Yawˇshuˆ 7:24 - Akha

²⁴ Yawˇshuˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ, Aˬkaˬ-ahˇ maˬ ehˇ, Aˬkaˬ-euˬ aˬ buˇ aˬ li deuˬ-ahˇ maˬ ehˇ, aˬ yawꞈ-euˬ mawˇ neˇ, mahˬ tahˬ laˆ hawˇ-eu yawˇ deuˬ-ahˇ maˬ ehˇ, aˬ yawꞈ-euˬ sehˬ gʼawˆ hawˇ-eu aˬ yawꞈ kʼaˇ jaˆ-eu yawˬ jeˬ na luꞈ-ahˇ maˬ ehˇ, nyehꞈ jiˇ yuˇ jiˇ-awˇ, Shaˬ zahˬ Deh kʼawꞈ lehˇ kuˇ-eu tsahˇ-ahˇ yuˇ gʼeh-euˬ meh.

Yawˇshuˆ 7:24 Referans Kwoze

Dawqdaq 15:27

Myawꞈ dzaˬ shuiˇ dzaˬ-eu deuˬ yaw ha nymˇ jiˇ laˆ shaˬ-awˇ, laꞈ nmˬ maˬ yuˇ-eu deuˬ ziˇ baw-eu meh.

Hawˇseˬ 2:15

Aˬ yawꞈ-euˬ aˬ gaꞈ yaˇ kmˇ deuˬ, aˬ yawꞈ-ahˇ ngaˇ paˇ biꞈ kʼoꞈ-awˇ, shaˬ zahˬ deh kʼawꞈ kuˇ-euˬ kʼoeˇ tsahˇ, noeˬ tmˬ duˬ laˇ gʼoˆ bi pyeuꞈ ma. Aˇ hu aˬ yawꞈ miˬ daꞈ geuꞈ-awˇ, Iˇjiˇtuˆ miˇ kʼahˬ laꞈ kʼoeˇ neh, doˆ laˇ ngeh ngehˬ cawˬ-euˬ loꞈ-ehˇ, ngaˬ-ahˇ ngehˬ cawˬ poˆ laˇ tehꞈ-a.

Iˇsaˬyaˇ 65:10

Aˬ yawꞈ maꞈ ngaˬ-ahˇ uˬ duˬ tahˬ-eu laꞈ kʼoeˇ, nahˇ ma ga kʼehˬ paw Shaˬloˬ deh ga-ahˇ maˬ ehˇ, nahˇ ma doˆ kʼehˬ paw Shaˬ zahˬ deh kʼawꞈ-ahˇ maˬ ehˇ, aˬ yawꞈ maꞈ-euˬ yawˇ hawˇ-eu mawˇ neˇ deuˬ ya bo tehꞈ-a.

Yawˇshuˆ 15:7

Kʼoeˇ naˇ, Shaˬ zahˬ deh kʼawꞈ paw le pyawˇ-awˇ, deh kʼawꞈ-euˬ laꞈ oˆ paw paˆ jaˆ-eu Aˬduˬmiˬ gʼaˬ lahˇ paw mehˬ shiˬ pyawˇ-ehˇ,Giˇlaˇgaˬlaˇ paw paˆ le daˆ gʼeh leꞈ-awˇ, Eˬsheˬ mehˇ lawˇ kʼawꞈ-ahˇ neh Eˬloˇgeˬ-ahˇ le leꞈ-euˬ meh.

Yawˇshuˆ 7:26

Aˬ yawꞈ-euˬ kʼoeˇ taˆ kʼaˬ lo lo bymˇ bymˇ ma baꞈ bymˇ-awˇ, iˬ nah keuˆ ni kʼoeˇ loꞈ-ehˇ jaˆ luꞈ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ, Shaˬ zahˬ Deh kʼawꞈ lehˇ kuˇ-eu meh. Kʼoeˇ naˇ, Sahˬpaˬ Miˬyehˇ nui ma pehˇ-eu taˬ leˇ-euˬ meh.

Doˆ-iˇ 20:5

Tahˬ pahˬ aˬ ma mawˇ kawˇ mehˬ shi nawˇ maˬ ya awˆ byaˆ-a. Uˬ duˬ maˬ ya tahˬ-a. Aˬ jeˬ miˇ neh ehˇ naˇ, ngaˇ-aˬ, naw maꞈ-euˬ Miˬyehˇ, Sahˬpaˬ Miˬyehˇ pyeuꞈ-awˇ, myaˆ naˆ-eu Miˬyehˇ tiˬ gʼaˬ pyeuꞈ-eu ma. Ngaˬ-ahˇ bye-eu tsawˇ haˬ deuˬ-ahˇ ngaˇ kʼehˬ nehˬ-awˇ, aˬ yawꞈ maꞈ-euˬ zaˬ ziˇ oeˬ ziˇ keuˆ ni ngaˇ kʼehˬ nehˬ ma.

Dawˬ tsoˆ 5:13

Nahˇ ma heu siˬ uˬ moˆ nui ma cawˆ laˇ paˬ-ehˇ gʼeh-eu tiˬ jeˬ ngaˇ paˇ ya mawˇ-euˬ ma. Tsawˇ haˬ zaˬ deuˬ maˬ dzaˬ maˬ dawˇ peuˬ ni aˬ kaˇ gʼaˇ duˬ pyuˇ jeˬ hmˬ taˬ-eu meh.

