇ haˬ deuˬ, meuˬ meuˬ lahˇ laˇ gʼoˆ-ahˇ neh Sheˬbaˬlmˬ lehˇ kuˇ-eu jawˇ duˬ-ahˇ keuˆ ni aˬ yawꞈ maꞈ-ahˇ teh-awˇ, gawˬ duˇ baˬ gʼa-ahˇ Iˇsaˬleˬlaˆ tsawˇ haˬ smˬ tseˇ koꞈ gʼaˬ bi sehꞈ-euˬ meh. Kʼoeˇ naˇ, Iˇsaˬleˬlaˆ tsawˇ haˬ deuˬ nui ma baˬ laˇ-awˇ guˆ-euˬ meh.

Yawˇshuˆ 7:5 Referans Kwoze

Yawˇshuˆ 2:11

Gaˇ kawˆ kʼoeˇ ya gaˬ-euˬ nehˬ-ehˇ nga maꞈ guˆ guˆ-ehˇ jawˇ-euˬ ma. Naw maꞈ baˬ da neh nga maꞈ nui ma gʼaˬ baˬ dui dui luꞈ-eu ma. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ kʼoeˇ taˆ maˬ ehˇ, miˇ tsaˬ kʼoeˇ taˆ maˬ ehˇ, uˆ lahˇ-eu Miˬyehˇ pyeuꞈ-eu meh.

Yawˇshuˆ 2:9

aˬ yawꞈ nyaꞈ-ahˇ heu loꞈ-ehˇ ehˇ nehˬ-euˬ meh. “Miˇ kʼahˬ heu kʼahˬ Sahˬpaˬ Miˬyehˇ neh naw maꞈ-ahˇ biꞈ gʼaˬ-euˬ meh lehˇ ngaˇ siˬ nya ma. Miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ naw maꞈ-ahˇ guˆ dui dui meh.

Uˬ duˬ 26:36

“Aˬ cawˬ-euˬ miˇ kʼahˬ-ahˇ bi nyehꞈ gʼeh-euˬ naw maꞈ-euˬ tsawˇ haˬ deuˬ, aˇ paꞈ-ahˇ jaˬ lehˇ baw shawˆ-eu teˇ saˇ-ahˇ keuˆni, cehˆ byoˆ paˬ-ehˇ guˆ-eu nui ma ahˇ ni ngaˇ jahˇ nehˬ ma. Guiˇ deuˆ luꞈ ngeh aˬ cawˬ neh bi teh-euˬ loꞈ-ehˇ aˬ yawꞈ maꞈ cehˆ-awˇ, muiˇ-eu tsawˇ haˬ deuˬ aˬ yawꞈ maꞈ-euˬ dawˬ peh maˬ jawˇ kʼawꞈ, coˬ lah gaˇ keuˆ ni guˆ-iˇ tehꞈ-a.

Naˬhmˬ 2:10

Niˇnaˬbeˬ meuˬ laˆ cawˆ jiˇ-awˇ, geuꞈ-eu tiˬ pawꞈ-iˬ maˬ ahˇ-a. Nui ma ga ka byoˆ taˬ jiˇ-awˇ, pawˬ tsuiꞈ yaw dzuˬ dzuˬ jiˇ-euˬ meh. Gʼaˬ tiˬ pawꞈ-iˬ maˬ paˇ ahˇ-ehˇ, myaˆ pyawˬ-ahˇ shiˬ maˬ paˇ dahˬ meh.

Yeˬsaˬgeˬlaˇ 21:7

Aˬ jeˬ miˇ neh teu loꞈ-ehˇ mahˇ te lehˇ aˬ yawꞈ maꞈ nawˬ-ahˇ naˇ haˬ laˇ naˇ, gaˇ kawˆ gaˬ le-eu maˬ muiˬ-eu miˇ neh mahˇ-eu ma lehˇ ehˇ nehˬ-awˬ. Aˇ yamˬ kʼoeˇ keuˆ le ngeh, nui ma ga ka jiˇ-awˇ, aˬ laꞈ laꞈ shiˇ shiˇ jiˇ-eu uˬ taꞈ, nui ma cawˆ dui dui-awˇ pawˬ tsuiꞈ gʼaˬ maˬ ahˇ ni pyeuꞈ-iˇ tehꞈ-a. Aˇ yamˬ kʼoeˇ keuˆ le luꞈ meh. Aˬ diˇ aˬ maˇ keuˆ le meh lehˇ ehˇ nehˬ-awˬ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh,

Iˇsaˬyaˇ 13:7

Kʼoeˇ miˇ neh tsawˇ haˬ dawˬ tawˆ luꞈ laꞈ shiˇ shiˇ-awˇ, nui ma ga ka jiˇ tehꞈ-a.

Jaceuq 22:14

Iˇcuꞈtahˬkʼaˇdzeh-eu loꞈ-ehˇ, ngaˬ-euˬ gʼaˬ iˇdzeh jiˇmiˇ-a. Yoeˬtsuiꞈyoeˬlaꞈ puiˇ-iˇ jiˇ-awˇ, Nui ma byaˬshahˬguiˇ-iˇmiˇ-a.

Yawˇshuˆ 5:1

Iˇsaˬleˬlaˆ tsawˇ haˬ deuˬ lawˇ baˬ tsehˆ doˆ gʼaˬ ngeh keuˆ ni, Yawˇdaˬ lawˇ baˬ-ahˇ Sahˬpaˬ Miˬyehˇ bi gui-iˇ-euˬ gaˇ kawˆ, Yawˇdaˬ lawˇ baˬ nahˇ ma ga kʼehˬ paw kʼaˇ jawˇ-eu Aˬmawˇliˆ sahˬ paˬ dawˬ tawˆ luꞈ hawˇ-eu Gʼahˇ ceh-euˬ Iˬ ma laˆ shaˆ caw caw-ehˇ jawˇ-eu Kaˬnaˬ sahˬ paˬ dawˬ tawˆ luꞈ ya gaˬ-euˬ meh. Iˇsaˬleˬlaˆ tsawˇ haˬ deuˬ baˬ da neh, aˬ yawꞈ maꞈ guˆ laˇ-awˇ, nui ma gʼaˬ baˬ dui dui laˇ taˬ-euˬ meh.

Dawˬmehˬ 1:44

Kʼoeˇ ngeh, gawˬ jawˬ gawˬ duˇ-ahˇ jawˇ-eu Aˬmoˬ tsawˇ haˬ deuˬ naw maꞈ-ahˇ guiˇ deuˆ le-eu lehˇ, byaˬ byaˬ maꞈ loꞈ-ehˇ yoeˇ gʼeh leꞈ-euˬ meh. Hawˇ maˬ meuˬ-ahˇ keuˆ ni naw maꞈ-ahˇ aˬ yawꞈ maꞈ teh-awˇ, Eˬdoˬ miˇ kʼahˬ gawˬ jawˬ gawˬ duˇ-ahˇ, naw maꞈ-ahˇ guiˇ deuˆ gʼaˬ-euˬ meh.

Jaceuq 58:7

Iˇ cuꞈ dzeˇ byoˆ-eu loꞈ-ehˇ aˬ yawꞈ maꞈ byoˆ-iˇ luꞈ-uˇ. Gaˇ ma-ahˇ dehꞈ-eu yaˇ moꞈ loꞈ-ehˇ, aˬ cawˬ neh bi nawˬ pyehˆ luꞈ-uˇ.