Yawˇshuˆ 7:20 - Akha

²⁰ Aˬkaˬ ehˇ-eu, “Ngeuˇ ma. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi ngaˇ iˬ baˇ mˇ-euˬ ma. Ngaˇ heu loꞈ-ehˇ jahˇ-euˬ ma.

Yawˇshuˆ 7:20 Referans Kwoze

Jaceuq 38:18

Ngaˬ-euˬ iˬbaˇ ehˇdoˆ-eu ma. Iˬbaˇshaˬzahˬmaˬmˇcoeˇnya.

Maꞈtehˬ 27:4

Aˬ yawꞈ ehˇ-eu, “Iˬ baˇ maˬ ahˇ-eu tsawˇ haˬ-ahˇ bi sehꞈ-eu lehˇ ahˬ dzaˬ-euˬ ngaˬ-euˬ yaw lehˬ heu, iˬ baˇ huiˬ dui dui nya.” Aˬ yawꞈ maꞈ ehˇ-eu, “Gaˇ kawˆ teu nga maꞈ-ahˇ tiˬ jeˬ-iˬ maˬ taꞈ. Nawˬ-euˬ gaˇ kawˆ nawˇ tehꞈ meh.”

Yawˇbaˆ 33:27

Kʼoeˇ ngeh, tsawˇ haˬ aˇ maꞈ mehˬ shi aˬ yawꞈ heu loꞈ-ehˇ ehˇ tehꞈ-a. ‘Ngaˇ yaw tsaˬ yaw dawˇ jeˬ maˬ mˇ ni iˬ baˇ mˇ-euˬ ma. Ehˇ kʼawꞈ, Miˬyehˇ ngaˬ-ahˇ bi buˬ-iˇ laꞈ-euˬ meh.

Yawˇbaˆ 7:20

Aˬ cawˬ-ahˇ paꞈ kuˆ-ahˇ dawˆ-eu gʼaˬ-oˇ, ngaˬ-euˬ iˬ baˇ nawˬ-ahˇ coeˬ-eu nya loˇ. Aˬ jeˬ miˇ neh ngaˬ-ahˇ tsawˇ tsaˬ tsoˆ-awˇ kʼehˬ te. Ngaˇ nawˬ-ahˇ aˇ dzehˬ-ehˇ bahˬ-eu nya loˇ.

1 Saˬmeuˬlaˆ 15:30

Sawˇluˆ ehˇ-eu, “Ngaˇ mˇ lehˬ shaˇ lehˬ gʼaˬ-euˬ ma. Ehˇ kʼawꞈ, ngaˬ-euˬ tsawˇ haˬ deuˬ-euˬ aˬ yuiꞈ aˬ tsu deuˬ hawˇ-eu Iˇsaˬleˬlaˆ tsawˇ jeuˬ dawˬ tawˆ luꞈ-euˬ mehˬ shi, aˬ joˆ-ehˇ gʼeh-awˇ neh kʼawꞈ ngaˬ-ahˇ yaw zeu ui cuiˆ baw nehˬ laꞈ-awˬ. Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ uˬ duˬ tahˬ nya ni, ngaˬ nehˬ-ehˇ tiˬ poˆ gʼoꞈ leˇ nehˬ laꞈ-awˬ.”

1 Saˬmeuˬlaˆ 15:24

Sawˇluˆ ehˇ-eu, “Ngeuˇ ma. Ngaˇ iˬ baˇ mˇ gʼaˬ-euˬ ma. Sahˬpaˬ Miˬyehˇ-euˬ dawˬ hawˇ-eu nawˬ neh mehˬ nehˬ tsoˆ nehˬ laꞈ-euˬ jeˬ-ahˇ ngaˇ maˬ naˇ haˬ geuꞈ ni, mˇ lehˬ shaˇ lehˬ gʼaˬ-euˬ miˇ-a. Ngaˬ-euˬ tsawˇ haˬ deuˬ-ahˇ ngaˇ guˆ-eu miˇ neh, aˬ yawꞈ maꞈ kʼaˇ bi mˇ mawꞈ-eu loꞈ-ehˇ mˇ-euˬ ma.

Bawˇtsahˬ 22:34

Baˬlamˬ ehˇ-eu, “Ngaˇ iˬ baˇ mˇ gʼaˬ-euˬ ma. Ngaˬ-ahˇ laˆ tsoeˬ-eu lehˇ gaˇ ma-ahˇ nawˇ yawꞈ luꞈ-eu ngaˇ maˬ siˬ-aˬ. Ehˇ kʼawꞈ, ngaˇ le-eu maˬ tsaˬ-a lehˇ nawˇ noeˬ naˇ, nymˬ-mˇ ngaˇ iˇ kahˇ paw paˇ gʼoꞈ kʼoꞈ-iˇ ma.”

