Yawˇshuˆ 6:24 - Akha

²⁴ Kʼoeˇ naˇ, meuˬ-ahˇ aˬ yawꞈ maꞈ miˬ dzaˬ keuˬ doꞈ-awˇ, meuˬ hawˇ-eu meuˬ laꞈ kʼoeˇ kʼaˇ jaˆ-eu yawˬ jeˬ na luꞈ puiˆ byoˆ jiˇ-euˬ meh. Shuiˇ, pyuˇ, guiˬ shuiˇ hawˇ-eu shmˇ neh kʼaˇ jahˇ taˬ-euˬ mˇ myawˬ deuˬ tehꞈ-ehˇ aˬ yawꞈ maꞈ yuˇ-awˇ, Sahˬpaˬ Miˬyehˇ-euˬ pyuˇ daˬ laꞈ kʼoeˇ dawˆ ahˇ-euˬ meh.

Yawˇshuˆ 6:24 Referans Kwoze

Yawˇshuˆ 8:28

Yawˇshuˆ-aˬ, Aˬiˇ meuˬ-ahˇ miˬ dzaˬ keuˬ dzeh-awˇ bi jaˆ yaꞈ-euˬ meh. Iˬ nah keuˆ ni kʼoeˇ loꞈ-ehˇ jaˆ luꞈ-eu meh.

Panmaeq 17:16

Nawˬ neh ya mawˇ-euˬ uˬ coeˇ kʼoeˇ tseˇ coeˇ hawˇ-eu jeˬ zaˬ yaw haiˬ kʼoeˇ mawˇ meh maˬ laˇ kʼoeˇ gʼaˬ-ahˇ muiˇ-awˇ, aˬ yawꞈ kʼaˇ jaˆ-eu jeˬ dawˬ tawˆ luꞈ yuˇ geuꞈ jiˇ-awˇ, neˇ myawˆ ni byehˇ dzeh yaꞈ tehꞈ-a. Aˬ yawꞈ maꞈ aˬ yawˬ-euˬ shaˬ jiˇ dzaˬ-awˇ, aˬ yawꞈ-ahˇ miˬ dzaˬ keuˬ dzeh tehꞈ-a.

2 Sahˬpaˬ 25:9

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, Yeˬluˇsaˬlehˬ meuˬ laꞈ kʼoeˇ tsawˇ myahˇ doˆ-eu tsawˇ haˬ deuˬ-euˬ nymˇ dawˬ tawˆ luꞈ maˬ ehˇ, aˬ yawꞈ neh miˬ dzaˬ keuˬ dzeh jiˇ-euˬ meh.

Panmaeq 18:8

Kʼoeˇ naˆ ni jahˇ gʼeh-eu miˇ neh, aˬ yawꞈ kʼoeˇ taˆ shaˬ zahˬ guˆ gaˆ, shiˇ-eu naˇ-eu mehꞈ-eu shuꞈ-eu, tiˬ nah kaꞈ dzahˬ-awˇ oe tehꞈ-a. Yaˇ kʼaˬ daˇ-eu Sahˬpaˬ Miˬyehˇ, baoˬ huiˬ dui dui-eu baˬ da neh, yawꞈ-ahˇ miˬ dzaˬ puiˆ dzeh tehꞈ-a.”

Dawˬmehˬ 13:16

Tsawˇ haˬ kʼoeˇ deuˬ-euˬ myawˬ gahˬ dawˬ tawˆ luꞈ, meuˬ gʼahˇ lahˇ ceh jaˆ-eu deh ga-ahˇ baꞈ bymˇ-awˇ, meuˬ kʼoeˇ meuˬ hawˇ-eu kʼoeˇ gaˇ kʼaˇ jaˆ-eu jeˬ dawˬ tawˆ luꞈ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ lawˇ-eu jeˬ loꞈ-ehˇ dzah puiˆ dzeh-awˬ. Laˆ luˬ laˆ seˇ nehˬ-euˬ meuˬ kʼoeˇ meuˬ-ahˇ, tiˬ jawˇ-iˬ maˬ paˇ tsoˆ muiˬ ni, mˬ maˬ maˬ byaˆ zaˇ ziˇ kʼoeˇ loꞈ-ehˇ ya bi jaˆ meh.

Yawˇshuˆ 6:19

Pyuˇ, shuiˇ, guiˬ shuiˇ hawˇ-eu shmˇ neh kʼaˇ jahˇ taˬ-euˬ jeˬ dawˬ tawˆ luꞈ, Sahˬpaˬ Miˬyehˇ gʼaˇ duˬ ya bi jaˆ meh. Kʼoeˇ deuˬ-ahˇ Sahˬpaˬ Miˬyehˇ-euˬ pyuˇ daˬ laꞈ kʼoeˇ ya dawˆ ahˇ meh.”

