Yawˇshuˆ 6:6 - Akha

⁶ Yawˇshuˆ piˇ ma deuˬ-ahˇ kuˇ-awˇ ehˇ nehˬ-eu, “Dawˬ ma saˇ jaˇ Bahˬ keuˆ baꞈ-awˇ, kʼoeˇ-euˬ mehˬ hu paw piˇ ma shiꞈ gʼaˬ daˇ heh baꞈ-awˇ cah-awˬ.”

Yawˇshuˆ 6:6 Referans Kwoze

Gʼaˬkʼehˇ 9:1

Kʼoeˇ ngeh, Sawˇluˆ-aˬ, Sahˬpaˬ Yeˬsuˇ-euˬ mehˬ nah kʼaˇ caw teh-eu tsawˇ haˬ deuˬ-ahˇ sehꞈ ma lehˇ lmˬ lmˬ-ehˇ kʼaˬ-euˬ meh. Piˇ ma Yaw huiˬ gʼaˬ jawˇ gaˇ aˬ yawꞈ le-awˇ,

Yawˇshuˆ 6:8

Yawˇshuˆ neh dawˬ biꞈ nehˬ-euˬ loꞈ-ehˇ, daˇ heh baw luꞈ-eu piˇ ma deuˬ mehˬ hu, guiˇ daˬ daˬ-eu guiˇ maꞈ doˆ-iˇ-euˬ meh. Kʼoeˇ-euˬ naˇ kʼah, Dawˬ ma saˇ jaˇ Bahˬ keuˆ baꞈ luꞈ-eu piˇ ma deuˬ doˆ-iˇ-awˇ, naˇ kʼah paw jawˇ saˬ saˬ-eu guiˇ guiˇ maꞈ tiˬ maꞈ caw teh luꞈ-eu meh. Kʼoeˇ loꞈ-ehˇ doˆ-iˇ luꞈ ngeh, daˇ heh teˇ saˇ maˬ tsehˆ leˇ ni baw luꞈ-eu meh.

Yawˇshuˆ 3:6

Kʼoeˇ naˇ, “Dawˬ ma saˇ jaˇ Bahˬ keuˆ baꞈ-awˇ, Iˇsaˬleˬlaˆ tsawˇ haˬ deuˬ-euˬ mehˬ hu doˆ-iˇ-awˬ” lehˇ, piˇ ma deuˬ-ahˇ Yawˇshuˆ ehˇ nehˬ ngeh, aˬ yawꞈ neh ehˇ-euˬ loꞈ-ehˇ aˬ yawꞈ maꞈ doˆ-iˇ-euˬ meh.

Yawˇshuˆ 3:3

Iˇsaˬleˬlaˆ tsawˇ haˬ deuˬ-ahˇ ehˇ nehˬ-eu, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-ahˇ piˇ ma deuˬ baꞈ-awˇ doˆ-iˇ-eu naw maꞈ ya mawˇ ngeh, yawˬ ha-euˬ sehˬ gʼawˆ laˆ luiˆ-awˇ caw teh gʼeh-awˬ.

Doˆ-iˇ 25:14

Bahˬ keuˆ-ahˇ baꞈ-eu gʼaˇ duˬ, bahˬ keuˆ kʼoeˇ paˆ maˇ paˆ tsoꞈ-eu shuiˇ laꞈ naˬ laꞈ kʼoeˇ, kʼaˆ baꞈ kawˬ cawˬ ahˇ taˬ-awˬ.

Yawˇshuˆ 6:5

Kʼoeˇ naˇ, aˬ yawꞈ maꞈ-ahˇ daˇ heh teˇ saˇ gʼawˬ mahˇ ni bi baw yeu gʼeh-awˬ. Teˇ saˇ kʼoeˇ naw maꞈ ya gaˬ-eu nehˬ-ehˇ, tsawˇ haˬ dawˬ tawˆ luꞈ guˇ kʼaˆ leꞈ-awˬ. Kʼoeˇ ngeh, meuˬ meuˬ lahˇ byaˆ le tehꞈ-a. Kʼoeˇ naˇ, guiˇ guiˇ maꞈ maꞈ lah-ehˇ meuˬ laꞈ kʼoeˇ uˇ leˇ-awˬ.”

Yawˇshuˆ 6:7

Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ mehˬ hu guiˇ daˬ daˬ-eu guiˇ maꞈ tiˬ maꞈ cah-awˇ, meuˬ-ahˇ cah jawˬ-eu gʼaˇ duˬ, aˬ yawꞈ-euˬ tsawˇ haˬ deuˬ-ahˇ Yawˇshuˆ dawˬ biꞈ-euˬ meh.

1 Saˬmeuˬlaˆ 4:3

Maˬ shiˇ-ehˇ dzeˇ-eu deuˬ taˆ-ahˇ gʼoꞈ keuˆ laˇ ngeh, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ ehˇ-eu, “Iˬ nah aˬ jeˬ miˇ neh Sahˬpaˬ Miˬyehˇ Piˇliˇtiˆ tsawˇ haˬ deuˬ neh aˬ dui maꞈ-ahˇ bi deuˆ gʼaˬ-euˬ maˬ siˬ ngaˇ. Sahˬpaˬ Miˬyehˇ aˬ dui nehˬ-ehˇ iˇ-awˇ, aˬ dui-ahˇ muiˇ-eu deuˬ-euˬ aˬ laꞈ laꞈ kʼoeˇ aˬ dui-ahˇ ka kʼoꞈ nehˬ laꞈ ni, Shiˇloˬ meuˬ-ahˇ jaˆ-eu aˬ yawꞈ-euˬ Dawˬ ma saˇ jaˇ Bahˬ keuˆ baꞈ laˬ leˇ kaˇ-euˇ.”

Yawˇshuˆ 24:11

Kʼoeˇ naˇ, naw maꞈ Yawˇdaˬ lawˇ baˬ tsehˆ doˆ-awˇ, Yeˬliˇkoˇ meuˬ-ahˇ laˇ-euˬ meh. Kʼoeˇ ngeh, Yeˬliˇkoˇ meuˬ-ahˇ jawˇ-eu tsawˇ haˬ deuˬ naw maꞈ-ahˇ guˆ dui dui-eu meh. Kʼoeˇ loꞈ-ehˇ duˇ ni, Aˬmawˇliˆ tsawˇ jeuˬ, Paˬyehˆ tsawˇ jeuˬ, Kaˬnaˬ tsawˇ jeuˬ, Heˬtaˆ tsawˇ jeuˬ, Geuˬgaˬshaˆ tsawˇ jeuˬ, Hiˇbiˇ tsawˇ jeuˬ hawˇ-eu, Yeˬbuˇ tsawˇ jeuˬ deuˬ kʼawꞈ, naw maꞈ-ahˇ guˆ dui dui-euˬ meh. Ehˇ kʼawꞈ, naw maꞈ-ahˇ aˬ yawꞈ maꞈ dawˬ tawˆ luꞈ kʼoeˇ taˆ bi gʼaˬ leˇ-euˬ ma.