Yawˇshuˆ 7:15 - Akha

¹⁵ Ya laˆ luˬ ya laˆ seˇ jiˇ meh lehˇ ehˇ taˬ-euˬ myawˬ kʼoeˇ deuˬ yuˇ-euˬ ngaˬ neh laꞈ noeˇ toeˬ-euˬ tsawˇ haˬ kʼoeˇ gʼaˬ-ahˇ, aˬ yawꞈ-euˬ miˬ sawˇ zaˬ hawˇ-eu aˬ yawꞈ kʼaˇ jaˆ-eu yawˬ jeˬ na luꞈ nehˬ-ehˇ tiˬ kawˆ loꞈ-ehˇ, miˬ dzaˬ-ahˇ ya dzah puiˆ nehˬ meh. Aˬ jeˬ miˇ neh ehˇ naˇ, guˆ dui dui laˇ paˬ-ehˇ gʼeh-eu shaꞈ dawˇ-eu jeˬ Iˇsaˬleˬlaˆ tsawˇ haˬ kʼoeˇ taˆ keuˆ le ni aˬ yawꞈ mˇ-awˇ, ngaˬ-euˬ dawˬ ma saˇ jaˇ-ahˇ puiˬ-euˬ meh.”

Yawˇshuˆ 7:15 Referans Kwoze

Aˇ dahˬ 34:7

Kʼoeˇ ngeh, Yaˬkoˆ-euˬ aˬ li deuˬ deh yaˇ-ahˇ iˇ-euˬ gʼoꞈ keuˆ laˇ-euˬ tiˬ dehˬ meh. Yaˬkoˆ-euˬ aˬ buˇ-ahˇ Sheˬkmˬ neh yehˬ bawˬ sehˇ lu-ehˇ jahˇ nehˬ-awˇ, kʼoeˇ loꞈ-ehˇ gʼeh-eu maˬ jahˇ kʼmˬ-eu jeˬ Iˇsaˬleˬlaˆ tsawˇ haˬ-ahˇ jahˇ nehˬ laꞈ-euˬ gaˇ kawˆ-ahˇ, Yaˬkoˆ-euˬ aˬ li deuˬ ya gaˬ ngeh, nui ma daˆ laˇ taˬ-euˬ meh.

Yaˇ kʼaˬ daˇ 20:6

Aˬ yawꞈ-euˬ gʼawˇ mawˇ-ahˇ ngaˇ tseˇ nyiꞈ paˆ deuˆ paˆ-awˇ, Iˇsaˬleˬlaˆ tsawˇ jeuˬ tseˇ nyiꞈ jeuˬ-ahˇ, tiˬ jeuˬ-euˬ tiˬ paˆ biꞈ ha gʼeh-euˬ ma. Tsawˇ haˬ kʼoeˇ deuˬ-aˬ, aˬ dui maꞈ kʼoeˇ taˆ maˬ muiˬ maˬ jaˬ-euˬ haiˬ dui dui-eu jeˬ mˇ nehˬ laꞈ-euˬ meh.

2 Saˬmeuˬlaˆ 13:13

Ngaˇ aˬ joˆ-ehˇ jahˇ-awˇ, aˬ cawˬ-eu mehˬ shi myaˆ pyawˬ ciˬ doˆ saˇ nmˇ. Nawˇ kʼawꞈ Iˇsaˬleˬlaˆ miˇ kʼahˬ laꞈ kʼoeˇ daˬ ga dui dui tehꞈ-a. Sahˬpaˬ-ahˇ yaw muiˬ paˬ-ehˇ ehˇ mehˬ nehˬ naˇ, nawˇ ngaˬ-ahˇ ya sheuˬ-eu yaw duˬ baw tehꞈ-a.”

1 Saˬmeuˬlaˆ 26:21

Sawˇluˆ ehˇ-eu, “Ngaˇ mˇ-euˬ lehˬ law hawˇ nga. Ngaˬ li Daˬbiˇ-oˇ, gʼoꞈ laˇ-awˬ. Nawˬ-ahˇ laˆ tahˬ laˆ naˇ-eu jeˬ ngaˇ maˬ paˇ mˇ ma. Aˬ jeˬ miˇ neh nga lehˇ ehˇ naˇ, nymˇ ciꞈ nawˇ ngaˬ-ahˇ sehꞈ-eu yehꞈ dui dui laˇ-euˬ kʼawꞈ, maˬ sehꞈ ni bi dzeuˇ-iˇ laꞈ-euˬ meh. Ngaˇ-aˬ, tsawˇ uˬ tiˬ gʼaˬ law hawˇ miˇ-a. Guˆ dui dui laˇ paˬ-ehˇ gʼeh-eu jeˬ-ahˇ ngaˇ mˇ-euˬ nga.”

Yawˇshuˆ 7:11

Iˇsaˬleˬlaˆ tsawˇ jeuˬ iˬ baˇ mˇ-euˬ meh. Ngaˬ nehˬ-ehˇ saˇ jaˇ dzaˬ taˬ-euˬ loꞈ-ehˇ aˬ yawꞈ maꞈ maˬ mˇ-aˬ. Ya laˆ luˬ ya laˆ seˇ jiˇ meh lehˇ ehˇ taˬ-euˬ myawˬ tiˬ paˆ na deuˬ aˬ yawꞈ maꞈ yuˇ geuꞈ-euˬ meh. Aˬ yawꞈ maꞈ smˇ kʼoeˬ kʼoeˬ-awˇ jaˬ myawꞈ myawꞈ-eu laꞈ kʼoeˇ, myawˬ kʼoeˇ deuˬ-ahˇ aˬ yawꞈ maꞈ-euˬ myawˬ nehˬ-ehˇ bi jaˆ-euˬ meh.

Yawˇshuˆ 7:16

Yawˬ shawˬ yawˬ, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ-ahˇ mehˬ hu paw Yawˇshuˆ bi doˆ laˇ ngeh, Yuˇdaˆ tsawˇ jeuˬ-ahˇ laꞈ noeˇ bi toeˬ-euˬ meh.

Yaˇ kʼaˬ daˇ 20:5

Giˇbyaˬ meuˬ-ahˇ jawˇ-eu tsawˇ haˬ deuˬ ngaˬ-ahˇ yehˬ baw sehˇ lu-ehˇ gʼeh-eu lehˇ, nga nyaꞈ dzeˇ zaˬ yaꞈ luꞈ-eu nymˇ-ahˇ uˬ ciꞈ paw loꞈ jawˬ le-euˬ meh. Ngaˬ-ahˇ sehꞈ-eu lehˇ aˬ yawꞈ maꞈ uiˬ laˇ-euˬ jeˬ pyeuꞈ-eu meh. Ehˇ kʼawꞈ, ngaˬ-eu ma nyiˇ-ahˇ aˬ yawꞈ maꞈ kʼaˇ gʼeh mawꞈ-eu gʼeh nehˬ-awˇ bi shiˇ-euˬ meh.

Yaˇ kʼaˬ daˇ 20:10

Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ tseˇ bymˇ tiˬ bymˇ-aˬ, dzaˬ dzaˬ dawˇ dawˇ bi sha-awˇ, Dzeˇ-eu deuˬ Giˇbyaˬ meuˬ-ahˇ guiˇ deuˆ-iˇ-awˇ, Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ neh mˇ-euˬ yaw haiˬ jeˬ gʼaˇ duˬ, aˬ yawꞈ maꞈ-ahˇ kʼehˬ nehˬ kʼaˆ nehˬ-iˇ ma.”