Yawˇshuˆ 6:1 - Akha

¹ Yeˬliˇkoˇ meuˬ-euˬ meuˬ lahˇ laˇ gʼoˆ deuˬ piˬ tehˬ taˬ-awˇ, Iˇsaˬleˬlaˆ tsawˇ haˬ deuˬ maˬ uˇ leˇ nya ni loꞈ jawˬ taˬ-euˬ meh. Tsawˇ haˬ tiˬ gʼaˬ-iˬ maˬ uˇ leˇ nya-eu uˬ taꞈ, doˆ kʼawꞈ maˬ doˆ le nya-a.

Yawˇshuˆ 6:1 Referans Kwoze

Yawˇshuˆ 2:24

Aˬ yawꞈ nyaꞈ ehˇ-eu, “Miˇ kʼahˬ kʼoeˇ kʼahˬ kʼahˬ lah ni Sahˬpaˬ Miˬyehˇ aˬ dui-ahˇ biꞈ laꞈ-eu yaw duˬ baw meh. Kʼoeˇ gaˇ jawˇ-eu tsawˇ haˬ dawˬ tawˆ luꞈ aˬ dui-ahˇ guˆ dui dui luꞈ meh.”

Jaceuq 127:1

Sahˬpaˬ Miˬyehˇ neh tsoˆ-euˬ maˬ ngeuˇ naˇ, nymˇ tsoˆ-eu tsawˇ haˬ deuˬ neh mˇ-euˬ gaˇ yawꞈ ngehꞈ meh. Sahˬpaˬ Miˬyehˇ neh loꞈ piˇ-euˬ maˬ ngeuˇ naˇ, meuˬ-ahˇ loꞈ piˇ-eu tsawˇ haˬ deuˬ maˬ yuꞈ ni loꞈ kʼawꞈ yawꞈ ngehꞈ meh.

Yawˇshuˆ 2:7

Sahˬ paˬ-euˬ tsawˇ haˬ kʼoeˇ deuˬ meuˬ-ahˇ neh doˆ-iˇ-awˇ, meuˬ meuˬ lahˇ laˇ gʼoˆ piˬ tehˬ-euˬ meh. Kʼoeˇ naˇ, kʼoeˬ sho haw laˇ-euˬ Iˇsaˬleˬlaˆ tsawˇ haˬ kʼoeˇ nyiˬ gʼaˬ-ahˇ, Yawˇdaˬ lawˇ baˬ lawˇ deh-ahˇ keuˆ ni aˬ yawꞈ maꞈ poˆ keuˆ-iˇ-euˬ meh.

2 Sahˬpaˬ 17:4

Ehˇ kʼawꞈ, tiˬ kʼoꞈ-aˬ, Soˇ lehˇ myahˇ-euˬ Iˇjiˇtuˆ sahˬ paˬ jawˇ gaˇ Awˇsheˬ tsawˇ haˬ pyehˬ gʼeh-awˇ, laꞈ jeuˬ shaˇ-eu laꞈ kʼoeˇ, Aˬshuˇliˆ miˇ kʼahˬ-ahˇ kawˬ maˬ doˆ nehˬ ni jawˇ-euˬ meh. Gaˇ kawˆ kʼoeˇ Shaˬmaˬneˬzaˬ ya siˬ ngeh, Awˇsheˬ-ahˇ nyehꞈ-awˇ, tawˬ-ahˇ dawˆ-euˬ meh.

Yawˇshuˆ 5:15

Sahˬpaˬ Miˬyehˇ-euˬ guiˇ maꞈ-ahˇ aˬ yuiꞈ geuꞈ-awˇ uˆ lahˇ-eu gʼaˬ ehˇ-eu, “Nawˬ-euˬ sehˬ nawˆ lehˆ-awˬ. Nawˇ yawꞈ luꞈ-eu jawˇ duˬ heu muiˬ-eu shawˇ-eu jawˇ duˬ pyeuꞈ-eu meh.” Yawˇshuˆ gʼeh aˬ yawꞈ-ahˇ kʼaˇ ehˇ nehˬ-euˬ loꞈ-ehˇ mˇ-euˬ meh.

