Yawˇshuˆ 7:19 - Akha

¹⁹ Aˬkaˬ-ahˇ Yawˇshuˆ ehˇ nehˬ-eu, “Ngaˬ li-oˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi nawˬ-euˬ iˬ baˇ-ahˇ dawˇ coe ni ehˇ doˆ-awˬ. Nawˇ aˬ joˆ-ehˇ jahˇ-euˬ gaˇ kawˆ nymˬ-mˇ ngaˬ-ahˇ ehˇ nehˬ laꞈ-awˬ. Ngaˬ-euˬ mehˬ shi tiˬ jeˬ-iˬ taˬ zaꞈ taˬ.”

Yawˇshuˆ 7:19 Referans Kwoze

1 Saˬmeuˬlaˆ 6:5

Kʼoeˇ loꞈ-ehˇ jahˇ naˇ, naw maꞈ-ahˇ maˬ ehˇ, naw maꞈ-euˬ miˬ yehˇ deuˬ-ahˇ maˬ ehˇ, naw maꞈ-euˬ miˇ kʼahˬ-ahˇ maˬ ehˇ, aˬ yawꞈ maˬ paˇ kʼehˬ nehˬ laꞈ ni byehˇ-eu duˇ.

Yeˬlaˬmiˇ 13:16

Yaw zahˇ jeˬ maˬ bi keuˆ le mi naˆ-ehˇ, gawˬ jawˬ kʼoeˇ taˆ naw maꞈ sahˬ tiꞈ maˬ ya tiꞈ mi naˆ-ehˇ, naw maꞈ noeˬ tmˬ-euˬ yaw shehꞈ-ahˇ, aˬ yawꞈ zahˇ tsui ni maˬ bi pyeuꞈ-iˇ mi naˆ-ehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, naw maꞈ yaw zeu baw-awˬ.

Yoˇhaˬ 9:24

Dehꞈ le ngeh neh myaˆ behꞈ behꞈ-euˬ tsawˇ haˬ kʼoeˇ gʼaˬ-ahˇ aˬ yawꞈ maꞈ tiˬ poˆ paˇ kuˇ-awˇ ehˇ nehˬ-eu, “Nawˇ dawˇ coe ni ehˇ ma lehˇ Miˬyehˇ mehˬ shi kamˬ-awˬ. Nawˬ-ahˇ myaˆ nuiˆ mawˇ laˇ ni jahˇ nehˬ-euˬ kʼoeˇ gʼaˬ iˬ baˇ zaˬ meh lehˇ nga maꞈ siˬ nya ma.”

Daˬyeˬlaˇ 9:4

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ jeuˬ-euˬ iˬ baˇ ehˇ doˆ nehˬ-euˬ ma. “Sahˬpaˬ Miˬyehˇ pyeuꞈ-eu Miˬyehˇ-oˇ, nawˇ-aˬ, huiˬ dui mahˇ dui dui-eu gʼaˬ meh. Nawˬ-ahˇ nga maꞈ taˬ huiˬ taˬ mahˇ-eu ma. Nawˬ-euˬ dawˬ ma saˇ jaˇ-ahˇ nawˇ maˬ byehˇ dzeh ni, nawˬ-ahˇ gaˬ-awˇ, nawˬ-euˬ dawˬ-ahˇ naˇ haˬ geuꞈ-eu tsawˇ haˬ deuˬ kʼoeˇ taˆ, nawˬ-euˬ gʼoeˇ-eu gaˬ-eu jeˬ tiˬ jawˇ-iˬ maˬ tsehˆ-iˇ-a.

2 Laˬsaˬbaˬ 30:22

Sahˬpaˬ Miˬyehˇ-ahˇ uˬ duˬ tahˬ ngeh sheuˬ gʼeh-eu nya dui dui-eu miˇ neh, Leˬbiˇ tsawˇ haˬ deuˬ-ahˇ Heˬsaˬgiˇ ja ceuˬ nehˬ-euˬ meh. Shiꞈ nah keuˆ ni, aˬ yawꞈ maꞈ-ahˇ oꞈ-eu shaˬ bymˇ deuˬ dzaˬ-eu laꞈ kʼoeˇ cawˬ cawˬ taꞈ-eu lawˇ-eu jeˬ lawˇ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ ja ceuˬ-euˬ meh.

1 Saˬmeuˬlaˆ 14:43

“Nawˇ aˬ jeˬ mˇ teˬ” lehˇ Yawˇnaˆshaˬ-ahˇ Sawˇluˆ naˇ haˬ ngeh, “Ngaˇ byaˬ byaˬ uiˇ uiˆ cuiˆ dzaˬ-euˬ ma. Nymˬ-mˇ ngaˇ shiˇ-eu gʼaˇ duˬ noeˬ tsehˆ gʼaˬ taˬ-euˬ ma” lehˇ, Yawˇnaˆshaˬ ehˇ-eu meh.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Jaceuq 32:5

Kʼoeˇnaˇ yaw lehˬmaˬpaˇzaꞈni, ngaˬ-euˬ iˬbaˇja doˆ-euˬma. “Iˬbaˇkʼaˇmˇtaˬ-euˬdawˬtawˆ, SahˬpaˬMiˬyehˇ-ahˇdzawˇma” lehˇ, yawˬhaˇyawˬha ngaˇehˇngeh jawˇ, nawˇiˬbaˇpyehˬnehˬlaꞈ-euˬmeh.

