Yawˇshuˆ 7:22 - Akha

²² Yawˇshuˆ tsawˇ haˬ pyehˬ gʼeh-awˇ, sehˬ gʼawˆ kʼoeˇ gʼawˆ-ahˇ bi cehˆ haw-iˇ ngeh, pyuˇ kʼoeˇ-ahˇ dawˬ dah dah saˬ bi jaˆ-awˇ, ya laˆ luˬ ya laˆ seˇ meh lehˇ ehˇ taˬ-euˬ myawˬ kʼoeˇ deuˬ duˬ pahˬ taˬ-awˇ jaˆ gaˇ aˬ diˇ aˬ maˇ ya mawˇ-euˬ meh.

Yawˇshuˆ 7:22 Referans Kwoze

Yawˇshuˆ 7:21

Aˬ dui maꞈ neh guiˇ deuˆ za-euˬ myawˬ deuˬ laꞈ kʼoeˇ, Baˬbuˇloˬ miˇ kʼahˬ-ahˇ guꞈ-euˬ muiˬ dui dui-eu pehˇ kʼahˬ pehˇ mahˇ tiˬ kahˇ, pyuˇ tiˬ jawꞈ-i dzehˬ ni hawˇ-eu, smˬ kaˇ ehˇ gʼaˬ ni byah-eu shuiˇ shuiˇ kahˬ tiˬ kahˬ ngaˇ mawˇ-euˬ ma. Kʼoeˇ deuˬ-ahˇ ngaˇ geuꞈ mawꞈ dui dui-eu miˇ neh, yuˇ taˬ-awˇ bi jaˆ-euˬ ma. Pyuˇ kʼoeˇ-ahˇ dawˬ dah dah saˬ bi jaˆ-awˇ, myawˬ kʼoeˇ deuˬ-ahˇ ngaˬ-eu sehˬ gʼawˆ laꞈ kʼoeˇ duˬ pahˬ taˬ-euˬ gaˇ nawˇ ya mawˇ tehꞈ-a.”

Yawˇshuˆ 7:23

Aˬ yawꞈ maꞈ myawˬ kʼoeˇ deuˬ-ahˇ sehˬ gʼawˆ laꞈ kʼoeˇ neh yuˇ doˆ laꞈ-awˇ, Yawˇshuˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ jawˇ gaˇ yuˇ gʼeh-awˇ, Sahˬpaˬ Miˬyehˇ-euˬ mehˬ shi bi jaˆ-euˬ meh.

Dawˬmehˬ 25:19

Miˇ kʼahˬ kʼoeˇ kʼahˬ Sahˬpaˬ Miˬyehˇ nawˬ-ahˇ biꞈ nehˬ laꞈ gʼaˬ-awˇ, nawˇ jawˇ-eu jawˬ jawˬ-ehˇ jawˇ luꞈ-eu nawˬ-ahˇ muiˇ-eu deuˬ-ahˇ nawˇ guˆ kʼaˇ maˬ za ni dehꞈ ziꞈ laˇ ngeh, Aˬmaˬlehˇ tsawˇ haˬ deuˬ-ahˇ maˬ ngehˇ ni sehꞈ jiˇ nehˬ-awˬ. Tsawˇ haˬ dawˬ tawˆ luꞈ aˬ yawꞈ maꞈ-ahˇ ya ngehˇ jiˇ ni, kʼoeˇ loꞈ-ehˇ jahˇ kʼoꞈ nehˬ-awˬ. Aˬ yawꞈ maꞈ-ahˇ maˬ sehꞈ ni taˬ byehˇ.