Yawˇshuˆ 6:2

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Yeˬliˇkoˇ meuˬ-euˬ sahˬ paˬ hawˇ-eu aˬ yawꞈ-euˬ kʼaˆ dui dui-eu guiˇ deuˆ-eu tsawˇ haˬ deuˬ nehˬ-ehˇ tiˬ kawˆ loꞈ-ehˇ, Yeˬliˇkoˇ meuˬ kʼoeˇ nawˬ-euˬ aˬ laꞈ laꞈ kʼoeˇ ngaˇ a nehˬ-eu ma.

Yawˇshuˆ 2:1

Kʼoeˇ ngeh, Kaˬnaˬ miˇ kʼahˬ-ahˇ bi kʼoeˬ sho haw leˇ-awˇ, Yeˬliˇkoˇ meuˬ-ahˇ yaw muiˬ paˬ-ehˇ bi pyehˆ tseˇ haw leˇ-eu gʼaˇ duˬ, Aˬkaˬshaˇ lehˇ kuˇ-eu jawˇ duˬ-ahˇ neh tsawˇ haˬ nyiˬ gʼaˬ Yawˇshuˆ pyehˬ gʼeh-euˬ meh. Meuˬ kʼoeˇ meuˬ-ahˇ aˬ yawꞈ nyaꞈ le keuˆ ngeh, Laˬhaˇ lehˇ myahˇ-euˬ meh maˬ laˇ tiˬ gʼaˬ-euˬ nymˇ-ahˇ yaꞈ-euˬ meh.

Yawˇshuˆ 16:7

Yaˬnoˇaˬ meuˬ-ahˇ neh naˇ, Aˬtaˬyoˆ meuˬ hawˇ-eu Naˬlahˬ meuˬ paw iˇ ka-awˇ, Yeˬliˇkoˇ meuˬ-ahˇ neh Yawˇdaˬ lawˇ baˬ-ahˇ iˇ dahˬ-euˬ meh.

Yawˇshuˆ 18:21

Beˬyaˬmiˬ tsawˇ jeuˬ deuˬ za-euˬ meuˬ deuˬ-aˬ, Yeˬliˇkoˇ meuˬ, Behˬhawˇgaˬlaˇ meuˬ, Eˬmehˇkeˬziˇ meuˬ,

2 Saˬmeuˬlaˆ 10:5

Tsawˇ haˬ kʼoeˇ deuˬ shaꞈ dawˇ dui dui-eu miˇ neh, iˇ kahˇ-ahˇ maˬ gʼoꞈ keuˆ leˇ peuꞈ-a. Kʼoeˇ loꞈ-ehˇ pyeuꞈ laˇ-euˬ gaˇ kawˆ-ahˇ Daˬbiˇ ya gaˬ ngeh, aˬ yawꞈ maꞈ-euˬ mehˬ mahˬ maˬ mahˇ le kʼoeˇ keuˆ ni, iˇ kahˇ-ahˇ maˬ gʼoꞈ laˇ-ehˇ Yeˬliˇkoˇ meuˬ-ahˇ jawˇ naˬ tawˬ-eu gʼaˇ duˬ bi tsaꞈ gaˬ-iˇ-euˬ meh.

2 Sahˬpaˬ 2:4

Kʼoeˇ naˇ, Eˇliˇyaˆ neh Eˇliˇshehˇ-ahˇ, “Nawˇ heu gʼaˇ jawˇ yaꞈ-awˬ. Sahˬpaˬ Miˬyehˇ ngaˬ-ahˇ Yeˬliˇkoˇ meuˬ-ahˇ iˇ-awˬ lehˇ dawˬ biꞈ taˬ-euˬ meh” lehˇ ehˇ nehˬ-euˬ meh. Ehˇ kʼawꞈ, “Sahˬpaˬ Miˬyehˇ hawˇ-eu nawˇ kʼaˇ dehꞈ kʼoeˇ keuˆ ni, nawˬ-ahˇ ngaˇ maˬ gʼawˬ-iˇ lehˇ kamˬ-eu ma” lehˇ, Eˇliˇshehˇ paˇ ehˇ kʼoꞈ nehˬ-euˬ meh. Kʼoeˇ naˇ, aˬ yawꞈ nyaꞈ Yeˬliˇkoˇ meuˬ-ahˇ iˇ-euˬ meh.