Doˆ-iˇ 10:16

Kʼoeˇ naˇ, sahˬ paˬ kʼoeˇ gʼaˬ Moˇseˬ hawˇ-eu Aˬloˬ-ahˇ yaw kawˇ-ehˇ bi kuˇ laˬ-iˇ-awˇ ehˇ nehˬ-eu, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ ehˇ, naw maꞈ-ahˇ maˬ ehˇ, ngaˇ mˇ lehˬ gʼaˬ-euˬ ma.

Aˇ dahˬ 42:21

Kʼoeˇ ngeh, aˬ ha mehˇ nmˇ tiˬ gʼaˬ tiˇ gʼaˬ ehˇ-eu, “Aˬ dui mehˇ nmˇ neh aˬ dui-euˬ aˬ nyiˇ kʼoeˇ gʼaˬ-ahˇ yehˬ bawˬ sehˇ lu-ehˇ jahˇ nehˬ-euˬ miˇ neh, aˬ dui mehˇ nmˇ iˬ baˇ naꞈ-eu nga. Aˬ yawꞈ noeˬ shaˬ dui dui-eu laꞈ kʼoeˇ, kʼoeˇ loꞈ-ehˇ taˬ jahˇ nehˬ laꞈ lehˇ aˬ dui-ahˇ shaˇ-euˬ kʼawꞈ, aˬ dui mehˇ nmˇ maˬ naˇ haˬ nehˬ-aˬ. Kʼoeˇ miˇ neh, aˬ dui heu loꞈ-ehˇ paˇ ya daˬ poˆ-eu nga.”

Yawˇshuˆ 7:19

Aˬkaˬ-ahˇ Yawˇshuˆ ehˇ nehˬ-eu, “Ngaˬ li-oˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi nawˬ-euˬ iˬ baˇ-ahˇ dawˇ coe ni ehˇ doˆ-awˬ. Nawˇ aˬ joˆ-ehˇ jahˇ-euˬ gaˇ kawˆ nymˬ-mˇ ngaˬ-ahˇ ehˇ nehˬ laꞈ-awˬ. Ngaˬ-euˬ mehˬ shi tiˬ jeˬ-iˬ taˬ zaꞈ taˬ.”

Yawˇshuˆ 7:21

Aˬ dui maꞈ neh guiˇ deuˆ za-euˬ myawˬ deuˬ laꞈ kʼoeˇ, Baˬbuˇloˬ miˇ kʼahˬ-ahˇ guꞈ-euˬ muiˬ dui dui-eu pehˇ kʼahˬ pehˇ mahˇ tiˬ kahˇ, pyuˇ tiˬ jawꞈ-i dzehˬ ni hawˇ-eu, smˬ kaˇ ehˇ gʼaˬ ni byah-eu shuiˇ shuiˇ kahˬ tiˬ kahˬ ngaˇ mawˇ-euˬ ma. Kʼoeˇ deuˬ-ahˇ ngaˇ geuꞈ mawꞈ dui dui-eu miˇ neh, yuˇ taˬ-awˇ bi jaˆ-euˬ ma. Pyuˇ kʼoeˇ-ahˇ dawˬ dah dah saˬ bi jaˆ-awˇ, myawˬ kʼoeˇ deuˬ-ahˇ ngaˬ-eu sehˬ gʼawˆ laꞈ kʼoeˇ duˬ pahˬ taˬ-euˬ gaˇ nawˇ ya mawˇ tehꞈ-a.”

Doˆ-iˇ 9:27

Sahˬ paˬ kʼoeˇ gʼaˬ, Moˇseˬ hawˇ-eu Aˬloˬ-ahˇ bi kuˇ laꞈ-awˇ, heu loꞈ-ehˇ ehˇ nehˬ-euˬ meh. “Heu poˆ-aˬ, ngaˇ iˬ baˇ mˇ gʼaˬ-euˬ ma. Sahˬpaˬ Miˬyehˇ-aˬ, yaw tsaˬ yaw dawˇ paw jawˇ-awˇ, ngaˇ hawˇ-eu ngaˬ-euˬ tsawˇ haˬ deuˬ-aˬ, yaw lehˬ paw jawˇ luꞈ-eu ma.

Maꞈtehˬ 26:9

Tsiˇ teu ahˬ law nmˇ-aˬ, pyuˇ gʼawˬ mya ni za tehꞈ-a. Pyuˇ kʼoeˇ yuˇ-awˇ shaˬ zaˬ zahˬ zaˬ deuˬ-ahˇ caw ba nehˬ law nmˇ-aˬ, aˇ naˆ ni gaˇ dahˇ tsoeˬ leˇnmˇ.”