Panmaeq 16:9

Aˬ yawꞈ maꞈ-aˬ, lahˇ dui dui-eu miˬ dzaˬ kʼoeˇ neh bi lahˇ-awˇ, kʼehˬ-eu kʼaˆ-eu kʼoeˇ deuˬ kʼoeˇ taˆ baoˬ jaˆ-eu gʼaˬ pyeuꞈ-eu Miˬyehˇ-euˬ tsawˇ myahˇ-ahˇ yaˬ kʼehˇ yaˬ-euˬ meh. Ehˇ kʼawꞈ, aˬ yawꞈ maꞈ iˬ baˇ maˬ noeˬ poˆ-ehˇ, aˬ yawꞈ huiˬ dui mahˇ dui dui gaˇ maˬ ja ceuˬ-a.

Yaˬkoˆ 1:20

A jeˬ miˇ neh ehˇ naˇ, tsawˇ haˬ zaˬ-euˬ nui ma pehˇ-eu jeˬ-aˬ, Miˬyehˇ neh noeˬ taˬ-euˬ yaw tsaˬ yaw dawˇ jeˬ maˬ mˇ doˆ laꞈ nya-a.

Tiˇtuˆ 2:2

Tsawˇ mawˬ tsawˇ kʼaˆ deuˬ-ahˇ, nui ma taˬ nya ni maˬ ehˇ, aˬ cawˬ yaw zeu baw paˬ-ehˇ dehꞈ nya ni maˬ ehˇ, yawˬ ha-euˬ nui ma-ahˇ gʼaˬ leˇ ni maˬ ehˇ, tsaˬ-eu muiˬ-eu jah-eu jeˬ ahˇ laˇ ni maˬ ehˇ, gʼoeˇ-eu gaˬ-eu jeˬ ahˇ laˇ ni maˬ ehˇ, daˬ coeˇ oˇ coeˇ-eu nui ma ahˇ laˇ ni maˬ ehˇ, mehˬ nehˬ-awˬ.

2 Tiˆmoˇseˬ 2:25

Yawˬ ha-ahˇ nui ma maˬ tsaˬ-eu tsawˇ haˬ deuˬ-ahˇ nui ma gʼawˬ mahˇ ni taˬ-awˇ mehˬ paˇ tsoˆ paˇ nya-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, Miˬyehˇ aˬ yawꞈ maꞈ-ahˇ bi noeˬ paˇ-awˇ, yaw tsaˬ yaw dawˇ jeˬ-ahˇ bi siˬ nya laˇ gaˇ noeˬ tmˬ kʼaˇ za-eu meh.

Lormav 10:10

Aˬ jeˬ miˇ neh ehˇ naˇ, aˬ dui jah-eu miˇ neh Miˬyehˇ-ahˇ tsaˬ leˇ tsahˇ leˇ-awˇ, aˬ dui saˇ kiˇ kamˬ-euˬ miˇ neh ka kʼoꞈ eu jeˬ za-euˬ ma.

Luˇkaꞈ 17:18

Aˬ cawˬ tsawˇ jeuˬ heu gʼaˬ maˬ ngeuˇ naˇ, gʼoꞈ dmˇ dzeh laˇ-awˇ, Miˬyehˇ-euˬ guiˬ lahˬ-ahˇ ja ceuˬ-eu maˬ siˬ nya ta loˇ.”

Iˇsaˬyaˇ 13:12

Tsawˇ haˬ zaˬ shuiˇ myaˆ-ehˇ maˬ myaˬ ni bi pyeuꞈ-iˇ-awˇ, Awˇpiˇlaˆ miˇ kʼahˬ-ahˇ jaˆ-eu shuiˇ miˇ tsaˬ zaˬ dawˬ tawˆ luꞈ myaˆ maˬ tseˇ myaˬ tehꞈ-a.

Jaceuq 51:3

Ngaˬ-euˬ yaw lehˬ-ahˇ ngaˇ noeˬ siˬ noeˬ mawˇ-awˇ, ngaˇ iˬ baˇ ahˇ meh lehˇ noeˬ-eu tiˬ jawˇ-iˬ maˬ jiˇ nya.

Yawˇshuˆ 7:20

Aˬkaˬ ehˇ-eu, “Ngeuˇ ma. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi ngaˇ iˬ baˇ mˇ-euˬ ma. Ngaˇ heu loꞈ-ehˇ jahˇ-euˬ ma.

2 Sahˬpaˬ 20:15

“Nawˬ-euˬ nymˇ laꞈ kʼoeˇ aˬ yawꞈ maꞈ aˬ jeˬ haw mawˇ taˬ” lehˇ Iˇsaˬyaˇ naˇ haˬ ngeh, “Aˬ yawꞈ maꞈ yawˬ jeˬ na luꞈ haw mawˇ jiˇ-euˬ meh. Ngaˬ-euˬ myawˬ jeˬ hmˬ duˬ-ahˇ kʼaˇ jaˆ-eu jeˬ, aˬ yawꞈ maꞈ-ahˇ maˬ mehˬ nehˬ-euˬ tiˬ jeˬ-iˬ maˬ paˇ jaˆ ma” lehˇ, Heˬsaˬgiˇ ehˇ-eu meh.