Yawˇbaˆ 20:15

Haiˬ-eu tsawˇ haˬ-aˬ, yawˬ ha neh kʼoeˬ uiˬ taˬ-euˬ pyuˇ shuiˇ myawˬ gahˬ deuˬ-ahˇ uˬ pehꞈ ya pehꞈ doˆ meh. Uˬ maˆ laꞈ kʼoeˇ ahˇ kʼawꞈ Miˬyehˇ yuˇ doˆ kʼoꞈ tehꞈ-a.

Yawˇshuˆ 7:1

Yeˬliˇkoˇ meuˬ-ahˇ kʼaˇ jaˆ-eu, ya laˆ luˬ ya laˆ seˇ nehˬ-eu mˇ myawˬ aˬ geu jeˬ maˬ kaˬ, maˬ ya yuˇ geuꞈ-a lehˇ Sahˬpaˬ Miˬyehˇ neh dawˬ biꞈ taˬ-euˬ gaˇ maˬ naˇ haˬ geuꞈ-eu iˬ baˇ, Iˇsaˬleˬlaˆ tsawˇ haˬ deuˬ laꞈ kʼoeˇ jaˆ laˇ-euˬ meh. Aˬkaˬ lehˇ myahˇ-euˬ tsawˇ haˬ tiˬ gʼaˬ dawˬ kʼoeˇ dawˬ-ahˇ maˬ naˇ haˬ geuꞈ-euˬ baˬ da neh, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ nui ma pehˇ laˇ-euˬ meh. Aˬkaˬ-aˬ, Kaˬmiˬ-euˬ aˬ li pyeuꞈ-awˇ, Zaˬbaˬdiˇ-euˬ oeˬ paˬ pyeuꞈ-eu meh. Aˬ yawꞈ-aˬ, Yuˇdaˆ tsawˇ jeuˬ Zeˬlahˬ aˇ jeuˬ meh.

Yawˇshuˆ 6:21

Meuˬ-ahˇ kʼaˇ jawˇ-eu kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, zaˬ guˬ maˬ ehˇ, tsawˇ kʼaˆ maˬ ehˇ, yawˬ gʼaˬ na luꞈ-ahˇ mi cehˇ neh aˬ yawꞈ maꞈ sehꞈ-euˬ meh. Mawˇ neˇ, yawˇ hawˇ-eu ciꞈ myehꞈ deuˬ-ahˇ kʼawꞈ aˬ yawꞈ maꞈ sehꞈ-euˬ meh.

Yawˇshuˆ 6:18

Ya laˆ luˬ ya laˆ seˇ nehˬ-eu mˇ myawˬ kʼoeˇ deuˬ tiˬ jeˬ-iˬ naw maꞈ maˬ ya yuˇ geuꞈ-a. Naw maꞈ yuˇ naˇ, shaˬ-eu zahˬ-eu jeˬ hawˇ-eu luˬ-iˇ seˇ-iˇ-eu jeˬ Iˇsaˬleˬlaˆ tsawˇ haˬ deuˬ-euˬ sehˬ gʼawˆ kʼoeˇ taˆ keuˆ le ni naw maꞈ jahˇ gaˇ duˇ-eu meh.

Aˇ dahˬ 18:25

Iˬ baˇ maˬ mˇ-eu tsawˇ haˬ deuˬ-ahˇ, iˬ baˇ mˇ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, nawˇ aˬ diˇ aˬ maˇ maˬ laˆ sehꞈ nehˬ-aˇ. Kʼoeˇ loꞈ-ehˇ maˬ jahˇ kʼmˬ-eu uˬ taꞈ, jahˇ-eu kʼawꞈ maˬ tsaˬ-aˇ. Kʼoeˇ loꞈ-ehˇ jahˇ naˇ, iˬ baˇ maˬ mˇ-eu deuˬ-ahˇ kʼawꞈ, iˬ baˇ mˇ-eu deuˬ nehˬ-ehˇ tiˬ kawˆ loꞈ-ehˇ shehˆ keuˬ-awˇ kʼehˬ nehˬ kʼaˆ nehˬ gaˇ duˇ tehꞈ-a. Heu-aˬ, maˬ jahˇ kʼmˬ-eu tiˬ jeˬ meh. Miˇ kʼahˬ dawˬ tawˆ luꞈ kʼoeˇ taˆ yaˇ kʼaˬ daˇ-eu yaw sahˇ gʼaˬ-aˬ, dawˇ coe ni mˇ-eu tsaˬ tehꞈ-a.”

Yawˇshuˆ 7:23

Aˬ yawꞈ maꞈ myawˬ kʼoeˇ deuˬ-ahˇ sehˬ gʼawˆ laꞈ kʼoeˇ neh yuˇ doˆ laꞈ-awˇ, Yawˇshuˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ jawˇ gaˇ yuˇ gʼeh-awˇ, Sahˬpaˬ Miˬyehˇ-euˬ mehˬ shi bi jaˆ-euˬ meh.

Yawˇshuˆ 22:20

Ya laˆ luˬ ya laˆ seˇ jiˇ meh lehˇ ehˇ taˬ-euˬ myawˬ deuˬ-ahˇ taꞈ leˇ-awˇ, Aˬkaˬ neh mˇ-euˬ iˬ baˇ-ahˇ shaˇ noeˬ haw sheˇ. Kʼoeˇ baˬ da neh, Iˇsaˬleˬlaˆ tsawˇ haˬ aˇ maꞈ dawˬ tawˆ luꞈ kʼehˬ-eu kʼaˆ-eu jeˬ-ahˇ ya daˬ-euˬ meh. Aˬ kaˬ-euˬ iˬ baˇ baˬ da neh, aˬ yawꞈ tiˬ gʼaˬ tehꞈ-ehˇ ya shiˇ-euˬ maˬ ngeuˇ-a.”