Dawˬmehˬ 20:16

“Ehˇ kʼawꞈ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ biꞈ-eu lehˇ gʼeh-eu miˇ kʼahˬ laꞈ kʼoeˇ jaˆ-eu meuˬ deuˬ-ahˇ nawˇ guiˇ deuˆ gʼaˬ ngeh, kʼaˇ jawˇ-eu tsawˇ haˬ yawˬ gʼaˬ na luꞈ maˬ bi dzeuˇ-iˇ ni nawˇ ya sehꞈ meh.

Yawˇshuˆ 6:25

Ehˇ kʼawꞈ, meh maˬ laˇ Laˬhaˇ hawˇ-eu aˬ yawꞈ-euˬ aˬ yuiꞈ aˬ nyiˇ deuˬ-ahˇ Yawˇshuˆ bi dzeuˇ-iˇ-euˬ meh. Aˬ jeˬ miˇ neh ehˇ naˇ, Yawˇshuˆ neh Yeˬliˇkoˇ meuˬ-ahˇ bi kʼoeˬ sho haw leˇ-euˬ tsawˇ haˬ kʼoeˇ nyiˬ gʼaˬ-ahˇ, Laˬhaˇ neh sheuˬ zaꞈ nehˬ-euˬ meh. Laˬhaˇ-euˬ zaˬ deuˬ uˆ deuˬ iˬ nah keuˆ ni Iˇsaˬleˬlaˆ miˇ kʼahˬ laꞈ kʼoeˇ jawˇ luꞈ-eu meh.

Bawˇtsahˬ 31:10

Aˬ yawꞈ maꞈ-euˬ meuˬ hawˇ-eu pu dawˬ tawˆ luꞈ-ahˇ kʼawꞈ, miˬ dzaˬ keuˬ puiˆ dzeh-euˬ meh.

Dawˬmehˬ 13:17

Sahˬpaˬ Miˬyehˇ nui ma pehˇ-eu shuꞈ-iˇ-awˇ, naw maꞈ-ahˇ gʼawˬ shaˬ gaˬ ni, bi laˆ luˬ bi laˆ seˇ-eu gʼaˇ duˬ yaˬ kʼehˇ yaˬ nehˬ taˬ-euˬ myawˬ kʼoeˇ deuˬ, naw maꞈ gʼaˇ duˬ maˬ ya yuˇ geuꞈ-a. Iˬ nah naw maꞈ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˇ, aˬ yawꞈ neh kʼaˇ bi mˇ-euˬ jeˬ-ahˇ naw maꞈ mˇ naˇ, naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ loꞈ-ehˇ,

Yawˇshuˆ 11:11

Tsawˇ haˬ tiˬ gʼaˬ-iˬ maˬ bi dzeuˇ-iˇ ni sehꞈ-awˇ, meuˬ-ahˇ miˬ dzaˬ keuˬ dzeh-euˬ meh.

2 Saˬmeuˬlaˆ 10:5

Tsawˇ haˬ kʼoeˇ deuˬ shaꞈ dawˇ dui dui-eu miˇ neh, iˇ kahˇ-ahˇ maˬ gʼoꞈ keuˆ leˇ peuꞈ-a. Kʼoeˇ loꞈ-ehˇ pyeuꞈ laˇ-euˬ gaˇ kawˆ-ahˇ Daˬbiˇ ya gaˬ ngeh, aˬ yawꞈ maꞈ-euˬ mehˬ mahˬ maˬ mahˇ le kʼoeˇ keuˆ ni, iˇ kahˇ-ahˇ maˬ gʼoꞈ laˇ-ehˇ Yeˬliˇkoˇ meuˬ-ahˇ jawˇ naˬ tawˬ-eu gʼaˇ duˬ bi tsaꞈ gaˬ-iˇ-euˬ meh.

1 Laˬsaˬbaˬ 18:11

Laꞈ sawˬ kʼoeˇ deuˬ-ahˇ sahˬ paˬ Daˬbiˇ yuˇ-awˇ, aˬ yawꞈ neh deuˆ gʼaˬ-euˬ Eˬdoˬ miˇ kʼahˬ, Mawˇbaˆ miˇ kʼahˬ, Aˬmoˬ miˇ kʼahˬ, Piˇliˇtiˆ miˇ kʼahˬ, Aˬmaˬlehˇ miˇ kʼahˬ, heu deuˬ-ahˇ za-euˬ pyuˇ hawˇ-eu shuiˇ deuˬ nehˬ-ehˇ tiˬ kawˆ loꞈ-ehˇ, uˬ duˬ tahˬ gaˇ zmˬ-eu gʼaˇ duˬ damˬ-euˬ meh.