Yawˇshuˆ 5:4 - Akha

^4-6 Iˇsaˬleˬlaˆ tsawˇ haˬ deuˬ Iˇjiˇtuˆ miˇ kʼahˬ-ahˇ neh doˆ laˇ ngeh, kʼaˬ dzeˇ zaˬ dawˬ tawˆ luꞈ baˆ kʼoˆ mehˬ dzaˬ yehˬ gʼaˬ-euˬ meh. Ehˇ kʼawꞈ, Iˇsaˬleˬlaˆ tsawˇ haˬ deuˬ bawˇ tsahˬ bawˇ dahˇ-ahˇ cah luꞈ-eu oeˬ tseˇ kʼoꞈ aˇ yamˬ laꞈ kʼoeˇ dehꞈ le-euˬ aˬ li tiˬ gʼaˬ-iˬ baˆ kʼoˆ mehˬ dzaˬ maˬ yehˬ-aˬ siˬ. Aˇ yamˬ kʼoeˇ yamˬ jiˇ le ngeh, Iˇjiˇtuˆ miˇ kʼahˬ-ahˇ neh doˆ laˇ ngeh guiˇ kʼaˇ deuˆ nya laˇ-euˬ kʼaˬ dzeˇ zaˬ deuˬ shiˇ dzeuˇ jiˇ-euˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maꞈ maˬ naˇ haˬ geuꞈ-aˬ. Sahˬpaˬ Miˬyehˇ neh kamˬ taˬ-euˬ loꞈ-ehˇ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ miˇ tsaˬ miˇ muiˬ muiˬ dui dui-awˇ baw le za le-eu miˇ kʼahˬ kʼoeˇ kʼahˬ laꞈ kʼoeˇ aˬ yawꞈ maꞈ-ahˇ maˬ bi uˇ leˇ-a.

Yawˇshuˆ 5:4 Referans Kwoze

1 Gawˇliˬtu 10:5

Ehˇ kʼawꞈ, aˬ yawꞈ maꞈ myaˬ ni tiˬ paˆ-ahˇ Miˬyehˇ nui ma maˬ tsaˬ-eu miˇ neh, bawˇ tsahˬ bawˇ dahˇ kʼaˇ shuiꞈ deh yaˇ-ahˇ bi shiˇ dzeh-euˬ meh.

Dawˬmehˬ 2:16

“Aˬ yawꞈ maꞈ shiˇ dzeuˇ jiˇ ngeh,

Dawˬmehˬ 2:14

Kʼoeˇ ngeh, Kaˬdeˬshaˇbaˬneˬ-ahˇ neh aˬ dui maꞈ doˆ laˇ-euˬ smˬ tseˇ yehꞈ kʼoꞈ byah laˇ-euˬ meh. Sahˬpaˬ Miˬyehˇ neh ehˇ taˬ-euˬ loꞈ-ehˇ, kʼoeˇ ziˇ laꞈ kʼoeˇ guiˇ kʼaˇ deuˆ-eu tsawˇ haˬ deuˬ shiˇ dzeuˇ jiˇ-euˬ meh.

Bawˇtsahˬ 14:22

tsawˇ haˬ heu deuˬ laꞈ kʼoeˇ tiˬ gʼaˬ-iˬ miˇ kʼahˬ kʼoeˇ kʼahˬ laꞈ kʼoeˇ uˇ keuˆ leˇ ngeh keuˆ ni maˬ ya dehꞈ keuˆ-eu jeˬ kʼawꞈ, yaw duˬ baw tehꞈ-a. Ngaˬ-euˬ yaw shehꞈ kʼahˬ sehˇ laꞈ kʼoeˇ ngaˇ jawˇ luꞈ-eu jeˬ-ahˇ maˬ ehˇ, Iˇjiˇtuˆ miˇ kʼahˬ laꞈ kʼoeˇ hawˇ-eu bawˇ tsahˬ bawˇ dahˇ laꞈ kʼoeˇ ngaˬ neh mˇ-euˬ zahˬ leˇ paˬ-ehˇ gʼeh-eu jeˬ-ahˇ maˬ ehˇ, aˬ yawꞈ maꞈ ya mawˇ gʼaˬ-euˬ kʼawꞈ, ngaˬ-euˬ oˇ oꞈ nya-eu nui ma-ahˇ aˬ yawꞈ maꞈ tiˬ poˆ saˇ-iˬ tiˬ poˆ lawˬ haw-awˇ, ngaˬ-euˬ ehˇ dawˬ-ahˇ maˬ naˇ haˬ geuꞈ-a.

Yawˇshuˆ 5:3

Kʼoeˇ ngeh, Sahˬpaˬ Miˬyehˇ neh dawˬ biꞈ nehˬ-euˬ loꞈ-ehˇ, Yawˇshuˆ mˇ-awˇ, Baˆ kʼoˆ mehˬ dzaˬ yehˬ-euˬ gawˬ duˇ lehˇ kuˇ-eu jawˇ duˬ-ahˇ, Iˇsaˬleˬlaˆ tsawˇ haˬ deuˬ-ahˇ aˬ yawꞈ baˆ kʼoˆ mehˬ dzaˬ yehˬ mehˬ-euˬ meh.